„Јас немам никаква улога во тоа. Тоа е пред да станам министер. Оваа тема е користена на сите избори во последните 15 години, а јас истото објаснување го давам. Очигледно изборите го прават тоа, па ќе играме по тие ноти“, одговори Османи на прашањето што го поставува и опозицијата.

ДУИ, партијата на Османи, е 20 години во власта.

The post Сестра ми 15 години работи во М-НАВ, министерот Османи негира улога во вработувањето appeared first on Република.

На 18.12.2023 во 14.20 часот во СВР Скопје, 37 - годишна жена од Скопје пријавила дека на подрачјето на Центар, нејзиниот 33-годишен брат од Скопје физички ја нападнал. Се преземаат мерки за расчистување на случајот

The post Брат истепа сестра appeared first on Република.

На Смиљана Срнец, жената која ја уби својата сестра и 19 години и го чуваше телото во замрзнувач, привремено ѝ е прекината казната, јавува Данас.хр. Таа штотуку го напуштила казнено-поправниот дом во Пожега, а таму ја пречекал нејзиниот сопруг.

Срнец во јуни 2020 година беше осудена на 15 години затвор за убиство на нејзината сестра Јасмин Доминиќ, кој ја уби во 2000 година, а нејзиното тело го сокри во замрзнувач во семејната куќа, каде телото беше откриено дури во февруари 2019 година. Во април 2021 година, Врховниот суд ја потврди нејзината казна.

Од Судот во Пожега за хрватскиот медиум потврдија дека „поради болест на затвореникот е прифатено барањето за тримесечна суспензија на затворската казна“.

Така, прекинот на казната стапува во сила од денеска, а завршува на 12 декември годинава.

The post Пуштена од затвор жената што ја уби сестра си и ја чуваше 19 години во замрзнувач appeared first on Република.

Вчера полициски службеници од СВР Тетово-Одделение за внатрешни работи Гостивар го лишиле од слобода Д.М.(20) од гостиварско село, со престој во Гостивар.

Тој се сомничи дека со сопругата на неговиот татко, П.М.(47), физички ја нападнале неговата 23-годишна сестра и не ѝ дозволиле да излезе од домот.

Во врска со настанот, во полициска станица бил извршен службен разговор и со П.М..

По целосно документирање на случајот ќе биде поднесена соодветна пријава.

The post Брат и маќеа истепале девојка во Гостивар, па не ја пуштале да излезе од дома appeared first on Република.

Синоќа, во 21.15 часот, на подрачјето на Бит-пазар, полициски службеници од Полициската станица Бит-пазар го лишиле од слобода Б. К. (43) од Скопје.

Тој во домот им упатувал закани на членови на семејството, а физички ја нападнал и својата 47-годишна сестра и ѝ упатувал закани со остар предмет.

По целосно документирање на случајот, ќе следува соодветен поднесок, соопшти полицијата.

The post Скопјанец ја натепал сестра си и им се заканувал со нож на другите членови на семејството appeared first on Република.

Мајката и сестрата на момчето што го изврши масовното убиство во ОУ „Владислав Рибникар“ се обиделе да ја напуштат Србија, но биле спречени на граничниот премин Прохор Пчињски кон Македонија, јави дописникот на МИА од Белград.

Мајка и сестра на момчето К. К., се обиделе да ја напуштат државата преку граничниот премин Прохор Пчињски, кон Македонија, но полицијата веднаш ги спречила и биле вратени во Србија, соопштија српските медиуми.

Таткото на момчето е во притвор, кој на почетокот на месецот беше продолжен за уште 30 дена, поради сомневање дека го тренирал К. К. да пука, и дека не го обезбедил оружјето како што налага законот.

Обвинителството проверува и дали М. К., мајка на момчето, се стекнува со елементи на кривичното дело запуштање и злоупотреба на малолетно лице.

