Тимот на Алкалоид го освои второто место на Европскиот клупски куп во шах што се играше во Врњачка Бања.

Во последното, седмо коло, шахистите на Алкалоид го одиграа својот најдобар меч, и убедливо тријумфираа над францускиот Шартре со 5:1.

Арјун Еригаиси на првата табла ремизираше со легендарниот украински шахист Василиј Иванчук, кој во минатото исто така играше за „фармацевтите“. Со црни фигури беше и С. Л. Нарајан на петтата табла кој го подели поенот со Максим Лагард. На останатите четири табли беа извојувани убедливи победи: Веи Ји го совлада Маркандрија Маурици водејќи ги белите фигури на втората табла, а неговиот сонародник Јангји Ју со црните триумфираше против Лорен Фресине. На четвртата и шестата табла Читамбарам Аравинд со бели освои цел поен против Даниел Дарда, додека Александар Инѓиќ го заокружи настапот со уште една победа, овојпат против Кристијан Бауер.

Триумфот во последното седмо коло им донесе два бода на играчите на Алкалоид, со што тие стигнаа до вкупно 12 бода. Турнирот го завршија со пет победи, два нерешени резултат и без пораз.

Првото место го освои Нови Бор од Чешка со 13 бода.

За ШК Алкалоид ова е трет пат како е остварен пласман меѓу првите две екипи на Стариот континент, при што во 2016 година Алкалоид беше Европски шампион, а во 2017 година беше освоено второто место.

Успехот на екипата е резултат на одличната игра на сите шахисти, од кои најголем дела освоија и медали за индувидуални резултати.

Еригаиси играше извонредно на првата табла и освои златен медал, како и Ју Јангји на третата табла. Александар Инѓиќ на шестата табла освои сребрен медал, а Аравиндитх Читамбарам на четвртата табла стигна до бронзениот медал.

The post ШК Алкалоид Европски вицешампион appeared first on Република.

Скопје од 6 до 11 декември ќе биде домаќин на Европскиот шампионат во брз и блиц шах, објави Европската шаховска федерација.

Европското првенство во брз шах ќе биде прво на распоредот и ќе се одржи на 7 и 8 декември, по што на програмата следуваат Европскиот блиц шаховски шампионат, на 9 декември и следниот ден Европскиот Фишер шаховски шампиона.

Вкупниот награден фонд изнесува 47.000 евра, а шаховските партии ќе се играат во скопскиот хотел „Континентал‘.

The post Скопје во декември домаќин на Европското првенство во брз и блиц шах appeared first on Република.

Македонскиот интернационален мајстор Тони Лазов освои сребрен медал на втората табла на 45. Шаховска олимпијада што се одржа од 10 до 22 септември во Будимпешта.

Лазов, кој го почна турнирот со рејтинг 2360, освои 7,5 поени од осум партии и со рејтинг-перформанс 2763 заврши втор на втората табла, зад олимпискиот првак, велемајсторот Таи Даи Ван Нгујен од Чешка со 2783, а бронзата му припадна на Едиз Ѓурел од Турција со 2755.

Пред 24-годишниот неготинец капитулираа велемајсторите Качпер Пјорун (рејтинг 2599) од Полска и Јаник Пелетје (2526) од Швајцарија, ИМ Аделард Баи (2378) од Тајван, ФИДЕ-мајсторите Диого Алјо (2192) од Зеленортските Острови и Рикардо Ернесто Чавез (2185) од Ел Салвадор, кандидат-мајсторот Џејмисон Едрих Као (2125) од Хонгконг и Коси Тиери Егбе (1847) од Того. Единственото реми го забележа против ВМ Јорден ван Хорест (2696) од Холандија.

Ова е четврти поединечен медал за Македонија на шаховските олимпијади по бронзениот на учителот на Лазов, ВМ Трајко Недев, во Ереван 1996 со 8 поени од 11 партии како резерва, златниот на ВМ Драгољуб Јаќимовиќ на третата табла во Истанбул 2000 со 7/9 и среброто на ВМ Владимир Георгиев на третата табла во Калвија (Шпанија) со 9/12.

