Главниот обвинител на Механизмот за меѓународни кривични судови (МИКТ) Серж Брамерц предупреди дека мора да се забрза гонењето на лицата кои извршиле воени злосторства во Босна и Херцеговина и се кријат во соседните земји.

Брамерц во Сараево разговараше за овој проблем со претставници на правосудните органи во БиХ и претставници на здруженијата кои собираат податоци за поранешни затвореници и членови на семејствата на загинатите и исчезнатите за време на војната од 1992 до 1995 година.

Потоа, тој за новинарите изјави дека е незадоволен од фактот што многу извршители на воени злосторства и денес уживаат во слободата, најчесто злоупотребувајќи ги двојното државјанство за да го избегнат гонењето пред судовите во Босна и Херцеговина.

Има стотици извршители на воени злосторства во БиХ кои нашле засолниште во соседните земји, рече Брамерц.

Тој посочи дека државните устави создаваат пречки за екстрадиција на таквите лица, така што единствениот начин да се задоволи правдата е отстапување од кривично гонење и префрлање на судењето во тие земји.

Тој потсети дека претходно во септември бил во Загреб и Белград и во Подгорица и го покренал ова прашање и таму. Тој смета дека сите разбираат дека нема друга опција освен префрлање на судењето, а сега тоа го разбираат и во БиХ.

Брамерц ги смета за оправдани приговорите што ги имаат невладините здруженија поради проблемите во процесуирањето на воените злосторства и резервите околу можноста за префрлање на судењето, но смета и дека во нивен интерес е да се тргне од мртва точка и да започнат процеси кои сега се „во неизвесност“.

Регионалната соработка мора и треба да биде подобра. Во спротивно, не можеме да очекуваме никаков напредок, рече Брамерц, додавајќи дека е јасно дека предавањето на предметите не е идеално решение, но е единственото можно под постојните околности.

Тој исто така рече дека МИКТ, односно обвинителството, останува подготвено да му помогне на регионалното судство со сите податоци собрани за време на истрагите и судењата на кои во Хаг беа гонети 61 сторител на воени злосторства на територијата на поранешна Југославија. .

Тој предупреди дека голем регионален проблем се уште е глорификацијата на воените злосторници, негирањето на геноцидот и јазикот на омразата, бидејќи тоа е најголемата пречка за помирување.

Претседателот на Високиот судски и обвинителски совет на БиХ, Халил Лагумџија, рече дека во моментов повеќе од 40 отсто од случаите поврзани со воени злосторства се однесуваат на лица кои се недостапни за судските власти во БиХ. Се работи за 400 сторители.

The post Поранешниот обвинител на хашкиот трибунал бара на босанските воени злосторници да им се суди во соседните земји appeared first on Република.

Главниот обвинител на Меѓународниот резидуален механизам за кривични судови, Серж Брамерц ја критикуваше Хрватска во Советот за безбедност на Обединетите Нации, поради несоработка со други држави. Според него, хрватската Влада со политички одлуки ги блокира судските процеси.

Брамерц појасни оти Хрватска не им одговорила на Босна и Херцеговина и на Србија во над 80 случаи. Се оставало впечаток дека во Хрватска нема волја за да се задоволи правдата за жртви, кои не се од хрватска националност.

Тој истакна дека на просторот на поранешна Југославија, „останува важно прашањето за регионална судска соработка“.

Има позитивен напредок во соработката на обвинителства на БиХ и на Србија, оцени Брамерц, „двете земји имаат сериозни потешкотии во остварување соработка со Хрватска“. Некои случаи траеле веќе седум години.

Денес има општ впечаток дека во Хрватска и понатаму постои волја да се задоволи правдата за хрватските жртви, но, не и за оние од друга националност, додаде Брамерц.

Главниот обвинител го повика хрватското Министерство за правда да „ги испрати до релевантните судски власти сите постоечки барања за добивање помош што се блокирани“. Тој ја охрабри хрватската страна „итно да ги обработи тие барања“.

The post Брамерц со критики до Хрватска за несоработка со други земји appeared first on Република.