Буџетот за 2025 со рекордни 2,4 милијарди денари повеќе пари за Министерството за животната средина и просторно планирање. Наместо декларативна борба против загадувањето, ВМРО-ДПМНЕ вложува вистински напори против оваа негативна појава, вели Сергеј Попов, пратеник на ВМРО-ДПМНЕ.

Во потпрограмата 2, наменета токму за заштита на животната средина, предвидено е зголемување за 116%. Во ставката „унапредување на животната средина“, предвидено е зголемување за 30%.

Покрај владата и министерствата, ќе овозможиме и општините да се борат против загадувањето, преку ставката за капитални дотации, која е зголемена за повеќе од 250%.

Во денари, тоа се 2,2 милијарди денари повеќе во споредба со лани, предвидени за капиталните проекти на Министерството за животна средина, односно 90% повеќе. Највисоки средства се вложуваат во капитални проекти наменети за други градежни објекти, во вкупна вредност од 3,6 милијарди денари, зголемување за 71,5%.

Додека пак општините за капиталните расходи добиваат 641 милиони денари повеќе, односно цели 267%, споредбено со 2024та.

Почитувани, ова е јасен индикатор дека ВМРО-ДПМНЕ ќе направи сериозни напори да дишеме чист воздух, во чиста животна средина, а со тоа, Македонија заеднички да ја направиме поубаво место за живеење, заврши Попов.

The post Попов: Буџетот за 2025 со рекордни 2,4 милијарди денари повеќе пари за Министерството за животната средина appeared first on Република.

Денес на покана на УМС на ВМРО-ДПМНЕ овде во Ѓорче Петров имаме средба со студенти. Денес го одбележуваме интернационалниот ден на студентите и јас како претседател на УМС на ВМРО-ДПМНЕ и пратеник во Собранието на Република Македонија ми е многу драго што ова е прв интернационален ден на студентите за кои нема да зборуваме само за порази, туку ќе зборуваме и за одредени победи кои ги имаме направено како држава во однос на самите студенти, вели Сергеј Попов.

Имено, имаме нов буџет на Република Македонија кој е во собраниска процедура. Таму нема ставка за млади, особено за студенти којашто не е зголемена и за тоа сакам да се заблагодарам на министерката за образование и наука Весна Јаневска која навистина стана партнер на младите луѓе, а особено на студентите им даде рака. Денес на оваа работилница ќе имаме прилика од самите студенти да слушнеме идеи, предлози, заедно да размениме мислења се со цел во периодот што следи да креираме што е можно подобри и поефикасни младински политики, вели тој.

The post Попов: Во новиот предлог буџет за 2025 година ставките за млади и студентите значително се зголемени appeared first on Република.

На вечерашното отворање на политичката академија организирана од УМС Битола, претседателот на УМС и пратеник во собранието, Сергеј Попов, соопшти дека младите ги чувствуваат мерките од владејачката ВМРО-ДПМНЕ и дека во првите 100 дена се докажа дека се различни и промените веќе се видливи.

„Во првите 100 дена од новата Влада предводена од премиерот Христијан Мицкоски се решија повеќе проблеми и прашања за младите луѓе, за разлика од претходните 7 години власт на СДСМ. Вработување на 600 млади специјализанти, 250 евра субвенција од државата за сите студенти за купување на електронски уред, отворање на фонд од 10 милиони евра за поддршка на бизниси за млади лица до 29 години до 30 илјади евра, 18.5 милиони евра за реконструкција на студентски домови’’, посочи Попов.

Попов истакна дека се работи на подобрување на животниот стандард на младите за да останат да работат и живеат во Македонија.

„Ако денот по утрото се познава, младите добија партнер во Владата предводена од ВМРО-ДПМНЕ. Јас како предводник на младината на ВМРО-ДПМНЕ и како пратеник ќе се борам за подобрување на стандардот на младите’’, истакна Попов.

The post Попов: Младите добија партнер во Владата предводена од ВМРО-ДПМНЕ appeared first on Република.

Поминаа 100 дена од новата влада предводена од ВМРО-ДПМНЕ. Период доволен за една внатрешна ретроспектива и ревизија на расипничкото работење во изминатите 7 години, но и пресвртен момент во кој правиме значаен чекор кон испорачување на светла иднина за сите,изјави Сергеј Попов.

Младите луѓе во првите 100 дена увидоа дека во Владата, Собранието и институциите можат да имаат конструктивен партнер со кого преку дијалог и работа ќе ги решаваат сите предизвици. По успешната интервенција и обезбедување на пари од буџетот за студентите, лекарите, студентските домови и инфраструктурни проекти, продолжуваме со новитети во креирањето на младинските политики.

Македонската влада, обезбедува фонд во вредност од 10 милиони евра за развој на бизниси за млади лица од 18 до 29 години, кои со својата креативност, визија и идеја, добиваат можност за добивање грант за поддршка во износ и до 30 илјади евра. На овој начин, ја стимулираме домашната економија, поттикнуваме економска активност и најважно од се, создаваме финансиски независни и успешни индивидуи.

