Новогодишното украсување на градовите е најсилниот адут за поттикнување на празничната магија. Секоја година огромен број туристи ги посетуваат местата кои се накитени со секаков вид на новогодишни украси, од кои најголем дел се изработени од светилки. Дали крајот на годината, што е претставен како „најубавиот период” оваа година во земјава ќе блесне во целосен сјај со оглед на енергетската криза? Од Париз до Лондон веќе светнаа новогодишните светилки, но годинава со рестрикции во времетраењето, како и со избор на енергетски ефикасни светилки.

Две зими владееше пандемија со корона вирус и во тој период граѓаните едвај ги одбележаа празниците, потоа започна руската инвазија во Украина, што предизвика енергетска криза, проследена со инфлација, што доведува до фактот дека веројатно трета зима по ред нема да ја почувствуваме празничната еуфорија, како во времето пред сите овие случувања.

Од психолошки аспект, китењето на градовите и домовите, купувањето божиќни подароци, прославувањето на празниците и почетокот на Новата година, придонесуваат за добро расположение кај луѓето. И од економски еспект, декорирањето на градовите привлекува голем број туристи, па се поставува прашањето како да се направи балансот меѓу почитување на апелите за заштеда на електрична енергија, особено во зимскиот период кога приоритет се дава на затоплувањето на домовите и зачувувањето на новогодишниот дух.

Големите европски градови, кои се познати како топ дестинации за време на новогодишните празници поради исклучителното украсувања и оваа година ќе „блеснат”, но со оглед на состојбата, тамошните власти одлучија да го намалат бројот на часови кога ќе бидат вклучени светилките и се ориентираа кон енергетски ефикасни светилки.

Веќе е декември, а од Град Скопје се уште немаат информирано какви се плановите за новогодишното украсување. Околу тоа, во одговор за МИА, оттаму наведоа дека во претстојниот период на прес-конференција ќе ја соопштат одлуката и сите детали. Сепак, во главниот град веќе голем дел од угостителските локали се накитени.

Од друга страна, градоначалникот на Охрид, Кирил Пецаков пред неколку дена изјава дека тој македонски туристички град ќе биде накитен и оти ќе се одржи новогодишна прослава без оглед на енергетската криза.

Филип Стојановски од Центарот за климатски промени, во однос на тоа како да се заштеди електрична енергија, а сепак градовите да бидат накитени, рече дека општините треба да употребат ЛЕД светилки или лед модули.

– Општините кои ќе се одлучат за поставување на новогодишно украсување, наша препорака е да се одлучат за решение кое ќе биде енергетско најефикасно, како што се ЛЕД светилки и ЛЕД модули. Начинот на кој можат да го постигнат ова е при пропишувањето на јавната набавка како критериум да се воведе енергетската ефикасност, што е во согласност со Законот за енергетска ефикасност и притоа да се избере понудата со највисока енергетска класа. На овој начин општините би знаеле колкав би бил трошокот за електрична енергија при користење на новогодишното осветлување и на овој начин ќе се поттикнат и понудувачите да размислуваат за поенергетски ефикасни решенија – наведе Стојановски.

Тој додаде дека општините кои би се одлучиле за новогодишно осветлување, како дополнителна мерка за заштеда на електрична енергија, која можат да ја применат, е да го редуцираат времето на употреба на шест часа дневно.

Психологот Огнен Велевски за тоа како влијае китењето на градот врз расположението на луѓето, рече дека секако влијанието е позитивно, но оти во вакво време народот генерално би бил посреќен доколку средствата, кои би се одвоиле за китење, би се донирале на оние на кои им се најпотребни.

Која и да биде одлуката на градските власти во однос на китењето, апелите за штедење на електрична енергија треба да ги почитуваме и во нашите домови. Празнична атмосфера со помалку светилки, но со надеж дека следната година новогодишната еуфорија ќе се врати во целосен сјај.

Извор: МИА

The post Струјата ќе ги згасне новогодишните светилки appeared first on Република.

Премиерот Димитар Ковачевски не советува дома да загреваме до 22 степени целзиусови со инвертер клима за да заштедиме струја , но и да заштедиме пари.

