Германските власти го идентификувале осомничениот во случајот со пренасочување на гасоводот Северен тек 2 пред 2 години и по него распишаа потерница, објави Фајненшл тајмс.

Како што пренесоа медиумите, потерницата е распишана по Украинец, нуркач – специјалист, кој е осомничен дека заедно со уште двајца украински државјани ги пренасочиле двата тека на гасоводот што пренесува руски гас преку Балтичко Море за западноевропскиот пазар.

Портпаролката на полското обвинителство, Ана Адамијак, во средата потврди дека германските власти во јуни издале европска потерница за Володимир З., украински државјанин кој живеел во Полска. Портпаролката рече дека се преселил во Украина на почетокот на јули, пред да биде уапсен.

Идентификацијата на наводниот сторител означува чекор напред во долготрајната истрага за она што беше еден од најспектакуларните чинови на саботажа во поновата историја на Европа.

Деталите од налогот за апсење први ги објавија група германски медиуми и шведскиот весник Expressen. Expressen го именуваше осомничениот како Володимир Журавлов, на возраст од 44 години. Тој е осомничен за „антиуставна саботажа и предизвикување експлозија“.

Информациите врз основа на кои Основното државно обвинителство ја распишало потерницата се засноваат, како што понатаму наведуваат медиумите, на сознанија на „странски разузнавачки служби“.

За осомничениот Украинец се знае дека до неодамна живеел во Полска, но каде се наоѓа сега, не е познато.

Германските власти одбија да ги коментираат наводите на медиумите, посочувајќи на тековната истрага.

Во јули 2022 година, тројца осомничени, двајца мажи и една жена, изнајмиле едрилица во германското пристаниште Росток, која, како што се претпоставува, била користена за транспорт на експлозиви и опрема до местото на саботажа недалеку од данскиот остров Борнхолм.

Во моментов само Германија води истрага за случајот со саботажа на гасоводот „Северен тек“. Данска и Шведска ги прекинаа истрагите.

The post Германците со потерница го бараат Володимир З., кој го разнел гасоводот „Северен тек 2“?! appeared first on Република.

Припадници на британска специјална единица нуркачи од нуклеарна подморца на британската Кралска морнарица се директни извршители на саботажата на гасоводите Северен тек во септември 2022 година, дознаваат новинарите на скандинавскиот портал „Нордик тајмс“ во соработка со независниот фински дата аналитичар и истражувач познат под псевдонимот „Мортимер“.

Како што пишува скандинавскиот медиум, саботажата е извршена со знаење на Лиз Трус за време на нејзиниот краток мандат како премиер на Велика Британија. Написот го насочува вниманието кон посетата на поранешниот министер за одбранбени набавки во кабинетот на Трус, Алек Шелбрук, на поморската база Клајд во Шкотска (слика 1).

Шелбрук потоа ја прегледал подморницата „ХМС Ембуш“ (HMS Ambush), која се врати во пристаништето една недела по нападот на Северен тек, и се сретна со нејзиниот капетан и екипажот. Покрај тоа, Шелбрук ја надгледувал групата нуркачи ДТКСГ, која била формирана неколку месеци пред експлозиите на Северен тек.

По саботажата, Трус, Шелбрук и шефот на базата Клајд поднесоа едногласни оставки, а истрагата на британскиот парламент за нападот беше блокирана од министерот за одбрана Ben Валас.

„Нордик тајмс“ тврди дека САД знаеле за операцијата. Понатаму, во текстот се наведува дека британските нуркачи од групата ДТКСГ биле обучени од американската морнарица и работеле со контра-импровизирани експлозивни направи и тимови за отстранување експлозивни направи.

The post Независно истражување: Британски командоси од нуклеарна подморница го дигнале во воздух гасоводот Северен тек appeared first on Република.

Популарниот американски блогер и активист, Џек Пособјец, на социјалните мрежи поставува прашање, со кое ја критикува пропагандата на западните лидери и медиуми.

Како по само неколку минути знаеме точно што се случи со Навални, но сè уште не знаеме што се случи со Северен тек 2?, прашува американскиот блогер.

