Македонскиот фудбалски прволигаш Шкендија го назначи денеска Јетон Беќири за нивен тренер, потпишувајќи со младиот стратег договор за соработка во следните 18 месеци.

Четириесетиедногодишниот Беќири се враќа во тетовскиот клуб во кој во минатото беше прв асистент, а во два наврати и вршител на должноста главен тренер.

- Со своето богато домашно и меѓународно искуство, во Беќири го гледаме вистинското решение на клупата во периодот што следува, соопшти Шкендија, која по првиот дел од сезоната во македонското првенство е третопласирана со 35 бодови, четири помалку од водечката Струга.

Беќири, кој во минатото беше тренер на Ренова и Струга, се враќа во македонскиот фудбал по ангажман во саудискиот клуб Ал Џабалаин, откако во меѓувреме го предводеше и албанскиот прволигаш Билис Балш.

- Да се биде тренер на Шкендија е чест и задоволство, но, истовремено и одговорност и мој личен предизвик. Сакам да играме напаѓачки и агресивен фудбал, но и тактички да бидеме многу одговорни. Верувам дека имаме добри шанси на крајот на првенство да бидеме првопласирани, изјави на промоцијата Беќири

The post Шкендија со Јетон Беќири ќе се обиде да ја освои титулата appeared first on Република.

Трагични вести доаѓаат од Хрватска. Поранешниот играч на Шкендија, Иван Челиковиќ почина на 34-годишна возраст. Засега не е позната причината за смртта, но се случило ненадејно, јавуваат хрватските медиуми.

Челиковиќ долги години беше во хрватскиот фудбал, а во сезоната 2017-2018 настапува во дресот на тетовска Шкендија.

Левиот бек беше дел од јуниорите на Хајдук, а потоа играше за Солин, Интер Запрешиќ, дојде во Шкендија од каде одново се врати во Интер, па во Локомотива, и последните играчки денови ги мина во Конављанин. Паралелно додека играше за нив, беше и во фудбалската академија на оваа екипа.

The post На 34 години ненадејно почина поранешен играч на Шкендија appeared first on Република.

Денеска почина Мерван Илјази, младиот тренер на Шкендија Арачиново, фудбалскиот клуб кој се натпреварува во третата лига.

Тој пред извесно време беше погоден од залутан куршум, долго се бореше за својот живот, но за жал не успеа.

Самата несреќа се случила на една семејна прослава која еве денеска завршува фатално за младиот тренер на Шкендија Арачиново.

The post Почина тренерот на Шкендија кој беше погоден од залутан куршум на семејна прослава appeared first on Република.

Додека Градскиот стадион во Тетово пропаѓа, навивачите на Шкендија најавуваат изградба на нов објект. Но и тие се жалат дека стадионот досега требаше да биде готов.

Ветувањето е повеќе од 7 години, проектите се лесна работа, но на теренот и реализацијата се влече со години- се жалат „Балистите“.

The post Еве како ќе изгледа: Градскиот стадион во Тетово пропаѓа, Шкендија ќе довие нов appeared first on Република.

Екипата на Брегалница во Штип и го нанесе првиот пораз на АП Брера Струмица во рамките на 5. коло од Првата македонска фудбалска лига.

Со максимален ефект продолжува Шкендија која во Маџари го совлада Работнички со голови постигнати во судиското надополнување.

Резултати:

Брегалница – АП Брера Струмица 1:0

Работнички – Шкендија 1:2

Шкупи – Гостивар 3:1

Силекс – Македонија ЃП 2:2

Тиквеш – Воска 1:1

Натпреварот Струга ТЛ – Вардар е одложен поради учеството на стружани во плејофот за Конференциската лига на УЕФА.

Табела: Шкендија 12 бодови, Брера 12, Брегалница 9, Шкупи 8, Тиквеш 7, Силекс 6, Работнички 6, Македонија ЃП 5, Воска 4, Струга ТЛ 3, Гостивар 3, Вардар 1

The post Прва фудбалска лига: Прв пораз за Брера Струмица, Шкендија останува без кикс appeared first on Република.