Да се однесуваме одговорно и рационално во овие тешки времиња на економска и енергетска криза.
Малите промени во нашите секојдневни навики, на долг рок прават значителна разлика во заштедите на сметките за струја.
Скоро половина од потрошувачката за електрична енергија во домот се троши за греење или ладење. Сериозно штедиме струја со греење на разумна температура до 22 степени целзиусови.
Со греење на инвертер клима уред, наместо на греалка или панел може да се заштеди и до 75% електрична енергија.
Со штедењето енергија ги зачувуваме природните ресурси и вложуваме во поздрава животна средина.
Штедиме заедно денес, за да имаме утре - објави Ковачевски

The post Ковачевски нѐ учи како да штедиме струја – дома температура максимум 22 степени целзиусови appeared first on Република.

На температура од 10 степени целзиусови се прегледуваат пациенти во велешката болница, тврди инфектологот Славица Трајкова. Таа во фејсбук статус посочува дека Одделот за инфективни болести во велешката болница треба да се награди за енергетско штедење. Притоа објави и фотографија од термометар кој покажува дека во просторијата има 10 степен Целзиусови.

На таа температура се прегледуваат пациенти, како деца, така и стари лица. Трајкова иронично коментира дека може да се исклучат и фрижидерите во кои се чуваат вакцини и серуми, бидејќи собната температура одговара на „ладен синџир“.

Во оваа болница, и покрај најавената модернизација, лекарите сами си купуваат стетоскопи, објаснува инфектологот.

Таа додава:

„Ништо поразлично и во болничките соби… Ама таму има ќебиња. Што беше тоа исправен апарат за крвен притисок, или ЕКГ апарат или исправен пулсоксиметар?!“

The post Смрзнати пациенти: Болните во велешката болница се прегледуваат на 10 степени целзиусови appeared first on Република.

Веројантно никогаш не сте претпоставиле дека скромниот рутер за приклучување на интернет може да троши толку многу струја, но ако го оставите уклучен цел ден, исто како да сте донеле уште еден фрижидер во домот.

Германската сојузна агенција за заштита на околината апелира сите да обратат внимание на енергетскиот статус на рутерот пред да го купат да се уверат дека има најмала можна потрошувачка на енергија кога е вклучен и во стенд-бај мод.

За да заштедите на струја, препорачливо е да си набавите рутер кај кој има опција да се гаасне кога не се користи интернет.

Можеби не сте знаеле, но отсега практикувајте да ги исклучувате апаратите кои не ги користите бидејќи трошат енергија и додека се во состојба на мирување. Како полначот за мобилен, на пример.

Истото се случува и со дигиталните ТВ-приемници кои продолжуваат да примаат сигнали и кога телевизорот е исклучен. Експертите советуваат кога го исклучувате телевизорот да го исклучете и дигиталниот ТВ-приемник кој троши 22 вати на ден, иако не е во употреба.

Компјутерите, исто така, се неверојатни потрошувачи на струја. Доколку не сакате да ви потрошат 95 вати на ден, подобро исклучувајте ги од штекер. Доколку ги оставите на „стендбај“, потрошувачката е уште поголема.

The post Како фрижидер: Најмалиот уред во домот цица најмногу струја appeared first on Република.

Вицепремиерката и министер за рударство и енергетика, Зорана Михајловиќ изјави дека во првите 17 дена од октомври потрошувачката на електрична енергија во Србија е намалена за 16 отсто во однос на истиот период од претходната година, односно дека граѓаните и стопанството заштедиле околу 50 милиони евра, според просечната цена во октомври, јави дописникот на МИА од Белград.

-Им благодариме на граѓаните и стопанството за одговорноста и солидарноста. Успеавме да ја намалиме потрошувачката за 16 проценти во првите 17 дена од овој месец во однос на истиот период лани и заедно придонесовме државата да издвојува помалку пари за увоз на струја. Точно е дека времето се уште е добро, а температурите високи, но ова е показател за заедничка солидарност и желбата да се намали потрошувачката. Дадовме препораки, никого не обврзавме, туку на сите им сугериравме како да штедат, за разлика од многу европски земји каде има ригорозни казни доколку се надмине планираната потрошувачка, изјави Михајловиќ на ТВ К1, соопштија од нејзиниот кабинет.

