Шри Ланка за нов претседател го избра марксистичкиот Анура Кумара Дисанајаке (55), кој ветува дека ќе се бори против корупцијата и ќе го поттикне кревкото економско закрепнување по најтешката финансиска криза во последните децении.

Дисанајаке ги победи актуелниот претседател Ранил Викремесинге и лидерот на опозицијата Саџит Премадаса и стана 10-ти претседател на Шри Ланка.

Изборите, исто така, претставуваа референдум за Викремесинг кој го води кревкото закрепнување на силно задолжената земја од економскиот колапс во 2022 година.

Дисанајаке доби три отсто од гласовите на последните избори.

Мерките за штедење кои беа клучни за тоа закрепнување придонесоа за нејзиниот пораз.

Тој заврши на третото место со 17 отсто од гласовите.

Дисанајаке освои 5,6 милиони или 42,3 отсто од гласовите, што е огромен скок од три отсто што ги доби на последните претседателски избори во 2019 година.

Премадаса беше втор со 32,8 отсто по првиот круг пребројување на гласовите.

По втор пат во историјата на Шри Ланка, претседателската трка беше решена со втор круг на броење, откако двајцата водечки кандидати не ги освоија потребните 50 отсто од гласовите за да бидат прогласени за победници на изборите.

The post Шри Ланка избра нов претседател appeared first on Република.

Милиони жители на Шри Ланка денеска излегуваат на гласање за да изберат претседател чија задача ќе биде да го поттикне кревкото економско закрепнување на јужноазиската земја по нејзината најголема финансиска криза во последните децении.

Повеќе од 17 милиони од вкупно 22 милиони жители на Шри Ланка имаат право да гласаат на претседателските избори, на кои се очекува „тесна трка“ меѓу актуелниот претседател Ранил Викремесинге, главниот опозициски лидер Саџит Премадаса и марксистичката кандидатка Анура Кумара Дисанајаке. Според резултатите од последната анкета, Дисанајаке е во водство.

Избирачките места се отворени од 7:00 до 16:00 часот, а изборната комисија треба да го објави победникот утре. Повеќе од 13.000 избирачки места беа отворени низ целата земја, а 250.000 државни службеници беа распоредени да управуваат со изборите.

Ова се први избори откако економијата на Шри Ланка падна во 2022 година, откако поради големиот недостиг на девизи, островската држава во Индискиот Океан не можеше да плати за увоз на основни стоки, вклучувајќи гориво, лекови и гас.

The post Шри Ланка избира претседател, економската иднина на земјата e во фокус appeared first on Република.

Градските власти во Белград на чело со градоначалникот Шапиќ размислуваат да увезат возачи за во градскиот превоз. Градот се соочува со недостик на шофери па затоа размислуваат да ги увезат од Шри Ланка, јави Радио Б92“.

И покрај добрите плати од околу 700 евра жителите на Белград не се пријавуваат на конкурсите за јавен превоз. Белград има голема побарувачка од возачи на автобуси, трамваји а во скора идинина и на метро чија изградба е во тек.

The post Србите не сакаат да бидат шофери: Белград ќе увезува возачи во градскиот превоз од Шри Ланка! appeared first on Република.

Парламентот на Шри Ланка денеска изгласа продолжување на вонредната состојба и покрај силните протести од главните опозициски партии, јави ДПА.

За продолжување за еден месец на вонредната состојба гласаа 120 пратеници, 63 беа „против“, а отсутни 41 пратеник. Спикерот, кој е еден од 225-те членови на Парламентот, нема право на глас.

Вонредната состојба беше прогласена од претседателот Ранил Викремесинге на 17 јули, откако беше назначен за вршител на должноста четири дена откако поранешниот претседател Готабаја Раџапакса ја напушти земјата поради протестите.

Согласно Уставот, вонредната состојба треба да помине во Собранието во рок од две недели од претседателската декларација за да биде продолжена.