Македонија во Будимпешта го освои 61. место во конкуренција на 188 машки селекции со 6 победи и 5 порази.

Златниот медал ѝ припадна на Индија, сребрениот на САД, а бронзениот на Узбекистан.

The post Македонскиот шахист Тони Лазов олимписки вицешампион appeared first on Република.

Меѓународната шаховска федерација (ФИДЕ) смета дека поплавите во Будимпешта, кои се очекуваат до крајот на неделата, нема да го нарушат Конгресот и Генералното собрание.

Локалните власти ни рекоа дека и покрај тешката ситуација, хотелот каде се одвиваат нашите активности не е во опасност, информираа ФИДЕ.

Конгресот на ФИДЕ почна во унгарската престолнина на 17 септември. Генералното собрание, ќе се одржи викендов.

The post ФИДЕ нема да ги откаже Конгресот и Генералното собрание поради поплавите во Будимпешта appeared first on Република.

Половичен успех забележаа македонските селекции на 45 шаховска Олимпијада која до недела се одржува во Будимпешта.

Македонската машка селекција загуби со 1.5 – 2.5 од Шведска, додека дамите извојуваа максимална победа од 4-0 во дуелот со Нов Зеланд.

Шведска ја обезбеди победата над македонските шахисти на третата и четвртата табла на кои Емил Ристески и Антон Златков претрпеа порази. Евгени Романов забележа победа на првата, а Никола Николовски ремизираше на втората табла.

Убедливиот триумф на шахистките во дуелот со Нов Зеланд го донесоа Моника Стојковска, Ивана Манова, Моника Жежовска и Сања Трајковска.

Пред денешното 9 коло, македонските шахисти беа позиционирани на 31 место, а дамите на 65 место.

Пласманот и противниците на македонските селекции во следното коло ќе биде познат по комплетирање на сите дуели од денешната програма.

The post Македонските шахисти поразени од Шведска, дамите убедливи против Нов Зеланд appeared first on Република.

Третото коло на 45. шаховска Олимпијада во Будимпешта беше успешно за македонските селекции кои забележаа победи во машка и женска конкуренција.

Македонските шахисти извојуваа максимална победа над Зеленортските острови од 4-0 и со 9.5 поени се на делба на 48 место со Парагвај.

Во четвртото коло шахистите на Македонија ќе играат против Холандија.

Во женска конкуренција македонската репрезентација беше убедлива во дуелот со Хондурас и забележа победа од 3.5 – 0.5.

Македонските шахистки се на делба на 57 место со Луксембург со осум освоени поени, а во четвртото коло за противник ќе ја имаат Италија.

The post Македонските шахисти и шахистки извојуваа победи на 45. Олимпијада во Будимпешта appeared first on Република.

Машкиот и женскиот тим на ШК Алкалоид остварија уште по две нови победи на екипните првенства на Македонија кои се одржуваат во Струмица. Викендов, машкиот тим имаше убдливи победи, против ШК Куманово (5,5:0,5) и ШК Прилеп (5:1).

Во останатите мечеви од 5.коло: ШК Шкупи – ШК Штајниц 3:3; ШК Гамбит Асеко СЕЕ – ШК Анапсан СЕС 5:1 и ШК Гостивар – ШК Куманово 3:3. Слободен беше тимот на ШК Пелагон.

На табелата, ШК Алкалоид има 8 бода, но од четири дуели, додека второпласираниот во моментов ШК Гамбит има исто толку, но ќе биде слободен во последното коло.

На мечевите во женска конкуренција ситуацијата е слична, каде Алкалоид прокнижи две победи над ШК Шах шех од 4:0 и над Гамбит Асеко СЕЕ со 3,5:0,5.

ШК Алкалоид има 10 бода по 5 кола, а со подеднаков износ се и шахистките на МШК Центар, па директниот дуел во последното 7. коло во вторник ќе биде пресуден за титулата.

The post Шахистите на Алкалоид блиску до одбрана на титулите appeared first on Република.

