На социјалните мрежи се прошири снимка од колумбиската пејачка Шакира од еден ноќен клуб. Музичката ѕвезда била во еден клуб во Мајами каде го пуштиле нејзиниот нов сингл „Soltera“, кој се очекува да излезе на крајот на годината. Кога песната засвирела, Шакира, облечена во краток проѕирен фустан, се качила на сцената и почнала да танцува. Инаку, таа е позната по атрактивниот стил на танцување.

Екипата во клубот веднаш ги вклучила мобилните телефони за да ја снимат познатата пејачка. Меѓутоа, Шакира среде танцувањето забележала дека некој ја снима премногу ниско, односно дека камерата е вперена под нејзиниот фустан.

Шакира почнала да го спушта фустанот надолу колку што може и ѝ порачала на таа личност да ѝ го слика лицето, но набрзо налутена и нерасположена се симнала од сцената.

Бројни обожаватели на пејачката ја критикуваат личноста која се однесувала така.

„Луѓето се одвратни“, „Шакира не може ниту да ужива да танцува на своата песна“, „Кој и да ја снимал вака, треба да биде уапсен“, „Ова е повеќе од одвратно. Шакира е апсолутно во право што си замина, никој не треба да трпи такво непочитување“, се дел од коментарите.

https://youtu.be/wcFyCKRoBEA?si=4C0HoBRskfyxIinG

The post Шакира ја напушти сцената поради скандалозно однесување на маж кој ја снимаше под фустанот додека пееше appeared first on Република.

Осомничениот демнач кој тврди дека Шакира е „неговата сопруга“ беше уапсен пред нејзиниот дом во Мајами, откако наводно и испратил подароци, вклучувајќи вино, чоколади и играчки.

Даниел Џон Валтиер беше приведен во понеделникот и обвинет за следење, според извештајот за апсење.

Според „Дејли Мејл“, 56-годишникот од Ел Пасо, Тексас, наводно споделил повеќе објави на социјалните мрежи за Шакира, кои нејзиниот тим за безбедност ги предал на властите на 3 јануари. Тој се појавил пред куќата на пејачката само пет дена подоцна, со такси, во 12 часот и 45 минути, а набрзо бил уапсен. На Валтиер му беше одреден притвор и се појави на суд во вторникот, каде рече дека не може да ја исполни наредбата да се држи подалеку од колумбиската пејачка.

„Таа е моја сопруга“, му рекол тој на судијата, истакнувајќи дека „постојано разговара со неа“.

Инаку, не е јасно дали Шакира била во куќата кога осомничениот пристигнал и брзо бил приведен.

The post Уапсен демначот на Шакира appeared first on Република.

 Пејачката Шакира е овековечена со статуа која беше откриена во нејзиниот роден град Баранкиља во Колумбија. Бронзено-алуминиумскиот споменик висок 6,5 метри ја прикажува поп-ѕвездата во едно од нејзините препознатливи танцови движења со рацете над главата и марама врзана околу половината.

„Колковите што не лажат, неспоредлив талент, глас што ги допира масите“, гласи натписот во основата на скулптурата.

„Им благодарам на скулпторот Ено Маркез и на учениците од околното уметничко училиште за оваа илустрација и за големата уметничка дарба на луѓето од мојата земја“, напиша Шакира на „Х“.

Обележјето е откриено со свеченост на бреговите на реката Магдалена во Баранкиља, во северна Колумбија, во присуство на родителите на пејачката.

The post Вака изгледа споменикот на Шакира во родниот град appeared first on Република.

Шакира се враќа во Барселона, за да се подготви за судењето против даночните власти. Пејачката ќе седне на обвинителна клупа на 20 ноември.

Колумбиската пејачка ќе мора да седне и да одговара пред Ауденција Национал (Врховниот суд) за шесте точки по кои е обвинета. Имено, таа е обвинета за наводна измама од 14,5 милиони евра за неплаќање данок на доход во финансиските години 2012, 2013 и 2014 година.

