Штедачите шитум Европа повлекуваат се повеќе од своите пари од банките, барајќи подобра зделка бидејќи заемодавачите се спротивставуваат да плаќаат за да ги задржат депозитите. Трендот се појави кога некои од најголемите заемодавци во регионот сигнализираа профитабилен почеток на годината со резултати кои исто така понудија увид во феноменот наречен „банка одење“ – бавен, но значителен одлив на готовина од клиенти.

Банките не губат време во зголемувањето на каматните стапки на заемите кога каматните стапки брзо се зголемија од речиси 15-годишното движење околу нулата, но повеќето се задржаа на зголемување на каматните стапки на депозитите за милиони клиенти. Тоа го зголеми профитот на многу големи банки над очекувањата на многу аналитичари, но ги остави штедачите незадоволни, поставувајќи нови прашања за долгорочната стабилност на секторот, анализира „Кликс.ба“.

Традиционалните банки мора да одлучат дали да го максимизираат приносот со тоа што ќе ги задржат стапките на депозитите што е можно пониски или да им дадат приоритет на нивната ликвидност и стабилност со зголемување на стапките и задржување на средствата од клиентите, вели Никола Маринели, доцент по финансии на Универзитетот „Реџент“ во Лондон.

Фондовите на пазарот на пари се покажаа популарни кај штедачите кои бараат повисоки приноси на нивните пари додека високите нивоа на инфлација опстојуваат.

Во Германија, податоците на Бундесбанк покажаа дека депозитите на домаќинствата паднале за речиси 8 отсто во однос на претходната година, при што Дојче банк, најголемата банка во земјата, делумно го припишува сопствениот пад од 4,7 отсто во првиот квартал на стравувањата од ширење на банкарската криза во САД и Швајцарија.

The post Штедачите во Европа повлекуваат милиони евра, затоа што банките не даваат повисоки камати appeared first on Република.

И додека обвинителството упорно молчи за организираниот криминал во Еуростандард банка, за продажба стигна и главната зграда на банката во строгиот центар на град Скопје. Понудена е за продажба на сите заинтересирани субјекти на објавениот оглас. Таа е една од малкуте останати вредни имоти кои не се украдени поради фактот што не можела и физички да биде украдена додека била и останала во сопственост на самата банка. Но, нејзината вредност останува да биде како утеха за оштетените депоненти, граѓани и фирми, дека сепак има останато нешто вредно од банката и дека не е се украдено, се вели во денешното соопштение на Здружението на оштетени штедачи на Еуростандард банка.

„И покрај сите докази за грабежот на депозитите од банката, обвинителството е институција која треба да го даде последниот збор, да донесе одлука за обвинение. Но, по се изгледа, поради можното соучество на некои високо позиционирани политичари, банкари и сопственици на фирми во грабежот на Еуростандард банка, можно е одлуката од обвинителството да почека подобри времиња кога навистина ќе сакаат да застанат на страна на граѓаните, а против криминалот.

Лоцирана во строгото централно подрачје на град Скопје, со својата грандиозност и привлечност, главната зграда на Еуростандард банка беше симбол за стабилност и сигурност, верба во банкарска институција со која може да се соработува. И покрај фактот што во банката се случувал долгогодишен масовен грабеж на депозити без истиот да биде навремено спречен и санкциониран од Народната банка и останатите надлежни институции на прогонот, централната главна зграда на Еуростандард банка како градба останува да зрачи со својата атрактивност и привлечност. Најновата официјална проценка за вредноста на зградата вели дека нејзината сегашна пазарна вредност е во висина од околу 520 милиони денари или околу 8,4 милиони евра.

