Сообраќајот на магистралниот пат Штип - Кочани во близина на село Тркање е во прекин поради сообраќајна незгода.

Од Авто мото сојузот на Македонија информираат дека возилата се пренасочуваат по експресниот пат.

The post Поради тешка сообраќајна несреќа во прекин е сообраќајот на магистралниот пат Штип-Кочани appeared first on Република.

Млад велешанец го загуби животот откако со возилото излета од коловозот во нова трагедија на експресниот пат Кочани-Штип.

Како што соопшти МВР, вчера во 09.50 часот во Полициската станица Кочани било пријавено дека на експресниот пат Кочани-Три чешми, на клучката за с.Спанчево, патничко возило „фиат стило“ со гевгелиски регистарски ознаки, управувано од Г.К.(21) од Велес, излетало од коловозот.

Од здобиените повреди на местото на настанот починал возачот, а од страна на лекар од Итната медицинска помош констатирана била смрт.

По наредба на Јавен обвинител телото на починатиот било дадено на обдукција. Извршен бил увид од увидна екипа од ОВР Кочани.

The post Нова трагедија на експресниот пат Кочани-Штип, загина 21-годишник appeared first on Република.

За само неколку часа на територија на СВР-Штип се случија три сообраќајни несреќи. Во 11:40 часот на стариот, односно регионалниот пат Штип-Велес, во близина на гробиштата кај Три Чешми се преврте возило марка голф, во кое имало две жени. Пренесени се во штипската Клиничка болница и се со телесни повреди.

Од штипската Клиничка болница за МИА информираат дека 42 годишниот работник кој косел трева, на експресниот пат Штип-Кочани, а во кој утринава удри возило марка сета леон е со тешки телесни повреди и е хоспитализиран на КАРИЛ во Клиничка болница-Штип.

https://republika.mk/vesti/crna-hronika/rabotnik-koj-kosel-treva-bil-udren-od-voziloto-shto-se-prevrti-na-patot-shtip-kochani/

Оваа сообраќајна несреќа се случи утринава во 7:40 часот на експресниот пат Штип-Кочани во близина на клучката кај Три Чешми.

Портпаролот на СВР-Штип, Гордана Панајотова за МИА вели дека во моментов се случила и трета сообраќајна несреќа на магистралниот пат Делчево-Македонска Каменица кај Биглата, во која што според првичните информации има повредено лице.

Повеќе детали најави во текот на денот.

The post По утринската несреќа, уште две сообраќајки кај Штип appeared first on Република.

Работникот И.К. (42) од Штип е тешко повреден во сообраќајката која се случи на експресниот пат Штип-Кочани. Тој утрово ја косел тревата покрај коловозот, кога бил удрен од возило марка „сеат леон“ управувано од 43-годишен возач С.М. од Пробиштип.

По ударот возилото се превртело, а полесно повреден е и возачот.

Двете лица се пренесени во Клиничка болница-Штип. Несреќата се случила на неколку километри на клучката кај Три Чешми. Во тек е увид од страна на јавен обвинител.

Поради сообраќајната несреќа која се случила утрово во 7.40 часот на експресниот пат Штип-Кочани, сообраќајот беше во прекин, информираа од АМСМ.

The post Работник кој косел трева бил удрен од возилото што се преврти на патот Штип-Кочани appeared first on Република.

Поради сообраќајна несреќа денеска од 7:40 часот сообраќајот на експресниот пат Штип – Кочани е во прекин, соопшти Авто мото сојузот на Македонија.

Од локалната телевизија ТВ Стар утрово известуваат од местото на несреќата. Станува збор за превртен автомобил „сеат леон“ со кочански регистарски таблички. Во несреќата нема жртви, а возачот на автомобилот се здобил со повреди.

The post Oва е превртениот автомобил кој го затвори патот Штип – Кочани appeared first on Република.

Поради сообраќајна несреќа денеска од 7:40 часот сообраќајот на експресниот пат Штип - Кочани е во прекин, соопшти Авто мото сојузот на Македонија.

Сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

The post Утрово тешка несреќа на патот Штип-Кочани, сообраќајот во прекин appeared first on Република.

Двaесет и четиригодишната Н.П од Скопје сопатничка во возилото „сеат ибица“ со скопски регистерски таблички и 52-годишниот Г.А од Кочани, сопатник во автомобилот „голф“ со кочански регистерски таблички, се жртвите во вчерашната сообраќајна несреќа, што се случи на експресниот пат Штип- Кочани во атарот на селото Жиганци, соопшти денеска за МИА портапролот на СВР-Штип, Гордана Панајотова.