Таа повтори дека се обезбедени доволно количество струја, топлинска енергија, како и сите извори на енергија и дека државата ќе направи се така да биде до крајот на зимската сезона.

-Секако ќе увеземе струја во текот на зимата, но се чини дека ќе биде помалку отколку што мислевме, имајќи предвид дека луѓето ги усвојуваат препораките што ги предложивме. Проценката беше дека до крајот на март ќе издвоиме три милијарди евра за увоз, а сега верувам дека оваа сума може да се намали и да биде меѓу 1,5 и 1,7 милијарди, бидејќи првите податоци покажуваат дека има солидарност и одговорност, изјави Михајловиќ.

The post Во Србија потрошувачката на електрична енергија е помала за 16 отсто во однос на истиот период лани appeared first on Република.

Општините за вкупно 29 отсто ја намалиле потрошувачката на електрична енергија во септември, споредено со истиот месец претходната година, соопшти денеска министерот за економија Крешник Бектеши.

Како што рече Бектеши, презентирајќи ја анализата за рационална потрошувачка, од 81 општина, 25 не постигнале заштеда од 15 отсто, а останатите 56 општини успеале да направат заштеда поголема од 15 отсто. Притоа, најмногу отстапува Арачиново со значително поголема потрошувачка отколку септември минатата година.

Најмногу со поголема потрошувачка отстапуваат Арачиново, Гостивар и Свети Николе. Останатите што не ја постигнале заштедата од 15 отсто се во ранг од 40 до 13 отсто, информира Бектеши.

The post Општините во септември заштедиле 29 отсто струја, освен Арачиново каде е регистрирана најголема потрошувачка appeared first on Република.

Општините за вкупно 29 отсто ја намалиле потрошувачката на електрична енергија во септември, споредено со истиот месец претходната година, соопшти денеска министерот за економија Крешник Бектеши.

Како што рече Бектеши, презентирајќи ја анализата за рационална потрошувачка, од 81 општина, 25 не постигнале заштеда од 15 отсто, а останатите 56 општини успеале да направат заштеда поголема од 15 отсто.

Притоа, најмногу отстапува Арачиново со значително поголема потрошувачка отколку септември минатата година.

Најмногу со поголема потрошувачка отстапуваат Арачиново, Гостивар и Свети Николе. Останатите што не ја постигнале заштедата од 15 отсто се во ранг од 40 до 13 отсто, информира Бектеши.

The post Ни плаќа ни штеди: Арачиново со најголема потрошувачка на струја во септември appeared first on Република.

Вицепремиерот Артан Груби веќе почнал да ги гаси светилките во своето министерство, а синоќа ги проверувал и другите дали штедат. Тој дури и откри дека вчера вечерта направил обиколка на неколку министерства и државни институции за да види дали се почитуваат препораките на владата за штедења на струја. Собранието, Владата, МНР... се придржувале до упатствата. Единствено министерот за екологија Нуредини не ги опоменал своите да изгасат, па тоа го стгорил Груби.

Тој ги повика и граѓаните ако забележат непочитување на овие препораки да пријават.

Во однос на обвинувањата на ВМРО ДПМНЕ дека се трошат по 100 илјади евра на дена за Саемот на вино во рамките на Отворен Балкан, Груби рече дека патувањето до таму не е голем трошок бидејќи е блиску, но и дека не се заминати голем број на министри.

Исто така, потенцираше и дека тоа е настан од огромно значење бидејќи се организира Саемот за вино и истовремено се потпишуваат многу важни договори и меморандуми во рамки на Отворен Балкан. Во Белград трае третиот ден од саемот винска визија на кој се претсавуваат 42 винарии од земјава и три детилерии. За денеска е најавено доделувањето на виснки трофеј за вината направени од автохтони сорти од Балканот.

