Партијата на Али Ахмети во септември масовно излегува на улични протести, поставувајќи ѝ ултиматум на актуелната власт - или ние во Владата по принципот „победник со победник“, или одиме на предвремени избори, дознава Плусинфо од партиски извори. Има ли партијата на Али Ахмети доволно сила, но и намера, за да изврши дестабилизација на државата доколку не биде исполнето нивното барање?

„Или ќе нѐ примите во Владата по принципот ‘победник со победник’, или одиме на предвремени парламентарни избори“.

Ваков ултиматум до актуелната власт се крчка во кујната на Али Ахмети во Мала Речица, дознаваме од партиски извори.

Како што брифираат нашите соговорници, лидерот на ДУИ веќе сериозно крои планови од септември да го изнесе членството на улични протести кои би претставувале своевидна албанска варијанта на Шарената револуција од 2016 година.

Според најавите, протестите најверојатно би биле фокусирани во Скопје, но очекувано е да се мобилизираат и партиски симпатизери од Тетово, Гостивар и од другите градови, кои со автобуси би биле носени во главниот град.

Партиските извори брифираат и дека влијателни западни амбасадори во Скопје не ги одобруваат плановите на ДУИ, бидејќи се плашат дека тие водат кон дестабилизација на земјата во еден чувствителен период за поширокиот регион.

А дека нѐ очекува бурна и турбулентна есен, вчера меѓу редови потврди и портпаролот на ДУИ Арбр Адеми, кој рече дека партијата од септември излегува на терен, откако на Централното претседателство во Мала Речица бил разгледан нацрт-драфтот на американскиот експерт Пол Вилијамс, кој беше ангажиран од интегративците за да изнајде решение за почитување на легитимитетот и мнозинството.

Има ли ДУИ во моментов политичка моќ за да ја уценува власта? Има ли партијата на Али Ахмети доволно сила, но и намера, за да изврши дестабилизација на државата доколку не биде исполнето нивното барање?

Ништо без поддршката на САД

Политичкиот аналитичар Синиша Пекевски вели дека на ДУИ во моментов ѝ се случува трагедијата на СДСМ, односно ѝ се случува – пропаст.

– ДУИ е криминогена политичка партија, која над 20 години на власт се интересираше само за сопствен економски бенефит. Тогаш воопшто не им беше грижа за граѓаните во целост, вклучително и за граѓаните од албанска националност. ДУИ во моментов се соочува со пропаѓање, па раководството смета дека со небулозни изјави и потези пак ќе се врати на власт. Македонија не е бинационална држава и не постои ама баш никаква можност за прифаќање на принципот „победник со победник“. Сега ДУИ нема моќ за некаква акција или дестабилизација, затоа што нема поддршка од никого. На ЕУ и на САД не им е потребен нов конфликт на Балканот, покрај многуте во светот. Стратегијата на ДУИ е пропадната инвестиција, нешто слично како и фабриката за електрични возила во Тетово – објаснува Пекевски.

Новинарот Насер Пајазити, пак, смета дека сценариото на ДУИ е со ваквите закани политички да поентира пред локалните избори следната година, со цел да си ги зачува гласачите.

– Мислам дека овие нивни закани не се сериозни, туку се работи за обиди за некакво политичко поентирање. Веќе видовме дека нивната политика секојдневно ретерира. Оваа стратегија опфаќа и хибридна медиумска кампања, која ќе продолжи да тече и во иднина. Во склоп на оваа пропаганда е и спинот на ДУИ дека до Нова година ќе се врати на власт. На ДУИ прво ѝ се потребни внатрешни реформи, а дури потоа да излезе пред народот со конкретна политичка понуда – вели Пајазити.

Љуљзим Фаризи, доктор по политички науки, вели дека ДУИ не е стабилна политичка партија и затоа нема ни да се осмели да организира протести пред да биде сигурна дека има поддршка на теренот.