Според информациите на СВР-Штип, во тешката сообраќајна несреќа во која учествуваа три возила „голф“ со кочански, „ситроен“ со винички и „сеат ибица“ со скопски регистерски таблички повредени се пет лица. МИА вчера информираше дека по првичната хоспитализација во кочанската Општа болница, пет пациенти се транспортирани во штипската Клиничка болница, од кои тројца беа на иследување во овој регионален центар, а двајца поради сериозноста на повредите беа транспортирани во Ургентниот центар во Скопје.

Обвинителство синоќа излезе и со соопштение веднаш по завршување на истрагата на лице место од страна на обвинителот од ОЈО-Кочани.

Јавен обвинител од ОЈО Кочани изврши увид на лице место, издадени се повеќе наредби за утврдување на причините за несреќата. На увидот присуствуваше и вешто лице од областа на сообраќајот, а според првичните сознанија до несреќата дошло при претекнување. Издадена е наредба за прибирање траги од лице место, за обдукција на телата на починатите, наредба за испитување на примероци од крв и урина од учесниците во несреќата, а ќе биде наредено и сообраќајно-техничко вештачење, се вели во вчерашното соопштение од обвинителството.

Експресниот пат Штип-Кочани за сообраќај беше пуштен синоќа во 19.30 часот.

The post 24-годишна скопјанка и 52-годишен кочанчанец се жртвите во тешкиот судир на патот Штип-Кочани appeared first on Република.

Тешка сообраќајна несреќа се случила попладнево на патот Штип – Кочани. Според информациите на телевизија М-нет, има и две лица загинати.

Министерството за внатрешни работи е на терен и врши увид. Од АМСМ информираат дека сообраќајот од 13.30 часот е во прекин во двата правци.

Наскоро повеќе информации.

The post Тешка несреќа на патот Штип-Кочани, има загинати appeared first on Република.

Едно лице загина во тешката сообраќајна несреќа што се случи на експресниот пат Штип-Кочани во близина на клучката кај Крупиште. Портапролот на СВР-Штип, Гордана Панајотова за МИА потврдува дека сообраќајната несреќа се случила околу 13.00 часот меѓу две товарни возила со беровски и скопски регистерски таблички.

На лице место е починат 62 годишен возач од Велес, кој управувал со пикап - возило со скопски регистерски таблички.

Командирот на ТППЕ-Штип, Дарко Коцев за МИА вели дека повикани се во 13.30 часот и учествувале во извлекување на повредени во камионот со беровски регистерски таблички, а во него имало возач и сопатник. Повредените се пренесени во штипската Клиничка болница. Шестмина пожарникари учествувале во акцијата за извлекување на повредените од камионот, кој превезувал жито.

Портпаролот на СВР-Штип, Панајотова, информира дека увидот од страна на полицијата и обвинител се уште трае, а сообраќајот на експресниот пат Штип-Кочани е во прекин. Полициски службеници го пренасочуваат по стариот регионалн пат.

The post Загина возач во тешка сообраќајна несреќа на експресниот пат Штип-Кочани appeared first on Република.

Тешка сообраќајна несреќа се случи вечерва кај Три чешми на патот Штип-Кочани, каде во моментов е запрен сообраќајот.

Според очевидците, автомобилот кој учествувал во сообраќајната несреќа нагло преминал во лентата на автобусот и удрил во него. Автобусот свирел и кочел, но не успеал да го избегне ударот, бидејќи автомобилот возел со голема брзина.

Патниците од автомобилот, кои биле двајца, едниот е во несвесна состојба и е тешко повреден, а другиот е во полусвесна состојба.

Патниците од автобусот не се повредени. Очевидци од автобусот за „Република“ велат дека тие во автомобилот најверојатно биле под дејство на алкохол.

Брзата помош е на лице место и им се пружа помош на повредените од автомобилот.

Патниците од автобусот сведочат дека возачот видел дека автомобилот иде право на нив, и ги предупредил, но не успеал да го избегне судирот.

Сведокот од автобусот видо потресен за „Република“ сведочи:

-Јас спиев кога слушнав чкрипење и свирење, а потоа силен тресок. Почна да мириса на бензин. Другарка ми почна да вика излегувај, излегувај, мириса на бензин. За среќа нема повредени во автобусот, иако испаничивме. Во моментов чекаме превоз, никој ништо не знае, мрзнеме надвор час и половина чекаме увид. Има густа магла, а полицијата не дозволува да влеземе во автобусот.

Полицијата го обезбедува местото, се чека увид од Јавен обвинител.

The post Тешка сообраќајна несреќа се случи вечерва кај Три чешми на патот Штип-Кочани, во моментов е запрен сообраќајот appeared first on Република.

Премиерот Димитар Ковачевски, министерот за транспорт и врски Благој Бочварски и директорот на ЈП за Државни патишта, Ејуп Рустеми денеска присуствуваа и говореа на настан по повод пуштањето во употреба на делницата Крупиште - Кочани од експресниот пат Штип - Кочани.