Со новиот буџет кој е во изработка Владата преку јасни критериуми и воспоставен јасен систем, ќе подржува ваучери во вредност до 250 евра за купување на електронски уреди за сите студенти во Македонија. Сакаме да создадеме младина која е едуцирана, која континуирано учи и твори во Македонија, а истовремено развива и извезува идеи и вештини пред целиот свет. Со овој проект ја приближуваме технологијата до секој еден студент и го олеснуваме пристапот кон глобалните и светските текови.

Младите застанаа зад ВМРО-ДПМНЕ кога беше најпотребно, сега е ред на нас да испорачаме иднина за сите.

The post Попов: Поддршка до 30 илјади евра за младите да отворат свој бизнис и 250 евра ваучер за студентите за купување електронски уред appeared first on Република.

Почитувани министри, пратеници, градоначалници, добредојдеовте на оваа 33-та годишна конференција на најмоќниот политички подмладок во Македонија, УМС на ВМРО-ДПМНЕ, рече во својот говор претседателот на УМС на ВМРО-ДПМНЕ, Сергеј Попов.

Во продолжение следува интегрален текст од говорот на Сергеј Попов:

Кој би рекол дека само 100 дена можат да значат повеќе од 7 години, дека апатијата може да се замени со проактивност и надеж, дека власта може првенствено да служи на општото добро, пред личните интереси на поединци. Кој би рекол дека е можна трансформација на општеството обземено не само од добро познатите поими криминал и корупција, туку и голема безнадежност. После 7 години понижувања, порази и бесперспективност, го направивме токму тоа. Македонија конечно доби влада која се грижи за секој еден млад, која нуди надеж и перспективи, влада која нуди можности, визија и светла иднина за секој еден од нас.

Ми претставува огромна чест, што оваа 33-та годишна конференција на Унијата на млади сили на ВМРО-ДПМНЕ, доаѓа токму во периодот кога одбележуваме 100 дена од новата влада. Момент, кој ни дава можност да се потсетиме на сите премрежја низ кои поминавме во последниве години, за руинираниот систем кој го наследивме, но и позитивните практики кои ја враќаат надежта кај младите луѓе во Македонија.

Свесни сме дека наследивме опустошена држава – држава чии лидери го продаваа сопствениот идентитет, држава без пари, буџет потрошен за личен бенефит, политики кои не понудија стратегија и решенија за најголемите проблеми со кои се соочуваа младите луѓе. Недостасуваа над 600 милиони денари за студентските оброци и стипендии, студентските домови беа во мизерни услови, а се повеќе и повеќе наши пријатели својата иднина ја гледаа надвор од Македонија. Но и покрај сите овие кочници, проблеми и предизвици, ние никогаш не се обесхрабривме и никогаш не дозволивме младите во Македонија да признаат пораз. Наместо очај и дефетизам, понудивме одлучност, визија, јасна цел и конкретни решенија и политики кои повторно ќе ги вреднуваат трудот и желбата на младиот човек за подобро утре.

Токму во таа насока е и слоганот на оваа 33-та годишна конференција – Иднина за сите, иднина СЕГА! Иднина за сите и сега бидејќи ни беше доста од демагогија и празни ветувања за иднината, од охрабрувачки пораки дека нашето време некогаш ќе дојде, скроени од оние кои се плашеа од нашата енергија, решителност и одлучност да создадеме подобро утре. Токму тоа е она што го прави ВМРО-ДПМНЕ поинакво од сите политички гарнитури во Македонија. ВМРО-ДПМНЕ е единствената партија која ја препозна енергијата и потенцијалите на младите луѓе и од првиот ден кога влеговме во битката за враќање на државата во свои раце, најголемиот товар и клучната улога беше доверена на нас младите. Уште од првиот ден од освојувањето на власта, фокусот на новите политики беше ставен на младите – подобрување на условите во студентските домови и на факултетите, грижа за младите лекари и специјализанти, создавање услови за целосна реализација на потенцијалите на младите претприемачи, професионалци, научници, како и ред други мерки кои се креираат во насока на подобрување на нашето секојдневие.

Велат дека една ластовичка не ја носи пролетта, но ние сме посветени да докажеме дека навидум малите чекори во првите 100 дена, можат да ја донесат посакуваната и подобра иднина. Ако во 100 дена успеавме да покажеме решителност и да направиме многу повеќе од тие за 7 години, замислете што можеме да оствариме доколку останеме обединети, силни и доследни на нашите идеали. Иднина за младите, сега, преку создавање на систем и услови кои ќе го вреднуваат сечиј труд. Загарантирани работни места во државните институции за 500-те најдобри студенти во генерацијата, можности за работа со скратено време за студентите без притоа да го изгубат статусот на редовни студенти, отворање на десетици илјади нови работни места, можности за доквалификација и стекнување нови вештини за подобра позиција на пазарот на труд. Инвестиции во ИТ секторот, вештачката интелигенција и ред други програми за започнување сопствен бизнис. Поддршка за младите земјоделци, лекари, инженери, научници и работници. Поддршка за сите млади кои иднината ја гледаат во Македонија преку проекти за олеснување на процесот за почнување семејство и обезбедување сопствен дом. Работиме на враќање и подобрување на иницијативата „Купи куќа за млади“, со која настојуваме од младите луѓе да направиме силни и независни поединци кои самостојно ќе се борат за подобро утре. Работиме на многу други иницијативи и проекти кои ќе ја запишат оваа нова генерација на политичари во историјата како пример за тоа како се работи и како се сака својата татковина и својот народ.