Шкендија со победа ја започна европската сезона. Во натпревар од првото квалификациско коло од Конференциската лига ја совладаа екипата на Хаверфордвест од Велс со 1-0. Стрелец на победоносниот гол беше Аденис Шала.

Екипата од Тетово ја имаше контролата на мечот иако тоа не беа шанси од некои добро изработени акции. Се гледа дека екипата на тренерот Ардијан Нухиу не е уиграна и ќе мора уште да се работи до почетокот на македонското првенство.

Реванш мечот се игра следната недела во Велс и Шкендија ќе мора и таму да игра максимално ангажирано доколку сака пласман во следното квалификациско коло.

The post Шкендија со победа ја почна евро сезоната appeared first on Република.

Шкендија ја победи Брегалница на гостувањето во Штип со 1:0 во првиот натпревар од 28. коло на Прва македонска фудбалска лига.

Тетовци ја запишаа 14. победа сезонава со што му се доближија на лидерот Струга на само три бодови.

Другите натпревари од ова коло се играат утре:

Скопје – Академија Пандев

Победа – Работнички

Силекс – Македонија ЃП

Тиквеш – Шкупи.

Слободна е екипата на Струга.

Табела: Струга 53 бода, Шкендија 50, Шкупи 45, Силекс 40, Брегалница 37, Македонија ЃП 33, Тиквеш 30, Работнички 28, Академија Пандев 22, Скопје 18, Победа 13

The post Шкендија се враќа во игра за титулата, по триумфот во Штип и „дише в врат“ на Струга appeared first on Република.

Вчера во СВР Велес било пријавено дека околу 21:10 часот во спортската сала „Гемиџии“ во Велес, по одигрување на одбојкарскиот натпревар меѓу екипите на ГОК Борец од Велес и ОК Шкендија од Тетово, бил нарушен јавниот ред и мир, при што дел од играчите на гостинската екипа и дел од присутните во публиката фрлале едни кон други со разни предмети.

[caption id="attachment_629905" align="alignnone" width="526"] фото Спортм.мк[/caption]

Притоа, со повреди се здобиле еден полициски службеник и еден играч на ОК Шкендија. Се работи на расчистување на случајот, по што ќе бидат поднесени соодветни пријави.

The post Одбојкарите на Шкендија ја каменувале публиката во Велес appeared first on Република.

ТАМУ КАДЕ НЕБОТО СТАНУВА ЦРВЕНО ХРАБРИ СИНОВИ НА ШАРПОД ЦРН ПЕТОК .СРЕЌНА 110 ГОДИШНИНА МАЈКА АЛБАНИЈА-напиша навивачката група „Балисти“ по повод 30 години од формирањето.

Навивачите на Шкендија на прославата извикуваа и непристојни извици „Каурски пи..и“ што предизвика многу негативни коментари на социјалните мрежи.

The post „Балистите“ извикуваа „Мајка Албанија“, „Косово“ и „каурски пи..и“ appeared first on Република.

Бранителот на шампионската титула Шкупи ја совлада убедливо попладнево прилепска Победа на гостински терен со 6-0 во рамки на 16. коло во Првата македонска фудбалска лига (ПМФЛ).

Во преостанатите три натпревари од денешната програма, скопски Работнички во градската пресметка ја совлада Македонија ЃП со 2-0, со пресврт Скопје триумфираше над Академија Пандев со 2-1, додека Шкендија и Тиквеш одиграа без голови.

Лидерот на табелата Струга вчера како гостински го совлада Силекс во Кратово со 2-1.

Табела: Струга 33, Шкупи 28, Шкендија 25, Тиквеш 23, Силекс 23, Брегалница 20, Работнички 18, Македонија ЃП 17, Академија Пандев 12, Победа 11, Скопје 9.

The post Шкупи поразен, Шкендија без голови appeared first on Република.

Комисијата за натпреварување на ФФМ вечерва на вонредна седница по повод денешните инциденти на четвртфиналниот куп натпревар меѓу Шкупи и Шкендија го регистрираше дуелот со службената победа на гостинскиот тим од 3-0.

Теренот на Шкупи, како што официјално е соопштено, се суспендира за одигрување првенствени и куп натпревари, а актуелниот шампион е предаден на натамошна постапка на Дисциплинска комисија на ФФМ.

