Од потребните 900 милиони евра за покривање на буџетската дупка годинава, Владата успеа да обезбеди само 50 милиони евра и тоа од домашна банка.

Министерот за финансии Фатмир Бесими на брифинг со новинарите потврди дека е земен кредит во вредност од 50 милиони евра од Шпаркасе банка, со камата од 2,5%. Според него условите за издавање еврообврзница сега не се поволни поради високите камати. Состојбата ќе се следи до крајот на годината, а дотогаш ќе се бараат други начини за да се обезбедат потребните пари.

„Кредитот е земен за премостување на периодот до издавање на еврообврзница, бидејќи каматите во моментов се многу високи, 7,5% беа во мај и јуни. Сега е 6% каматата, но чекаме поволен период за да ја издадеме, кажа Фатмир Бесими, министер за финансии

The post Бесими: Владата се задолжи кај Шпаркасе со 50 милиони евра appeared first on Република.

Шпаркасе бака, каде што композиторот Миодраг Неќак не успеал да отвори сметка поради тоа што, како што тврди тој, е роден во Русија, за Република вели дека банката нема рестрикции кон клиентите родени во Русија.

Банката нема забрана за стапување во деловен однос според местото на раѓање и банката за сите клиенти подеднакво постапува согласно законската регулатива како и согласно стандардите на Групацијата на која припаѓа кога воспоставува деловен однос со клиент, одговараат од банката на новинарските праања на Република.

Оттаму објаснуваат дека за отворање на трансакциска сметка потребно е дополнително време за верификација на личните податоци, што во пракса подразбира отворање на сметката во текот на работниот ден или најдоцна наредниот работен ден.

Сепак, според ведочењето Неќак имал поинакво искуство.

https://republika.mk/vesti/ekonomija/ne-smeam-da-vi-otvoram-smetka-bidejkji-ste-roden-vo-rusija-kompozitorot-miodrag-nekjak-ponizen-vo-shparkase-banka/

The post Шпаркасе тврди: Немаме негативен однос кон родените во Русија appeared first on Република.

Службеничка во филијалата на Шпаркасе во Битола одбила да му отвори сметка на композиторот Миодраг Неќак откако загележала дека е роден во Санкт Петербур, Русија.

За понижувањето композиторот ја раскажува на Фејсбук, а Република иако побара одговор од банката дали се работи за изолиран случај или за политика на бакната, не доби одговор до крајот на работниот ден.

Неќак раскажува дека е роден пред 54 години. Во тоа време татко му студирал таму и Миодраг случајно е роден во овој руски град. Во Русија останале до дипломирањето на татко му, а потоа се вратиле и оттогаш живее во Битола.

Влегов во банката и побарав од службеничката да ми отоври трансакциска сметка за физички лица. Таа ми ги образложи условите, јас ги прифатив и почна постапката. Кога дојде пред крај, кога стаса до моето место на раѓање таа ми рече: „Се извинувам, сега го забележав местото на раѓање. Не смеам да ви отворам сметка бидејќи вашето место на раѓање е Русија”. Ми ја врати личната карта и со нетрпение чекаше да ја напуштам банката. Требало дополнителни проверки, бидејќи сум роден во Русија. Но, и тие не сакаше да ги направи, буквално брзо ме избрка. Никогаш во животот не сум почувстувал понижување од овој вид, вели тој за ММС.

Sparkasse експозитура - филијала БИТОЛА.
Денес се обратив за трансакциска сметка за физичко лице.
Sparkasse експозитура - филијала БИТОЛА.
Госпоѓата - госпоѓицата ми ги образложи условите.
Ги прифатив.
Ја започна постапката.
Стигна до местото на раѓање.
Санкт Петерсбург - Русија.
"Се извинувам, сега го забележав местото на раѓање. Не смеем да Ви отворам сметка бидејќи вашето место на раѓање е Русија".
Ми ја врати личната карта и со нетрпение чекаше да ја напуштам банката.
Sparkasse експозитура - филијала БИТОЛА.

The post „Не смеам да ви отворам сметка бидејќи сте роден во Русија“: Композиторот Миодраг Неќак понижен во Шпаркасе банка appeared first on Република.