Русија може да ги прекине дипломатските односи со САД доколку Вашингтон ги конфискува руските средства замрзнати поради конфликтот во Украина, изјави денеска рускиот заменик министер за надворешни работи Сергеј Рјабков, пренесуваат британските медиуми.

САД не треба да живее во илузијата дека Русија со двете раце се држи до дипломатските односи со оваа земја, рече Рјабков.

The post Рјабков: Русија може да ги прекине дипломатските односи со САД, доколку Вашингтон ги конфискува нејзините замрзнати средства appeared first on Република.

Рускиот заменик-министер за надворешни работи Сергеј Рјабков денеска изјави дека безусловен приоритет на Русија, со оглед на ризиците од ескалација на украинската криза и севкупната непредвидливост на ситуацијата во светот, е да спречи директен конфликт меѓу земјите кои поседуваат нуклеарно оружје.

Сега има голема потреба да се обезбеди стратешка стабилност, да се задржи режимот на неширење на оружјето за масовно уништување и да се подобри ситуацијата во областа на контролата на оружјето, посочи Рјабков.

Тој предупреди дека во блиска иднина не може да се исклучи можноста за продлабочување на кризите во оние делови од светот, каде што САД сакаат да ја постигнат својата доминација.

Пред сè, гледаме раст на конфликтниот потенцијал во азиско-пацифичкиот регион, наведе Рјабков.

The post Рјабков: Приоритет на Русија е да спречи директен судир меѓу земјите кои поседуваат нуклеарно оружје appeared first on Република.

Рускиот заменик министер за надворешни работи, Сергеј Рјабков, соопшти дека американски дипломати продолжуваат да ја напуштаат Русија во согласност со реципрочните барања на Москва.

Американската страна ги следи нашите инструкции. За жал, процесот на намалување на бројот на вработени продолжува и од двете страни. Ова не е наш избор, туку тие ја напуштаат американската Амбасада, следејќи ги барањата што ги поставивме - изјави Рјабков.

Рускиот амбасадор во САД, Анатолиј Антонов, претходно изјави дека во Вашингтон ќе останат само 184 вработени во руската Амбасада, откако една група ја напушти земјата до 30 јануари, во согласност со американското ограничување на мандатот на руските дипломати на три години.

Претходно, официјална Москва, како одговор на антируските санкции на Вашингтон и уште една рунда протерувања на руски дипломати, воведе забрана за вработување на руски и државјани на трети земји во американската Амбасада во Русија.

Амбасадата подоцна соопшти дека од 12 мај 2021 година ќе ги намали конзуларните услуги и дека ќе го прекине издавањето на недипломатски визи. Меѓутоа, оттогаш и издавањето дипломатски визи значително забави.

The post Се намалува бројот на американски дипломати во Русија appeared first on Република.