– Мислам дека сега тие го „мерат“ теренот, расположението на луѓето, од град во град, од село во село. Мора прво да го измерат „пулсот“, пред да преземат акција. Проблемот им е во тоа што нивните клиентилисти, кои се вработени во јавната администрација, ќе се плашат да излезат на протести. Поширокото членство и симпатизерите, пак, чекаат да видат што ќе направи коалицијата Вреди и дали таа ќе им понуди нешто повеќе од раководството на ДУИ. За жал, тоа е тој менталитет на луѓето, кој тешко се менува – објаснува Фаризи.

ДУИ нема сила за правење тензии

ВМРО-ДПМНЕ реагираше преку партиско соопштение во кое наведува дека ДУИ планира агресивно делување за заштита на сопствениот криминал.

„Ахмети очигледно не ја научил лекцијата дека не треба да го потценува ВМРО-ДПМНЕ и дека сè што прави еден ден ќе му се удри од глава. Како што му се удри рушењето на принципот на коалицирањето ‘победник со победник’, кој тој го наруши во 2017 година. Нема да дозволиме една криминална банда да ја киднапира иднината на сите граѓани и кога нема да е на власт и кога ќе треба да се соочи со правда, да подбуцнува тензии во државата“, наведува партијата на Христијан Мицкоски.

Македонија е членка на НАТО и демократска држава во која мора да владее правото, се вели во соопштението.

„Колку побрзо ДУИ се соочи со тоа и се реформира, толку побрзо Македонија ќе оди напред кон ЕУ. ДУИ во моментот е во заложништво на мала група бандити во врвот, а Ахмети од национален лидер на Албанците во Македонија прераснува во најголем заштитник на криминалот во Македонија“, се наведува во соопштението на ВМРО-ДПМНЕ.

На оваа тема разговаравме и со портпаролот на коалицијата Вреди, Фари Исени, кој смета дека партијата на Али Ахмети во моментов нема сила за да изврши дестабилизација на државата.

– Најавуваат протести без воопшто да се обидат принципот „победник со победник“ да биде усвоен во поширока дебата. Ние не сме против тој принцип, но само ако добро се третира и се анализира. Ако се усвои овој принцип, тогаш тој треба да важи само за партии кои немаат коалиција со партии од други етнички припадности. ДУИ се обидува да го искористи албанскиот народ како штит за нејзиното корумпирано минато. Со најавата за протести, ДУИ сака да создаде побуна кај народот за да си го заштити своето корумпирано минато. Не верувам дека партијата на Али Ахмети во моментов има сила да собере многу народ и да предизвика дестабилизација на државата – изјави Исени за Плусинфо.

Официјално, целта на ДУИ е да го надградува „Мајскиот договор“ од 2007 година за коалицирање на „победник со победник“ на парламентарните избори. Како што најави партискиот портпарол Арбр Адеми, договорот ќе биде промовиран на годишнината од Рамковниот договор на 13 август, кога ДУИ ќе си прави приватна прослава.

Новиот „Мајски договор“ го изработи американскиот експерт Пол Вилијамс и предвидува победникот од македонскиот и победникот албанскиот блок задолжително да коалицираат за идна влада. Тој принцип беше промовиран во 2008 година, но ДУИ го прекрши во 2017 година кога наместо со ВМРО-ДПМНЕ како победник на изборите во декември 2016 година, по налог на американскиот амбасадор Џес Бејли, формираше влада со губитникот – СДСМ и Зоран Заев.

The post И Ахмети ќе проба да направи Шарена Револуција: Нѐ очекува бурна и турбулентна есен appeared first on Република.

Бојан Јовановски во поткастот кај Стефан Лазаров откри за контактите на Зоран Заев со српската опозиција, односно со противниците на Александар Вучиќ. Како пример го наведе Зоран Башановиќ, кој бил чест гостин во 1ТВ, а во тоа време советник на Заев.

[caption id="attachment_775185" align="alignnone" width="640"] Зоран Башановиќ, советник на Зоран Заев, на отворањето на 1ТВ[/caption]

Неговите политички опоненти доаѓааа кај мене во телевизија. Доаѓаше и Ѓилас и имаше интервју, а оттаму замина кај Заев и му го бараше моделот на „Шарената револуција“ - откри Јовановски.

The post Бојан Јовановски: Лидерот на српската опозиција го бараше од Заев моделот на „Шарената револуција“ appeared first on Република.