Вишиот суд во Белград донесе решение со кое и определи привремена забрана на М.К., мајката на момчето К.К. кој на 3 мај го изврши масакрот во ОУ „Владислав Рибникар“, да отуѓи недвижен имот во нејзина сопственост.

The post Сакале да влезат во Македонија: Мајката и сестрата на масовниот убиец во Рибникар се обиделе да ја напуштат Србија appeared first on Република.

Министерот за здравство Фатмир Меџити кажа дека не потпишал вработување во болницата во Штип на сопругата и балдазата на министерот за транспорт и врски Благој Бочварски.

Бочварски од Државната комисија за спречување на корупција (ДКСМ) е казнет со 150 евра затоа што не пријавил дека за време на неговиот мандат во болницата во Штип се вработиле неговата сопруга и нејзината сестра. Бочварски веќе ги платил 150-те евра. Претходно опозицијата тврдеше дека двете сестри се вработени без јавен пглас. Тие биле преземени од приватна болница со работен стаж од само три месеци. Иако штотуку биле дипломирани, Фондот за здравствено осигурување и Министерството за здравство експресно се согласиле за нивното вработување во штипската болница.

Немам информации за вработувањето на сопругата и балдазата на министерот Благој Бочварски. Јас не сум потишал такви вработувања. Ќе проверам, рече Маџити денеска, одговарајќи на новинарско прашање дали е тоа непотизам.

Меџити беше во поликлиниката Чаир, во Скопје каде што се одржа промоција на е-услугата за регистрација на новороденче.

https://republika.mk/vesti/makedonija/bochvarski-si-platil-kazna-za-vrabotuvaneto-na-soprugata-i-baldazata-tie-si-ostanuvaat-na-rabota/

The post Меџити: Јас не сум потпишал вработување на сопругата и балдазата на министерот Бочварски appeared first on Република.

Во претходниот месец беа сослушани пет членови на семејството и лица кои имале или требало да имаат близок контакт со 13-годишникот кој во основното училиште „Владислав Рибникар“ во Белград уби девет врсници и училишен чувар, и тешко рани уште шест лица.

По таткото, мајката, дадилката, како и психологот и педагогот од училиштето, наскоро би требало да се разговара со, можеби, клучниот сведок кој би можел да даде некои битни информации со кои можеби ќе се дознае мотивот на грозоморното злосторство или дали имало некакви индиции дека се подготвува такво нешто, пишува „Блиц“, додавајќи дека наскоро полицијата ќе разговара со 10-годишна сестра на Коста Кецмановиќ.

Врз основа на сите претходни изјави, пред сè на мајката и на дадилката, јасно е дека сестрата би можела да открие дали и каква промена имало во однесувањето на најмладиот масовен убиец во светот, како и можната причина поради која решил да го изврши грозоморното злосторство. Исто така, надлежните очекуваат дека можеби ќе им открие дали тој се скарал со некого, дали некому му се заканувал или дали некој него му се заканувал, дали имал симпатија или невозвратена љубов, па дури и дали во домот некогаш видела оружје и молотови коктели.

Денот пред масакрот го поминале заедно

Според сведочењето на мајката, сестрата речиси цел ден пред масакрот го поминала кај баба им и дедо им заедно со својот брат, а дома се вратиле доцан вечерта.

Десетгодишното девојче делело соба со три години постариот брат, оделе во исто училиште, дадилката заедно ги чувала кога родителите често биле отсутни поради деловни обврски, што значи дека го поминувала поголемиот дел од времето со него.

Но, со оглед на тоа дека се работи за 10-годишно дете, кое по сè што се случи доживеа голем шок и кое во еден момент остана без семејство (нејзиниот брат е на психијатриски прегледи, татко ѝ е во затвор, мајката под истрага), но и другарите од училиште, бидејќи од безбедносни причини ќе мора да биде преместена од „Рибникар“, засега овој разговор е одложуван.

Сослушувањето деца и не е така невообичаено, а последен случај кој предизвика големо внимание во јавноста е разговорот со малата Јана Марјановиќ, ќерката на Зоран Марјановиќ, кој е осуден на 40 години затвор за убиството на сопругата Јелена. Таа денеска има 12 години, а во Обвинителството беше на распит кога имаше седум години.