The post Американски активист: Како по само неколку минути знаеме точно што се случи со Навални, но сè уште не знаеме што се случи со Северен тек 2 appeared first on Република.

Рускиот енергетски гигант Гаспром сака засега да користи делови од руско-германскиот гасовод Северен тек 2, кој е ставен во мирување, за снабдување на сопственото население.

-Со оглед на тоа што гасоводот во Балтичкото Море во моментов не се користи, Гаспром одлучи да ги „искористи вишокот руски транспортни капацитети на копно за развој на снабдувањето со гас во регионите во северозападниот дел на Русија, соопшти компанијата, пренесе ДПА.

Пораката, објавена на профилот на Телеграм на компанијата, содржи и предупредување до Берлин: „Доколку Германија сепак одлучи да го пушти во употреба Северен тек 2, најмногу првиот дел од подводната рута би можел да биде поврзан во блиска иднина. Вториот крак сега нема да се користи пред 2028 година“.

Гасоводот Северен тек 2 има два крака, секој со транспортен капацитет од 27,5 милијарди кубни метри гас годишно.

По руската инвазија врз Украина, Берлин целосно го запре процесот на сертификација, кој претходно беше суспендиран. Во новата енергетска стратегија се планира значително да се намали зависноста на Германија од рускиот гас.

The post „Гаспром“ засега ќе го користи „Северен тек 2“ appeared first on Република.

Рускиот енергетски гигант „Гаспром“ сака засега да користи делови од руско-германскиот гасовод Северен тек 2, кој е ставен во мирување, за снабдување на сопственото население.

Со оглед на тоа што гасоводот во Балтичкото Море во моментов не се користи, „Гаспром“ одлучи да ги „искористи вишокот руски транспортни капацитети на копно за развој на снабдувањето со гас во регионите во северозападниот дел на Русија - соопшти компанијата.

Пораката, објавена на профилот на Телеграм на компанијата, содржи и предупредување до Берлин.

Доколку Германија сепак одлучи да го пушти во употреба Северен тек 2, најмногу што ќе може да се направи е првиот дел од подводната рута да биде поврзан во блиска иднина. Вториот крак сега нема да се користи пред 2028 година.

Гасоводот Северен тек 2 има два крака, секој со транспортен капацитет од 27,5 милијарди кубни метри гас годишно.

По руската воена операција во Украина, Берлин целосно го запре процесот на сертификација на гасоводот. Во новата енергетска стратегија на Германија се планира значително да се намали зависноста на земјата од рускиот гас

The post „Гаспром“ ќе го користи „Северен тек 2“ за снабдување со гас за домашни потреби appeared first on Република.

Швајцарскиот министер за економија, Ги Пармелин, денеска соопшти дека се отпуштени сите вработени во компанијата што го осмисли контроверзниот гасовод „Северен тек 2“, јави ДПА.

Министерот Пармелин за телевизиската станица „Вестшвјацер фернзен“ изјави дека откази добиле околу 140 вработени во швајцарската фирма „Северен тек 2“.

Реализацијата на проектот за гасоводот до Германија преку Балтичкото Море ја стопираше германскиот канцелар Олаф Шолц, минатата седмица кога Русија најави испраќање војници во Украина.

Долго оспоруваниот проект е меѓу најпознатите комерцијални жртви на украинскиот конфликт. Гасоводот се најде на директен удар на новите американски санкции против Русија, а кризата резултираше и со откажување на Германија од руските фосилни горива.

Германското Министерство за економија призна дека сега државата ќе мора да вложи „вистински напори“ да го зголеми сопственото производството на електрична енергија од обновливи извори. Државниот секретар во Министерството, Франциска Брантнер, изјави дека веќе се усвоени првите нацрт-закони во таа насока.

Германските медиуми претходно цитираа документ на Министерството во кој рокот за кој Германија целосно своите потреби за електрична енергија би ги обезбедувала исклучиво од обновливи извори се скратува од 2050 на 2035 година.