Ќе продолжиме да докажуваме дека власта и младите не треба да бидат противници, како што се навикнавме до сега, туку дека преку дијалог, отворена дебата и транспарентен пристап, можеме да ја изнајдеме заедничката заемна корист. Ова се работите кои не прават различни од нив, бидејќи ние во политиката не влеговме за да критикуваме и да го повторуваме она што му е познато на секој еден граѓанин, туку за да си ја вратиме Македонија назад, во свои раце.

Дојде времето на нашата генерација на политичари која не прифаќа „не“ и „не може“ за одговор, бидејќи ние не знаеме за препреки, туку за системски решенија кои Македонија ќе ја направат подобро место за живеење за секој млад човек. Ние сме силата која ги испорача и донесе промените, и со целата одговорност тврдам дека ние ќе бидеме силата која ќе ја изгради државата која ја заслужуваме.

Претходните годишни конференции, речиси постојано зборував за апатијата, бесперспективноста и бездната во која беше втурната Македонија и македонскиот народ. Овие наши собири претставуваа само потсетник дека Македонија се уште има млади луѓе кои се грижат за својата иднина, но и дека истите тие луѓе беа изолирани од сите државнички процеси, оставени на маргините со цел некој да го распродаде и она малку што ни остана.

Долги години зборувавме дека треба да бидеме упорни и да останеме истрајни на идеалите за подобро утре, а верувајте дека нема поголемо задоволство кога гледаме дека целиот труд се исплатеше и Македонија повторно може да зачекори на вистинскиот пат. Пат кој нуди перспективи, иднина, промени, реформи и услови за развој и просперитет на секој млад човек во државата.

Поминавме низ многу тешки и мачни моменти и токму затоа дозволете ми да изразам искрена благодарност до секој еден од вас кој низ годините даде свој придонес во борбата да си ја вратиме Македонија во свои раце, иако борбата е далеку од завршена. Пред нас е предизвикот да продолжиме со креирање на успешните политики кои Македонија повторно ќе ја направат земја која ќе асоцира со успеси и национална гордост, земја со која секој граѓанин ќе може да се гордее и земја која на младите ќе им испорача иднина за сите и сега.

Веруваме во она што го правиме и ве повикувам да ни се придружите во овие моменти во кои испишуваме историја. Да се обединиме и да покажеме како решително дејствува ВМРО и како се сака Македонија.

The post Попов: Имаме стратегија и проекти кои нудат перспективи, иднина, промени, реформи и услови за развој и просперитет на младите во државата appeared first on Република.

Сведоци сме на една трагикомична ситуација, СДС кои 7 години беа на власт утре организираат протест пред Министерството за образование и наука. Група членови на СДС ќе протестираат барајќи повисоки плати за наставниците. Протестот го организира довчерашниот државен секретар во МОН, Билјана Казанџиска, истакна на денешната прес конференција Сергеј Попов, пратеник и претседател на УМС на ВМРО-ДПМНЕ.

-Партијата чии министри додека имале можност да работат за народот, јаделе бизонско филе, телешко карпачо и школки плакајќи 400 евра за вечера од службена картичка нема кредибилитет да зборува за ништо.

Трет човек по хиерархија во институцијата, која имала можност да придонесе за подобри плати и услови за работа на наставниците, таа заедно со нејзиниот министер со кого беа во коалиција, не предвидоа средства во буџетот за оваа намена за 2024 година.

Ситуацијата, едноставно опишана е следна – Казанџиска свесно турнала некого на земја и сега му подава рака за да стане, претставувајќи му се како заштитник.

СДС и ДУИ вршат брутална злоупотреба на наставниците организирајќи партиски протест со што докажуваат кој седи позади наводниот синдикат.

Казанџиска е дел од раководството на претходната Влада на СДС и ДУИ која ги угнетуваше наставниците, која не ги консултираше за ниту една промена што предизвикаа тешки штети по македонското образование. Влада која доцнеше со исплатата на платите и манипулираше дека ги зголемува, без да ја споменува високата инфлација која ги изеде платите на сите граѓани, па и на наставниците.

7 години СДС можеше да реализира покачување колку што сакаа, тоа не го направија, затоа што намерата никогаш не им била таква. Ниту во овој буџет предвидоа пари за поголеми плати, затоа што го правеа буџетот за пред избори и да трошат пари пред кампања што и го направија.