Сослушувањето е можно да помине без присуство на родителите

Како всушност изгледа сослушувањето на 10-годишно девојче, објаснува за „Блиц“ адвокатот Денис Беќириќ.

Детето се испитува во присуство на психолог, во случајов може да се случи родителот да не биде присутен, туку да има лице од Центарот за социјална работа. Стручниот тим од психолози во комисијата треба да утврди дали детето е способно да сведочи, објаснува Беќириќ.

Правно гледано, детето може да открие нови детали.

Живееше со него во куќата, може да раскаже некои нови моменти, што зборувал, како го доживувала, вели Беќириќ.

Колку ќе се вреднува сведочењето на девојчето зависи од начинот и условите под кои е земено. Како што објаснува адвокатката Наталија Ракиќ, за да се земе предвид изјавата, мора да се прилагодат условите, а ќе се води сметка и за зрелоста на детето, како и за односот што го имала со нејзиниот брат.

Според кривичниот закон таа спаѓа во категоријата дете, Конвенциите ја обезбедуваат сета заштита на децата, мора да се води сметка за возраста, полот, психолошкиот статус на детето, како и фактот дека нејзиниот брат е сторителот на кривичното дело. Детето не смее да се чувствува загрозено, ниту пак да чувствува вина. Со оглед на тоа што таткото на момчето е во притвор, а против мајката е поведена и прелиминарна истрага за да се утврди дали имало запуштање и злоупотреба на детето, постои можност девојчето да биде сослушано без нејзините родители, објаснува таа.

Но, како што вели адвокатот Ракиќ, мајката треба да биде присутна доколку надлежните проценат дека е во ред, бидејќи според законот, на распитот треба да присуствува и едниот родител. Доколку со вештачење се утврди дека детето е подготвено да даде изјава, неговите зборови ќе бидат вреднувани и во идната работа на случајот.

The post Се одложувало колку што може: Време е за уште еден битен сведок да биде сослушан в полиција appeared first on Република.

Денес на овој ден го славиме воведот во светата тајна, крштение на мојата внука Ана. Посакувам радост и среќен живот со мојата сестра и зет. Семејството е најважниот темел и основа на секој човек, пишува лидерот на ВМРО-ДПМНЕ, Христијан Мицкоски на Инстаграм.

 

View this post on Instagram

 

A post shared by Hristijan Mickoski (@hristijan_mickoski)

The post Убав ден за Мицкоски, крстена неговата внука Ана: Семејството е најважниот темел и основа на секој човек appeared first on Република.

Сестрата на Матео Месина Денаро, последниот кум на сицилијанската мафија, е уапсена откако полицијата ја пребарала нејзината куќа и во фотелја пронашла белешки во кои имало упатства до соработниците на оваа мафијашка група, пишува Гардијан.

Розалијa била уапсена откако полицијата извршила претрес во нејзината куќа во Кастелветрано, Сицилија и пронашла белешки со кои нејзиниот брат давал инструкции на соработници во криминални активности.

Според истражителите, пренесува Гардијан, Розалијa 30 години го молела својот брат да избегне апсење. Исто така, таа била задолжена да ги чува парите и да им пренесува информации на нивните соработници цело време додека нејзиниот брат бил во бегство.

Италијанската полиција соопшти дека во фотелјата на куќата на неговата сестра Росалија биле пронајдени рачно напишаните пораки и упатства на Матео Месина Денаро.

„Обвинет сум дека сум член на мафијата, во овој момент тоа го сметам за чест“, напишал во своја рака Матео Денаро на едно од парчињата хартија што ги пронашла полицијата.

Додека се криел, Денаро управувал со криминалните активности преку пронајдените белешки, притоа давајќи им упатства на другите членови на организацијата за следните чекори во извршувањето на задачите.

