Британскиот платеник, Шон Пинер, објави видео од борбите во регионот на Доњецк, снимено со акциона камера „ГоуПро“, кое веројатно се случило релативно неодамна.

Пинер во описот на видеото вели дека снимката е направена за време на битка во која и тој учествува.

Одевме да го нападнеме ровот со 5-10 Руси, но се покажа дека имало до триесет со поддршка на Т-90М“, вели Британецот.

Шон Пинер, кој беше заробен во Мариупол, прво беше осуден на смрт, заедно со уште неколку други странски платеници, но подоцна беше ослободен како резултат на размена на заробеници, договорена со учество на Роман Абрамович.

Пинер се врати во Украина на почетокот на декември, 10 недели откако беше ослободен.

Како што пренесува британски „Сан“, тој им ветил на мајка си и на возрасниот син дека повеќе нема да учествува во борбите, туку дека само ќе биде заедно со сопругата Лариса.

The post Британскиот платеник кој беше осуден на смрт, па помилуван пак се бори во Украина: Објави видео од напад врз руските сили appeared first on Република.