Всушност, уметницата планира да слета во Барселона денес, и тоа ќе го направи во придружба на нејзините деца Милан и Саша. Нејзината цел - како што пишуваат странските медиуми - е детално да го подготви судскиот процес кој ќе се одржи за девет дена, но претходно ќе ја посети Севилја, каде ќе присуствува на 24. Латино Греми Гала, кој ќе се одржи во Севиља, а на овој голем шпански настан има многу шанси да победи бидејќи има неколку номинации.

Според странските медиуми, децата во овој период ќе бидат под старателство на нивниот татко Жерар Пике, кој овој месец не отпатувал во Мајами за да помине време со нив, поради работните обврски,  пишува шпанскиот весник El Periodico.

Судењето на Шакира ќе опфати 12 рочишта закажани за 22, 23, 28, 29 и 30 ноември, како и на 4, 5, 11, 12, 13 и 14 декември.

Во судницата ќе има 200 сведоци. Колумбијката може да се соочи со казна затвор од осум години и два месеци, како и парична казна од речиси 24 милиони евра во случај да се докаже даночната измама.

The post Шакира шокира, се враќа во Барселона appeared first on Република.

Пред една година главна тема на социјалните мрежи беше раскинувањето на Шакира (46) и Жерар Пике (36), кои раскинаа по 12 години врска бидејќи наводно ја изневерил.

После тоа, пејачката објави неколку песни во кои го опишала неговото „предавство“.

Додека фановите на Шакира секојдневно го осудуваа пензионираниот фудбалер, тој не сакаше да коментира. Тој дури неодамна даде краток осврт во емисијата El món.

„Да му дадев важност на сè што се зборува за мене, ќе бев затворен во мојот стан во моментов или ќе скокнам од него“, изјави тој.

Тој додаде дека јавноста не е информирана ниту за 10 отсто што навистина се случило меѓу нив.

Покрај врската со пејачката, тој го коментираше и неговото пензионирање, но изјави и дека претходната година му била крајно турбулентна.

Шакира го запозна фудбалерот во март 2011 година кога го снимаше спотот за хитот Waka Waka. Тие беа заедно 12 години, а се разделија во јуни 2022 година. Двојката има два сина, 11-годишниот Милан и осумгодишниот Саша.

The post Пике за раскинувањето со Шакира: Луѓето не знаат ни 10 проценти од тоа што се случуваше appeared first on Република.

Колумбиската поп-ѕвезда Шакира објави нова песна под наслов „El Jefe“ („Шефот“), но иако зборува за работничката класа и експлоатацијата кон нив – најголемо внимание привлече стихот посветен на нејзиниот поранешен свекор.

Велат дека нема зло што трае повеќе од сто години, но мојот поранешен свекор е сè уште тука и не стапнал в гроб, се вели во песната.

Во овој дел од видеото, танчерите ѝ ја покриваат устата на Шакира, како да сакаат таа да не го спомнува тоа. Инаку, таткото на поранешниот опруг на пејачката, Жерар Пике, Жуан е бизнисмен и управува со компаниите на својот син… Па така, многумина претпоставуваат дека Шакира можеби укажува дека и тој ги искористува своите работници.

Шакира ја сними песната заедно со мексиканската група „Фуерза регида“. За шест часа од пуштањето, видеото собра речиси три милиони прегледи.

The post Мојот свекор се уште не стапнал во гроб: Шакира во новата песна пее за таткото на Пике appeared first on Република.

Шпанското издание на магазинот „People“ ја прогласи колумбиската пејачка Шакира за најубава жена на светот за 2023 година.

Како што велат, Шакира е „жена која инспирира“, а нејзините квалитети и го донесоа првото место на листата.

Во интервју за шпанското издание на споменатиот магазин, поп-дивата откри дека имало моменти кога нејзиниот свет се срушил и нејзиниот дом се распаднал.