-Розалија Месина Денаро беше личност од апсолутна доверба на мафијашкиот бос. Таа раководеше со мрежа на инструкции преку кои Денаро им доставуваше наредби на други соработници, рече Алфредо Монталто, судијата кој го нареди нејзиното апсење.

The post Уапсена сестрата на шефот на сицилијанската мафија „Коза Ностра“, пронајдени тајни белешки со инструкции appeared first on Република.

На 18.01.2023 во 15.05 часот од полициски службеници од Полициската станица Крива Паланка бил лишен од слобода И.П.(43) од кривопаланечко, поради тоа што околу 10.30 часот физички ја нападнал неговата 48-годишна сестра, при што употребил тврд предмет.

По целосно документирање на случајот ќе следи соодветен поднесок.

The post Брат си ја удри сестра си appeared first on Република.

Петгодишно девојче го спасило животот на својот помал брат откако нивните родители загинале во сообраќајна несреќа, оставајќи три мали деца заробени во урнатините повеќе од два дена, во оддалечен дел од руралните средини на Западна Австралија, објави Nine News.

Полицијата на Западна Австралија соопшти дека семејниот автомобил бил пронајден вчераутрото во Кондинин, на околу 280 километри источно од градот Перт.

Родителите Синди Бредок (25) и Џејк Деј (28) биле прогласени за мртви на местото на настанот, додека нивните три деца ја преживеале несреќата.

Сепак, децата останале заробени во возилото со нивните мртви родители на високи температури додека не биле откриени од загрижен член на семејството. Исчезнувањето на петчленото семејство, меѓу кои и едно девојче и нејзините двајца браќа на возраст од 1 и 2 години, било пријавено ден претходно бидејќи не стигнале на прославата на Божиќ.

Братучедот Мајкл Рид потврди дека 5-годишното девојче го спасило животот на својот најмлад брат ослободувајќи го од детското седиште.

Да не беше 5-годишното дете кое го откопчува столчето на 1-годишното дете, тој немаше да биде со нас денес. Малото девојче веројатно нема да биде свесно за тоа неколку години, рече Рид.

Ред истакна дека децата биле изложени на уште поголеми маки поради високата температура.

Тие беа заглавени во автомобилот 55 часа на топлина од 30 степени Целзиусови. Никој не знае низ што поминале, додаде тој.

Од полицијата потврдија дека децата биле пренесени во болница со тешка дехидрација. Нивните повреди не се опасни по живот и се очекува во наредните денови да бидат пуштени од болница.

The post Петгодишната сестра го извадила едногодишниот брат од детското седиште и му го спасила животот appeared first on Република.

Нова радост во семејството на претседателот на ВМРО-ДПМНЕ Христијан Мицкоски. Денеска неговата сестра Ивана стана мајка на малата Ана.

Веста ја сподели среќниот татко, Жани Митревски, познат како диџеј Песинџер.

The post Нова радост во семејството на Мицкоски appeared first on Република.

Сестрата на севернокорејскиот лидер Ким Џонг Ун денеска упати остри закани до Јужна Кореја поради разгледувањето еднострани санкции против Северна Кореја. Таа новиот јужнокорејски претседател и членовите на неговата влада ги нарече „идиоти“ и „диви кучиња кои глодаат коски“ фрлени од САД.

Министерството за надворешни работи на Јужна Кореја пред два дена соопшти дека ја разгледува можноста за воведување дополнителни еднострани санкции против Северна Кореја поради неодамнешните ракетни тестирања спроведени од севернокорејската армија.

Министерството соопшти дека ќе ги разгледа санкции и мерки за спречување на наводните сајбер-напади на Северна Кореја, доколку Ким Џонг Ун изврши поголема провокација, како на пример нуклеарна проба.

Се прашувам какви ‘санкции’ јужнокорејските власти, кои се како диво куче кое трча наоколу и глода коска фрлена од САД, дрско ќе ѝ наметнат на Северна Кореја? Каква спектакуларна глетка” изјави Ким Јо Џонг.