Вонредна состојба беше потребна заради распоредување безбедносни сили за контрола на ситуацијата, откако бранот протести против Раџапакса повторно се фокусираше на Викремесинге откако беше назначен за претседател.

Викемесинге, откако беше избран со гласање во Парламентот на 20 јули, ја искористи вонредната состојба за да ги разбие демонстрантите кои окупираа дел од кабинетот и комплексот на претседателот.

The post Парламентот на Шри Ланка изгласа продолжување на вонредната состојба appeared first on Република.

Претседателот на Шри Ланка, Готабаја Раџапакса му испрати меил на Парламентот, каде поднесува оставка од претседателската функција.

Тој и неговата сопруга вчера побегнаа на Малдивите со авион на воздухопловните сили.

Сега, Раџапакса слетал во Сингапур, каде бил во „приватна посета“, според тамошните власти, а ниту побарал, ниту му е одобрен азил.

За време на викендот, демонстранти упаднаа во неговата претседателска вила, а вчера ја зазедоа и канцеларијата на премиерот Ранил Викрамасинге, кој брзо ја презеде функцијата вршител на должноста претседател.

Незадоволни граѓани на Шри Ланка сега бараат оставка од премиерот.

Земјата има недостиг од храна, лекови, гориво и се наоѓа во најлошата економска криза од стекнувањето на својата независност во 1948 година.

The post Претседателот на Шри Ланка поднесе оставка преку меил appeared first on Република.

Претседателот на Парламентот на Шри Ланка, Махинда Јапа Абејвардена, чека на писмото со оставка од претседателот Готабаја Раџапакса, соопшти информативниот портал „Њуз фрст“ повикувајќи се на изјава на претседателот на Собранието.

Абејвардена потсетува на ветувањето на Раџапакса дека оставката ќе да достави по писмен пат в среда, на 13 јули, но оти документот се уште не стигнал во Парламентот.

На веб-страницата на весникот „Ланка Дејли Мирор“ беше објавено дека Раџапакса во средата не полетал од Малдивите за Сингапур. Претседателот и неговата сопруга, заедно со двајца безбедносни службеници, планирале да го напуштат Мале во среда, но не се качиле во авионот за Сингапур од безбедносни причини.

Претседателот на Шри Ланка, придружуван од неговата сопруга, во средата вечерта со воен авион го напушти Коломбо и полета за Малдиви. Тој остави писмен документ со кој го информира претседателот на Парламентот дека го назначил премиерот Ранил Викрамасинге за вршител на должноста претседател поради „отсуство од земјата“.

Потоа беше објавено дека Раџапакса ќе испрати формално писмо со оставка до претседателот на Парламентот, Махинда Јапа Абејвардена. Според индиската телевизија Република, Раџапакса ќе добие азил во Сингапур.

Минатата сабота илјадници демонстранти излегоа на улиците на Коломбо барајќи оставка од шефот на државата. Ги зазедоа резиденциите на претседателот и премиерот, а опожарена беше и личната резиденција на премиерот. Протестите предизвикани од лошата финансиска и економска состојба на островот не стивнуваат од почетокот на април. Земјата се соочува со сериозен недостиг од девизи, горива, нафтени деривати, ѓубрива, храна за одредени групи население и лекови.

Во такви услови мнозинството на населението бара целосна смена на власта.

The post Претседателот на Шри Ланка вети оставка, но не ја поднесе appeared first on Република.

Демонстрантите денеска упаднаа во канцеларијата на премиерот на Шри Ланка додека претседателот побегна од земјата само неколку часа пред да поднесе оставка поради катастрофалната економска криза што предизвика сериозен недостиг на храна и гориво.

Во последниве денови, демонстрантите окупираа неколку владини згради барајќи од нивните највисоки лидери да се повлечат.