Најмалку 63 лица се уапсени за време на протестите против предлог-законот за „странски агенти“ во Тбилиси, а шест полицајци се повредени во судирите, соопшти грузиското Министерство за внатрешни работи.

Грузиските безбедносни сили употребија водени топови, солзавец и шок-бомби за да ги растераат демонстрантите пред парламентот во текот на ноќта.

Законот за „странски агенти“ беше осуден од опозицијата и од западните влади како автократски, а тој бара организациите кои добиваат повеќе од 20 отсто од своите средства од странство да бидат регистрирани како агенти зависни од странско влијание.

The post „Шарените“ најдоа нова тезга во Грузија appeared first on Република.

Поранешниот премиер и лидер на СДСМ Зоран Заев деновиве е во САД. Оваа информација ќе поминеше незабележително ако тој, како што го дал господ не се пофалеше каде па дури и испраќаше политички пораки за случувањата во Македонија.

Организатор на патувањето на Заев во САД е организаијата „Center Power Academy“ . Oва веројатно ништо не ви значи но кога ќе се каже Canvas одма станува појасно. Канвас е идејниот творец, организаторот на Шарената Револуција која беше организатор на протестите во 2015 и 2016 година против ВМРО-ДПМНЕ.

Зоран Заев беше постојан говорник на протесите на Шарените, а која е крајната цел на повикувањето на Заев сега во САД останува да видиме.

Главен на Канвас е Србинот Срѓа Поповиќ. Тој сѐ работи по книга како што е книгата „Мустра за револуција“ чии е автор токму Поповиќ.

The post Што се подготвува? Заев е во САД кај организацијата што ја создаде Шарената револуција appeared first on Република.

Во Србија се случува реприза на македонското и претходно на украинското сценарио. Сликите што ги гледаме во Белград нема кого нѐ потсетија на случувањата во Скопје во 2015 година и „шарената револуција“ и познатиот „Мајдан“ во Украина пред десет години.

Сѐ е исто-шатори, лажни студенти, блокирање на булевари, штрајк со глад.

Недостасува уште фарбање и кршење, но и тоа веројатно ќе го видиме во следниот период.

И политичките барања на српската и на тогашната опозиција на чело со СДСМ се исти, а тоа со изгубени избори да дојдат на власт. Во Македонија тоа им успеа, а како што стојат работите во Србија нема да им успее.

Она што е заедничко е што и во Србија, и во Украина и во Македонија ја имаат поддршката од т.н Запад. Претседателот на Србија Александар Вучиќ ја прозва мисијата на ОБСЕ и ОДИХР дека однапред знаела дека лидерот на опозизцијата Драган Ѓилас нема да ги признае изборите но оти молчеле.

Драган Ј.Вучичевиќ, главен уредник на „Информер“ вели дека е неверојатна сличноста меѓу Скопје, Белград и Киев.

Шаторите се во основа идентични со оние што се користеа на Мајдан во Украина. Ги молам граѓаните да сфатат какво зло ни подготвуваат. Шаторите се од резервите на НАТО кои ги чуваат воените резерви низ Европа - открива Вучичевиќ за „Информер.рс.

The post Исти „шарени“ шатори во Белград денес, во Киев пред десет години, a во Скопје во 2016 година appeared first on Република.

Проф. Д-р Андреј Викторович Манојло е политиколог, професор на Универзитетот Ломоносов каде што предава за  „Обоени револуции“ на катедрата за информации и хибридни војни.

Тој е еден од најголемите експерти за феноменот на шарени револуции во Русија и направи споредба со она што се случува деновиве во Белград.

Во овој случај, сценариото што се развива во Белград е многу слично на класичната обоена револуција што веќе се случи во Србија во 2000 година. И која беше наречена „булдожерска револуција“, односно се се одвива по истиот образец, само без булдожери.Истата техника беше користена во 2013 година во Киев кога таму се одржа таканаречениот „Евромајдан“. И овде, очигледно, истото се повторува-Манојло.

The post Eксперт за шарени револуции споредува: Taктиката од Киев се употребува во Белград appeared first on Република.