Сестрата на севернокорејскиот лидер ги нарече новиот јужнокорејски претседател Јун Сук Јеол и службениците од неговата администрација „идиоти кои создаваат опасна ситуација“. Таа додаде дека Јужна Кореја „не беше наша цел“ додека на власт беше нејзиниот поранешен претседател кој се залагаше за помирување со Северна Кореја.

The post Сестрата на Ким Џонг Ун: Јужнокорејскиот претседател е идиот appeared first on Република.

Полициски службеници од СВР Куманово го лишиле од слобода Ф.Ј. (38) од Куманово, затоа што со остар предмет нападнал и повредил медицинска сестра на Инфективното одделение во Општата болница Куманово, вчера после полноќ, соопшти МВР.

Насилникот бил задржан во полициска станица и по целосно документирање на случајот против него ќе следува соодветна пријава.

Според информациите од кумановската болница, медицинската сестра била нападната додека ги извршувала своите работни задачи во амбуланта, кога од зад грб ѝ пришол напаѓачот и ѝ ставил чаршаф на главата, по што почнал да ја дави и да ја удира. Таа паднала на подот, по што тој ѝ ја затнал устата со рака за да не може да вика. Ги зел ножичките за сечење газа од бирото и ја прободел во левото рамо и по вратот, по што жената се онесвестила.

Мешницата ја слушнале нејзините колешки и дошле да видат што се случува, при што ја нашле на подот со чаршафот на глава во бесознание. Откако ја освестиле веднаш повикале полиција и го алармирале обезбедувањето. Насилникот во меѓувреме побегнал.

Не е познато како влегол во зградата, бидејќи влезните врати на одделнијата се заклучуваат на полноќ, а пациентите кои доѓаат подоцна се најавуват на ѕвоно ако имаат потреба од лекарска помош. Се претпоставува дека можеби се криел во собите или во тоалетите, или влегол преку некој прозорец. Што точно се случувало ќе утврдат безбедносните камери во болницата.

Директорката на Кумановската болница Снежана Захариева го потврди случајот и вели дека дежурната медицинска сестра е сместена на хирургија, нема знаци на внатрешни повреди, е стабилна, но вознемирена поради нападот.

Директорката претпоставува дека мотивот за нападот е финансиски, бидејќи сестрата била нападната додека ја средувала касата од дневната наплата на партиципација. На Одделението не недостасувале медикаменти, а напаѓачот не ги зел парите бидејќи наишле колегите.

Унијата на ЗМСТАС, предводена од здружението на медицински сестри, техничари, акушерки и стоматолошки сестри „За нас“ јавно го осуди вчерашниот напад врз медицинската сестра од општата болница во Куманово.

Ова е уште еден случај во низата на немили настани кои се случуваат години наназад, и за кои Унијата постојано апелира дека покрај сите проблеми со кои сестринството се соочува во својата професија, условите за безбедност мора да бидат на највисоко ниво.

– Не можеме да кажеме дека вакви несакани случувања нема да се повторат и во иднина. Затоа го потенцираме моментот дека треба да се пронајдат решенија, а не само јавно истакнување на проблемот. Унијата смета дека е потребно да се води евиденција и да постои тек на постапка за ваквиот тип на немили настани. Да се задолжи Институтот за јавно здравје да понуди решение, кој патем имаше трудови за синдромот на согорување, стресот и безбедноста на работното место. Да се овозможат рехабилитации, продолжени годишни одмори и платени специјалистички прегледи. Реакциите по основ на овие случувања не се доволни. Безбедноста на медицинските сестри на работното место е од круцијално значење за целиот здравствен систем – истакнуваат од Унијата на ЗМСТАС.

The post Ѝ ставил чаршаф преку главата и започнал пеколот: Со ножици ја прободел во врат медицинската сестра appeared first on Република.