Сепак, откри дека нејзините деца, Милан и Саша, се најголемиот извор на среќа и мотив да продолжи понатаму, да се издигне над неволјите и проблемите што ја снајдоа – вклучувајќи го и разводот со поранешниот фудбалер Жерар Пике.

На годинешната листа на познати уметници се најдоа имиња на познати личности од различни сфери на уметноста, како Ана де Армас, Џенифер Лопез, Талија и Ева Лонгорија.

The post Таа е најубавата жена во светот за 2023 година appeared first on Република.

Шакира ја доби наградата за жена на годината во рамки на свеченоста во организација на „Билборд“ за Жени во латино музиката, што се одржа во Мајами, каде што пејачката престојува со своите деца по разводот со Жерар Пике.

При примањето на наградата, Колумбијката се осврна на разводот со Пике, настан што што ја одбележа изминатата година во нејзиниот живот.

Доаѓа момент во животот на секоја жена во кој таа повеќе не зависи од некого за да се сака или да се прифати себеси каква што е. Потрагата по другиот се заменува со потрагата по себе, а желбата да се биде совршена за некого се заменува со желбата да се биде автентична“, изјави Шкира.

Со својот настап, Шакира го оправда имиџот на независна жена, нешто што предизвика бројни аплаузи во „Вацко“ центарот, каде што се одржа манифестацијата.

Ова е година во која сфатив дека жените се многу посилни отколку што мислиме. Ние сме похрабри од она што мислиме дека сме. Мислам дека сме и понезависни отколку што нè учат да бидеме. На која жена не и се случило да бара внимание, наклонетост или одобрување од друг и да се заборави себеси. Тоа ми се случи и на мене“, изјави пејачката.

Шакира зборуваше и за односот на жените во одредени ситуации со кои се случуваат кога се во врска.

Веќе не е толку важно дали некој ти е верен или не, она што навистина е важно е дали ќе продолжиш да си верна самата на себе“, порача Шакира, по што доби гласни овации.

Шакира изјави и благодарност до музиката, во која што пронашла утеха и помош во тешките моменти.

Точно е дека кога се чувствував најизгубено, музиката беше таа што ме стави на патот назад кон себе. Тука се најважните лекции што ги научив од другите жени, за нив, за вас, го напишав тоа што напишав и го пеев тоа што го пеев. Затоа што само жената може да сака до тој степен да се распарчи самата себе“, заврши Шакира.

The post Шакира: Во животот на жената доаѓа момент кога повеќе не е толку важно дали некој ти е верен или не appeared first on Република.

Сагата околу разводот на една од најпознатите музичко-спортски двојки во светот, Шакира и Жерар Пике, има ново поглавје. Како што објавува новинарката на „Телемундо“, Вероника Бастос, братот на пејачката, Тонино Мебарак, имал физичка пресметка со поранешниот фудбалер.

Инцидентот се случил при првата посета на Пике на нивните деца во Мајами, кога дошло до негова расправија со Шакира. Каталонецот престојувал во луксузен хотел и уживал на базенот со децата, излегувајќи по ресторани за да јаде пица со нив. Но, не било сè забавно за време на посетата, нешто што го потврдуваат различни латиноамерикански медиуми, кои ги повторуваат изјавите на Бастос, пишувајќи за наводниот инцидент меѓу Пике и братот на Шакира.

Новинарката во програмата „La mesa caliente“ на Телемундо тврди дека Тонино тргнал кон Пике, откако тој се расправал со неговата поранешна сопруга.

Шакира се скарала со бившиот, при што дискусијата, наводно, станала толку насилна, што Тонино, братот на пејачката, требало да го претепа Пике за да ја одбрани својата сестра“, вели таа, објавувајќи неколку слики од посетата а Пике на Мајами.

 

View this post on Instagram

 

A post shared by La Mesa Caliente (@lamesacaliente)

Бастос додава дека дури неколку луѓе од безбедносните служби требало да интервенираат за да се прекине тепачката, но нема официјален документ што ја потврдува тепачката.