The post Груби гасне светло, Нуредини заборава: Првиот вицепремиер во обиколка на државните институции appeared first on Република.

И официјално, од први септември мора да се штеди. Владата донесе сет мерки, а наредбите и упатствата за штедење се адресирани на државните институции и кај јавната администрација.

И, би најавено, и би направено. Клима уредите „се заклучија“. Раководителите ги прибраа далечинските управувачи во фиоките. Таванските светилки се ограничија. Во добар дел простории се исклучија. Засега, ќе помогне дневната светлина на која ѝ е олеснето „да влезе“ во работните простории со отворените прозорци. Временските прилики ги олеснија работите. Нема жештини, оти, во спротивно, клима уредот ќе беше програмиран на 27 степени. Кога ќе стигне грејната сезона  – на 20. Ниту повеќе, ниту помалку. Копир-апаратите ќе печатат само неопходни документи. И другите уреди. И, ако, некаде околу 15 октомври кога е првата ревизија на штедењето, сметките не се пониски за 15 проценти, ќе има казни. За тоа ќе се грижи одговорниот.

При посетата на прилепското јавно комунално претпријатие „Комуналец“ веднаш не информираа – почнавме со штедење. Владините мерки мора да ги спроведуваме, ама има оддели каде тоа е невозможно. Рубин Абрашоски, директор на прилепски Комуналец го споменува примерот со Градската капела.

Ние го почнавме штедењето и мора да се придржуваме на владините мерки. Секако, во спротивно следуваат санкции. Имаме набавено штедливи светилки за сите потреби и го контролираме трошењето. Но во некои оддели не е можно и станува дискутабилно да се ограничува. Така е со Градската капела каде температурата во сите периоди од годината мора да се одржува на исто ниво. Не е можно ограничување, вели Абрашоски.

А индустријата? Според пресметките и фактите, за стопанството е најтешко. Компаниите почнаа со мерки за штедење совреме, ама велат дека се малку за спас од клуч на врата.

Жарко Качаков, е директор на секторот за развој во ПИ „Витаминка“ во Прилеп. Веќе три-четири години инвестираат во фотоволтаични централи. Досега вложиле 800 000 евра, но пресметките велат дека покриваат само 20 проценти од потрошувачката.

Во овој кризен период кога цената на електричната енергија за компанијата пораснува повеќе од осум пати, поточно ако за домаќинства е околу 30, за компаниите е околу 800 проценти поскапо. Тоа е неиздржливо. Ако компаниите не се подготвени да го реорганизираат начинот на работа, едноставно, нема да бидат конкурентни на пазарот и, на крајот, останува да се стави клуч на вратите. Ние презедовме мерки. Инсталиравме фотоволтаични централи. Досега имаме инсталирано околу 1,5 мегавати. Во последните три-четири години вложивме преку 800 000 евра. Тоа е процес кој продолжува. Но тоа не е доволно. Со ова, покриваме околу 20 насто од нашата потрошувачка. Значајно е, но не може да нѐ спаси, вели Качаков.

Компанијата е со дополнителни мерки, ама ниту тоа не спасува од неконкурентост на пазарот.

Колку што е можно повеќе, греењето и ладењето на нашите простории и магацини ги реорганизираме: да имаме помалку стока која се лади во магацините, пократко да стои таму, ја искористуваме топлината од процесите за греење во просториите, ги заменуваме помалку енергетските машини со енергетски поефикасни. Но се плашиме дека не е доволно. Цената на електричната енергија месечно, која досега беше на издржливо ниво, ја покриваше приходот од продажбата на производите. Со оваа цена, не е можно. Принудени сме да ги зголемиме цените на производите со што ризикуваме да не бидеме конкурентни на пазарот. На пример, ако ние сега ќе плаќаме 800 до 1000 евра за мегаватчас, значи од 50 до 60 денари за киловатчас, цената на струјата во Србија е загарантирана за компаниите на 6 денари за киловатчас. Бидејќи српските производи се најмногу застапени во нашата сфера на работење, како ние да бидеме конкурентни?, вели Качаков.

