Шефот на руската дипломатиоја Сергеј Лавров денеска изјави оти претседателот на Украина, Володимир Зеленски е исплашен од одговорот на Москва и ги обвинува своите покровители.

Што се однесува до нашиот одговор (употребата на хиперсонична ракета), колку што разбрав, Зеленски се исплаши и директно почна да ги обвинува своите патрони што го оставиле невооружен пред таквиот потег на Руската Федерација. Ова е веројатно корисен резултат. Бидејќи да се биде поблиску до реалноста, да се почувствува на своја кожа, веќе е нешто корисно, посочи Лавров на прес-конференција по заедничката средба на претставници на министерствата за надворешни работи на Русија и Белорусија.

Тој наведе дека Западот и одобри на Украина да користи оружје со долг дострел против Русија.

Рускиот претседател ова го спомна повеќе пати. Без нивното директно учество (на Западот), немаше да полета ниту една ракета“. 

The post Лавров: Зеленски се исплаши од одговорот на Русија appeared first on Република.

Министерот за надворешни работи на Русија, Сергеј Лавров денеска изјави дека не знае како новоизбраниот претседател на САД, Доналд Трамп, има намера да ја реши кризата во Украина, но во Москва со нетрпение чекаат да го слушнат неговиот предлог. .

„Не можам да замислам како Трамп ќе ја реши кризата, но да ги почекаме неговите предлози. Повеќе пати нагласивме дека секој политичар кој вели дека е за мир, а не за војна заслужува внимание“, рече Лавров, пренесува Тасс.

Тој нагласи дека во овој момент не знаат што ќе биде предложено, а дека ставот на Русија јасно бил формулиран од претседателот Владимир Путин на 14 јуни годинава.

Трамп многу пати за време на неговата кампања кажа дека штом ќе стане претседател на САД, веднаш ќе ги прекине војните во Украина и во Газа.

The post Лавров: Москва со нетрпение го чека предлогот на Трамп за мир во Украина appeared first on Република.

Рускиот министер за надворешни работи, Сергеј Лавров, изјави дека нема претстава како новоизбраниот американски претседател Доналд Трамп ќе ја реши кризата во Украина.

Не можам да замислам како Трамп тоа ќе го реши, ќе ги чекаме предлозите“, рече рускиот министер.

Тој додаде дека Москва редовно нагласува дека секој политичар кој поддржува мир, а не војна заслужува внимание.

Но, не знаеме што точно ќе биде предложено, нашиот став беше јасно формулиран од рускиот претседател Владимир Путин за време на говорот во руското Министерство за надворешни работи на 14 јуни оваа година“, рече Лавров.

Во пресрет на неодамнешните избори во САД, но и по победата, Трамп изјави дека по преземањето на претседателската функција ќе работи на што побрзо завршување на војната во Украина.

The post Лавров: Не знам како Трамп ќе го реши конфликтот во Украина, ќе ги чекаме предлозите appeared first on Република.

Рускиот министер за надворешни работи, Сергеј Лавров, изјави дека не очекува никакви промени во политиката на САД кон Русија и Украина под претседателството на Доналд Трамп, бидејќи сите американски администрации имаат интерес за слабеење на Русија, пренесува ДПА.

Тие се чувствуваат сигурни кога ја ослабуваат Русија и нејзиното влијание, изјави Лавров во интервју за руската државна телевизија. Тој нагласи дека САД ќе продолжат да се стремат кон контрола над ситуацијата.

На крајот на краиштата, се што се случува може да се објасни со желбата да се елиминира Русија како ривал, рече Лавров.

Тој додаде дека Вашингтон ќе продолжи да се обидува сè да држи под контрола. Лавров ќе го претставува рускиот претседател Владимир Путин на самитот на Г-20 во Рио де Жанеиро следната недела, каде што ќе се сретне и со американски претставници.

За време на кампањата, Трамп рече дека има намера да стави крај на војната во Украина преку договор со Русија, иако не објасни како тоа ќе се направи. Путин минатата недела му честиташе на Трамп за изборната победа и изрази подготвеност за дијалог. Истовремено, тој нагласи дека Трамп е непредвидлив и додаде дека останува да се види што навистина ќе направи новата американска влада.

Сепак, Лавров се изјасни против замрзнување на конфликтот и обновување на договорите од Минск за негово решавање. Договорите постигнати со посредство на Германија и Франција во 2014 и 2015 година предвидуваа, меѓу другото, автономија на Донбас - нешто што украинскиот претседател Володимир Зеленски подоцна го отфрли.

Русија ја нападна Украина на 22 февруари 2022 година, според Москва, за да го спречи обидот на Киев воено да заземе делови од регионите Доњецк и Луганск контролирани од проруските сепаратисти, потсетува ДПА

The post Лавров: Политиката на САД кон Русија и Украина ќе остане непроменета под Трамп appeared first on Република.

Глобализацијата, која со години се рекламира, ја уништува самиот Запад поради незаконски санкции и злоупотреба на доларот, изјави шефот на руската дипломатија Сергеј Лавров.

