Македонија за време на владеењето на СДСМ и ДУИ беше омилена земја од која криминалците и нарко клановите сакаат да имаат пасош.

Секако, тие не го сакаа нашиот пасош бидејќи со него можат лесно да патуваат туку до него лесно доаѓаа. На некому дури и им пристигнувале на домашна адреса како божиќен подарок.

Судска завршница за овој скандал имаше, но обвинети беа обични службеници од МВР кои никако не би можеле да дадат пасоши на вакви ликови без да добијат наредба од „горе“. Тие од „горе“ се спасија.Барем засега.

Вчера премиерот Мицкоски од собраниската говорница беше јасен дека ќе побара одговорнот од сегашниот министер за внатрешни работи Панче Тошковски ако тој не побара одговорност од поранешниот Оливер Спасовски.

„Република“ направи пресек кој се за време на СДСМ доби македонски пасош. Важно е да се напомене дека не станува збор за фалсификувани патни исправи туку легални, издадени на шалтерите на МВР како за сите граѓани.

Тука е украинскиот бизнисмен Олександар Онишченко. Овој репрезентативец на Македонија во коњички спорт има тесни врски со Русија најпрво доби позитвни оценки од неколку инститции дека нема пречки да стане македонски државјанин.

Шкаљарците Игор Дедовиќ и Стеван Стаматовиќ во 2019 година беа убиени во ресторан во Атина.

Игор Дедовиќ бил Горан Тасевски, а Стаматовиќ Емил Филипов.

Лани во септември беше убиен и Јовица Вукотиќ водачот на Шкаљарскиот клан. Тој беше ликвидиран на автопат во близина на Истанбул од непознато лице кое го следело на мотоцикл.

Вукотиќ имаше македонски пасош на име Георги Андонов и со него беше уапсен во Истанбул во 2018 година и екстрадиран во Србија каде што одлежа 15 месеци затвор.Како четири години подоцна пак се нашол во Турција не се знае и чии пасош користел.

Турската полиција е уште трага по припадникот на Кавачкиот клан, Жељко Бојаниќ (56) од Котор. Бојаниќ е најблизок соработник на Дарко Шариќ, најголемиот наркобос на Балканот.

Бојаниќ е посебен случај бидејќи има не еден туку два македонски пасоши. Еден на име Спиро Аговски и втор со име на украден идентитет на Јордан Белчев.

Најпознат е турскиот нарко бос Седат Пекер кој самиот призна дека во полициската станица во Драчево дошол да се фотографира,

Тој самиот објави дека се се сретнал со Заев во неговиот дом и оти македонската лична карта ја добил откако се сликал во полициската станица во Драчево. Тој го доби името Џадин Адемовски.

Македонец по заслуга на Заев и Спасовски стана и водачот на италијанската мафија Ндрангета. Валид Иса Хмаис кој важи за главниот перач на пари од трговијата со кокаин на италијанската нарко мафија на 09.01.2019 година во Скопје во регуларна постапка се сликал во управните служби на МВР, а потоа и го подигнал македонскиот пасош со украден идентитет на Македонец од Корча, Вурмо Таќо роден 1965-тата година.

The post На овие светски криминалци МВР на чело со Спасовски им даде македонски пасоши appeared first on Република.

Родителите на Петар Калуѓеровиќ (20) од Цетиње,  припадник на Шкаљарскиот клан беше разнесен заедно со неговиот соработник Драган Рогановиќ (36), преку некролог најавија одмазда за убиството.

Непознати сторители го паркирале блиндираното „ауди“ пред Спортскиот центар во Цетиње, активирале експлозив што претходно го закачиле на дрво. Во детонацијата со голема разорна моќ, Калуѓеровиќ починал на лице место, додека Рогановиќ подоцна им подлегнал на повредите. Во експлозијата тешко се повредени нивните партнери Танасије Јовановиќ и Михајло Борозан, како и еден постар случаен минувач.

Беа објавени пет некролози за убиените Шкаљарци во кои отворено се закануваат дека сакаат на ист начин да ги казнат сторителите.

The post Родителите на убениот припадник на Шкаљарскиот клан: Не простуваме, долгот секогаш доаѓа за наплата appeared first on Република.

Припадниците на српското МВР го екстрадираа Милинко Брашњовиќ (1982), кој е осомничен дека е член на организирана криминална група-Кавачки клан.Тој од Барселона пристигна во  Белград .