Очигледно, потенцира, се потребни државни мерки.

Државите мора да му помогнат на стопанството. Дали тоа ќе биде преку сунвенционирање на дел од струјата, дали преку олеснување на процесите на инсталирање на сопствено производство на електрична енергија. Државата има доволно механизми да ги види искуствата од другите земји. Значи, сите земји преземаат некои чекори за да се ублажи овој удар врз стопанството, смета Качаков.

Ерата на официјалното штедење стигна по летните одмори.  Септември, и досега жежок и тежог најдолг месец, е уште понапнат. На граѓаните им стигнаа и детални совети – што и како може да штедат. Па дури и за готвењето. Што и колку се троши.

Тоа е во ред, велат граѓаните. Секое домаќинство, во принцип, сака што помалку да потроши електрична енергија. Одамна е почната трката по огревно дрво. Каде што може. Ама, велат – што правиме со загадувањето на околината?

Голем број домаќинства поставија сончеви панели. Барем болјерот да не троши струја. Други, плинот го користат и за готвење. А зготвен ручек во рерна, на шега велат, може да има само во недела. Во ред е ако свети една, наместо три светилки. Секој се раководи од длабочината на џебот. Како и да е, секојдневите се претвори во сметки и пресметки на трошењето. Не дека досега ги немаше. Ама, кризата и скапата електрична енергија, сите се согласуваат подолго време „ќе не тресе“. Потрошените киловати станаа мерило за живеење.

Извор: МИА

The post Ручек во рерна само во недела, далечинските од климите во фиока – како штедат прилепчани? appeared first on Република.

Град Скопје изработи сеопфатен план за штедење на електрична енергија со мерки за намалување на потрошувачката на струја на среден и долг рок, а истиот содржи и интервентни мерки на штедење, велат од Град Скопје.

Во пресрет на зимскиот период и енергетската криза, Град Скопје изработи сеопфатен план за штедење на електрична енергија со мерки за намалување на потрошувачката на среден и долг рок, а истиот содржи и интервентни мерки на штедење. Во моментов се изготвуваат и соодветни препораки до јавните претпријатија кои се во надлежност на Град Скопје, информираат од Град Скопје за МИА.

The post Ќе има и препораки за јавните претпријатија: Град Скопје со сеопфатен план и мерки за штедење на струја appeared first on Република.

Владините препораки да се штеди наидоа на потсмев кај граѓаните. Тие доаѓаат во време кога државата организира разноазни прослави, годишнини и родендени.

Тенок млаз на вода, штедете, помалку, не знам што се бара од сиромав народ, а државата прославува 200 празници, родендени, годишнини и денови на институции, кои ниту работат, само арчат, а парадите нормално служат за шетање на партиска армија и перчење на функционерите.
Не сте во контакт со времето и реалноста, у некој јужноамерички филм на патриотизам сте, коментира Ивор Мицкоски.

Бојлерот вклучувајте го само по потреба, користете го сонцето колку може повеќе за затоплување на домот, а гралките користете ги разумно. Ова се дел од препораките за штедење на енергија од 15 отсто за домаќинствата. Владата ги објави мерките и препораките за штедење на струја.

Препораките и мерките за штедење на струја ќе важат од 1 септември годинава до 30 март следната година.

https://republika.mk/vesti/makedonija/preporaki-za-domakjinstvata-za-shtedenje-struja-boljerot-da-se-vkluchuva-samo-po-potreba-gotvete-vo-pomali-sadovi/

The post Се прославуваат 200 празници, родендени, годишнини, а ние да се тушираме со тенок млаз appeared first on Република.

Седум од 10 Германци трошат помалку енергија поради највисоката инфлација во повеќе децении, а половина од нив ги намалија трошоците за слободни активности, покажа истражување.

Во април бројот на оние кои трошеле помалку енергија изнесува 63 отсто, според анкетата на Infratest dimap за телевизијата АРД, каде испитани се 1.273 граѓани.

Домаќинствата со пониски приходи најмногу ги менуваат своите навики. Па така, две третини од нив ги намалиле дневната потрошувачка и таа на слободни активности и одмор, јави ДПА.

