Откриена е причината за смртта на Шинејд О’Конор. Имено, ирската пејачка починала од природна смрт, се вели во официјалното соопштение на лондонските судски власти.

О'Конор беше пронајдена без знаци на живот во својот дом во јужен Лондон, Велика Британија, на 26 јули минатата 2023 година, на 56-годишна возраст.

Нецела година претходно, пејачката го загуби синот (17), кој извршил самоубиство.

The post Шинејд О’Конор починала од природна смрт, потврди обдукцијата appeared first on Република.

Обожавателите на Шинејд О’Конор ги пееја нејзините најпознати песни на трогателниот собир во Даблин во неделата попладнето за да ѝ оддадат почит на покојната ѕвезда. Околу 100 луѓе се собраа да ја отпеат „Nothing Compares to you“.

О’Конор, која почина во Лондон минатата недела на 56-годишна возраст, стекна меѓународна слава во 1990 година со нејзината верзија на споменатиот хит.

Со моќните глас и текстовите, ирската пејачка беше позната по нејзините остри социополитички ставови, вклучително и оние поврзани со скандалите на злоупотреба во Католичката црква и сексуализацијата на женските музичари.

Попладневното пеење на плоштадот Бернардо во центарот на Даблин го организираше социјалистичката феминистичка група Роза. Активистката на Роза (Роуз) и поранешната ирска парламентарка Рут Копингер ѝ оддадоа почит на починатата пејачка.

„Таа ја маѓепса публиката со нејзиниот извонреден и единствен глас кој можеше да биде шепот и крик во еден стих. Уметноста и активизмот на Шинејд О’Конор се неразделни – тие се составен дел еден на друг. Нејзиниот уметнички интегритет и чувството за правда произлегоа од нејзиното лично искуство на неправда”, рече Копингер.

Претходно во неделата, лауреатот на Меѓународната книжевна награда во Даблин, Колм Тоибин, рече дека О’Конор пееше со „мисионерко чувство за мисија“ да зборува против неправдата.

Говорејќи на BBC Radio4, тој го опиша потегот да се скине сликата на папата која била во сопственост на нејзината мајка како „извонреден момент“ кој покажал дека таа е подготвена „да оди против струјата“ за да го нагласи она што ќе стане скандал со злоупотреба на деца во Католичката црква.

Пејачката добитничка на Греми предизвика контроверзии и се најде на насловните страници кога ја искина сликата на папата Јован Павле Втори во американското ТВ шоу „Saturday Night Live“ во 1992 година, во знак на протест против Католичката црква, а со тоа поттикна жестоки реакции.

https://www.youtube.com/watch?v=HPfhaUYsp8A

The post Обожавателите во Даблин ја пееја „Nothing Compares to you“ во спомен на Шинејд О’Конор appeared first on Република.

Познатата пејачка Шинејд О’Конор почина на 56-годишна возраст, пренесува „Дејли мејл“.

Таа стана светска ѕвезда во 1990 година. За време на нејзината богата кариера објави 10 студиски албуми. Нејзината изведба на песната „Nothing Compares 2 U“ на Принс беше прогласена за светски сингл број еден на Билборд музичките награди. Во 1991 година ја доби наградата „Греми“ за нејзиниот албум „I Do Not Want What I Haven’t Got“.

О’Конор го промени своето име во Шухада Садакат во 2018 година, откако се одлучи да премине во ислам. Веста за нејзината смрт е по долгогодишна борба со менталното здравје и 18 месеци по смртта на нејзиниот 17-годишен син Шејн.

https://www.youtube.com/watch?v=0-EF60neguk

The post Почина славната Шинејд О’Конор appeared first on Република.