- Самата глобализација, која со децении ни се рекламира како идеален начин на функционирање на светската економија, во суштина ја уништува самиот Запад. А глобалната економија се распарчува. Причината се незаконските санкции и злоупотребата на доларите, рече Лавров на завршниот настан на министерската конференција на форумот за партнерство Русија-Африка.

Рускиот министер за надворешни работи додаде дека на првата министерска конференција страните усвоиле заедничка изјава.

- Верувам дека направивме многу добра работа, усвоивме документи: наша заедничка изјава која содржи општи оценки за состојбите во светот, состојбата на работите … и во економската, социјалната, инвестициската, сферата на безбедноста и борбата против тероризмот, со нови предизвици и, се разбира, во културната, образовната и хуманитарната област, рече Лавров.

Според него, тие оценки биле проследени со конкретни договори во секоја од овие области, креирајќи насоки кои ќе бидат промовирани во блиска иднина, вклучително и како дел од подготовките за вториот настан, втората конференција на министерското партнерство „Русија-Африка“.

Лавров рече дека втората министерска конференција ќе се одржи во 2025 година.

Министерската конференција се одржува на 9 до 10 ноември на руската федерална територија Сириус, која се наоѓа во близина на Сочи.

The post Лавров: Западот прво ја рекламираше, а сега ја уништува глобализацијата appeared first on Република.

Соединетите Американски Држави ја подготвуваат Европа за „самоубиствена авантура“ на влегување во директен воен конфликт со Руската Федерација, изјави денеска рускиот министер за надворешни работи Сергеј Лавров.

Како резервна опција во случај режимот на украинскиот претседател Володимир Зеленски да пропадне, САД ја подготвуваат континентална Европа да се втурне во самоубиствена авантура и да влезе во директен вооружен конфликт со Русија“, рече тој, говорејќи на меѓународната симпозиум „Создавање на иднината“, пренесува агенцијата РИА Новости.

На симпозиумот Лавров истакна дека Берлин „срамно го прифатил понижувачкото“ уништување на Северниот тек.

The post Лавров: САД ја подготвуваат Европа за директен конфликт со Русија appeared first on Република.

Рускиот министер за надворешни работи, Сергеј Лавров, има намера да ја посети Малта во декември 2024 година. Toa ќе биде негова прва посета на земја од Европската Унија од почетокот на специјалната операција во Украина.

Информацијата ја соопшти официјалната претставничка на руското Министерство за надворешни работи, Марија Захарова.

За време на посетата на Малта, Лавров ќе учествува на состанокот на Советот на министри за надворешни работи на Организацијата за безбедност и соработка во Европа.

Лавров во повеќе наврати изјавува дека обидите на западните земји да ја изолираат Русија и да ја намалат нејзината улога на светската сцена се покажуваат како неуспешни. Тој нагласува дека повеќето земји во светот избираат во корист на здравиот разум и не го следат водството на Западот.

The post Лавров во декември ќе посети земја од ЕУ за првпат од почетокот на војната appeared first on Република.

Русија е целосно подготвена за конфликт со НАТО на Арктикот, предупреди рускиот министер за надворешни работи.

Гледаме дека НАТО ги засилува вежбите поврзани со можни кризи на Арктикот. Нашата земја е целосно подготвена да ги брани своите интереси воено и политички, рече Сергеј Лавров.

Арктикот е најсеверната точка на Земјата и опфаќа територија на осум земји: Норвешка, Шведска, Финска, Данска, Канада, САД, Исланд и Русија. Сите овие земји, освен Русија, се членки на НАТО.

Финска се приклучи на НАТО во април минатата година како одговор на руската инвазија на Украина, додека Шведска тоа го направи во март годинава.

Лавров рече дека „Арктикот не е територија на Северноатлантскиот договор“ и нагласи дека други земји, како Кина и Индија, имаат интереси во тој регион. Еден од највисоките руски дипломати минатата година изјави дека Финска „прва ќе настрада“ во случај на војна меѓу НАТО и Русија.

The post Лавров: Русија е подготвена за војна со НАТО на Арктикот appeared first on Република.

Русија ѝ се закани на Франција дека секој нејзин воен инструктор во Украина ќе биде легитимна мета за руските сили. За време на турнејата низ Африка, каде што неколку држави се приклонија кон Москва во последно време, рускиот министер за надворешни рабпти Сергеј Лавров кажа дека француски инструктори веројатно се веќе на украинската територија.

Без разлика на нивниот статус, без разлика дали се воени припадници или платеници, тие претставуваат легитимна мета за руските вооружени сили, кажа Лавров.

Во Москва, портпаролот на Кремљ, Дмитри Песков, изјави дека инструкторите кои ги обучуваат трупите на киевскиот режим немаат имунитет.

Шефот на украинската војска Олександр Сирски минатата недела кажа дека потпишал документи кои им овозможуваат на француските воени инструктори да добијат пристап до украинските центри за обука. Францускиот претседател Емануел Макрон одби да го коментира ова и додаде дека оваа недела ќе изнесе детали за француската поддршка на Украина.