Повисоките животни трошоци ги променија и приоритетите на домаќинствата со просечни примања. Буџетот за слободни активности е намален кај 50 отсто од нив, покажаа податоците од истражувањето.

The post Германците со пониски примања ги менуваат навиките за трошење струја appeared first on Република.

На 15 секој месец, почнувајќи од септември, сметките за струја на државните институции ќе бидат јавно објавувани. Целта е, не само граѓаните да имаат увид во потрошувачката, туку и да се знае дали се испочитувани владините задолженија за заштеда до 15 отсто.

Извештаите на институциите за потрошената електрична енергија ќе ги објавува Министерството за економија.

-Јавноста ќе има увид која институција колку струја потрошила. Секој месец ќе се објавуваат извештаите за потрошувачката на државните институции, и за сегашната и за претходната година, за да се согледа споредбата. Раководителите ќе бидат одговорни за мерките, но и јавноста ќе има пристап, односно увид во потрошувачката. Така ќе видиме како постапиле раководителите. Ако не водат сметка и не ги реализираат препораките за заштеда до 15 отсто, ќе сносат последици, рече денеска министерот за економија Крешник Бектеши.

Тој денеска на прес-конференција соопшти дека Владата донесе мерки за заштеда на струја до 15 отсто – за домаќинствата и компаниите се предвидени препораки, а за државните институции конкретни задолженија кои мора да се испочитуваат зашто во спротивно ќе следуваат санкции.

Исклучување на декоративното осветлување на фасадите на јавните објекти и културните споменици, гаснење сијалици кога има доволно дневна светлина, ладење со клими на не пониско од 27 степени и греење на не повисоко од 20 степени, исклучување на компјутерите по работата, редовно менување на филтрите на грејните тела и клима уредите, печатење само на потребните материјали, замена на прозорците со енергетски ефикасни, се само дел од задолженијата за државните институции.

На домаќинставата им се препорачува вклучување бојлер само кога има потреба од топла вода и по можност на евтина струја, разумно користење на грејните тела, рационална употреба на сијалици и користење повеќе дневно светло, изолирање на таваните, надворешните ѕидови и прозорците,…

За бизнис заедницата укажувањата се: да се исклучи декоративното осветлување на фасадите на сите објекти, да не се користи осветлување во внатрешните простории, халите и канцелариите во објектите во период кога има доволно дневна светлина, рационално греење и ладење со клима уредите, редовно менување на филтрите на грејните тела и клима уредите, инсталирање интелигентни системи за управување во електромоторните погони, замена на старите сијалици со компактни флуоресцентни, примена на нови технологии во подобрување на енергетските перформанси на индустриските постројки,…

Препораките и задолженијата ќе бидат во сила од 1 септември 2022 до 31 март 2023 година. 

The post Kазни за директорите на институциите што ладеле под 27 и грееле над 20 степени appeared first on Република.

Продавниците со климатизација во Франција наскоро ќе бидат обврзани да ги затворат вратите кога користат климатизери и да ја ограничат употребата на рекламно осветлување за да се намали трошењето енергија, рече министерката за транзиција на животната средина Ањес Пание Ринаше.

„Тие правила, кои веќе се применуваат во некои делови на Франција, ќе бидат воведени низ целата држава“, најави министерката во интервју за парискиот „Журнал де диманш“.

Продавниците што нема да ја почитуваат таа мерка ќе бидат казнети со парична казна до 750 евра.

„Апсурдно е да се остави вратата отворена кога е вклучена клима уредот“, рече министерката, додавајќи дека во наредните денови ќе донесе два уредба против трошењето енергија, од кои со првиот ќе се продолжи забраната за рекламно осветлување, без оглед на големината на градот, во периодот од 01.00 до 06.00 часот.

Според неа, со втората регулатива ќе се воведе забрана за деловни и стопански објекти да ги отвораат вратите додека работи климата или греењето.

The post Франција: Продавниците треба да ги затвораат вратите додека работат клима-уредите appeared first on Република.