Во саботата, во Градскиот парк Скопје со голем шаховски хепенинг беше одбележана 100 годишнината од основањето на Светската Шаховска Организација (ФИДЕ).

Настанот одржан под мотото “100 години шах – Вистинскиот потег е со УНИБанка” во организација на Шаховската Федерација на Македонија со поддршка од УНИБанка беше вистински празник за шахот.

100 шаховски табли поставени во парк, симболично по една за секоја година од постоењето на ФИДЕ, привлекоа голем број на вљубеници на шахот да дојдат во Градскиот парк да се забавуваат и да одиграат партија шах. Дел од специјалните гости на настанот беа светската првенка во шах ВМ Антоанета Стефанова и британскиот велемајстор, директор за развој во ФИДЕ ВМ Најџел Шорт, истакнатиот македонски ракометен голман Борко Ристовски и многу други.

Настанот исполнет со многу забава, музика и подароци, овозможи повеќе од 300 деца, но и голем број на возраснии да си ги одмерат силите на шаховската табла со познатите велемајстори и да ја почуствуваат нивната експертиза.

За време на свеченото отварањена настанот, ШФМ додели и плакети за особена заслуга за промоција и развој на шахот на УНИБанка, Антоанета Стефанова, како и на двајца истакнати македонски шаховски ветерани Никола Столев и Нафи Хасани.

На настанот свое обраќање имаше и Милка Тодорова, Извршен директор и Претседател на Управниот одбор на УНИБанка.

”Горди сме што УНИБанка е силен партнер и поддржувач на шахот како исклучително корисна игра за подобрување на когнитивните сподобности кај возрасните, а особено и кај децата. Нашиот активен придонес го насочуваме кон младите и нивното понатамошно остварување. Ние сакаме општеството и економијата да просперираат, затоа Банката, како општествено одговорна компанија, продолжува да поддржува проекти и иницијативи од различни области, како спорт, култура, образование и уметност.” - изјави Тодорова.

Со приклучувањето на одбележувањето на годишнината која се одржува низ светот, Македонија уште еднаш покажа дека е дел од големото шаховско семејство и дека интересот за шахот се повеќе се зголемува.

УНИБанка и во иднина останува посветена на унапредувањето на спортот во нашата држава и ќе продолжи да инспирира се повеќе луѓе да спортуваат и да го одржуваат своето здравје.

Комерцијален текст

The post УНИБанка го поддржа одбележувањето на 100 годишниот јубилеј на Светската Шаховска Федерација appeared first on Република.

Шаховската федерација на Македонија ги повикува сите талентирани шахисти, почетници и големи ентузијасти да учествуваат во најголемиот шаховски спектакл во земјава.

Во сабота, на 15 јуни во Градскиот парк во Скопје, на Школка, се одбележува стогодишниот јубилеј од постоењето на Светската шаховска организација (ФИДЕ).

Со симболично поставување на 100 шаховски табли и Македонија се приклучува во одбележувањето на овој вековен јубилеј. Секој посетител кој ќе дојде во Градски Парк на 15 јуни ќе има можност да изигра партија шах и биде дел од настанот кој ветува одлични партии шах, многу музика, подароци и забава.

Дел од оваа шаховска сензација ќе бидат реномирани имиња од светот на шахот, со кои и децата и возрасните ќе можат да се сретнат на црно-белата табла.

Британскиот шаховски велемајстор и директор за развој на шахот на ФИДЕ, Најџел Шорт ќе допатува во Македонија и заедно со велемајсторите Антоанета Стефанова, Петар Арнаудов ќе се дружат и запознаат со нашите домашни шахисти и љубители на шахот.

Македонската шаховска федерација го организира одбележувањето на стогодишниот ФИДЕ јубилеј со поддршка од УНИ БАНКА, под мотото „100 години шах-вистинскиот потег е со УНИ банка”.