Во текот на претходниот ден и ноќ беа сослушани 20 лица приведени на протестот пред собранието на град Белград на 24 декември, осомничени за сторени кривични дела повикување на насилна промена на уставниот поредок и насилничко однесување на јавен собир, од кои за 11 е предложен притвор, соопштија од Вишото јавно обвинителство, јави Бета.

ВЈО во Белград денеска соопшти дека седуммина осомничени по сослушувањето ја признале вината и склучиле договор за признавање на кривичните дела за кои се предвидени условни затворски казни и парични казни.

Тоа обвинителство по рочиштето му предложи на судијата за претходна постапка на Вишиот суд во Белград на 11-те осомничени да им одреди мерка притвор, за да не го повторат кривичното дело за краток временски период.

Против сите осомничени се поднесени кривични пријави, во врска со кои доказната постапка ќе се води по скратена постапка, по што обвинителството ќе одлучи дали против осомничените ќе поднесе обвинителни акти или ќе ја прекине постапката.

Како што претходно соопштија од полициската управа, по протестите и инцидентите пред градското собрание на Белград, полицијата „процесуирала 38 лица“.

Студентите собрани околу движењето „Борба“ најавија протест за денеска напладне на платото, пред Филозофскиот факултет во Белград, со барања да се поништат изборите и да се ослободат приведените пред собранието на Белград на 24 декември.
Како што беше најавено синоќа на деветтиот пост-тест организиран во Белград од страна на коалицијата „Србија против насилство“, од кој беа испратени исти барања до надлежните, студентите уште еднаш ќе испратат барање до Министерството за државна управа и Локалната самоуправа која е одговорна за проверка и отворање на избирачки места.списоци

The post Притвор за српските „шарени“ кои кршеа и уништуваа објект од 19 век appeared first on Република.

Во една наша соседна земја со сложено име и најново име се наоѓа оперативниот штаб од кој се управува со акцијата за насилство во Белград. Уфрлени се оперативци кои се искусни во вакви случувања, прашува телевизија Пинк?

Драган Вучичевиќ, главен уредник на „Информер“ вели дека веќе се појавиле снимки од некои странци кои ете туристички дошле во Белград и потоа учестуваат на насилните протести во Белград.

Замислите ние туристички да отидеме во Виена или Атина и се шетаме и гледаме некои демонтрации и си викаме „ајде и ние да се тепаме“.Кој го прави тоа, да не се лажеме.Тоа се професионални демонстранти кои одработуваат валкани работи за странски служби-анализира Вучичевиќ.

https://republika.mk/vesti/balkan/mustra-za-revolutsija-srpskite-i-sharenite-od-sdsm-od-ovaa-kniga-uchea-da-krshat-i-unishtuvaat/

The post Дали се мисли на Македонија: Во една држава со сложено и најново име се наоѓа оперативниот штаб за предизвикување нереди во Србија! appeared first on Република.

Сликите кои доаѓаат од Белград и протестите на српската опозиција нам во Македонија ни се добро познати. СДСМ и „шарената револуција“ го спроведуваа речиси истото сценарио во 2015 година.Но ,немојте да мислите дека на српските или на македонските „шарени“ крешењето и рушењето им дошло спонтано.

[caption id="attachment_726280" align="alignnone" width="640"] foto kurir.rs[/caption]

Сето тоа е изведено „by the book“ односно по книга.Книгата во која тоа е детално разработено се вика „Мустра за револуција“ од авторот Срѓа Поповиќ.

The post „Мустра за револуција“: Српските и „шарените“ од СДСМ од оваа книга учеа да кршат и уништуваат appeared first on Република.

Група демонстранти ноќеска се обидоа насилно да упаднат во градското собрание на Белград. Тие го скршија стаклото на вратата, но беа спречени од полициски сили на влезот во зградата.

Претседателот на привремената управа на град Белград, Александар Шапиќ оцени дека нападот врз градското собрание не е само дивјаштво, туку нешто што можат да го направат само луѓе без никаква свест и одговорност.

Тој вечерва ја обиколи зградата на Стариот дворец каде се наоѓа градското собрание и  покажа колкава е штетата.