На што се потрошија парите од СДС оваа година? На милионски тендери во РЕК Битола пред смена на власта, на милионски набавки во ЕСМ, на патувањата на Бисера Антоанета и другите министри кои трошеле народни пари како да им се наследство од дедо.

Наставниците никогаш не биле во приоритет на СДС. ВМРО-ДПМНЕ има поинаков пристап, и ќе го вратиме достоинството на наставниците.

Апелираме до наставниците да не наседнуваат на партиски хушкања. Да не подлегнуваат на притисоци на опозицијата која 7 години беше власт и не се погрижи да им обезбеди достоинство и пристоен живот.

Актуелната Влада предводена од ВМРО – ДПМНЕ има конкретен план како да го врати дигнитетот на наставниците. Со враќање на девастираните институции во нормала и со креирање на нов буџет за 2025 година кој домаќински и транспарентно ќе се користи, ќе се обезбедат пари за повисоки плати, за подобри услови за работа и за повеќе можности за кариерен и професионален развој.

СДС ја остави државата ограбена. СДС ја зароби државата и ја користеше за личен бенефит. Тој комодитет веќе го немаат, а ќе треба и да одговараат, затоа и се нервозни, рече Попов.

The post Попов: Наставниците да не подлегнуваат на притисоци на опозицијата, протестот е партиски appeared first on Република.

Во предизборниот период, ветивме дека по изборите Владата што ќе ја предводи ВМРО-ДПМНЕ ќе биде сојузник на младите и 60 дена по формирањето ова ветување го исполнуваме, во само два месеци имаме повеќе направено за младиот човек од Македонија од претходната Влада во речиси 7 години. Ова е резултат на посветеноста на ВМРО-ДПМНЕ кон младите луѓе и нивниот статус во општеството и дека нивното унапредување е ставено под приоритет, рече на прес-конференција Сергеј Попов, пратеник и претседател на Унија на млади сили на ВМРО-ДПМНЕ.

Во однос на студентите, после директна средба на Министерката за образование и наука Јаневска со претставниците на студентите од студентското собрание при УКИМ беа усогласени две мерки додека третата се разгледува. Имено, зголемен ќе биде износот на студентскиот оброк и оваа мерка нема повеќе да претставува потчинување на студентите, туку ќе биде реален износ кој ќе помага а воедно и ќе го олесни животот на студентите. Оваа мерка од сега ќе ги опфаќа и најмладите потенцијални бруцоши кои со статус студенти би се стекнале најдоцна до 20ти септември. Овие лица до сега беа лишени од можноста за користење на мерката затоа што рокот за аплицирање за оброк е до 5ти септември. Се очекува повеќе од 30,000 студенти да бидат опфатени од оваа мерка.

Дополнително, мерката за стипендии за студии од втор циклус ќе се отвори за студентите со  завршени три годишни студии од прв циклус кои не можеа до сега да аплицираат за истата, мерка која можностите ќе ги усогласи за повеќе од 1000 студенти кои студираат на факултети каде студиите се во траење од 3 години. До сега гледавме како дел од најдобрите студенти во прв циклус студии се дискриминирани и поставените параметри за стипендии за втор циклус не се почитувани а згора на тоа се злоупотребувани, тоа го променивме и стипендиите ќе бидат строго меритократски и отворени за сите студенти да аплицираат.

Од друга страна, статусот на младите специјализанти беше репрезентативен за општите состојби на здравството, а тоа им даваше на младите лекари само мотив плус професионално да се градат надвор од границите на Македонија. На ова ние одговоривме со јасен план за вработување на 600 млади специјализанти каде што нивниот труд нема да биде потценет, како што беше до сега, туку ќе бидат надградени во успешни здравствени работници и својата специјалност ќе ја работат овде во Македонија.

Разликата помеѓу ВМРО-ДПМНЕ и СДСМ е токму во тоа што СДСМ остави дупка во буџетот од 600 милиони денари, кои беа наменети токму за младите, додека ВМРО-ДПМНЕ успеа во 60 дена да направи ребаланс на буџетот да ги обезбеди тие средства и плус да ги спроведе горе наведените мерки кои предвидуваат зголемување на директната помош од Владата за младите, додека едните активно зборуваат дека работат, ние работиме и исполнуваме. Во само 60 дена успеавме да исправиме повеќе неправди со кои младите од Македонија се соочуваат и да сработиме повеќе од претходната Влада во 7 години. Ова е само почетокот и следи уште многу работа за младите, работа која на секој млад човек ќе даде поголеми можности и ќе го унапреди статусот на младите во Македонија, оистакна Попов.

The post Попов: Ќе се зголеми износот на студентскиот оброк, проширен опфатот и за стипендии за постдипломци appeared first on Република.