Претседателот Готабаја Раџапакса, неговата сопруга и двајца телохранители се качија на авион на воздухопловните сили на Шри Ланка, кој летал за Мале, главниот град на Малдивите.

Раџапакса се согласи да поднесе оставка под притисок. Премиерот Ранил Викремесинге изјави дека ќе се повлече откако ќе се формира нова влада. Заминувањето на претседателот уследи по повеќемесечните демонстрации кои кулминираа во саботата кога демонстрантите упаднаа во неговиот дом, канцеларија и официјалната резиденција на неговиот премиер.

The post Народот на Шри Ланка влезе во канеларијата на премиерот appeared first on Република.

Демонстрантите денеска упаднаа во канцеларијата на премиерот на Шри Ланка додека претседателот побегна од земјата само неколку часа пред да поднесе оставка поради катастрофалната економска криза што предизвика сериозен недостиг на храна и гориво.

Во последниве денови, демонстрантите окупираа неколку владини згради барајќи од нивните највисоки лидери да се повлечат.

Претседателот Готабаја Раџапакса, неговата сопруга и двајца телохранители се качија на авион на воздухопловните сили на Шри Ланка, кој летал за Мале, главниот град на Малдивите.

Раџапакса се согласи да поднесе оставка под притисок. Премиерот Ранил Викремесинге изјави дека ќе се повлече откако ќе се формира нова влада. Заминувањето на претседателот уследи по повеќемесечните демонстрации кои кулминираа во саботата кога демонстрантите упаднаа во неговиот дом, канцеларија и официјалната резиденција на неговиот премиер.

The post Демонстрантите од Шри Ланка упаднаа и во канцеларијата на премиерот appeared first on Република.

Претседателот на Шри Ланка, Готабаја Раџапакса побегна од земјата, јавува АФП. Тој, наводно, со воен авион пребегал кај соседните Малдиви.

Претседателот, неговaта сопруга и телохранителите беа меѓу патниците во авионот Антонов 32 кој полета од главниот меѓународен аеродром во Коломбо, изјавија официјални имиграциски службеници за АФП.

Опозициските партии во Шри Ланка се состанаа пред два дена, со цел да се договорат за формирање на нова влада, ден по оставките на претседателот и премиерот на земјата. Демонстранти упаднаа во резиденциите на двајцата лидери и го запалија домот на премиерот во бес поради економската криза.

Демонстрантите и натаму се наоѓаат во резиденцијата на Раџапакса, во неговата канцеларија на брегот и во премиерската резиденција и порачаа дека ќе останат таму додека и официјално не бидат поднесени оставките.

Сè уште не се знае каде е претседателот на Шри Ланка, но преку соопштение од неговиот Кабинет се наведува дека наредил веднаш да почне дистрибуцијата на гас за готвење за граѓаните, што сугерира дека тој и натаму ја извршува функцијата.

Државата со 22 милиони жители се соочува со сериозен недостиг на девизи што го ограничи основниот увоз на гориво, храна и лекови, туркајќи ја земјата во најголемата криза од стекнувањето на независноста во 1948 година, пишува „Ројтерс“.

The post Претседателот на Шри Ланка избега од земјата appeared first on Република.

Претседателот на Шри Ланка Готабаја Раџапакса го известил премиерот Ранил Викремесинге дека ќе поднесе оставка, соопшти денеска кабинетот на премиерот.

И премиерот Викремесинге рече дека ќе се повлече за да дозволи привремената влада составена од сите партии да ја преземе власта по масовните протести во саботата поради економската криза.

Лидерите на протестното движење вчера најавија дека демонстрантите ќе останат во резиденциите на претседателот и премиерот во Коломбо, додека тие не си заминат од функциите.

Во Коломбо, најголемиот град во Шри Ланка, денеска се одржуваат мирни протести, а стотици луѓе влегоа во секретаријатот и резиденцијата на претседателот и ги посетија зградите од колонијалната ера. Полицијата не се ни обидела да ги спречи.