- Имавте можност да видите како изгледа Стариот дворец, зграда под заштита, изградена во 1881 година, а салонот е од 19 век со оригинален мебел и штетата е непоправлива. Да се ​​пробие во институцијата на државата на овој начин и да се обиде да стигне до која било цел докажува дека тоа што го кажав пред пет дена не беше мој каприц или обид за политички маркетинг. Реков дека ако дозволиме да се бориме за политички цели со насилство и со рушење на државата, многу брзо ќе немаме држава. Сега гледате колку точно беше терминот „мајданизација“. Нормален човек не може само да го „свари“ ова, а камоли да коментира, но уште еднаш ќе апелирам до сите кои не мислат исто дека ако се обидувате да дојдете на власт преку анархија, значи дека сте ја уништиле државата. кои утре нема да можете да ги заштитите ниту луѓето за кои мислите дека треба да се борите - рече Шапиќ.

The post Еве како изгледа Стариот дворец во Белград по упадот на српските „шарени“ appeared first on Република.

Најпрвин правеа спектакли и естрадни атракции кога им упаѓаа на луѓето дома, кога со качулки на главите, со лисици на рацете ги изнесуваа ги носеа и потоа од сам старт без да ја почитуваат презумцијата на невиност ги обвинуваа дека се криминалци, дел заслужено, дел незаслужено. Од тие кои едно време беа шарени револуционери и кои што скандираа „Нема правда нема мир“, денеска од тие големи лавови и херои гледате дека не останаа ниту мали мачиња барем да бекнеа, да гукнеа нешто за ова што се случува, истакна претседателот на ВМРО-ДПМНЕ, Христијан Мицкоски за време на посетата на Општина Зелениково во рамки на кампањата „Важно е! Од тебе зависат промените!“, одговарајќи на новинарско прашање околу прекинот на дузина судски предмети.

Навистина трагично е тоа што ваквиот начин каде што се имплементира политичка неказнивост, но истовремено се обезбедува идна амнестија за сторените кривични дела изминативе 6 години го разочарува народот, го демотивира народот и затоа денеска ние сме сведоци на цели семејства коишто ја напуштаат Македонија затоа што се разочарани и обесхрабрени затоа што немаат надеж - додаде Мицкоски.

Мицкоски исто така вети дека во првите 100 дена откако ВМРО-ДПМНЕ ќе формира влада вавоста ќе види јасно што значи резолунтна и робусна борба и искоренување на криминалот и политичката корупција.

Мора веднаш да се влезе во агресивно и робусно во борба со ваквиот тип на сторители за коишто постои основано сомневање за сторено кривично дело, бидејќи некако ни стана нас пракса да постои неказнивост, а таа пракса лоша е и за државата, а најмногу е лоша за граѓаните бидејќи ги разочарува - потенцираше Мицкоски.

The post Мицкоски: Од лавовите на шарената револуција не останаа ниту мали мачиња, барем да бекнеа за тоа што се случува appeared first on Република.

Српската опозиција работи како по книга и ги копира случувањата во Македонија. Најнапред со протестите за масовните убиства во Белрад и Младеновац кои беа искористени (злоупотребени) за притисок врз владата без избори да дојдат на власт, а вчера пресликаа уште едно сценарио кое е производ на СДСМ кога беше во опозиција.

[caption id="attachment_679249" align="alignnone" width="612"] фото Тањуг[/caption]

Српската опозиција вчера се обиде да го спречи донесувањето на ребалансот на буџетот со кој им се овозможува на пензинонерите да добијат зголемување на пензиите за 5000 динари и на помошта на мајките кои ќе добиваат по 10.000 динари месечно.

Слична опструкција направи и СДСМ. На 24 декември 2012 година тогашната опозиција со лупање тенџериња и со дерење се обидоа да го спречат донесувањето на буџетот.

Пет години подоцна СДСМ надвор од собраниската седница и без записник со кревање на раце избра претседател на Собранието.

Се очекува ова да се повтори и во Србија. А потоа господ да им е напомош на српските граѓани.

The post Српската опозиција како СДСМ кога не беше на власт: Со кршење и урлање спречуваат да се донесе буџет appeared first on Република.