12 Август е денот на кој го одбележуваме Меѓународниот ден на младите. Ден на кој се потсетуваме на изминатите години во кои општеството стагнираше токму поради негрижата за младите, но и ден на кој потенцираме дека таквиот период заврши, изјави по повод Меѓународниот ден на младите, Сергеј Попов, пратеник, претседател на УМС.

Како влада и парламентарно мнозинство, приоритет во првите месеци од работата беше грижата за младите во Македонија.

Обезбедивме вработување на 600 специјализанти и регулирање на нивниот статус во здравствениот систем и обезбедивме над 600 милиони денари за студентскиот оброк и стипендиите.

На овој ден, ги повикувам младите да бидат нашиот коректив, да бидат гласни и бунтовни и постојано да се борат за реализација на своите цели, вели Попов.

The post Младите да бидат нашиот коректив, да бидат гласни и бунтовни и да се борат за реализација на своите цели, вели Сергеј Попов по повод одбележувањето на Меѓународниот ден на младите appeared first on Република.

„За жал изминатите 5 до 10 години бевме сведоци на апатија од страна на младите луѓе која како УМС на ВМРО-ДПМНЕ се обидувавме да ја победиме и на крајот успеавме во тоа со оглед на резултатот на парламентарните избори. Апатијата се должи на тоа што во многу наврати се јаваше на незадоволството на младите и им се ветуваа работи реално кои не можеа да им се сервираа и предизвикаа апатија кај младите луѓе“, истакна претседателот на УМС на ВМРО-ДПМНЕ Сергеј Попов во гостување во Детектор на Сител ТВ.

Тој продолжи и додаде:

Како ВМРО-ДПМНЕ и УМС на ВМРО-ДПМНЕ многу внимававме што ќе им понудиме на младите луѓе за да не предизвикаме повторно младите луѓе да се почувствуваат изневерено. Во програмата немаме ветено апстрактни проекти туку реални проекти“, рече Попов.

Тој истакна дека ВМРО-ДПМНЕ нема да игра со чувствата на младите.

Како ВМРО-ДПМНЕ нема да си играме со чувствата на младите, ќе ги решаваме нивните проблеми реално и нема да им ветуваме нереални работи“, заклучи Попов.

The post Попов: ВМРО-ДПМНЕ нема да си игра со чувствата на младите, ќе ги решаваме нивните проблеми appeared first on Република.

„Како претседател на УМС на ВМРО-ДПМНЕ сум исклучително задоволен што успеавме заедно со сите млади луѓе најпрвин да ја победиме апатијата околу тоа дека воопшто не треба да се учествува во политика и дека политиката е нешто гнасно“, истакна Сергеј Попов, претседател на УМС на ВМРО-ДПМНЕ во емисијата „24 Отворено“ на 24ТВ.

И затоа младите луѓе во рекорден број масовно излегоа на овие избори. Младите луѓе сепак на овие избори излегоа и гласаа, заклучи тој.

Попов додаде дека младите луѓе ја препознаа искрената понуда на ВМРО-ДПМНЕ и за нејзе гласаа.

ВМРО-ДПМНЕ имаше искрена понуда, таа не беше поткрепена на лажни ветувања. ВМРО-ДПМНЕ имаше понуда на она што е реално и она што може да се направи“, нагласи тој.

Тој посочи дека младите можат да бидат на сигурно со ВМРО-ДПМНЕ.

Кога зборуваме за вклученост на младите луѓе во политика и за новиот парламентарен состав сакам да истакнам дека ние како млади политичари цело време бараме да бидеме што е можно повеќе вклучени во Парламентот, Советите итн. Но, мислам дека е многу поважно кога ќе влеземе таму да покажеме што знаеме“, рече Попов.

„УМС на ВМРО-ДПМНЕ под мое раководство изминатите три години поднесовме над 10-тина амандмани во Собранието на Република Македонија преку нашата пратеничка група за сите прашања релевантни за младите луѓе имавме реакција. Но, најважно од се пробувавме работите да ги решаваме институционално“, потсети тој.

Попов нагласи дека младите пратеници од ВМРО-ДПМНЕ ќе останат да се партнерот на младите, ќе ги решаваат младинските проблеми од реалниот живот кон македонските институции, а во оваа ситуација тоа е македонскиот Парламент.

The post Попов: Нашите пратеници ќе ги решат проблемите на младите appeared first on Република.

Претседателот на Унија на млади сили на ВМРО-ДПМНЕ, Сергеј Попов, заедно со потпретседателката на партијата, Гордана Димитриевска-Кочоска и кандидатите за пратеници во ИЕ 1 од УМС,  денеска остварија средба со млади во Аеродром.

„На мое големо задоволство, наши гости беа Хајди Ханела и Еделмира Фери, генерален секретар и потпретседател на YEPP , како и Владимир Клајиќ, генерален секретар на European Democrat Students.

Поддршката за победа на ВМРО-ДПМНЕ е огромна, како кај нашите сограѓани, членовите и симпатизерите, така и кај нашите партнери од сестринските партии и организации во Европа.