Шаховската Федерација на Македонија е членка на ФИДЕ од 1991 година. Федерацијата има организирано голем број на европски шаховски турнири, а минатата година ФИДЕ ни ја довери честа да го организираме Светското Екипно Првенство за Сениори над 50 и над 65 години. Македонските шаховски репрезентации учествувале на сите Шаховски Олимпијади организирани под покровителство на ФИДЕ.

Комерцијален текст

The post Со голем настан Македонската шаховска федерација ќе одбележи еден век постоење на Светската шаховска федерација ФИДЕ appeared first on Република.

Во Скопје викендов стартува Отвореното првенство на Македонија во шах, кое, наедно, се смета и за национално државно првенство. Паралелно со него посебно ќе се игра и Првенството во женска конкуренција.

Минатогодишните шампиони ВМ Звонко Станојоски и ФМ Моника Стојковска, обајцата членови на ШК Алкалоид, не се на стартната листа, па ако остане така, ќе биде извесно дека на крајот од турнирот ќе има нови државни прваци.

Кај шахистите прв фаворит е ИМ Филип Панчевски, додека кај дамите Габриела Коскоска е прв носител.

Предвидено е да се играат девет кола според швајцарскиот систем, при што секој играч има на располагање 90 минути со додаток од 30 секунди за потег. Просечниот рејтинг според провизорната стартна листа на учесници изнесува 1781 поени.

На Отвореното првенство се пријавени 60 играчи, меѓу кои десетина се од младинските категории, од кои најголемиот дел настапуваат за новоформираниот ШК Мулти Есенс, кој, исто така, е под закрила на компанијата „Алкалоид“ АД Скопје.

Партиите од првото коло стартуваат попладнево од 17:30 часот.

The post Во Скопје викендов стартува Отвореното првенство на Македонија во шах appeared first on Република.

Полскиот велемајстор Јан-Кшиштоф Дуда (25) одби да се ракува со рускиот шахист Денис Хизматулин (39) на Светското првенство во брз шах во Самарканд, Узбекистан.

Според правилата на Светската шаховска федерација, Полјакот можеше да биде дисквалификуван поради прекршување на правилата, но Русинот не сакаше да поднесе жалба.

🇵🇱🇷🇺‼️🚨 Polish chess player refuses to shake hands with Russian player.

-> Unsportsmanlike … disguising move.

“Jan-Krzysztof Duda refused to shake hands with Denis Khismatullin during the World Rapid Chess Championship.” pic.twitter.com/MX4SL71XXD

— Lord Bebo (@MyLordBebo) January 2, 2024

The post Полски шахист одби да се ракува со рускиот колега appeared first on Република.

Победа во машка и пораз во женска конкуренција забележаа македонските репрезентации во 7. коло на Европското екипно првенство во шах во Будва.

Македонските шахисти во 7. коло беа поуспешни од Косово, триумфирајќи со 3-1 и пред завршните четири кола се на 27 место со шест бодови.

Во денешното 8. коло за противник ќе ја имаат селекцијата на Турција.

На женскиот турнир, македонските шахистки претрпеа висок пораз од Словенија (3.5-0.5) и по седум кола се на 28 место со пет бодови.

Противник во денешното 8 коло ќе им биде селекцијата на Норвешка.

The post Шахистите го совладаа Косово, шахистките поразени од Словенија на Европското првенство appeared first on Република.

Третото коло на Европското екипно првенство во шах беше успешно за македонските репрезентации, откако шахистите синоќа ја совладаа селекцијата на Фарските Острови, додека шахистките беа поуспешни од домаќинот Црна Гора.

По стартните порази од Чешка (0.5 – 3.5) и Грузија (1-3), македонската машка репрезентација триумфираше над Фарските острови со 2.5 – 1.5 и ја забележа првата победа на ЕП во Будва.

Женската репрезентација, пак, ја извојува и втората победа во серија совладувајќи ја Црна Гора со 2.5-1.5, откако во претходното коло беше поуспешна од Шведска (2.5-1.5) по воведниот пораз од Словачка (0.5 – 3.5).