Ивор Мицковски на Фејсбук коментира дека на Македонија нема да и се повтори шансата да се опорави каква што ја имавме во 2017 година.

Шанса што беше така грозоморно и мизерно прокоцкана.Кутри ние и кутри сите што си заминале.

The post Mицковски: На Македонија нема да и се повтори шансата да се опорави каква што ја имавме во 2017 година appeared first on Република.

Српската опозиција веќе не крие кои се вистинските мотиви на протестите кои се одржуваат. Тие не се никаква борба против насилството туку чиста желба за власт. Конкретно, тие сакаат да предизвикаат „шарена, или обоена“ револуција какви што имаше во Македонија или Украина и без избори да дојдат на власт.

Vlast i ruski ambasador: "Ovi protesti su pokušaj obojene revolucije"

Pa šta?! Sigurno je da želimo da slomimo ovaj užasan režim i ponosimo se time!

Uzgred, ja lično bih voleo i da gospodin ruski ambasador što pre postane persona non grata.

— Dušan Teodorović (@duteodor1) June 13, 2023

The post Српската опозиција потврди дека сака да направи „шарена револуција“ appeared first on Република.

Движењето „Отпор“ кое настана во деведесеттите години за рушење на Слободан Милошевиќ пак се активира.

Оваа група неколку години беше неактивно, сега повторно се враќа во игра.Нивна цел овој пат е рушење на претседателот на Србија Александар Вучиќ.

Како повод пак да се активираат се протестите кои се одржуваат во Белград поради двете убиства кои се случија.

Добро познатата стисната тупаница се појави на Твитер, со натпис „Отпор23“ проследено со коментари и постови против Вучиќ.

Основач на ова движење е Срѓа Поповиќ чија специјалност е правење на т.н обоени или шарени револуции и симнување од власт на лидери кои имаат голема поддршка кај народот.

Нивното делување Поповиќ го опиша во книга наречена „Мустра за револуција“.

Покрај Србија, „Отпор“ успеа да смени претседатели и влади во Алжир, Тунис, Египет, како дел од проектот „Арапска пролет“ , a се обиде  и во Венецуела и Боливија.

Секако „Отпор“ е најпознат како учител и обучувач на „Шарената револуција“ во Македонија. Српски активисти неколку месеци беа во Скопје како логистичка поддршка на движењето кое ја исполни својата крајна цел-носење на власт на СДСМ без оваа партија да победи на избори.

The post Движењето „Отпор“ од кое учеја „Шарените“ на СДСМ пак се активира за да го сруши Вучиќ appeared first on Република.

Претседателот на Србија Александар Вучиќ за утре го закажа најголемиот собир во поновата српска историја на кој се очекуваат околу 300.000 граѓани. На собирот се очекува Вучиќ да објави важни пораки за него лично, за неговата партија, но и за државата.

Она што е јасно е дека Вучиќ ќе се повлече од челното место во српската напредна партија. Можно е шефот на државата да објави и скоро одржување на парламентарни избори иако тие беа пред нецела година.

Но, тоа не и се допаѓа на српската опозиција која не сака избори бидејќи знае дека ќе ги изгуби.Всушност сака, ама со техничка влада во која ќе влезат нивни министри шест месеци однапред.Ова ви звучи познато? Да тоа е истото сценарио како во Македонија со СДСМ.

Српската опозиција како по книга го има прочитано сценариото во Македонија и сака да го преслика на нивен терен. Како претходница на нивниот план ги имаат протестите наречени „Србија против насилството“. Опозицијата ги “киднапира“ протестите кои почнаа како реакција на граѓаните против двете убиства во Белград и Младеновац.

[caption id="attachment_644490" align="alignnone" width="640"] foto Fonet[/caption]

И во Македонија СДСМ го присвои протестот кои се случи за убиството на Мартин Нешковски. Оттука тргна слоганот “Нема правда нема мир“ и „Шарената револуција“.