Тој е осомничен дека учествувал во извршувањето на кривичното дело смртно убиство на 19 јануари 2020 година, кога во Атина беа убиени  Стеван Стаматовиќ и Игор Дедовиќ кои поседуваа македонски пасош кои им ги додели власта во заминување.

Дедовиќ и Стаматовиќ беа изрешетани во еден ресторан додека седеа со свои сопруги и децата. Напаѓачите точно знаеле за нивната локација бидејќи сопругите се чекирале на Фејсбук.

https://republika.mk/vesti/balkan/vo-srbija-ke-bide-ekstradiran-ubietsot-na-kriminaltsite-od-shkalarskiot-klan-so-makedonski-pasosh/

The post Eкстрадиран убиецот на водачите на Шкаљарскиот клан кои поседуваа македонски пасоши доделени од МВР на Спасовски appeared first on Република.

Судот во Шпанија ја одобри екстрадицијата во Србија на Милинко Брашњовиќ, кој е осомничен дека е еден од директните извршители на убиствата во Атина на Стеван Стаматовиќ и Игор Дедовиќ во 2020 година.

Стаматовиќ и Дедовиќ биле членови на Шкаљарскиот клан, а Брашновиќ на Кавачкиот.

Милинко Брашњевиќ беше уапсен во Шпанија на крајот на февруари, а е осомничен дека учествувал во убиствата на Стеван Стаматовиќ и Игор Дедовиќ во Атина и Алан Кожар и Дамир Хаџиќ на Крф во 2020 година.

За нас, Стаматовиќ и Дедовиќ се важни дека тие поседуваа македонски пасош и  со него влегле во Грција.Дедовиќ и Стаматовиќ беа изрешетани во еден ресторан додека седеа со свои сопруги и децата. Напаѓачите точно знаеле за нивната локација бидејќи сопругите се чекирале на Фејсбук.

The post Во Србија ќе биде екстрадиран убиецот на криминалците од Шкаљарскиот клан со македонски пасош appeared first on Република.

Бранислав Брано Миќуновиќ од Никшиќ беше една од најконтроверзните личности во регионот кој почина минатата недела.

Тој предизвика конфликт и раскол меѓу двата клана  Шкаљарски и Кавачки. Брано Миќуновиќ ја започнал оваа операција поради неможноста да врши контрола врз активностите на которскиот клан, кој дотогаш дејствувал како еден, а потоа се подели на два, а во нивната војна досега се убиени повеќе од 50 луѓе.

Миќуновиќ одржувал блиски контакти со Давор Трајковиќ од Врање, кој бил директен извршител на кражбата, односно физички го транспортирал кокаинот во станот на Горан Радоман во Валенсија. Тоа беше и повод за војната меѓу двата клана која трае и денеска.

The post „Донот“ веќе го нема, како ќе функционираат Кавачкиот и Шкаљарскиот клан appeared first on Република.

Војната на црногорските кланови, која однесе повеќе од 60 животи, почна во Валенсија пред 10 години, кога од стан исчезнаа 200 килограми кокаин. Во 2014 година клановите се поделија на две „фирми“ Шкаљарски и Кавачки  а фотографијата што е направена во 2008 година во Црна Гора, а која ја објави  Курир.рс  сведочи дека тие некогаш биле најдобри пријатели.

[caption id="attachment_767984" align="aligncenter" width="640"] фото Курир.рс[/caption]

Сега починатиот водач на „Шкаљарците“ Јован Вукотиќ и  лидерот на Кавачкиот клан Радоје Звитер позираа насмеани и прегрнати, а во нивно друштво се Игор Божовиќ и Слободан Кашчелан, како и „Скалјарите“. Игор Дедовиќ и Далибор Даба Томовиќ.

Речиси сите од овие два клана, освен Звицер се убиени.

Извор Курир.рс

The post Невидена фотографија на Кавачкиот и Шкаљарскиот клан од пред да почне „војната“ до истребување appeared first on Република.

Во координирана меѓународна заедничка акција на истражните тимови на Република Србија, Јавното обвинителство за организиран криминал, Апелационото обвинителство на Грција, ЕВРОПОЛ, вчера во Србија се уапсени шест лица, а во Шпанија и Грција по едно лице.