Македонските шахисти се на 31. место пред денешниот дуел против Црна Гора во четвртото коло, додека шахистките се искачија на 13 место, а следен противник ќе им биде репрезентацијата на Украина.

The post ЕП: Двојна победа на македонските шаховски репрезентации appeared first on Република.

Најсилното шаховско натпреварување за сениори/ветерани во светот, чија организација од страна на Светската шаховска организација (ФИДЕ) е доделена на Шаховската федерација на Македонија, ќе се одржи од 18 до 29 септември, во хотел Изгрев (Струга).

Согласно турнирскиот правилник, на Светското екипно првенство за сениори имаат право да учествуваат репрезентации и шаховски клубови, предуслов е да сите играчи од една екипа бидат во соодветната возрасна категорија и регистрирани во иста земја. Македонскиот лидер и најуспешен клуб Алкалоид го пријави своето учество во категоријата на екипи со играчи постари од 50 години, со просечен рејтинг на екипата (се пресметува како просек од првите четири играчи) од 2436, а во екипата се вклучени врвните македонски велемајстори и долгогодишни членови на клубот (долги години носители и на државната репрезентација):

• Кирил Георгиев, супервелемајстор (највисок рејтинг 2725 во Блиц шах), носител на медал од светски шампионати (светски јуниорски шампион), еден од ретките кој во меч го победил поранешниот светски шампион Гари Каспаров
• Тајко Недев трикратен државен шампион, освојувач на сребрен медал за поединечен резултат на Европско Екипно првенство 2003 година, поранешен најпрво член а потоа и селектор на државната репрезентација
• Влатко Богдановски седумкратен државен шампион, долги години столб на државната репрезентација, поранешен член а потоа и селектор на женската сениорска репрезентација
• Звонко Станојоски шестократен и актуелен државен шампион, фронтмен и   прва табла на државната репрезентација на последната Шаховска Олимпијада во 2022 година
• Роландо Кутиров, двократен државен шампион, поранешен најпрво член а потоа и селектор на државната репрезентација
• Драгољуб Јаќимовиќ двократен државен шампион и освојувач на златен медал за поединечен резултат на Шаховската Олимпијада 2000 година поранешен најпрво член а потоа и селектор на машката сениорска репрезентација.

Мошне добро познати на спортската јавност, шахисти кои дале исклучителен придонес во развојот и резултатите на македонскиот шах а во составот на репрезентацијата несебично и посветено ги бранеле боите на националната репрезентација на многу шаховски Олимпијади и Европски и државни екипни првенства. Kако долгогодишни членови на Алкалоидовата екипа се носители на 25 екипни шампионски титули (од кои 11 се во континуитет вклучително и овогодинешната) !

Алкалоид важи за еден од најпознатите европски шаховски клубови, континуирано под спонзорство на фармацевтскиот гигант преку четири децении, европски шампион од 2016 и вицешампион од 2017 година, за кој настапуваа врвни шаховски велемајстори вклучително и актуелниот светски шаховски шампион Динг Лирен од Кина.

Ова прво учество на Алкалоид на светски екипен сениорски шампионат е нов мотив и предизвик, желба повторно да се постигне резултат со кој македонската шаховска и севкупната спортска јавност ќе се гордее. Познавајќи го аналитичкиот и победничкиот дух на овој наш шаховски гигант, да му посакаме среќа и сигурни сме дека екипата ќе ги вложи сите напори за да ја оствари поставената целт за овој турнир - освојување на еден од медалите !

Конкуренцијата на турнирот според пријавените екипи и состави ќе биде силна. Анализата на екипите и играчите, посебно за првите три места покажува дека за првите три места во потесен круг ќе се борат шест екипи (рангирани и  според просечниот рејтинг на  првите четири табли, но и  според играчите кои настапуваат) и тоа:

САД, со просечен рејтинг од 2549 е главен фаворит, во своите редови го има супервелемајсторот Владимир Акопиан (највисок рејтинг имал 2713 во 2008 година, своевремено во светската елита топ ТОП  10, неколкукратен светски јуниорски шампион, носител на златен олимписки медал) со рејтинг 2602 (роден и долги години настапуваше за репрезентацијата на  Ерменија) кој во 2003 година играше за екипата на Алкалоид на Европскиот клупски куп (освои 5 поени во 6 партии и златен медал на првата табла за најдобар резултат). Интересно е што комплетната екипа на САД е составена од мошне силни велемајстори (Грегори Каиданов, Јан Елвест, Александар Шабалов, Игор Новиков) кои се родени и претходно настапувале за други држави.