Пораката која доаѓа од сите страни е јасна – ВМРО-ДПМНЕ е единствената партија која може да испорача реформи и европска иднина за Македонија“ – истакна Попов по средбата.

The post Попов: Поддршката за победа на ВМРО-ДПМНЕ е огромна и кај нашите партнери од сестринските партии и организации во Европа appeared first on Република.

Стана секојдневие „партијата на младите“ да ги разочарува студентите и сите категории на луѓе за кои таа ветува дека се бори. Пратениците-револуционери од политичката партија „Левица“, вчера не смогнаа сили да присуствуваат на гласањето на новиот Закон за субвенциониран студентски оброк, кој доаѓа по иницијатива на студентите, а беше првично поддржан само од пратеничката група на ВМРО-ДПМНЕ, пишува на социјалната мрежа на Фејсбук лидерот на Унијата на млади сили на ВМРО-ДПМНЕ Сергеј Попов.

Изгледа, дека овие „бескомпромисни борци за правда“ се појавија во Собранието за само да ручаат на сметка на граѓаните, а давањето поддршка за младите и студентите им беше во последен план.

Законот за кој долго време се залагаше пратеничката група на ВМРО-ДПМНЕ помина и без овие двајца бескорисни и деструктивни кловнови-пратеници, а она што е позитивно од целата ситуација е дека вистината излезе на виделина – Левица и Димитар Апасиев имаат само една употребна цел, ситнење на опозицијата и одржување на криминалната коалиција на СДСМ-ДУИ во живо, пишува Попов во својата објава.

The post Попов: Пратениците на Левица не гласаа за Законот за субвенциониран студентски оброк за кој се залагаше ВМРО-ДПМНЕ appeared first on Република.

Арогантниот и себичен однос на властите кон младиот човек во Македонија, заслужува реципрочен одговор, затоа, УМС на ВМРО-ДПМНЕ ќе го поддржи денешниот протест од 14:00 часот пред МОН инициран од студентските организации заради нередовната исплата на стипендии и мизерниот студентски стандард, истакна на денешната прес-конференција Сергеј Попов, претседател на УМС на ВМРО-ДПМНЕ.

Студентот го крева гласот и овојпат својот гнев кон оваа власт ќе го искаже на улица.

Како УМС секогаш сме биле единствен политички подмладок којшто е постојано во дослух со барањата и потребите на студентите. Алармиравме и баравме итна реконструкција и подобрување на квалитетот на храната во студентските домови, побаравме зголемување на сумата на стипендиите и на студентскиот оброк но од страна на СДСМ и ДУИ истото беше игнорирано.

Како единствен докажан партнер на младите, по доаѓањето на власт на ВМРО-ДПМНЕ ќе ставиме крај на понижувањата нанесени од оваа Влада во заминување.

Ветуваме дека студентите ќе добијат целосно реконструирани студентски домови, редовна исплата на сите стипендии и редовна исплата и надградба на сумата за студентски оброк.

На сите незадоволни и разочарани студенти, им порачуваме дека деновите на неспособноста, негрижата и индиферентноста кон иднината на државата, се одбројани. Наскоро, граѓаните ќе имаат шанса да стават крај на овие понижувања и академската катастрофа, а младиот човек повторно ќе може да се фокусира на академско усовршување, личен кариерен напредок и многу работа за градење подобро утре за себе и за Македонија, порача Попов.

The post Попов: УМС на ВМРО-ДПМНЕ ќе го поддржи студентскиот протест пред МОН, арогантниот однос на власта кон младиот човек заслужува реципрочен одговор appeared first on Република.

Претседателот на УМС на ВМРО-ДПМНЕ, Сергеј Попов, информираше за резултатите од изборот на лидер на студентите во студентски дом Пелагонија.

Софија победи. Не поради тоа што е член на УМС, туку затоа што студентите ја изгласаа, а вие продолжете да бидете опозиција на опозицијата. Поздрав, порача тој.

The post Сергеј Попов: Софија победи, не поради тоа што е член на УМС, туку затоа што студентите ја изгласаа appeared first on Република.

На мое големо задоволство овој викенд, Унијата на млади сили на ВМРО-ДПМНЕ е домаќин и организатор на Генералното собрание на младината на Европската народна партија, ова вечерва преку изјава за медиумите го истакна Сергеј Попов, претседател на Унијата на млади сили на ВМРО-ДПМНЕ.

Младината на Европската народна партија е најголема и најдобро организирана и највлијателна младинска организација во рами на ЕУ. Големо задоволство за мене како претседател на Унијата на млади сили на ВМРО-ДПМНЕ е што успеавме овој викенд Скопје и Република Македонија да бидат епицентар на главните младински политички збиднувања во цела Европа, вели Попов.

Тој додава дека во наредниот период заедно со нашите колеги од сите сестрински партии од Европската народна партија, нивните младински организации ќе разговараме и ќе носиме ставови за многу младински прашања кои не интересираат нас младите луѓе.