Двете ревоуции имаа и имаат голема поддршка од Западот. Па така познатиот НАТО и албaнски лобист Гутлер Фелингер напиша твит дека „Вучиќ мора да падне“ и дека се спрема „револуција“

Дека српските „шарени“ се сериони во својата намера покажува и нивниот план контра-протестот да го одржат еден ден по собирот на Вучиќ. Останува да се види дали српските граѓани ја научија лекцијата од Македонија.

The post По исто сценарио како во Македонија: На Вучиќ му спремаат „шарена револуција“ appeared first on Република.

Владејачката партија во Грузија „Грузиски сон“ и партијата „Сила на народот“ по тридневните жестоки демонстрации на опозицијата најавија дека ќе го повлечат контроверзниот Закон за странски агенти.

Како причина за повлекување на законот ја наведоа потребата „да се намали конфронтацијата во општеството. Се започна вчера кога беше донесен спорниот закон. Следеше собир и судир со полицијата.

[caption id="attachment_617765" align="alignnone" width="627"] фото АП[/caption]

Додека владејачката партија „Грузиски сон“ тврди едно, опозициската партија Гирчи - Повеќе слобода, како и претставници на голем број невладини организации најавија дека ќе продолжат со протестите и покрај повлекувањето на предлог-законот за странски агенти од парламентот.

[caption id="attachment_617766" align="alignnone" width="575"] Фото EPA[/caption]

Грузискиот парламент на 7 март гласаше за законот за странски агенти, додека денеска требаше да гласа и за друг закон од овој пакет, „Законот за регистрација на странски агенти“.

За првиот закон гласаа дури 76 пратеници, а против беа само 13. Законите, меѓу другото, предвидуваат задолжителна регистрација на сите организации кои добиваат повеќе од 20% од финансиските средства од странство. Законот предизвика добро организирани насилни протести предводени од движењето „Народна моќ“.

The post Што се случува во Грузија? Дали овие фотографии ве потсетуваат на Шарената револуција на СДСМ appeared first on Република.

„Оди си“, „Збогум Никола“, „Цензурата е забранета“, „Слобода“, „Готово е“…. Ова беа дел од натписите на транспарентите на граѓанскиот протест 17.05.2015 против режим на кој заедно со граѓаните му порачавме Готово е! – со веење македонски и знамиња на етничките заедници, со обраќања на врвни професори, студенти, уметници, граѓански активисти, во мирна атмосфера, точно знаевме кои се причините за крајната цел – оставка на премиерот Никола Груевски и на целиот владин состав.

Ова го објави министерот за внатрешни работи Оливер Спасовски на неговиот официјален фејсбук профил.

Македонци, Албанци, Срби, Роми, Турци, Бошњаци, Власи, … заедно и обединети бидејќи ѝ мислевме добро на државата, имавме безброј причини да протестираме против суров режим. Протестиравме против насилството и криминалот за кои дознавме од прислушкуваните разговори на 20 000 лица, против замолчувањето на неистомислениците, против полициската бруталност и тепањето студенти, против неправдите со кои ги осиромашија граѓаните, против меѓународната изолација и заробената држава, мрачните сценарија и обидите за дестабилизација, против ставањето на личниот и партискиот интерес над граѓанскиот, напиша Спасовски.

Го вративме достоинството на граѓаните, пишува Спасовски, ја вративме демократијата во државата, слободата на медиумите, независноста на судството… Од аспект на МВР, наведува, создадовме полиција блиска до граѓаните, партнер со граѓаните и вистински сервис за спроведување на нивните права.

Денеска сме сведоци на една „активна блокада” на работата на Собранието од страна на опозициската ВМРО-ДПМНЕ, која всушност е една активна кочница на исполнувањето и гарантирањето на правата на граѓаните, а со цел да се спречи континуираниот успех на СДСМ за напредок на државата. Се обидуваат да ги избришат вредностите кои ги воспоставивме, а кои не’ исправија на нозе како држава, не’ етаблираа како НАТО членка и не’ приближија кон ЕУ. Најавуваат и народен протест, но зошто?, објави министерот Спасовски.

Според Спасовски, тие не знаат зошто, протестираат против зголемени плати, против минимална плата од 18.000 денари, што во нивно време беше 9.000 денари, против функционалните институции, против, како што вели,  успесите на меѓународен план, против се’ што значи напредок за граѓаните и државата.