Англија, важи за втор фаворит, со просечен рејтинг од 2467, на чија прва табла е пријавен супервелемајсторот Мајкл Адамс (во периодот 2000-2002 меѓу топ 5 во светот,  највисок рејтинг имал 2761 во 2013 година, поранешен светски јуниорски шампион, долги години лидер на англиската репрезентација) со рејтинг 2662. И останатите членови на екипата се велемајстори кои порано важеле за доста силни.

Италија,со просечен рејтинг од 2438 е во групата репрезентации со Исланд и Алкалоид кои  според почетното рангирање се со приближно ист просечен рејтинг. Предводена од искусните Давид Алберто и Микеле Годена, но и останатите членови на екипата се со  изедначена снага  и секако ќе бидат предизвик на конкурентите за медал на овој светски сениорски шампионат.

Исланд, со просечен рејтинг од 2435, екипата ја предводат велемајсторите Хелги Олафсон и Јохан Хјартарсон, но и останатите тројца велемајстори членови на екипата се со големо искуство од многу турнири, кои веруваат во себе и силата на својата екипа.

Црна Гора, со просечен рејтинг од 2346, предводена од Велемајсторот Небојша Никчевиќ (рејтинг 2358) и со доста хомогена екипа од останати четири интернационални мајстори, добро познати и на македонската јавност, вклучително и интернационалниот мајстор Богдан Подлесник (добро познат и во банкарската индустрија како искусен долгогодишен менаџер) кој настапи и на тукушто завршеното македонско државно екипно првенство.

Во секој случај светскиот сениорски шампионат ќе биде мошне интересен за  следење, па сосема е разбирливо што македонската шаховска јавност со нетрпение го чека почетокот на ова натпреварување на кое ќе навива за своите шахисти и тоа екипата составена од членови на македонскиот Национален сојуз на слепи шахисти, а посебно во борбата за медал ќе го бодри својот миленик екипата на Алкалоид.

The post Шаховскиот клуб „Алкалоид“ ќе учествува на Светскиот сениорски екипен шампионат за ветерани за 2023 година appeared first on Република.

Шаховскиот клуб Алкалоид, под покровителство на својот спонзор, компанијата АЛКАЛОИД АД Скопје, ја продолжи догогодишната традиција и викендов го организираше традиционалниот Отворен меѓународен турнир во забрзан шах АЛКАЛОИД 2023.

Почнувајќи од 2012 година, организирани се 7 отворени меѓународни турнири во шах со рапид темпо на игра и 4 во блиц. По пауза од три години (поради пандемијата на вирусот корона), оваа година е продолжена традицијата, со убедливо најголем интерес меѓу шаховската јавност. На турнирот учествуваа апсолутно рекорден број 227 шахисти од сите возрасти – најмладиот учесник на возраст од 8 години, а најстариот на возраст од 80 години! Шахот ги поврзува и ги обединува луѓето од сите генерации во рамноправна игра, при што магијата е во тоа што исклучиво шаховското знаење и подготвеноста ја одлучуваат секоја поединечна шаховска партија!

Огромниот интерес за учество на овој турнир е само уште една потврда за авторитетот што го има АЛКАЛОИД како спонзор и како шаховскиот клуб не само во нашата држава туку и пошироко, со оглед на тоа дека, покрај најдобрите македонски шахисти, учествуваа и 36 играчи од уште 7 држави. Турнирот беше одржан во атмосфера на шаховски празник, со учество на голем број гледачи!