Ќе разговараме и ќе разменуваме искуства како до повеќе работни места во Македонија, како младите да ги задржиме овде да не се иселуваат. Ве повикувам во наредните денови да ги следите настаните во рамки на оваа конференција и ви се заблагодарувам на вниманието, рече тој.

The post Попов: УМС како домаќин на Генералното собрание на младината на ЕНП ги направи Скопје и Македонија епицентар на главните младински политички збиднувања во Европа appeared first on Република.

Чест, и задоволство, ми е што ја имам можноста да ја отворам и оваа 32-ра Годишна конференција на Унијата на млади сили на ВМРО-ДПМНЕ. Годишна конференција која ги собира на едно место искрените патриоти, вистинските борци за правда, млади луѓе кои се подготвени да работат и дејствуваат, за Македонија да биде подобро место за живеење за секој еден млад човек, ова денеска го истакна во својот говор претседателот на Унијата на млади сили на ВМРО-ДПМНЕ, Сергеј Попов.

-Од независноста на Македонија па до денес, УМС докажува дека е многу повеќе од младинска и партиска организација. УМС е предвесник на долго очекуваната пролет, предвесник на промените, носечки столб на партијата која ќе ја ослободи Македонија и ќе ја врати власта во рацете на народот каде таа и припаѓа. Унијата на млади сили е младина која од година во година ги докажува своите квалитети, младина која е непоколеблива кога во прашање е Македонија и младите, младина која од ден во ден се повеќе расте и организација која околу себе ги обединува сите млади кои се уморни од неправдите. Млади кои се подготвени да застанат и на оваа неспособна власт да и кажат – ДОСТА Е. Доста е од криминал, непотизам и корупција. Доста е од задоволување на лични интереси и богатење врз грбот на народот..Доста е од кратењето на перспективи и можности за младите луѓе и доста е од егзодусот на младите од Македонија. Со години сме директни сведоци на неправдите кои ни се нанесувани, а во прво лице сведочиме како власта крати од нас, за да има за сопствените матни зделки, тендери во четири очи, криминални постапки кои го осиромашуваат македонскиот народ, а истовремено и ги распродаваат националните интереси и се’ она што е светост за нас. Само вчера објавивме информации според кои владата пренаменува стотици милиони денари од програмите и потпрограмите за основно и средно образование, пари за студентски и ученички домови, пари кои наместо во иднината, се инвестираат во тендери за уживање во уште некој ден поминат во владата, вели Попов.

Тој додава дека, но деновите им се одбројани.

Од оваа говорница сакам да испратам јасна порака до оние кои се во фотељите и ја имаат окупирано владата. НИКОЈ, никогаш, не успеал да победи во битка против сопствениот народ. Никој не може да застане на патот на оној кој сака живот исполнет со достоинство и држава со која секој се гордее. Таква држава и таков живот посакуваме ние, а оваа влада работи само на идејата да ги сруши нашите соништа. Она кое најмногу ме плаши, но истовремено ме мотивира да продолжам да се борам, е дека политиките на владата целосно ја урнаа довербата во системот, и придонесоа многумина да ја мразат и да се срамат од сопствената држава. Нашата порака е и до сите кои ја изгубија надежта. Остана уште многу малку до моментот за промени, промени кои можеме да ги донесеме само доколку сме обединети и доколку издржиме уште малку, доколку ја искористиме својата енергија во вистинската насока, бидејќи иднината која ја посакуваме ни е на дофат. Иднина, која ја креираме самите ние во овие моменти, Иднина, сега, и со нас. „Иднина сега и со нас“ е паролата која ќе придонесе во остварувањето на нашата цел, вели Попов.

Тој додава дека ова не е обичен предизборен или партиски слоган, туку една критична пресвртница во начинот на кој се воделе политики низ годините во Македонија. Иднина сега и со нас е крикот на секој млад човек и граѓанин на Македонија на кој му се здосади од слушање приказни за подобро утре од политичари кои зад зборовите за иднината и прогресот, 6 години водат само погубни политики за младите.

Иднина сега и со нас се однесува на овој конкретен момент, бидејќи дојде времето кога конечно треба да ја донесеме таа иднина и секој ќе може да ја види и почувствува. Само нашата одлучност, сплотеност и посветеност кон зацртаните цели, може да ја донесе иднината која сите ја посакуваме. Денеска, на македонскиот народ му порачуваме дека доаѓаат подобри денови. Денови во кои лажните ветувања на оваа власт ќе ги замениме со искреност и работа, денови во кои новата влада на ВМРО-ДПМНЕ ќе докаже дека Македонија знае, може и заслужува многу повеќе и многу подобро. Новата влада која ќе ги исполни сите наши ветувања кои ќе донесат подобар младински стандард, повеќе услови за сопствен бизнис, мерки за вработување на младите, мерки за институционална поддршка на иновации и идеи, воведување современи технологии кои од Македонија ќе направат вистинска европска и развиена држава. Затоа ве повикувам сите заеднички да ја рашириме пораката која денес ја испраќаме. Да го рашириме повикот за промена и правда кај нашите пријатели, роднини и познаници, да ги повикаме сите да се обединат зад идејата на ВМРО и перспективите за поубава Македонија кои ги нуди ВМРО-ДПМНЕ, вели Попов.