- Осомничените се лишени од слобода поради постоење основи на сомнение дека сториле кривично дело здружение за извршување кривично дело, кривично дело тешко убиство, поради извршување на кривичното дело на 19.01.2020 година во Атина, во која Стеван Стаматовиќ и Игор Дедовиќ беа лишени од живот и на 23.07.2020 г. кога на Крф беа убиени Алан Кожар и Дамир Хаџиќ – соопштија од Српското Јавно обвинителство за организиран криминал.

За нас особено се важни имињата на Игор Дедовиќ и Стеван Стаматовиќ.Тие двајца се познати како водачи на Шкаљарскиот клан кои поседуваа македонски пасош и  кои беа ликвидирани пред очите на жените и децата во ресторан во Атина во 2020 годиина. Игор Дедовиќ бил Горан Тасевски, а Стаматовиќ Емил Филипов.

Убиството се случи на 19 јануари 2020 година во ресторан во елитната населба Глифада. Дедовиќ и Стаматовиќ вечерале со сопругите и децата додека четворица мажи влегле во ресторанот, се приближиле до масата,  проговориле неколку зборови на српски и отвориле оган.

Камерите ги снимиле џелатите како се приближуваат до ресторанот, а бројни сведоци кои седеле на само неколку метри од убиените во ресторанот, ги опишале мажите кои влегле и пукале.

Министерот за внатрешни работи Панче Тошковски во интервју за „Република“ најави дека ќе се проверат сите пасоши издавани на криминалци и нарко босови.

Тоа е една од работите кои ќе треба да се истражат во детали во следниот период.За овој случај имаше една акција во која одговараа само ситни риби.Ќе бидат проверени и тие пасоши.Нека не се грижат македонските граѓани, после осми мај кога ќе имаме нормална влада ќе се проверат сите овие работи.Сѐ ќе се расчисти-ветува министерот.

The post Уапсени убијците на водачите на Шкаљарскиот клан кои беа ликвидирани со македонски пасоши appeared first on Република.

Убиството на Игор Дедовиќ и Стеван Стаматовиќ кои поседуваа македонски пасош и  кои беа ликвидирани пред очите на жените и децата во ресторан во Атина во 2020 годиина го нарачал водачот на Кавачкиот клан Радоје Звицер за милион евра од  Вељко Беливук и Марко Миљковиќ, беше речено на вчерашното судење во Белград.

Убиството се случи на 19 јануари 2020 година во ресторан во Глифада. Дедовиќ и Стаматовиќ вечерале со сопругите и децата додека четворица мажи влегле во ресторанот, се приближиле до масата,  проговориле неколку зборови на српски и потоа отвориле оган.

Камерите ги снимиле џелатите како се приближуваат до ресторанот, а бројни сведоци кои седеле на само неколку метри од убиените во ресторанот, ги опишале мажите кои влегле и пукале.

Убијците изгледаа како војници. Влегоа во барот во црни панталони, со шалови на лицето и ја опколија масата. Беа прецизни. Штом завршија со пукањето, се свртеа и си заминаа.

https://republika.mk/vesti/balkan/ova-e-grobot-na-tsrnogorskiot-kriminalets-koj-go-izreshetaa-vo-atina-so-makedonski-pasosh/

The post Шкаљарците со македонски пасоши биле изрешетани во Атина за еден милион евра appeared first on Република.

Убиените припадници на Шкаљарскиот и Кавачкиот клан завршуваат на исти гробишта, во которската населба Доброта.„Курир.рс“ направи репортажа од овие гробишта каде се погребани сите криминалци кои порани биле од еден ист клан, а потоа се разделиле.

Тука се роднините на Радоје Звицер, водачот на Шкаљарскиот клан Јовица Вукотиќ, неговиот татко  и многу други.

За нас е интересно што на овие гробишта е вечното почивалиште на Игор Дедовиќ кој беше изрешетан во Атина во 2020 година со неговиот партнер Стеван Стаматовиќ за шверц на 300 килограми  кокаин.

Дедовиќ и Стаматовиќ имаа македонски пасоши кои ги добија кога околу 200 светски криминалци добија наши патни исправи.

На гробот на Дедовиќ пишува „љубовта е посилна од смртта“ а има статуа на мал ангел.

https://republika.mk/vesti/balkan/koi-se-igor-dedovikj-i-stevan-stamatovikj-ubienite-crnogorci-so-makedonski-pasosh-proshvercuvale-kokain-vo-vrednost-od-nad-300-milioni-evra/

The post Ова е гробот на црногорскиот криминалец кој го изрешетаа во Атина со македонски пасош appeared first on Република.

