Генералниот секретар на Светската здравствена организација, Тедрос Аданом Гебрејесус е примен во болница во Рио де Жанеиро, јавија светските агенции, повикувајќи се на локалниот весник „Глобо“.

Тој бил примен во „болница со симптоми на воспаление на увото и висок крвен притисок“, откако во понеделникот, на маргините на состанокот на Г20, станало јасно дека не се чувствува добро.

The post Хоспитапизиран шефот на Светската здравствена организација appeared first on Република.

Шефот на военото крило на Хамас, Мохамед Деиф, е убиен во израелски воздушен напад во Газа минатиот месец, соопшти израелската војска, еден ден откако политичкиот лидер на групата беше убиен во Техеран, пишува Гардијан.

„ИДФ (Израелските одбранбени сили) соопштуваат дека на 13 јули 2024 година, воените авиони на ИДФ извршија напад во областа Кан Јунис и дека по разузнавачката проценка може да се потврди дека Мохамед Деиф беше елиминиран во тој напад“, соопшти војската.

Хамас не одговори веднаш на барањето за коментар на израелското соопштение, кое дојде додека толпа се собира во Техеран на погребот на лидерот на Хамас Исмаил Ханија, објави Ројтерс.

The IDF and the Shin Bet officially confirm this morning The elimination of Muhammad Deif pic.twitter.com/KHQNqQFGNX

— Mossad Commentary (@MOSSADil) August 1, 2024

Се верува дека Деиф бил еден од организаторите на нападот на Хамас на 7 октомври врз јужен Израел, кој ја предизвика војната во Газа, која сега трае 300 дена.

Една од најдоминантните фигури на Хамас, Деиф се искачи низ редовите на групата во изминатите 30 години, развивајќи мрежа на тунели и експертиза за производство на бомби.

Тој со децении беше на врвот на листата на најбарани во Израел, лично се сметаше за одговорен за смртта на десетици Израелци во самоубиствени напади.

Создаде значителен арсенал на ракети кои можеа, а често и погодуваа, цели длабоко во Израел.

Деиф остана мистериозна фигура во Газа. Речиси никогаш не се појавуваше во јавноста, ниту беше фотографиран, само понекогаш неговиот глас се слушаше во објавените аудио изјави. Тој претходно преживеа серија израелски атентати врз него.

Во својата 10-месечна кампања на бомбардирања и офанзива во Газа, Израел уби околу 39.480 Палестинци и рани повеќе од 91.100 други, според Министерството за здравство на Газа, кое не прави разлика меѓу цивили и борци. Повеќе од 80 отсто од населението од 2,3 милиони луѓе се протерани од своите домови, а огромното мнозинство се сместени во шаторски кампови во југозападниот дел од територијата, со ограничени количини храна и вода.

The post Убиен е Мохамед Деиф, шефот на военото крило на Хамас appeared first on Република.

Директорот на американската Централна разузнавачка агенција (ЦИА) Вилијам Барнс неодамна бил во тајна посета на Украина каде што се сретнал со претставници на украиснките служби и со претседателот Володимир Зеленски, објави „Вашингтон пост“.

За време на посетата, Барнс го потврдил американското ветување дека ќе споделуваат разузнавачки информации за да и помогне на Украина да се одбрани од руската агресија, изјавил неименуван американски функционер, пренесува Бета.

Според „Вашингтон пост“, украинските власти ги претставиле плановите за враќање на териториите окупирани од руските сили и очекувањата да започнат преговори за прекин на огнот до крајот на годината.

Патувањето на Барнс во Киев било пред бунтот на руската паравоена група Вагнер на 24 јуни.

„Вашингтон пост“ ги пренсува и тврдењата на американските официјални претставници дека САД немале никаква улога во бунтот на Вагнер. Главните американски медиуми во петокот објавија дека Барнс по побуната на Евгениј Пригожин му телефонирал на шефот на руската разузнавачка служба Сергеј Наришкин за да го увери дека САД не се вмешани во тој настан.

The post Шефот на ЦИА во тајна посета на Украина appeared first on Република.

Советот за Јавни обвинители на продолжението на 70-тата седница, денеска едногласно го избра Мустафа Хајрулахи за шеф на Вишото јавно обвинителство Скопје.

Претседателот на Советот на јавни обвинители, Антонио Јолевски, на почетокот на денешната седница појасни дека Хајрулахи е позитивно оценет со 23 поени.

Членот на Советот на ЈО Арбер Исаку, посочи дека Хајрулахи кој во изминатите четири години ја вршел оваа функција и покажал резултати, и со неговиот избор само уште повеќе ќе се подобрат состојбите на подрачјето на Вишото јавно обвинителство.

За шеф на Вишо јавно обвинителство Гостивар, Советот на ЈО го избра Фарик Арслани.

Во трка беа тројца кандидати Деса Пауновска (четири гласа за, еден против и тројца воздржаи), Душица Димитриевска (два гласа за, четири против и двајца воздржан) и Фарик Арслани (седум гласа за и еден воздржан). На дневен ред на 70-тата седница на Советот на јавни обвинители, беше и одлука за објавување на оглас за четворица јавни обвинители во ОЈО ГОКК, но беше одложена.

The post Го избраа Мустафа Хајрулахи за шеф на Вишото јавно обвинителство Скопје appeared first on Република.