Според гласините, полицијата морала да интервенира за да се прекине оваа расправија и мора да разјасниме дека нема полициски извештај, нема официјален јавен извештај за наведениот инцидент“, објаснува таа.

Ниту една од страните не се огласила јавно за ова прашање.

The post Братот на Шакира го истепал Пике, по негова расправија со пејачката appeared first on Република.

Фудбалерот Пике и пејачката Шакира ја прекинаа долгогодишната врска поради неговото изневерување со млада студентка, а се чини дека целото негово семејство било вмешано во неговата афера

Колумбиската пејачка Шакира (46) неодамна дозна за изневерувањето на нејзиниот долгогодишен партнер Жерар Пике (36) со Клара Чиа Марти (23).

[caption id="attachment_624086" align="aligncenter" width="620"] фото Профимедиа[/caption]

Мајката на Пике, Монсерат Бернабеу цело време знаела за  изневерување од страна на синот и цело време молчела.. Шпанските медиуми пишуваат дека тоа е најголемата причина поради која Шакира не е во добри односи со неа.

Имало и физичка пресметка меѓу снаата и свекрвата и  Бернаберу ја удрила Шакира по лицето пред очите на Жерар и нивните деца.

The post Шакира се степа со свекрвата appeared first on Република.

Името на Клара Чиа, новата девојка на Пике, почна да се слуша во јавноста кон средината на минатата година, кога се дозна за неверството на Жерар Пике. Но, пред нејзиното име да се слушне низ светот, Шакира веќе ја познавала Клара, а Колумбијката дури и дала прекар на тогашниот практикантка во компанијата Космос (компанија во сопственост на фудбалерот).

Кога Шакира и Пике биле среќен пар, музичката ѕвезда ја запознала Клара Чиа, но во ниту еден момент не замислила дека Шпанката е опасност за нивната врска. Освен тоа, однесувањето на Клара било однесување на многу фина девојка. Буквално била прељубезна кон Шакира. А, Шакира дури ѝ дала и прекар.

„Помина незабележано средбата, Шакира никогаш не виде опасност затоа што не е љубоморна жена, таа е прилично нормална девојка“, известуваат шпанските медиуми.

Шакира тогаш ја нарекувала Клара „мала мртва мушичка“.

Според Роберто Антолин, шпански новинар кој бил сведок на првата средба меѓу Шакира и Клара, љубезноста на Клара Чиа била толку голема што кога Шакира подоцна дознала дека таа е причина за нивниот развод, бившата партнерка на поранешниот шпански фудбалер била многу повредена.

По откритието на Антолин, фановите на Шакира на социјалните мрежи заклучуваат дека преголемата љубезност често е знак дека нешто не е во ред.

„Ако некој е прељубезен кон вас, знајте дека е сомнителен“, гласи еден од коментарите.

„Затоа ја болеше толку многу, бидејќи веќе ја знаеше и ја нарече „мала мртва мушичка“, рече Антолин, кој повтори дека желбата на Клара Чиа да изгледа добро со сите била толку голема што на почетокот на јужноамериканската пејачка ѝ се допаднала девојката.

Така, иако поминаа многу месеци откако Шакира и Пике ја официјализираа нивната разделба, тие продолжуваат да бидат тема на разговор, особено на почетокот на годината, бидејќи колумбиската пејачка објави песна која вклучува многу референци за нејзиниот поранешен партнер и неговата нова девојка Клара.

The post Ако некој е прељубезен со вас, знајте дека е сомнителен: Клара Чиа се топела пред Шакира на првата средба appeared first on Република.

Додека низ светот кружат шпекулации дека војната помеѓу Шакира и Пике е само претстава за јавноста, на социјалните мрежи се појави видео кое ги вознемири фановите на пејачката, а еден од главните актери во истото е мајката на Пике, Монсерат Бернабеу.