„Изградбата на нови патишта, подобра и модерна инфраструктура и инвестирањето во капитални објекти со кои се подобрува квалитетот на животот на граѓаните и се обезбедуваат подобри услови за работа на компаниите е врвен приоритет на Владата. Денеска пуштаме во употреба токму ваква значајна инвестиција за целиот Источен регион од државата, односно делницата Крупиште Кочани од експресниот пат Штип - Кочани. Со оваа инвестиција уште еднаш ги потврдуваме нашите заложби за рамномномерен развој на целата држава и обезбедување на подобра конекција помеѓу градовите.

Со изградбата на експресниот пат се овозможува брзо и современо поврзување помеѓу Штип и Кочани, со што го забрзуваме и олеснуваме патувањето за граѓаните од овој крај. Се намалуваат километрите пат и времетраењето на патувањето, но најважно од сѐ се зголеми безбедноста во сообраќајот“, рече премиерот Ковачевски.

Министерот Бочварски истакна дека со новиот експресен пат овој регион кој претходно беше заборавен, денеска се создава регион на просперитет, регион на нови инвестиции, на нови работни места, подобро, модерно и безбедно место за живеење за граѓаните.

„И овој експресен пат е само еден доказ за тоа, изградивме модерно патно решение од Штип до Кочани со кое го подигнавме нивото на безбедност во сообраќајот на максимум.

Ако пред пет години од Кочани до Скопје се патуваше за еден час и 40 минути, денеска патувањето е намалено на помалку од еден час со поголема безбедност“, рече министерот Бочварски.

Директорот на ЈП за Државни патишта, Рустеми истакна дека експресниот пат кој од денеска е пуштен официјално во употреба е во должина од 13, 5 километри.

„Експресниот пат е со висок квалитет на градба. Ширина на патот е 11,4 метри и има четири ленти, и тоа по две коловозни од по 3,5 метри и две ленти за застанување од по два метри, како и две рабни ленти од по 0,20 метри. Максималната брзина на движење на експресниот пат е 110 километри на час. Дозволете во оваа прилика да им заблагодарам на изведувачот на градежните работи, „Синохидро“ од Р. Кина, и надзор - „Патинвест инженеринг“ АД Софија од Р. Бугарија за успешно завршената работа.

Со ова ја комплетиравме целата патна врска од Штип до Кочани во должина од 28 километри за што вкупно инвестиравме 47 милиони евра“, рече Рустеми.

The post Ковачевски го провози Бочварски по експресниот пат Штип – Кочани appeared first on Република.

Делницата Крупиште – Кочани од експресниот пат Штип – Кочани од денеска е пуштена за сообраќај. Со денешното пуштање во употреба на 13,7-те километри, инвестиција од над 18 милиони евра, целосно се заокружува изградбата на патот, што се одвиваше во две фази.

На пуштањето во употреба на патот присуствуваа премиерот Димитар Ковачевски, министрите за транспорт и врски Благој Бочварски и за земјоделство, шумарство и водостопанство Љупчо Николовски, како и директорот на Јавното претпријатие за државни патишта, Ејуп Рустеми.

Ковачевски изрази задоволство од пуштањето во употреба на делницата, истакнувајќи дека со ова е завршена „голема работа“ и им се заблагодари на сите вклучени во изградбата на патниот правец. Тој воедно посака наредната година да има уште многу настани од ваков тип.

Премиерот, меѓу другото, нагласи дека со изградбата на нови патишта се забрзува и олеснува патувањето на граѓаните, но се зголемува и безбедноста во сообраќајот.

The post Пуштени во употреба 13,7 км од експресниот пат Штип-Кочани appeared first on Република.

Во тешката сообраќајна несреќа, која синоќа се случи на патот Штип-Кочани повредени се три лица, од кои едно женско лице на возраст од 30 години од Штип со тешки телесни повреди е хоспитализирана во Клиничкиот центар во Скопје.

Портпаролот на СВР-Штип, Гордана Панајотова вели дека во несреќата, која се случи кај Чифличка крстосница во 20:45 часот, повредени се тројцата возачи, кои учествувале во несреќата.

Портпаролот на Клиничка болница-Штип, Марина Шуманска потврдува дека синоќа е примено женско лице, но веднаш со тешки телесни повреди е транспортирана во Клиничкиот центар во Скопје.

Сообраќајот на оваа делница синоќа беше во прекин во двата правца, додека траеше увидот. Инаку, оваа крстосница е позната црна точка на патот Штип- Кочани.

The post 30-годишна девојка се бори за живот на Клиники по тешка сообраќајна несреќа на патот Штип-Кочани appeared first on Република.