Тој за крај додаде, драги браќа и сестри, да ни е вечна и вековита УМС на ВМРО-ДПМНЕ, да ни е вечно ВМРО-ДПМНЕ, а најважно од се е да ни е вечна Република Македонија.

The post Попов: Иднината која ја посакуваме и сами ја креираме ни е на дофат appeared first on Република.

Сергеј Попов, претседател на Унијата на Младите сили на ВМРО-ДПМНЕ во емисијата 24 Отворено рече дека партијата има јасно дефиниран став, дека уставни измени под овие услови не може да се случат и остануваат на тој став.

Мицкоски кажа дека истиот став ќе биде пренесе и на лидердката средба која треба да се одржи. СДСМ доколку сака за било кое прашање во државата да се постави на консензус, консултациите со опозицијата не смее да се случуваат отпосле. Не може да се прифатат работи, а потоа да се обвинува опозицијата дека не ги прифаќа. Тоа не е пример само со уставните измени, туку и со договорите со Бехтел и Енка, и опозицијата да е виновна што не може да го импмлементираат тоа што сакаат. СДСМ се однесуваат како да имаат 80 пратеници, а имаат тенко мнозинство, а уставни измени под вакви услови нема да има, рече Попов.

The post Попов: СДСМ се однесуваат како да имаат 80 пратеници, уставни измени под вакви услови нема да има appeared first on Република.

„Самиот факт дека денеска оваа трибина е една од неколкуте кои ги организира ВМРО-ДПМНЕ во рамки на акцијата „Ова е Македонија за сите” е посветена токму на нас младите, говори за фактот дека младите се приоритет на политичката партија ВМРО-ДПМНЕ. Младите во Република Македонија беа излажани и би рекол беа излажани на еден брутален, брутален начин. Им се ветија брда и долини, нови студентски градови, нови студентски кампуси, поуспешно образование, подобри универзитети, им се гарантираше младинска гаранција од која не видовме апсолутно ништо бидејќи младинската невработеност се уште е на највисокото место во регионот и во Европа”, истакна Сергеј Попов, претседател на УМС на ВМРО-ДПМНЕ на денешната трибина „Младински политики” од Куманово.

Попов додаде дека проблемите на младите луѓе во Република Македонија не се само егзистенцијални туку младите луѓе во Република Македонија повеќе не можат да издржат и животот им станува неиздржлив поради сеопштата општествена деканденција која што владее во македонското општество. Тука е и корупцијата која што станува заразна. А, со сите овие работи државата Република Македонија од мајка за младите луѓе станува маќеа.

The post Попов: Додека власта полни торби со пари, младите ги полнат куферите и автобусите appeared first on Република.

The post Попов: УМС е најголем и најдобро организиран политички подмладок во државата цели 32 години appeared first on Република.

Претседателот на ВМРО-ДПМНЕ, проф. д-р Христијан Мицкоски, одговарајќи на новинарско прашење во однос на иселувањето како еден од најголемите проблеми, и дали ВМРО-ДПМНЕ ќе преземе нешто на тој план истакна дека ВМРО-ДПМНЕ ќе имплементира нови политики за младите, но и нула персонален данок за млади до 29 години, загарантиран работен однос за 500 најдобри студенти, домови за млади брачни парови и дигитализација во образованието.

Ќе зборуваме сега на таа тема со Сергеј со претседателот на унијата на  млади сили, многу работиме на тоа прашање за младите, ќе зборуваме за тоа како да ги вратиме оние политики кои што претходно постоеја но и да иновираме да донесеме нови политики, ќе зборуваме за гарантирано вработување на 500 најдобро дипломирани студенти на Универзитетите во Македонија, да имаат загарантирана работа да државтаа обезбеди за сите овие 500 најдобри студенти редовен работен однос, да може да ги искористи бидејќи вложила во нив, да не ги праќаме во Западна Европа во Америка, Канада, Австралија готов кадар туку да си го задржиме тука без разлика од каков профил е, да ги повториме нашите ветувања за 0 персонален данок за млади луѓе до 29 години, да се потсетиме на оние домови за млади брачни парови, се сеќавате тоа некако како да исчезна, како да не постои, да зборуваме за квалитетно високо образование и најмалку еден универзитет во првите 500 според Шангајската ранг листа и затоа ве поканувам ако имате време или ако ви дозволува распоредот останете ќе слушнете многу работи и многу политики како што е дигитализација во образованието кои што денеска ќе бидат презентирани на оваа дискусија, нагласи Мицкоски.

The post Ќе имплементираме нови политики за младите, загарантиран работен однос за 500 најдобри студенти… appeared first on Република.