Многумина ја осудија Шакира откако се појави веста дека поставила кукла вештерка на балконот, свртена кон домот на поранешната свекрва и „скокнаа“ во одбрана на Монсерат со зборовите дека не треба да се мешаат другите членови на семејството во љубовните проблеми.

Но, многу од нив сега го променија мислењето откако се појави видео на кое Шакира и нејзината свекрва се расправаат и кое покажува дека презирот кон неа кој пејачката го чувствува, не настанал без причина.

Во еден момент, на видеото се гледа како мајката на Пике бесно ја фаќа Шакира за лице, а потоа ѝ гестикулира да молчи додека Пике стои на страна и само ја набљудува ситуацијата.

Замислете некој да се дрзне вака да ве фати за лице пред сите“, „Срамота е што Пике не реагира“, „Со недели глуми светица, а сега го покажа вистинското лице“, „Кој знае Шакира колку долго го трпела ова“, „Цел овој однос делува токсично“, „Сега ми е јасно зошто постави кукла вештерка на балконот“, се само дел од коментарите на бесните фанови на Шакира на социјалните мрежи.

Инаку, инцидентот кој дури сега се прошири на интернет датира од претходно, но не е познат точниот датум.

I am fuming.

You had me fooled Mr. Piqué and Mrs. Montessori you as well.

DTA. pic.twitter.com/JDMykFqX1d

— Asandé (@kewchiy) January 23, 2023

The post Свекрвата на Шакира ѝ се внесе во фаца: Мораш да молчиш! appeared first on Република.

Заврши рочиштето на кое се одлучуваше за старателството врз децата на Шакира и Жерар Пике. Како што соопштија шпанските медиуми, вчера паднала одлука со која и двајцата поранешни партнери се согласиле дека ќе биде најдобра за нивните два сина, Милан (9) и Саша (7).

Тие ќе живеат со нивната мајка во Мајами, каде што колумбиската ѕвезда реши да се пресели по разделбата со шпанскиот фудбалер.

Пике ќе има право да ги зема 10 дена секој месец плус за време на школските одмори, потврди неговиот адвокат Роман Тамбореро.

Не се работи за тоа кој победил или загубил, ако има победник во ова, тоа сигурно се децата, изјави Тамбореро по крајот на преговорите, кои траеја неколку месеци.

The post Шакира ги доби децата appeared first on Република.

Саботата вечер беше особено емотивна за Жерар Пике (35), кога легендарниот стопер со неутешно липање се прости од Барселона и од својата играчка кариера на мечот против Алмерија. Од трибините ја имаше поддршката од својата нова девојка, 23-годишната Клара Чија и неговите две деца Саша и Милан, кои ги доби од 12-годишната врска со Шакира.

Неа, очекувано, на трибините ја немаше, зошто во моментот водат жестока правна битка за старателството над децата. Магазинот „Хело“ будно ги следеше активностите на познатата колумбиска пејачка на споменатиот ден. За 45-годишната Шакира ова беше ден како и секој останат, па се држела до секојдневната рутина.

Утрото ги придружувала своите деца на час по таеквондо во друштво на својот брат Тонин, со кој е неразделна и кој исто така има улога на посредник во спорот со славниот фудбалер, пренесува „Хело“.

The post Што правеше Шакира додека Пике неутешно липаше за крајот на неговата кариера appeared first on Република.

Рафаел Надал и Шакира биле во врска. Оваа информација ја откри шпанскиoт новинар Жорди Мартин, кој раскажа дека тие двајца се криеле од јавноста и тоа почнала дури од 2009 година.

Тогаш Шакира снимаше спот со шпанскиот играч за песната “Gipsy” и имаа неколку врели сцени во текот на снимањето и оттаму се почнало. Во тие моменти Шакира не го познаваше Пике, додека Рафаел беше во врска со девојката Чиска, сегашната сопруга, пренесува “Mondo”.

Имаа интензивна афера. Сите тогаш зборуваа за нејзината врска со Алехандро Санз, а вистината е дека тие двајца беа само пријатели. Вистина е дека се забавуваше со Надал, изјави Мартин.