На врвот на турнирската табела со по 8 поени од 9 партии се најдоа тројца шахисти, а според дополнителниот турнирски критериум првото место сосема заслужено го освои српскиот велемајстор Синиша Дражиќ.

Најуспешни македонски шахисти со по 7 поени од 9 партии (на делба од 6. до 14. место) беа младите Емил Ристески, Михаил Јорданов, Филип Михов и Матеј Звездакоски, како и ветеранот Владимир Тркаљанов.

Најуспешни македонски шахистки беa следните македонски репрезентативки: женскиот фиде-мајстор Моника Стојковска и женскиот интернационален мајстор Габриела Коскоска со по 6 поени од 9 партии.

Најуспешни јуниори и јуниорки (од вкупно 69 учесници до 18 години) – според возрасните категории (до 8, 10, 12, 14, 16 и до 18 години), медали и подароци од организаторот освоија: до 10 години – Илијана Велева и Лука Симоноски, до 12 години – Благоја Миновски и Брнс Елисавета, до 14 години – Ивана Велкоска и Кирил Николовски, до 16 години – Моника Жежовска и Антон Златков, а до 18 години – Инџи Ајрадиновска и Матеј Звездакоски.

The post Отворен меѓународен турнир во забрзан шах Алкалоид 2023 appeared first on Република.

Македонската репрезентација се закити со бронзен медал, освојувајќи го третото место на Балканското првенство во шах за младинци кое се одржа на Попова Шапка.

По неизвесна борба до последното коло, првото место го освои Грција, додека сребрениот медал им припадна на словенечките шахисти.

Боите на македонската репрезентација на Балканијадата ги бранеа Емил Ристески, Андреј Велјановски, Леонид Петрески, Антон Златков и Моника Жежовска, предводени од селекторот Орце Данчевски.

Ова беше одличен завршеток на оваа година во која нашите младинци во неколку наврати покажаа одлични игри и добри резултати, и се надеваме дека во наредните години ќе имаат уште подобри резултати, соопшти Шаховската федерација на Македонија.

The post Зад Грција и Словенија: Македонските шахисти освоија бронза на Балканското првенство за младинци appeared first on Република.

Две основни училишта на територијата на Град Скопје се првите кои воведоа изучување на шахот од прво до четврто одделение, а има најава да им се приклучат и други образовни институции, соопшти Шаховската федерација на Македонија (ШФМ).

Три месеци откако Бирото за развој на образованието и Министерството за образование и наука ја одобрија наставната програма, шахот како предмет е воведен во четири одделенија во Основното училиште „Ѓорѓија Пулевски“ во општина Аеродром и четири одделенија во Основното училиште „Киро Глигоров“ во општина Центар.

-Има уште голем број на наставници и наставнички кои нè контактираат и имаат желба што поскоро да почнат. Правиме напори на сите навремено да им одговориме и да им помогнеме во имплементирањето на шахот како предмет во училиштата. Се надеваме дека наскоро ќе можеме да се пофалиме со многу поголем број училишта во кои децата може да се запознаат со тајните на шаховската игра, соопшти ШФМ.

Од ШФМ изразија голема благодарност до директорите на основните училишта и наставниот кадар кои ги „препознаа придобивките за децата од изучување на шахот и се вклучија во реализација на проектот

The post Koнечно една добра работа: Шахот почна да се изучува во основните училишта во Скопје appeared first on Република.

Шаховскиот клуб Алкалоид ја освои титулата во машка, додека шахистките од МШК Центар беа најуспешни во женска конкуренција на Државното првенство во екипна конкуренција кое се одржа во Струга во организација на Шаховската федерација на Македонија.

Шахистите на Алкалоид ја оправдаа фаворитската улога и ја одбранија титулата освојувајќи го првото место пред второпласираниот ШК Прилеп и ШК Гамбит Ассеко СЕЕ на третото место.

Во женска конкуренција беше неизвесно до самиот крај и одлучуваше последното коло во кое МШК Центар со триумф над директниот конкурент ШК Алкалоид го освои шампионскиот пехар.

