Наместо урбана џунгла со високи згради, на местото кај „Шик Јелак“ да се направи убав градски парк кој што ќе го користат сите жители на Тетово, вели потпретседателот на ВМРО-ДПМНЕ, Александар Николоски, кој што во рамките на изборната кампања за предвремените избори за Совет на Општина Тетово, беше запрашан за коментар за постапките или не постапувањето по овој корупциски случај кој што тој го објави во јавноста.

Додава дека тоа може да се реализира на начин што, владата треба да го откупи земјиштето кај фабриката по иста цена по која го продаде и истото да го поклони на Општина Тетово.

Николоски посочи, дека откако Советот на општина Тетово го поништи Деталниот урбанистички план за делот кај што е лоцирана некогашната фабрика „Шик Јелак“, од владата повторно се обидуваат да го заживеат овој проект кој што предвидуваше изградба на високи згради, па така адвокатското друштво на поранешниот градоначалник на Град Скопје, Петре Шилегов е адвокат на контроверзниот црногорски бизнисмен, Миодраг Дака Давидовиќ.

„Новото мнозинство во советот го поништи деталниот урбанистички план и тој е вон сила, но слушам дека од владата се обидуваат повторно да го заживеат овој проект. Па така, случајно или не адвокатското друштво „Шилегов и партнери“ е адвокат токму на Миодраг Дака Давидовиќ, што многу зборува во однос на случувањата кои што се случуваат во Општина Тетово и обидот да се направи урбана џунгла кај Шик Јелак. Ние мислиме дека таму треба да има парк, мислиме дека државата треба да го откупи земјиштето по истата цена по која што го продаде и да го подари на општина Тетово, а општина Тетово таму да изгради еден убав градски парк, кој што ќе можат да го користат сите жители на Тетово“, рече Николоски.

Николоски потсети дека контроверзната одлука за продажба на „Шик Јелак“ беше прва одлука на Влада, која што мнозинството на СДСМ и ДУИ ја донесе после изборите во 2020 година, за што постојат и сериозни индиции за корупција кај тогашни високи владини функционери и тоа може да се види, како од материјалите што тој ги објави така и од прислушуваните разговори кои протекоа во јавноста.

„Точно, прва одлука која што ја донесе мнозинството претходно во советот на Општина Тетово на СДСМ и ДУИ, веднаш после формирањето на владата во 2020 година, беше, деталниот урбанистички план за Шик Јелак, кој што во многу спорни услови е продаден на контроверзниот црногорски бизнисмен со српско потекло, Миодраг Дака Давидовиќ. Јавноста тогаш беше запозната и преку документи кои што ги извадивме, но и преку разговори кои што протекоа во јавноста, дека има силни индиции за корупција кај највисоки владини функционери, пред се мислам на тогашниот Генерален секретар на владата, како и поранешната градоначалничка на Тетово. Се споменуваа разни имиња кои треба да добие плацеви за бизниси и кој требало да добие два милиони евра во кеш, кој веќе добил шест милиони во кеш и така натака, за да се приватизира тоа земјиште. И тоа земјиште беше приватизирано по смешна цена, преку фирма која што е основана во даночните рајски острови, односно во Панама за што, исто така, извадивме документи“, истакна Николоски.

The post Наместо урбана џунгла со згради, кај ШИК Јелак во Тетово да се направи убав градски парк appeared first on Република.

Крими приватизацијата на Шик Јелак во Тетово и обидот за да таму се реализираат околу 200.000 метри квадратни станбена и деловна површина беше првата голема крими афера после изборите во 2020 година. Имено владата на СДСМ и ДУИ, односно на Зоран Заев и Али Ахмети беше изгласана на 30ти август во македонското собрание, недела а веќе 31 август понеделник во општина Тетово беше изгласан Деталниот урбанистички план со што на Миодраг Дака Давидовиќ му се додели бизнис од некаде над 200 милиони евра, посочи Александар Николоски, потпретседател на ВМРО-ДПМНЕ во вечерашното гостување во емисијата „Што не е јасно“ на ТВ Алфа.

Тој додаде:

Тој случај е еден пример на јасната дволичноста на власта. Имено власта која што зборува за прозападни вредности е власта која што на Дака Давидовиќ кој што е еден експонент на големо на српските политики на Балканот му додели таков ДУП. Значи Теута Арифи и ДУИ му додели таков ДУП на Дака, преку оф шор фирми од Панама, што значи дека можеби се работи и за нечисти пари и за пари кои што условно кажано доаѓа на спорен начин во Македонија. И тоа беше еден пример како врз основа на други интереси се прескокнуваат тие декларативни заложби во јавноста.

Николоски истакна дека изградбата на 200.000 метри квадратни станбена и деловна површина било всушност ветување на ВМРО-ДПМНЕ, односно како што додаде тој после промената на локалните избори и победата на Билал Касами за градоначалник на Тетово како и формирање на ново советничко мнозинство каде што ВМРО-ДПМНЕ е значаен и суштински дел се суспендирал овој ДУП, со што неправдата се исправила.

Слушнавме и разговори во јавноста кои што излегоа каде што јасно се индицираше дека се дадени пари на луѓе блиски на власта, се споменуваше Рашковски во тие разговори, се споменуваа и други лица кои што се блиски на ДУИ така што тој случај ја покажа дволичноста на оваа владина коалиција.

И тоа беше една од нашите ветувања дека тука ќе ја исправиме работата, после промената на локалните избори и победата на Билал Касами за градоначалник на Тетово и формирање на ново советничко мнозинство каде што ВМРО-ДПМНЕ е значаен и суштински дел на тоа ново советничко мнозинство, на наша иницијатива и на барање на Билал Касами се суспендираше овој ДУП со што неправдата се исправи. И овој е еден пример што треба да правиме и што ќе правиме после формирањето на владата, каде што едни вакви афери што се отвораат ќе мора да имаат своја разрешница, таму каде што е возможно да се исправи правдата, да се исправи и секако да има одговорност, изјави Николоски.

The post Николоски: Ветивме дека ќе го суспендираме ДУП-от и нема да дозволиме крими приватизација на Шик Јелак appeared first on Република.

Ова беше првата голема АФЕРА којашто ја објавив после формирањето на владата на ДУИ и СДСМ во 2020 година, напиша на својот фејсбук профил Александар Николоски.

Новиот градоначалник од опозицијата Билал Касами и советничкото мнозинство од кое значаен дел е од ВМРО-ДПМНЕ го поништија ДУП - от за ШИК Јелак. Со ова покажуваме дека ќе има РЕД и ќе има ПРАВДА!

The post Николоски: Поништен ДУП-от за ШИК Јелак, покажуваме дека ќе има ред и правда appeared first on Република.