Тие на снимањето на спотот имаа неколку интимни сцени, прво се држеа за рака, па се гушкаа и на крај дојде до бакнеж. Наводно од тогаш се почна и така се сближија и почнаа да се забавуваат. Не е откриено колку долго траело се.

Преубавата пејачка потоа го запозна Џерар Пике, со него има две деца, а моментално е во процес на развод бидејќи фудбалерот на Барселона ја изневери. Од друга страна, Надал се венчаше со Чиска пред три години и моментално го чекаат првото дете, но постојат одредени компликации. Рафаел е во Њујорк и од “US Open” ја следи цела здравствена ситуација.

The post Надал и Шакира имале жешка афера? appeared first on Република.

Откако на почетокот на јуни 2022 се појави веста дека Шакира се разделува со Жерар Пике, откако, наводно го фатила со друга жена, јавноста е будна за секаква новост околу славната двојка. Последното поглавје од релацијата меѓу Шакура и Пике се обидите на пејачката да се договори со фудбалерот на Барселона нивните деца да се преселат со неа во Мајами, нешто што Пике, досега не го одобруваше.

Како што пишуваат медиумите во Шпанија, една од најголемите причини за Каталонецот да не го прифаќа барањето на Шакира е тоа што тој и натаму активно игра за Барселона, поради што нема да може редовно да патува во Мајами за да ги посетува своите деца, па затоа повеќе сака Саша (7) и Милан (9) да бидат во Барселона. Шакира, пак, смета дека треба да се пресели за да си ја врати контролата врз животот, со најмилите покрај неа.

Две барања за кои не може да се преговара

Според програмата „La mesa Caliente“, на телевизијата Телемундо, ваквата состојба може да се промени во следните денови. Според објавата, играчот на Шакира и поставил два услови за кои не може да се преговара. Како прво, Пике побарал од колумбиската пејачка да му дава пет авионски билети од прва класа годишно за да ги посетува децата. Вториот услов на Пике, бил неговата поранешна партнерка да подмири неподмирен долг кој, наводно, изнесувал 400.000 долари.

The post Жерар Пике и поставил два услова на Шакира за нивните деца да се преселат во Мајами со неа appeared first on Република.

Канцеларијата на државниот обвинител во Барселона соопшти дека ќе бара повеќе од осум години затвор за затајување данок за колумбиската ѕвезда Шакира, која го отфрли договорот за признавање вина.

Во обвинението до кое дојде АФП, обвинителството посочува дека од пејачката, која е обвинета дека од 2012 до 2014 година затаила 14,5 милиони евра од шпанските даночни власти, ќе бараат речиси 24 милиони евра. Адвокатите на Шакира тврдат дека пејачката во тој период не живеела во Шпанија.

Судот сега треба да одлучи дали и кога ќе поднесе обвинителен акт.

Колумбиската пејачка, која продаде повеќе од 80 милиони дискови ширум светот, секогаш ги исполнувала сите даночни обврски“, објавија во средата нејзините адвокати.

Пејачката е целосно убедена во својата невиност и затоа не ја прифаќа спогодбата“, се вели во соопштението.

Условите на предложената спогодба не се откриени.

45-годишната пејачка, која многумина ја нарекуваат „кралица на латино-музиката“, тврди дека се преселила во Барселона во 2015 година. Таму живеела со фудбалерот Жерар Пике, играч на фудбалскиот клуб Барселона. Двојката има две деца, но неодамна веќе не живеат заедно.

Пејачката вели дека, иако нејзиниот адвокатски тим не се согласувал за наводниот долг, таа платила 17,2 милиони евра кои шпанската даночна служба тврдела дека ги должи. Според неа, со години нема неподмирен долг кон даночните власти, а убедена е дека ќе победи на суд.

The post Шакира обвинета дека затајувала данок, ѝ се заканува 8 години затворска казна appeared first on Република.