Оштететните депоненти, граѓани и фирми, имаат можност да ги повратат барем еден дел од нивните украдени пари преку продажба на атрактивната зграда на Еуростандард банка. Таа е една од малкуте вредни имоти кои останаа во рамките на стечајната маса и која сега се нуди за продажба. Тоа е можност за сите заинтересирани домашни и странски субјекти навремено да достават банкарска гаранција или да извршат уплата на депозит за учество на јавната електронска продажба на зградата согласно условите наведени во огласот. А огласот кажува дека електронското надавање за главната зграда на банката е закажано и ќе се случи на 15 март оваа година. Сите оштетени депоненти од Еуростандард банка посакуваат успешно идно користење и берикет на најдобриот понудувач и купувач на зградата“, соопшти здружението.

The post Оштетени штедачи: Кој ќе ја купи зградата на Еуростандард банка во центарот на Скопје? appeared first on Република.

Трифун Костовски јавно призна дека свесно сторил кривично дело. Во 2019 година подарил 3 милиони евра од депозитите на Еуростандард банка во соседната Комерцијална банка, за да истите служат како обезбедување за земени и невратени кредити од трети правни лица. Нелегално доделени и покрадени пари, потпишани и одобрени од Трифун Костовски како претседател на надзорниот одбор на Еуростандард банка. Тој го водел надзорот врз работењето во банката и меѓу другото, одобрувал милионски суми за кредитирање на комитенти на банката кои и не биле кредитоспособни. Пари дадени во неповрат, велат од Здружението на оштетени штедачи на Еуростандард банка.

И не е само Трифун Костовски осомничен за организираниот криминал во Еуростандард банка. Неговиот син Коста Костовски речиси две децении раководел со двата кредитни одбори на Еуростандард банка - Одборот за кредитирање на правни лица и Одборот за кредитирање на физички лица. Фрапантни 73 отсто од кредитното портфолио на правни лица или околу 55 милиони евра биле нефункционални кредити на денот на затворање на банката. Ненаплатливи или тешко наплатливи кредити.

А за сето тоа време Николче Петкоски бил генерален директор на банката, претседател на управниот одбор. Тој ја водел банката додека се правел криминалот во истата. Меѓу другото, и на неговиот вујкo му доделил неповратен кредит преку фирма од околу 1,2 милиони евра. Пари кои никогаш не се вратени во банката.

Едно е заедничко за сите вакви нелегални, криминални постапки кои масовно се спроведувале во Еуростандард банка, особено во последните неколку години пред нејзиното затворање. Сите тие трансакции биле одобрени од раководните лица во банката, кои се единствените потписници на одлуките и налозите со кои се одобрувани кредити кои не можат да се наплатат.

Прво поминуваа месеци, па потоа поминаа и години. Сите индикации покажуваат дека во Еуростандард банка се спроведувал организиран криминал со години. Извештаите говорат дека масовно се краделе депозити од банката. Се делеле кредити без исполнување на основни критериуми за одобрување. Не се почитувале ниту кредитната политика, ниту политики и процедури за кредитен ризик. Народна банка молчела додека се случувал криминалот, а сега обвинителството молчи кога истиот треба да се казни. Неказнивоста стана заштитен знак во случајот со ограбената Еуростандард банка. А каде има неказнивост таму најчесто има и корупција.

Се прашуваме, дали се Трифун Костовски и неговата екипа од Еуростандард банка над законот? Бидејќи Трифун Костовски и јавно призна сторено кривично дело, а обвинителството и понатаму молчи. На тоа прашање можеби ќе помогне да се даде одговор тимот за санкции од Вашингтон којшто е најавено дека пристигна во земјава за да се почне со расчистување на криминалот и корупцијата. Случајот со ограбената Еуростандард банка предолго чека во фиоките на обвинителството. Како показен случај за организиран криминал од големи размери вредно е да добие приоритет во расчистувањето, предметот да се извади од фиока и да се стави на маса. Бидејќи и времето за тоа, според законот, веќе помина, велат оштететните штедачи.

The post Оштетените штедачи на Еуростандард банка прашуваат: Дали е Трифун Костовски над законот? appeared first on Република.