Земјата со 22 милиони жители се бори со сериозен девизен недостиг што го ограничи основниот увоз на гориво, храна и лекови, втурнувајќи ја во најголемата економска криза од независноста во 1948 година

The post Победа на народот: По протестите во Шри Ланка претседателот поднесува оставка appeared first on Република.

Претседателот на Шри Ланка Готабаја Раџапакса одлучи да се повлече од функцијата на 13 јули, објави денеска парламентарниот спикер Махинда Јапа Абејвардена.

Соопштението е објавено откако демонстрантите побараа од претседателот и премиерот да поднесат оставка. Тие упаднаа во резиденцијата и канцеларијата на претседателот и ја запалија приватната резиденција на премиерот.

https://www.youtube.com/watch?v=SAVm9A2PVJM

„На претседателот му треба време да поднесе оставка за да обезбеди непречена транзиција на власта“, рече Абејвардена во изјавата емитувана на телевизија

The post Народот на Шри Ланка се крена на улица против власта, претседателот си поднесе оставка appeared first on Република.

Гневните демонстранти во Шри Ланка ја преземаа претседателската палата, по што тргнаа кон резиденцијата на премиерот Ранил Викремесинг.

На социјалните мрежи беа објавени снимки од моментот на отворање на капијата на резиденцијата на премиерот.

На дел од снимките може да се забележи дека и полицијата им се приклучи на демонстрантите.

Protesters now enter the official residence of the Prime Minister - The Temple Trees of #Colombo. #lka #SriLankaProtests #SriLankaEconomicCrisis pic.twitter.com/Q5YW3AVG6L

— Dasuni Athauda (@AthaudaDasuni) July 9, 2022

The post Ситуацијата ескалираше: Бесните граѓани на Шри Ланка влегоа во резиденцијата на премиерот appeared first on Република.

Претседателот на Шри Ланка, Готабаја Раџапакса, соопшти дека го замолил рускиот претседател Владимир Путин за помош за неговата земја за увоз на гориво.

Разговорот меѓу двајцата претседатели бил за време на викендот, откако министерот за енергетика предупреди дека Шри Ланка може да остане без гориво.

Го замолив Путин за кредитна поддршка за увоз на гориво. Понизно побарав да продолжат летовите меѓу Москва и Коломбо. Едногласно се сложивме дека зајакнувањето на билатералните односи во сектори како туризам, трговија, култура, се најважни во пријателството што го делат нашите нации - напиша Раџапакса на Твитер.

https://twitter.com/GotabayaR/status/1544616713223696385?cxt=HHwWgsCjnfGtyu8qAAAA

Изминативе месеци Шри Ланка веќе купуваше нафта од Русија, со цел да се зајакнат резервите гориво за време на кризата. Владата сигнализираше дека има волја да купи уште руски енергенти.

Недостигот од гориво, струја и храна во Шри Ланка трае со недели. Претседателот Раџапакса не успеа да ја реши најлошата економска криза ни со обезбедување финансиска поддршка од Кина и од Индија.

Во неделата, министерот за енергетика Канчана Вијесекера соопшти дека во земјата има бензин само за помалку од еден ден.

Минатиот месец во Шри Ланка беше забранета продажба на гориво во период од две седмици. Од владината одлука исклучени беа службите за јавен превоз, возовите, како и возила што се користат во итни служби и за достава на храна.

Паралелно, Владата донесе одлука во тој период да се затворат училиштата во урбаните подрачја, а граѓаните беа советувани да работат од дома.

Шри Ланка се наоѓа во најлошата економска криза уште од прогласувањето на независност во 1948 година.

Вчера стотици луѓе излегоа на улиците низ Коломбо, протестирајќи против Владата.

The post Претседателот на Шри Ланка го замолил Путин за увоз на гориво на кредит appeared first on Република.