Плановите Германија до 2035 година да се снабдува исклучиво и во целост од сопствени обновливи извори на енергија според Брантнер не е само прашање со важност за екологијата, туку значаен фактор за националната безбедност.

The post Швајцарската компанија што го проектираше „Северен тек 2“ ги отпушти сите вработени appeared first on Република.

Американскиот претседател Џо Бајден најави дека САД ќе и се приклучат на Германија во воведување санкции за проектот за гасоводот за природен гас „Северен тек 2“ како дел од санкциите против Москва.

И наредив на мојата администрација да воведе санкции за „Северен тек 2“ и неговите корпоративни службеници - изјави Бајден.

Мерката, насочена кон една од најголемите геостратешки енергетски иницијативи на Русија, доаѓа откако Германија вчера објави дека го стопира проектот.

Овој потег означува значајна промена во политиката на американската администрација кон „Северен тек 2“, која претходно вклучуваше санкционирање на некои од помалите субјекти вклучени во проектот, вклучително и некои руски компании и бродови кои помогнаа во изградбата, но се воздржуваа од санкционирање на „Северен тек 2“ и неговиот извршниот директор Матијас Варниг.

The post Бајден воведува санкции за проектот „Северен тек 2“ appeared first on Република.

Германскиот канцелар Олаф Шолц побара да се прекине сертификацијата на гасоводот „Северен тек 2“. Добродојдовте во новиот свет во кој Европјаните ќе плаќаат 2.000 евра за илјада кубни метри гас, напиша Медведев на Твитер.

The post Медведев за смрзна Европа: Го забранивте „Северен тек 2“? Во ред гасот ќе го плаќате 2.000 евра -Добродојдовте во новиот свет! appeared first on Република.

Германскиот канцелар Олаф Шолц побара да се прекине сертификацијата на гасоводот „Северен тек 2“. Добредојдовте во новиот свет каде Европејците ќе плаќаат 2.000 евра за илјада кубни метри гас - напиша поранешниот руски премиер и претседател Дмитриј Медведев на Твитер.

https://twitter.com/MedvedevRussiaE/status/1496112512915361798?cxt=HHwWjMCyxeuZocMpAAAA

Шолц претходно објави дека Германија презела чекори за запирање на процесот на сертификација на гасоводот „Северен тек 2“, како одговор на последните чекори на Русија во Украина, со признавањето на регионите Доњецк и Луганск за независни држави.

https://republika.mk/vesti/svet/sholc-pobarav-onevozmozuvanje-na-procesot-za-gasovodot-severen-potok-2/

The post Медведев: Одлуката на Шолц ќе предизвика Европејците да плаќаат по 2.000 евра за кубик гас appeared first on Република.

Германскиот министер за економија Роберт Хабек, изјави дека украинската криза ќе има улога во процесот на одобрување на гасоводот „Северен тек 2“.

Хабек, кој е член на германската партија на Зелените, пред новинарите во Варшава изјави дека процесот на одобрување ќе биде строго во согласност со европското право, но оти „од друга страна, геополитичката проценка секогаш ќе има влијание врз одобрувањето на „Северен тек 2““.

Германија ја одложи сертификацијата на „Северен тек 2“ најмалку до втората половина на 2022 година, но не ја откажа постапката.

Американскиот претседател Џо Бајден во понеделникот порача дека ако Русија ја нападне Украина, нема да има гасовод, а германскиот канцелар Шолц, кој беше во еднодневна посета на Вашингтон во понеделникот, изјави дека САД и Германија го делат истиот став за Украина, Русија и санкциите, но јавно не го спомена гасоводот „Северен тек 2“.

Дали САД и Германија се на иста страна кога станува збор за проектот за гасоводот од 11 милијарди долари стана клучно прашање во време кога овие две големи земји ги предводат сојузниците во НАТО во спротивставувањето на рускиот претседател Владимир Путин.

Хабек ја опиша ситуацијата во Украина како „исклучително опасна“.

Мора да се направат сите дипломатски напори за да се деескалира оваа ситуација. Русија ќе се соочи со тешки санкции доколку дипломатските средства не успеат. Ова го кажувам свесен дека за секоја санкција, се разбира, цената ја плаќа домашната економија - изјави Хабек.

