Фудбалерот на Лацио, Сергеј Милинковиќ-Савиќ го привлече вниманието на се уште актуелниот италијански шампион Милан.

Според „Calciomercato“, играчот од средниот ред се наоѓа на списокот на техничкиот директор на „Росонерите“, Паоло Малдини, кој подолго време сака да го ангажира Србинот.

Милан го чека крајот на сезоната кога ќе биде јасно дали ќе се пласира во Лигата на шампионите. После тоа, доколку Лацио, кој бара 40 милиони евра за играчот, ги намали барањата, може да се направи обид за склучување договор.

Самиот Милинковиќ-Савиќ чувствува дека е време да проба нешто ново и досега одбиваше да го продолжи договорот со Лацио кој е со важност до 2024 година. Раководството на Лацио нема намера да се откаже од него и е подготвено да му понуди зголемување на платата на четири милиони евра годишно и вклучување на клаузула за обесштетување во договорот.

Дваесет и осумгодишниот фудбалер оваа сезона одигра 34 настапи во Серија А, постигнувајќи седум гола и осум асистенции

The post Mилан сака да го купи Сергеј Милинковиќ-Савиќ appeared first on Република.

Сергеј Милинковиќ-Савиќ постигна гол за Лацио во 90+4. минута од натпреварот против Лече! Тоа на римскиот великан му донесе значаен бод - 2:2 (1:1).

Голот на српскиот ас неодоливо потсетува на се што правеше во кариерата славниот Филипо Пипо Инзаги.

Погледнете како изгледа

Sergej Milinkovic Savic scores the equalizer for Lazio in the final secondspic.twitter.com/CvuoBpKUFH

— FootColic ⚽️ (@FootColic) May 12, 2023

Со овој бод Лацио остана на позицијата број три, која води директно во Лигата на шампионите.Од друга страна, Лече има пет бода повеќе од првиот тим кој е под линијата во зоната за испаѓање.

The post Сергеј Милинковиќ-Савиќ го спаси Лацио во 94-та минута appeared first on Република.

Фудбалерот од средниот ред на Лацио, Сергеј Милинковиќ-Савиќ е наклонет кон преселба во Арсенал, објави „Corriere dello Sport“. Според изворот, српскиот играч за врска е привлечен од раководството на „Топџиите“ во англискиот шампионат.

Во италијанските медиуми се пишуваше и за интересот за Србинот од страна на Јувентус.

Актуелниот договор на Милинковиќ-Савиќ со „орлите“ е до летото 2024 година. Вредноста на играчот според порталот „Трансфермаркт“ се проценува на 60 милиони евра.

Дваесет и седумгодишниот играч од средниот ред оваа сезона забележа 25 настапи за Лацио во сите натпреварувања, постигнувајќи шест гола и осум асистенции.

Милинковиќ-Савиќ беше повикан во репрезентацијата на Србија за Светското првенство во Катар 2022 година. Србите во групата Г ќе се соочат со Бразил, Швајцарија и Камерун. Првиот натпревар на тимот ќе го одигра денеска, 24 ноември, против Бразил.

The post Сергеј Милинковиќ-Савиќ оди во Арсенал! appeared first on Република.