Ранил Викремесинге, кој неодамна беше избран за премиер на Шри Ланка, изјави дека земјата се соочува со една од најтешката економска криза во изминатите 70 години и оти има нафта за само уште еден ден.

Премиерот во телевизиско обраќање до граѓаните посочи дека на Шри Ланка итно и се потребни 75 милиони долари во следните неколку дена за да може да купи основни продукти. Тој најави дека Централната банка ќе печати пари за да се исплаќаат плати и други побарувања во јавниот сектор. Викремесинге потврди дека државната авиокомпанија „Шри Ланка ерлајнс“, исто така, може да биде приватизирана.

Земјата е тешко погодена од пандемијата со Ковид-19, зголемувањето на цените на енергијата и популистичките даночни намалувања. Хроничниот недостиг на девизи и зголемената инфлација предизвикаа недостиг од лекови, гориво и други продукти.

The post Тешка економска криза: Во Шри Ланка има горива за само уште еден ден appeared first on Република.

Западните дипломати и групите за човекови права изразија загриженост откако претседателот на Шри Ланка, Готабаја Раџапакса, прогласи вонредна состојба во земјата, а полицијата употреби сила против мирните демонстранти кои бараат смена на претседателот поради најтешката економска криза во земјата.

Раџапакса со прогласувањето на вонредната состојба во земјата доби овластувања за одобрување притвор, за одземање имот и претрес на какви било простории. Исто така, може да ги измени или суспендира законите во интерес на јавната безбедност и за одржување на основните резерви.

Шри Ланка е на работ на банкрот, бидејќи нејзините жители демонстрираат со месеци наназад, обвинувајќи ги Раџапакса и неговите роднини кои владеат со години, за економската состојба и лошото управување со долгот што создаде огромен недостиг од храна, електрична енергија и лекови.

Полицијата вчера на двапати употреби солзавец и водени топови против демонстрантите во близина на зградата на парламентот додека тие ги критикуваа пратениците дека не го смениле претседателот и владата, на чие чело е братот на претседателот Махинда Раџапакса.

Американската амбасадорка во Шри Ланка, Џули Чунг, денеска на Твитер напиша дека е загрижена поради вонредната состојба и дека „треба да се слушне гласот на мирните граѓани“.

Канадскиот амбасадор Дејвид Мекинон соопшти дека жителите на Шри Ланка имаат право на мирни протести и дека „тешко е да се разбере зошто е потребна вонредна состојба“.

Владата денеска соопшти дека е прогласена вонредна состојба за да се „создаде политичка стабилност“ за да може да се спроведат реформи за да се помогне во решавањето на економската криза.

The post Западот се загрижи поради прогласената вонредна состојба во Шри Ланка appeared first on Република.

Шри Ланка банкротираше поради надворешниот долг од 51 милијарда долари по најтешката економска криза во историјата на оваа земја. Државата е зафатена од акутен и сериозен недостиг на храна и гориво додека се соочува со секојдневни ограничувања за електрична енергија.

Во изминатите неколку недели, јавното незадоволство ескалира со обиди за масовни упади во домовите на членови на администрацијата, а безбедносните сили ги растераа демонстрантите со солзавец и гумени куршуми.

Министерството за финансии соопшти дека, пред да добие финансиска помош од Меѓународниот монетарен фонд, Шри Ланка прогласува банкрот според сите надворешни обврски, вклучително и заеми од странски земји.

Владата презема итна мерка само како крајна опција за да се избегне натамошно влошување на финансиската состојба - се наведува во соопштението.

Економската криза во Шри Ланка почна по неможноста за увоз на основни добра од странство, бидејќи пандемијата влијаеше на падот на приходите од туризмот и приходите од странство.

Шри Ланка побара олеснување на долгот од Индија и Кина, но двете земји, наместо тоа понудија дополнителни заеми за купување стоки.

The post Шри Ланка банкротира откако се соочи со најголемата криза во историјата на земјата appeared first on Република.