Шкупи мора да пријави терен за одигрување на натпреварите како домаќин најмалку 100 километри оддалечен од стадионот Чаир во Скопје.

Натпреварот меѓу Шкупи и Шкендија беше прекинат непосредно по водечкиот гол на гостите во 10 минута, кога група навивачи на домашниот тим влегоа на теренот со намера физички да се пресметаат со гостинските фудбалери.

The post Службена победа за Шкендија, суспендиран стадионот на Шкупи appeared first on Република.

Поранешната фудбалска легенда на Шкендија и тренер кој на клубот во 2011 година му ја донесе првата шампионска титула, Ќатип Османи, се врати на клупата на тетовскиот прволигаш.

Како што официјално соопштија од клубот, Османи (53), ќе ја предводи Шкендија веќе на утрешниот натпревар против актуелниот шампион Шкупи во рамки на 8. коло во Првата македонска фудбалска лига.

Тренерското место во Шкендија остана празно по оставката на Артим Шаќири.

Шкендија во моментов е третопласирана на табелата со 11 бодови, десет помалку од лидерот Струга.

The post Ќатип Османи повторно седнува на клупата на Шкендија appeared first on Република.

Екипата на Струга Трим Лум, на гостувањето против Шкендија, ја забележа четвртата победа во четвртиот натпревар сезонава во Првата македонска фудбалска лига.

На средбата одиграна во Струмица, каде Шкендија беше домаќин поради реновирањето на теренот во Тетово, стружани забележаа победа со 2:0.

Стрелци на головите за Струга беа Христијан Малески во 50. и Бесарт Ибраими во 70. минута.

Во останатите натпревари, штипска Брегалница на свој терен ја совлада Македонија Ѓорче Петров со минимални 1:0, додека Работнички ја забележа премиерната победа, откако во Скопје го совлада Тиквеш од Кавадарци со 2:0.

Во градската пресметка, Скопје пред своите гледачи загуби од актуелниот првак Шкупи со 0:2.

Вчера фудбалерите на Силекс и Академија Пандев одиграа нерешено 1:1.

Слобдна во ова коло беше екипата на Победа.

Табела: Струга 12 бодови, Силекс 8, Брегалница 7, Шкендија 7, Шкупи 6 (-2 натпревара), Академија Пандев 4, Тиквеш 4 (-1), Македонија ЃП 3 (-1), Работнички 3, Скопје 0 (-1), Победа 0 (-1).

The post Струга ja совлада Шкендија и останува со максимален ефект во Првата фудбалска лига appeared first on Република.

На распоредот во Првата македонска фудбалска лига вчера се одиграа четири натпревари од третото коло по кое Струга Трим Лум е лидер на табелата со максимални девет бодови.

Постигнати резултати:
Академија Пандев – Шкендија 0:1
Силекс – Скопје 3:1
Струга – Работнички 2:1
Тиквеш – Брегалница 1:1.

Вчера, Македонија ЃП – Победа 4:1
Слободна во ова коло беше екипата на Шкупи.

Табела: Струга 9 бода (3 натпревари), Силекс 7 (3), Шкендија 7 (3), Тиквеш 4 (2), Брегалница 4 (3), Академија Пандев 3 (3), Македонија ЃП 3 (2), Шкупи 3 (1), Скопје 0 (2), Победа 0 (3), Работнички 0 (3).

The post Шкендија сигурна во Струмица appeared first on Република.

Во два дена (вторник и четврток) во Скопје се играа два европски натпревари. Шкупи во вторникот играше со Шамрок од Ирска, додека, пак, Шкендија играше со АИК од Шведска. Во Скопје дојдоа навивачи од двата клуба кои го искористија слободното време за прошетка.

Тоа не им се допаднало на навивачите на Шкупи, популарните „Шверцери“. Како што дознава „Република“ тие во Старата чаршија забележале странски навивачи и ги нападнале.

Сепак, фановите на Шкупи ги утнале навивачите за кои мислеле дека се на нивниот противник, односно ирски навивачи. Но, нападните странци биле шведските навивачи кои во Скопје дошле неколку дена пред да биде мечот на нивниот АИК против Шкендија.