Молкот никогаш не бил опција, особено ако има за што да се крене гласот! Тоа го покажавме со народниот протест одржан на денешен ден пред точно 7 години, а со кој кажавме – Доста беше молк, режим никогаш повеќе!, објави на фејсбук министерот за внатрешни работи Спасовски.

The post Спасовски: Со „Збогум Никола“ ѝ мислевме добро на државата, го вративме достоинството на граѓаните appeared first on Република.

Опозицијата во Србија подготува сценарио за уривање на власта  на улица чија реализација треба да започне вечерта на 3 април, веднаш штом ќе се затворат избирачките места, дознава „Република.рс“ од извори во дипломатските и разузнавачките структури.

Ако разликата не е преголема во корист на СНС на Вучиќ, тие се подготвени да прогласат победа веднаш штом се затворат гласачките места и потоа да ја обвинат власта дека ги краде изборите.

[caption id="attachment_327253" align="alignnone" width="640"] (фото: Ројтерс)[/caption]

За сметка на таа лага би ги повикале граѓаните да излезат на улица и да ја бранат наводната изборна победа.

Ова е копија на сценариото на шарени револуции како оние во Македонија, Грузија, Украина, Киргистан, Узбекистан, Молдавија...

The post „Исто како СДСМ и „шарените“: Опозицијата во Србија подготвува сценарио да не ги признае изборите на кои знае дека ќе изгуби appeared first on Република.

Какви двојни аршини се спроведуваат и каква селиктивна правда има може да видите од овој случај на Шарената револуција, која ја запали канцеларијата на претседателот на државата, реагира Јане Ченто, по доделените условни казни за Здравко Савески и Владимир Куновски, единствените против кои се водеше процес за демолирањето на канцеларијата на Ѓорѓе Иванов.

Во членот 313, за коj сме осудени над 15 години затвор пишува: „Тој што со намера да го загрози уставниот поредок или безбедноста на Република Македонија ќе предизвика или сериозно ќе се закани со предизвикување експлозија, пожар, повторувам пожар, ќе се казни со казна затвор од најмалку 10 години.” Шарената револуција ја запали цела држава, граѓаните не можеа да излезат по улиците, имаше акти на насилство каде беа повредни повеќе од 200 полицајци и недолжни граѓани. Морам да повторам за да сфати народот, ако се сеќавате имаше секојдневно насилства, а кулминација беше тоа што ја запалија канцеларијата на претседателот на државата, над таа канцеларија има станови, луѓе кои што живеат во тие згради каде што овие кои беа организирани ја запалија канцеларијата, а со тоа и зградата во строг центар на Скопје. Очигледно беше дека се добро организирани, го малтретираа народот со месеци, ја запалија Македонија и на крај условни казни, а за некои нема ниту обвинение, потенцира Ченто.

Според него, целта беше:

- Тоа што СДСМ преку нас што ќе не осуди на драконски казни сакаше да го скрши македонскиот народ и во тоа успеа, за жал;
- Името беше главна цел и помина како што сите знаете, со притисоци и уцени се изгласаа уставните измени.
- Апелирам до идната македонска влада, особено во делот на МВР каде имаше операција „Облак“ да го отвори процесот за Шарената револуција, како се пуштани пари од странство на чии имиња, за чии цели, која беше намерата и целта (која денес ја знаеме), кои се инволвирани во една таква операција за рушење на легално избрана власт, сите учесници од СДСМ кои земале пари и беа добро ОРГАНИЗИРАНИ треба да одговараат за тоа што се случи.
- Таму имаше доста излажани луѓе кои денес гледаме се каат што учествувале во таа Шарена револуција, луѓе кои биле со искрени и чесни намера за ПРАВДА.
На нив треба да им се прости, ама не и на тие што ја водеа таа операција за рушење на легитимино избрана влада.
Тие еден ден мора да одговараат за тоа што го направија и што уште и го прават на Македонија, пишува Ченто.

The post Со тоа што нè осуди на драконски казни СДСМ сакаше да го скрши македонскиот народ и во тоа успеа, за жал appeared first on Република.