Во четвртокот утрото околу 9,45 часот во Полициското одделение Петровец, 24-годишниот С.Р. од скопското село Огњанци, пријавил дека од домот се оддалечила неговата малолетна 17-годишна сестра А.Р.

Се преземаат мерки за пронаоѓање на лицето, информираат од МВР.

The post Братот пријавил дека неговата 17-годишна сестра исчезнала appeared first on Република.

По обвинувањата од ВМРО-ДПМНЕ за поврзаност на Драги Рашковски со „Дрисла“, се огласи со реакција поранешниот генерален секретар на СДСМ.

Досега не сакавме да ја коментираме секоја невистина изнесена од страна на ВМРО- ДПМНЕ во однос на мојата наводна поврзаност со работата на јавното претпријатие ДРИСЛА, но не може да останеме и неми на забеганоста на тврдењата за некаква сестринска поврзаност. Кратко и јасно, мојата мајка нема сестра. Ете до таму е забеганоста и опседнатоста на ВМРО ДПМНЕ со Драги Рашковски, се вели во неговата реакција.

Инаку, претходно денеска, на прес-конференција портпаролот на ВМРО-ДПМНЕ, Наум Стоилковски, ја повика ДКСК да отвори предмет со кој ќе се покажело дали крвното сродство помеѓу мајките на Рашковски и Пиперевалиев, е пресудно за бизнисмени од СДСМ да добиваат тендери во скопска „Дрисла“.

The post Рашковски: Мојата мајка нема сестра appeared first on Република.

Основното јавно обвинителство Кавадарци донесе Наредба за спроведување истражна постапка против 19-годишен жител на селото Дреново, осомничен дека сторил кривично дело – Полов напад врз дете кое не наполнило 14 години.

Осомничениот искористил момент додека бил сам во домот со неговата 11-годишна сестра, па врз неа извршил други полови дејствија.

Јавниот обвинител до судијата на претходна постапка при Основниот суд во Кавадарци достави предлог за определување мерка притвор за осомниченото лице. Судијата го прифати предлогот и со Решение на осомничениот му определи мерка притвор во траење од 30 дена.​​

The post Хорор во Дреново: Брат си ја силувал 11-годишната сестра appeared first on Република.

Зоран и Снежана од Битола се брат и сестра кои завршиле факултет со 10 просек, тој е психолог, а таа правник. Сметаат дека државата со оглед на нивниот просек и компетенции уште по завршувањето требаше да ги вработи. Но се останало на залудно аплицирање. Ги прашуваат партиите, дали со ова ги наведуваат кадрите со висок просек да заминат во странство бидејќи тука не им се дава никаква шанса.

-Во изминатите 10 години, и во време на СДСМ и во време на ВМРО ДПМНЕ имам аплицирано за работа на државни огласи, но просекот 10 не бил доволен да добијам вработување. Со оглед на тоа што и лидерот на власта и лидерот на опозицијата се доктори на науки, сигурно знаат што значи просек 10, и сигурно знаат дека инстелектуалците со висок просек својата шанса се повеќе ја бараат надвор од државата за да не дозволат нивните дипломи да се сведат на хартија за виткање бурек, вели Зоран Секуловски за Сител.

Зоран не е член на политичка партија. Снежана, барајќи можност да ги искористи своите компетенции пред 4 и пол години се зачленила.

-Се зачленив во СДСМ бидејќи верував дека кога ќе дојдат на власт ќе се изборат за тоа што го ветуваа, т.е. живот за сите и дека ќе им ги вратат од странство децата на мајките. Јас од нив не побарав да ме вработат партиски, јас само сакав да добијам можност според моите компетенциии и квалификации да се вработам и да придонесам во моето општество. Во 2018 бев одбиена од ЦСР каде што аплицирав за правник иако ги исполнував сите услови. 4 години откако се на власт СДСМ јас се уште не ја добивам таа можност, вели Снежана Секуловска.

Целиот текст на Сител

The post Брат и сестра дипломирале со просек 10, но со години се невработени: Снежана се зачленила и во СДСМ appeared first on Република.