Конечен пласман:

Мажи: ШК Алкалоид, ШК Прилеп, ШК Гамбит Ассеко СЕЕ, ГШК Куманово, ШК Гостивар, ШК Ан Пасан, ШК Фишер, ШК Стево Патако.

Жени: МШК Центар, ШК Алкалоид, ГШК Куманово, ШК Гамбит Ассеко СЕЕ, ГШК Неготино, ШК Стево Патако, ШК Карпош.

The post Шахистите на Алкалоид шампиони во машка, Центар во женска конкуренција appeared first on Република.

Ценејќи го значењето на шахот во развојот на најмладите, „Алкалоид“ АД Скопје опреми ново, модерно катче наменето за шаховска едукација и за турнири за младите почнувајќи од 7-годишна возраст. Станува збор за две училници во центарот на Скопје, каде што најсилните македонски велемајстори ќе работат со најмладите во групи до 20 ученици.

Со повлекувањето на првиот потег во симултанка со ФИДЕ-мајсторот Моника Стојковска (македонски шампион за 2022 година), генералниот директор и претседател на Управниот одбор на „Алкалоид“, Живко Мукаетов, симболично го означи почетокот на систематската работа со најмладите шаховски таленти во клубот. Наставата во рамките на ШК „Алкалоид“ ќе ја водат лиценцирани тренери на Светската шаховска организација, кои се истовремено и најсилни македонски шаховски велемајстори, носители на националната репрезентација, како и освојувачи на многу турнири и шампионски титули во екипна и во поединечна конкуренција. Покрај членовите на ШК „Алкалоид“, овој нов шаховскиот дом, лоциран на ул. „Железничка“ (ул. „Јордан Мијалков“) бр. 40А во Скопје, ќе биде отворен за сите шахисти и љубители на шахот, кои ќе имаат можност за едукација, дружење и за турнири.

Според проценката на стручните експерти и на педагозите, шахот придонесува за развој на когнитивните способности кај најмладите, ја подигнува концентрацијата при учењето, ги подобрува аналитичкото размислување, решавањето проблеми и носењето одлуки, а во голема мера овозможува и дружење и креирањетимски дух.

Шаховскиот клуб „Алкалоид“ е основан на 26 март 1976 година и важи за еден од најдобрите европски клубови. Има огромна колекција на титули, од кои најпрестижна е освоеното злато на Европскиотклупски куп во Нови Сад во 2016 година.

The post „Алкалоид“ опреми ново, модерно катче за шаховска едукација и за турнири за најмладите шахисти appeared first on Република.

Подобрување на концентрацијата, меморијата, математичките вештини, читањето, логичкиот начин на размислување, креативноста и критичкото размислување. Ова се само дел од придобивките за едно дете со изучувањето на шахот, кој од септември ќе биде на листата изборни предмети во основните училишта за деца од прво и второ одделение.

Имавме состанок во Министерството за образование и наука и ни рекоа дека во претстојната училишна година шахот ќе може да се најде на листата на изборни предмети за децата од прво и од второ одделение. Доколку се формира група од 20-ина деца кои ќе покажат интерес, ќе се почне во тоа училиште - вели Александра Гакидова, секретар во управниот одбор на Шаховска федерација.

Со помош на македонски професионални шахисти кои се сертифицирани од Меѓународната шаховска федерација (ФИДЕ) ќе се обучуваат наставниците кои ќе ги држат шаховските предавања во основните училишта. Би се изучувале основите на шахот, како начинот на движење на фигурите, какви потези постојат и слично.

Наставникот мора да биде вработен, бидејќи предметот ќе се оценува, иако описно. Тие ќе бидат обучувани од наши шахисти со меѓународни сертификати. Во Полска почнале со луѓе што немале допир со шахот и за три викенди ги обучиле. Дури сега ни претстои работата. Треба да ги убедиме училиштата дека треба да го промовираат шахот, како и децата дека тоа е интересно да се учи. Од родителите имаме позитивен фидбек - додава Гакидова.

The post Шахот ќе биде изборен предмет во основните училишта од септември appeared first on Република.