Се случи ѝ тоа. Трифун Костовски го објави јавно извештајот од неговата приватна истрага за пропаѓањето на Еуростандард банка изведена од еминентни експерти, според него платени од средства скриени надвор од неговиот замрзнат имот во државава од страна на судот. Од извештајот може да се утврдат низа кривични дела сторени преку наведени активности спротивни на законското работење во банкарскиот сектор, велат штедачите.

Па така, меѓу другото, во Еуростандард банка масовно се користеле кредити спротивно на нивната намена, се фалсификувале документи, се издавале кредити на поврзани клиенти и се вршела несоодветна класификација на ризикот на клиентите. А во основа, извештајот наведува на постоење на неформален систем на позајмување којшто директно допринел за пропаѓањето на банката. Компаниите, клиенти на Еуростандард банка, кои веќе имале кредити или немале соодветни залози, а со тоа не биле ниту подобни да земат кредит од Еуростандард банка, позајмувале пари преку други компании, клиенти на банката, кои биле во можност да земат кредит од истата. Односно, тие посреднички компании ги трансферирале кредитите во позајмици кон неподобните компании, директно или индиректно. На крајот од таа нелегална шема, забранета во банкарското работење, се измирувале достасани обврски кон банката, а да притоа се трансферирала изложеноста од еден на друг клиент, честопати и без потпишани договори во времето на вршење на трансакциите. Масовното практикување на таа шема со години, допринела да се акумулираат огромни финансиски загуби кои несомнено довеле до значајна несолвентност и пропаѓање на банката. За тоа, веројатно, може да посведочат и сопствениците на многуте наведени компании во извештајот, како директни корисници или посредници во таа криминална шема на позајмување, во која се злоупотребувале парите од депозитите на правните и физички лица депоненти во Еуростандард банка.

Но, извештајот не дава јасен одговор на едно клучно прашање. Кој ги потпишувал односно одобрувал сите тие доделени непокриени кредити и нелегални трансакции кон клиентите во банката? Одговорот на ова прашање е едноставен. Тоа е можно и е направено само и исклучиво од раководниот тим на Еуростандард банка, односно од претседателите на управниот, кредитниот и надзорниот одбор, потпомогнати и од нивни колеги на значајни позиции во банката.

Трифун Костовски, свесно или не, заборава да истакне дека како долгогодишен претседател на надзорниот одбор на Еуростандард банка одобрувал непокриени кредити, особено оние со поголеми суми, кои не можат да се наплатат. Сите тие активности не се случиле од никаде, туку биле организирани и се спровеле одвнатре во банката. Ставањето потписи за одобрување на непокриени кредити од Трифун Костовски и неговиот, од него избран раководен тим на банката, спротивно на процедурите и критеримите за нивно одобрување, ја направиле банката несолвентна и ја однесоа во стечај.

За овие и за останати нелегални активности како перење пари преку воспоставени деловни односи со нерезидентни клиенти од Венецуела, измами и други незаконски манипулации наведени во извештајот, се одговара. Тие што потпишувале, тие ја имаат одговорноста и треба да одговараат.

До сега поминаа повеќе од две години од затворањето на Еуростандард банка и година и половина од започнувањето на истрага за организираниот криминал во банката од страна на Основното јавно обвинителство за гонење на организиран криминал и корупција. Се поставува прашање зошто упорно се молчи за овој очигледен организиран криминал во Еуростандард банка. Видовме, слушнавме и прочитавме за криминалните активности, таксативно објаснети и во извештајот подготвен од ескпертите платени од тој што го водел надзорот во банката и добро знаел што и како се случува со години. Ова се факти, а не приказни. Што уште не е јасно за тоа кој е одговорен за предизвикување стечај на Еуростандард банка и за ред други нелегални активности што се случувале во банката со години!?

The post Штедачи на Еуростандард банка: Што не е јасно за Трифун Костовски и неговата избрана екипа? appeared first on Република.