The post Германскиот министер за економија: Дозволата за „Северен тек 2“ ќе зависи од украинската криза appeared first on Република.

Конзорциумот „Северен тек 2“ објави дека основал германска подружница „Гас за Европа“ (Gas for Europe), која ќе го поседува и ќе управува со германскиот дел од гасоводот со што се отвора патот за добивање лиценца во Германија.

Германската Федерална мрежна агенција во ноември го суспендираше процесот на издавање дозволи бидејќи, според германските закони, операторот на гасоводот мора да биде германска компанија.

Седиштето на германската подружница е во Шверин, соопшти концернот, составен од рускиот гасен гигант „Газпром“, францускиот „Енџи“, австриската „ОМВ“, британски „Шел“ и германските „Унипер“ и „Винтершал ДА“.

Северен тек 2 треба да испорачува гас од Русија до Германија, заобиколувајќи ја Украина. Изградбата е завршена, но гасоводот се уште не е пуштен во функција.

Проектот предизвикува голем број политички реакции, затоа што, според САД, ќе ја зголеми зависноста на Европа од рускиот гас. За Украина, пак, од друга страна, транзитните такси при транспортот на гасот се важен извор на приход.

The post Северен тек 2 формираше подружница во Германина со што се отвора патот за добивање германска дозвола appeared first on Република.

Унгарскиот министер за надворешни работи, Петер Сијарто, порача дека одлуката за сертифицирање на гасоводот „Северен тек 2“ треба да се заснова на правилата на ЕУ и на  професионален пристап, а не на политички проценки.

Има многу јасни европски правила кои треба да се спроведат. Проблемот, според мене, е што одлуката во овој случај ќе биде донесена врз основа на политички, а не на професионални размислувања. Со „Северен тек 2“, проблемот е ист како и со „Спутник В“ - се разгледува од политичка гледна точка. Уште еднаш нагласувам: за нас како мала европска земја без сопствен извор на енергија, ова никогаш не било политичко прашање, туку прашање на енергетска безбедност - истакнува Сијарто во интервју за агенцијата ТАСС.

Тој изразува надеж дека „германските и европските власти ќе одлучат за ова прашање врз основа на професионалноста и важечките правила“.

Изградбата на гасоводот „Северен тек 2“ беше целосно завршена на 10 септември 2021 година.

Сепак, за да може гасоводот да биде пуштен во употреба, „Северен тек 2“ треба да биде регистриран како независен транспортен оператор.

На 16 ноември 2021 година, германската Федерална агенција за мрежа ја суспендираше сертификацијата поради, како што наведе, организациски и правни проблеми. Регулаторот наведе дека процесот ќе продолжи кога компанијата, со седиште во швајцарскиот град Цуг, ќе ги пренесе основните средства поврзани со германскиот сегмент на германската подружница.

The post Сијарто: Oдлуката за „Северен тек 2“ не треба да биде политичка туку базирана врз регулативата на ЕУ appeared first on Република.

Претседателот на германскиот Комитет за надворешни работи, Михаел Рот, изјави дека Германија не може да исклучи дека можноста гасоводот Северен тек 2 да биде искористен како средство за политички притисок врз Кремљ во случај на руска агресија врз Украина.

Очекуваме дипломатско-политичко решение, а дипломатските алатки вклучуваат и санкции. Ако навистина дојдеме до санкции, а јас сепак се надевам дека ќе успееме да го избегнеме тоа, тогаш не можеме однапред да ги исклучиме работите што можеби ги бараат нашите партнери во Европската Унија - истакна Рот за германската телевизија АРД

Гасоводот Северен тек 2, кој веќе е завршен, но се уште не добил дозвола за работа, има за цел да ја зголеми испораката на руски гас во Западна Европа, но противниците на проектот, вклучително Украина и САД, велат дека тоа ќе ја направи Европа премногу зависна од Русија.

The post Германско предупредување за Русија: Гасоводот може да биде средство за притисок врз Русија доколку ја нападне Украина appeared first on Република.