Таквата случка беше и причина за на денот на натпреварот меѓу Шкендија и АИК, шведските навивачи да бидат спроведени до стадионот во Градскиот парк со силна полициска придружба, со цел да се избегне каков било друг инцидент.

The post „Шверцерите“ тепале погрешни навивачи: За Швеѓаните мислеле дека се Ирци appeared first on Република.

Шкендија синоќа несреќно на пенали беше поразена од АИК во квалификациите од Лигата на Конференции. Штета за момците на Артим Шакири кои беа можеби подобри од гостите од Стохолм.

Тетовскиот клуб на „Градски“ ја имаше поддршката од раководството на ДУИ на чело со министерот за економија Крешник Бектеши , професорот Абдулменаф Беџети и министерот за финансии Фатмир Бесими. Тука беше и градоначалникот на Тетово Билал Касами.

Меѓу нив беше и бизнисменот Лазим Дестани, кој е сопственик на Шкендија и чија фабрика ќе произведува електрични возила во Тетово. За оваа инвестиција владата ќе даде 130 милиони евра.

The post Пола раководство на ДУИ го виде поразот на Шкендија appeared first on Република.

Екипата на Шкендија не успеа да се пласира во плејофот на УЕФА Конференциската лига, откако во третото квалификациско коло е елиминирана од АИК Стокхолм.

Тетовци вечерва на Национална арена „Тодор Проески“ против шведскиот тим одиграа 1:1 исто како што беше и на првиот меч во Стокхолм.

Во 22. минута капитенот на „црвено-црните“ Ферхан Хасани од пенал донесе водство, АИК изедначи преку Јасин Ајари во 56. минута.

Резултатот остана ист и по двете продолженија од по 15 минути, па се пријде кон удари од 11 метри.

По изведување на пеналите гостите беа поуспешни со 3:2. За македонскиот тим погодија само Стојановски и Цаке, а Дита, Дориев и Хасани не реализираа. 

The post Шкендија по пенали елиминирана од АИК во квалификациите за Конференциската лига appeared first on Република.

Вeчерва со почеток од 20 часот Шкендија го игра реваншот против шведскиот АИК од Стокхолм. По минатонеделното реми во Стокхолм со резултат 1:1, црвено-црните на стадионот „Тодор Проески“ во Скопје ќе бараат квалификации за плејоф натпреварите од Конференциската лига на УЕФА.

Напаѓачот Ферхан Хасани смета дека ова ќе биде тежок натпревар.

Но, докажавме дека имаме квалитет и дека можеме да се соочиме со секој противник. Се почнува од нула и мислам дека шансите за пласман во плеј-офот се 50:50. Ќе дадеме се од себе, плус ќе имаме голема поддршка од навивачите и верувам дека со нивна помош ќе успееме да се пласираме во плеј-офот на Конференциската лига. Ја користам оваа прилика да апелирам до сите навивачи што е можно повеќе да дојдат на стадионот за да не поддржат, бидејќи тие се наш 12-ти играч“.

The post Шкендија вечерва ќе игра за плејоф за групна фаза во Конференциската лига appeared first on Република.

Шкендија извлече 1-1 на готувањето во Шведска против АИК. Тетовчани поведоа уште во првата минута со голот на Ферхан Хасани но гостите изедначија по десетина минути.

Ова е добар резултат пред реваншот во четврток во Скопје и Шкендија е со добри шанси да се квалификува во плејофот на Конференциската лига.

https://www.youtube.com/watch?v=ZKIGGgjVZYo

The post Шкендија со добар резултат во Шведска, плеј офот на дофат appeared first on Република.

Навивачите на Шкендија предизвикаа сериозен инцидент на натпреварот од 3. коло од квалификациите за Конференциската лига во Стокхолм против АИК.

„Балистите“ истакнаа  голем транспарент на кој пишуваше „Косово е Албанија“, како и знамето на  „Голема Албанија“.

Познато е дека УЕФА има нулта толеранција за политичките пароли па се очекува казна за  клуботод Тетово.

The post „Балистите“ во Шведска исткнаа транспарент „Косово е Албанија“ appeared first on Република.