Вечерва се одигра големото финале на Светското првенство во ракомет, а силите ги одмерија двете најголеми светски сили, Франција и Данска. По спектакуларен натпревар, Данците победија со резултат 34:29.

Последен пат беше светски шампион во 2013 година селекција, а тоа не беше Франција или Данска. Оттогаш овие две репрезентации доминираа и имаат грст „историски“ дуели. Еден таков беше виден вечерва. На крајот на краиштата, сето тоа е борба за злато.

Данска освои две светски првенства по ред, во 2019 и 2021 година, а вечерва пристигна и третото, со што заврши сонот на Французите да стигнат до рекордната седма титула, од кои последните две беа освоени во 2015 и 2017 година.

Лауге и Питлик ја предводеа Данска во постигнувањето голови. Лауге постигна дури 10 гола, Питлик девет, додека Гидсел постигна шест и на крајот беше најдобар стрелец на турнирот.

Хансен мечот го заврши со само еден гол, но секако дека имаше голем придонес со луцидни проигрувања, исто како и споменатиот Гидсел. Голманските интервенции на Ландин и Молер секако беа многу важни, иако ги немаше многу.

Во редовите на Франција се истакна Ремили со шест гола, Мем пет, Ричардсон постигна четири.

The post Данска е новиот светски шампион во ракомет appeared first on Република.

Во фудбалот владее Груби, кој за да ја направи неговата Слога шампион, спречи секакво решавање на ситуацијата во Вардар, пишуваат на својата страница на Фејсбук Фанови на СД Вардар Скопје.

Нивниот став го пренесуваме во целост.

Долго време не сме објавиле ништо на страната.

За тоа време Тале кој непрекинато го критикувавме овде, се издигна и стана лидер на РК Вардар, нешто за кое му должиме извинување и голема благодарност.

Денес се прашуваме дали РК Вардар ќе доживее иста ваква преродба во догледно време?

Денес вината не треба да ја бараме ниту во ЕХФ (да, веројатно сакаа да прошверцуваат некои екипи како Загреб или Алборг на наш грб), ниту кај битолчани и Алкалоид (кои тријат раце во моментов), туку исклучиво во нашите редови.

Се знаеше дека уште од 2018 се тегнеме со долгови и кога тогаш ќе не снајдеше ова сценарио.

Греота за Михо (па и Борко) кои душа оставија барајќи спонзори, додека од сите страни само им лепевме критики, барајќи играчи како оние од времето.

Вината е на две страни.

Првиот - Сергеј Самсоненко. Ни остави две титули во ЛШ во ракомет и пласман во ЛЕ во фудбал, на сметка на тоа ги запусти двата клуба долгорочно.

ФК Вардар едвај крпи во втора лига (нека не ве лажат резултатите, ниту таму не е најсјајна ситуацијата), немаме свој терен, цело Скопје го прошетавме годинава. Самс не избрка од парк, ги зема академиите кои му припаѓаа на Вардар скоро цел век. Најново е дека поради долгови од новото раководство, избркани сме и од Хиподром.

РК Вардар исто така нема своја сала. Кале ја дадоа на КФМ, а Јане Сандански на МОК (ние сме кираџии, а прашање на време кога ќе добиеме шут карта).

Како сираци, се крепиме на стара слава.

Втор - државата.

Сте виделе друга југословенска држава во која пропаднал клуб кој бил репрезент на државата во екс Ју? Никаде. Па Ѕвезда и Партизан имаат сто пати поголеми долгови, ама секогаш се наоѓа начин да ги решат. Спортот е најголем репрезент на една држава, особено на една мала како Македонија.

Ама слепците од НАШАТА ДРЖАВА, свесно оставија да пропадне Вардар. Ајде што немаа никаков абер за вложување, а во двор имаат двократен европски првак, уште не мрднаа со прст за да го тужат Самс (што беше должност на Град Скопје)

Во фудбалот владее Груби, кој за да ја направи неговата Слога шампион, спречи секакво решавање на ситуацијата во Вардар.

Ама бар во ракометот не бодевме очи на никого. Михо смогна сили и две години со срце го исплескавме директниот конкурент.

Оваа ситуација не му оди на никого во прилог. Македонскиот ракомет вртоглаво ќе го загуби рејтингот и сите екипи што сега се ситат, може да сонуваат дека ќе играат во ЛШ. Да не коментираме дека без Вардар, мало морген дека ќе носат некои добри играчи во боранија лига ко нашата.

Ова бркање од Европа е крајот за нас. Веројатно ќе следат заминувања на сите играчи и ќе имаме само епизодна улога во првенството.

Комити во овие година дена се кренавме за инает на сите и овој наш нагорен тренд треба да продолжи и годинава. Не е лошо да има организиран протест за поддршка на РК Вардар. Доста се китеа сите со неговите успеси, се сликаа кога бевме први, нека одврзат малку кесињата, да се спаси она што може да се спаси.

The post Во фудбалот владее Груби, кој за да ја направи неговата Слога шампион, спречи секакво решавање на ситуацијата во Вардар appeared first on Република.

Македонскиот борач со руско потекло, Владимир Егоров, е нов европски шампион во категоријата до 57 килограми, откако попладнево славеше во големото финале на ЕП во Будимпешта против Алијабабас Рзазаде (Азербејџан) со 10-0.

Ова е фантастичен почеток на вечерта, која лесно може да биде една од најубавите во историјата на македонскиот спорт, со оглед што фудбалерите подоцна ќе ги одмерат силите со Португалија (20.45 часот) во клучниот меч во Порто по кој подобриот ќе се пласира на Мундијалот во Катар, анализира Спорт1.

За Егоров ова беше трет триумф на континенталниот собир во унгарската престолнина, откако вчера ги совлада Германецот Никлас Штехеле со 5-4 и Ерменецот Манвел Хнџрстјан со 10-0.

The post Нека биде мотив за победа на фудбалерите: Македонскиот борач со руско потекло е нов европски шампион appeared first on Република.