Латино-ѕвездата, Шакира, го отфрли договорот за признавање вина пред обвинителите во случајот за даночна измама во Шпанија, во вредност од 14,5 милиони евра, по што сега е чекор поблиску до судење.

Колумбиската пејачка, која има продадено повеќе од 80 милиони плочи ширум светот, е целосно убедена во својата невиност и затоа не ја прифаќа спогодбата.

Шакира секогаш ги плаќала сите даночни обврски и смета дека случајот е „целосно кршење на нејзините права - се вели во соопштението на нејзин официјален претставник.

Шакира е обвинета дека не платила 14,5 милиони евра даночен приход во периодот од 2012 до 2014 година. Ова е време кога, според адвокатите на пејачката, таа не живеела во Шпанија.

Современата „кралица на латино-музиката“, се пресели во Барселона во 2015 година. Таму живеше со фудбалерот Жерар Пике. Двојката има две деца, но од неодамна веќе не живеат заедно.

Пејачката вели дека иако нејзиниот адвокатски тим не се согласил целосно за наводниот долг, таа платила 17,2 милиони евра кои шпанската даночна служба тврди дека ги должи.

Според неа, таа со години нема неподмирен долг кон даночните власти.

По ваквта одлука на Шакира, судот ќе ѝ испрати покана за рочиште и треба да се одреди датум за судење.

The post Шакира го отфрли предлогот на шпанското обвинителство да признае даночно затајување appeared first on Република.

Прекинувањето на врската меѓу Шакира и Жерар Пике, поради, како што беше обајвено, неверство од страна на фудбалерот, предизвика голем интерес во светската јавност.

Сепак, поранешниот сопруг на една од сестрите на Шакира, Роберто Гарсија, открива дека главната причина за раскинувањето на славната двојка всушност не било изневерувањето, туку расправија околу пари.

Како што тврди тој, Пике побарал заем од Шакира за да ги вложи парите во некој бизнис, а таа го одбила по совет на нејзините родители кои и рекле дека такво нешто „не би било многу паметно“.

Според она што ми го кажа еден нивен многу близок, меѓу нив двајца има економски проблем. Наводно, Пике барал пари од Шакира за разни инвестиции, а семејството на Шакира одбило да ги даде. Тие не ги мешаат своите пари - вели Гарсија за „ЕСдиарио“.

https://republika.mk/scena/estrada/srekjna-i-dobro-raspolozena-shakira-surfa-vo-shpanija-so-nepoznat-maz-po-neverstvoto-na-pike/

Тој исто така тврди дека пејачката никогаш немала намера да се омажи за фудбалерот.

Шакира се фокусираше на Пике бидејќи сакаше тој да биде татко на нејзините деца. Знаеше дека никогаш нема да се омажи за него - додава поранешниот зет на колумбиската пејачка.

The post Не било неверството на фудбалерот: Ова е вистинската причина зошто Пике и Шакира раскинаа?! appeared first on Република.

По разделбата на Шакира и Жерард Пике што предизвика вистинска бура во шпанската и светската јавност, 45-годишната пејачка е забележана како сурфа во Шпанија.

Во друштво на 11-годишнот син Милан и неколку пријатели, Шакира е во навистина добро расположение.

Пејачката носи елегантен спортски костим за пливање со долги ракави и ногавици, а од фотките се гледа дека сурфа како вистински професионалец.

Во природно издание и без грам шминка, пејачката изгледа одлично.

Не е познат идентитетот на пријателите на пејачката, но со еден од нив изгледа како да е навистина блиска.

Шакира и 35-годишниот Пике се разделија пред околу две недели, наводно поради неверство од страна на Пике.

Уште пред да се разделат, во медиумите се појавија гласини дека Пике ја изневерувал. Исто така, Шакира буквално го избркала Пике од нивниот заеднички дом неколку недели пред да ѝ соопштат на јавноста дека се разделуваат.

The post Среќна и добро расположена: Шакира сурфа во Шпанија со непознат маж, по неверството на Пике appeared first on Република.