Многумина припадници на Шкаљарскиот и Кавачкиот клан го преселија животот од слобода во затворот  Спуж во Црна Гора. За да не се претвори затворот во Подгорица во бојно поле, нивото на безбедност е подигнато на највисоко можно ниво и во текот на 2022 година немало инцидент меѓу членовите на клановите.

Тоа практично значи дека членовите на клановите кои се во „војна“ не можат да делат ќелија, тие одат одделно на прошетки и се внимава при сите други активности да не дојдат во контакт меѓу себе.

Во Спуж моментално престојуваат Слободан Кашчелан, Игор Божовиќ и неговиот син Владимир. Под ист покрив е и турскиот државјанин Бинали Чамгоз, кој е осомничен дека бил во групата што 8. го уби Јован Вукотиќ.

Зтвореници сепак успеаја да прошверцуваат различно оружје и телефони во своите ќелии како и мобилни телефони скриени во тенџериња.

The post Шкаљарскиот и Кавачкиот клан мобилните телефони во затвор ги шверцуваат во тенџериња appeared first on Република.

Војната на два криминални клана во Котор до истребување започна пред седум години и однесе повеќе од 50 животи. Клановите се поделелиле поради исчезнувањето на повеќе од 200 килограми кокаин во Валенсија и дека оттогаш низа крвави пресметки меѓу довчерашните кумови и нивните најблиски соработниците започна.

Дотогашнит которски клан се поделил на два табора - Кавачки, предводен од Радоје Звицер и Слободан Кашчелан, кој избегал и е во затвор, додека покојните Игор Дедовиќ и Јован Вукотиќ, како и Јован брат Игор Вукотиќ кој е во бегство 10 години

 Кокаинот бил набавен од добавувачот, бугарски државјанин од Боливија, а договорот наводно бил да се плати товарот само кога стоката била продадена и парите поделени меѓу нив.

Во подземјето кружи познатата реченица што Слободан Кашчелан наводно ја изговорил во 2014 година: „Јас те направив, јас ќе те уништам!“ пред насобраните членови на которскиот клан. После тоа започнува војната меѓу клановите на двете населби во Котор.

Пред неколку години Звицер наводно и му понудил примирје на Вукотиќ со зборовите- „не сакам да се караме, се знаеме цел живот“.

Но, до тоа никогаш не дојде.

The post Звицер му нудел примирје на Вукотиќ: Не сакам да се караме, се знаеме цел живот appeared first on Република.

По повеќе од една година мирување, по апсењето на Вељко Беливук и Марко Миљковиќ, кланот Шкаљарскиот клан и Кавачкиот започна отворен судир со бруталните ликвидации.

Последна  е бруталната ликвидација на Милиќ Миња Шаховиќ, кому непознат маж истрелал осум куршуми во главата и телото додека бил на вечера во ресторан во Будва.

Криминологот Добривоје Радовановиќ за „Курир,рс“ вели дека војната меѓу клановите не стивнува.

- На војната на которските кланови не и се гледа крај и таа прераснува во крвна одмазда. Ова веќе не е мафијашка војна поради изгубен товар на дрога или криминални афери, ова отиде предалеку, како одмазда. Мотивот е да се убие секој машки член, а како што се зголемуваат потомците на клановите, нема крај. Немаат кочница и шифра, само треба да ја завршат задачата - вели криминологот и објаснува дека клановите добиваат нова подмладена војска, желни да се докажат:

Како започна се

Во Котор почна најкрвавата војна во балканското подземје, која како рак се рашири во Европа. Ја водеа два клана  именувани по две села  во близина на тој приморски град.

Хроничарите почетокот на својата пресметка го поставија во 2010 година, за да ја запалат последната капка крв во 2014 година. Причината секако е дрогата, но не треба да се игнорира ниту крвната одмазда, ниту  суетата на десетина моќни криминалци кои формираа две армии од некогаш обединетите „которски групи“.

Во таа војна загинале повеќе од 60 луѓе. Кавачкиот клан го водат Слободан Кашчелан, Игор Божовиќ и Радоје Звицер. Белградска врска им беа  Вељко Беливук и Марко Миљковиќ, но и кругови на активни и поранешни полицајци во Црна Гора и Србија.

The post Kрвната одмазда се уште живее меѓу Кавачкиот и Шкаљарскиот клан appeared first on Република.