The post Лавров: Француските воени инструктори во Украина би биле наша легитимна цел appeared first on Република.

Кина би можела да организира мировна конференција на која ќе учествуваат Русија и Украина, изјави денеска рускиот министер за надворешни работи, Сергеј Лавров.

Лавров рече дека таквиот потег ќе биде продолжение на напорите на Пекинг за решавање на украинската криза.

Ние го делиме ставот (на Кина) дека треба првенствено да се решаваат основните причини за конфликтот и да се заштитат правните интереси на сите страни, со последователни договори засновани на принципот на еднаква и неделива безбедност, рече Лавров во интервју за руски медиуми.

Тоа, како што нагласи, „подразбира почитување на реалноста на теренот, која ја одразува волјата на луѓето кои живеат таму“.

Русија постојано повикува на преговори под услов Киев и Западот да ги признаат нејзините територијални придобивки во Украина. Киев ги отфрла тие предлози.

Русија повеќе пати повикуваше на преговори под услов Киев и Западот да ги признаат освоените територии во Украина.

Киев тие предлози ги одби. Лавров ја критикуваше и САД поради помошта на Украина, тврдејќи дека Вашингтон стана соучесник во злосторствата на киевскиот режим.

Тој воедно рече дека Русија смета дека планираната испорака на борбените авиони F-16, на наводно со нуклеарно оружје, е сигнална акција на НАТО.

Тие се обидуваат да покажат дека САД и НАТО нема да запрат пред ништо во Украина- рекол Лавров.

Сепак, се надеваме дека руско-белоруските вежби посветени на употреба на нестратешко нуклеарно наоружување, ќе направи нашите противници малку подобро да разберат и да да ги увидат катастрофалните последици од понатамошна нуклеарна ескалација - додал тој.

На Блискиот исток, рекол Лавров, САД исто така го разгоруваат огнот на судирот.

The post Лавров се закани на Америка и НАТО пактот и порача: Нашиот потег ќе ги вразуми appeared first on Република.

Рускиот министер за надворешни работи Сергеј Лавров се очекува утре да пристигне во дводневна официјална посета на Кина, соопштија одделенијата за надворешна политика на двете земји, цитирани од агенциите.

The post Лавров од утре во дводневна посета на Кина appeared first on Република.

Рускиот министер за надворешни работи Сергеј Лавров изјави дека на почетокот на април ќе се сретне со амбасадорите на глобалното мнозинство за да разговара за ситуацијата во Украина.

Лавров за рускиот весник „Известија“ рече дека веќе двапати во Москва се сретнал со амбасадорите на глобалното мнозинство во Москва и изјави дека претходната средба била одржана пред два месеци.

„Учесниците го анализираа предлогот на украинскиот претседател Володимир Зеленски за постигнување мир во Украина“, рече Лавров и нагласи дека преговорите не можат да се засноваат на тој предлог што го промовираат Европа и САД, туку на, како што наведе, сериозна анализа на постојните безбедносни проблеми, увидување на реалноста на теренот и гаранции за легитимните безбедносни интереси на Руската Федерација.

The post Лавров на почетокот на април ќе се сретне со амбасадорите на глобалното мнозинство за да разговара за ситуацијата во Украина appeared first on Република.

Конфликтот во Украина го испровоцира Западот, во тоа веќе нема ни најмал сомнеж, истакна денеска рускиот министер за надворешни работи, Сергеј Лавров, информирајќи го својот намибиски колега Пејавали Мушеленга, со кого се сретна во Москва, за ситуацијата во Украина, за текот на специјалната операција и за ре4шавањето на украинскиот судир, пренесува „Спутник“.

Лавров говореше и за терористичкиот наопад во московската концертна сала „Крокус сити хол“, истакнувајќи дека на Русија не ѝ е потребна помош од Западот, кој покажува војни стандарди.

Од една страна, сигурен сум дека ќе успееме да се справиме со оваа истрага, а од друга страна, не ни е потребна помош која очигледно би била манифестација на двојни стандарди и насочена кон туркање на теорија поволна за Западот дека зад нападот во „Крокус“ стои ИД и дека Украина нема никаква врска со тоа. Уште еднаш велам: Сами ќе го решиме тоа, рече Лавров.

Тој оцени и дека подготвеноста на Интерпол да помогне во истрагата поврзана со нападот е неочекувана.

Ден по нападот, кога на Запад се слушна дека Исламска држава, а не Украина е одговорна, одеднаш, неочекувано, раководството на Интерпол објави дека е подготвено да помогне во истрагата, рече Лавров.

Потсети дека слични иницијативи немало претходно ни во случаи на кои исто така им било потребно вниманието од меѓународната заедница, како на пример за саботажата на „Северен тек“.

Денеска во јавноста се случна и првото директно обвинување од Русија дека Украина стои зад нападот во „Крокус“. Имено, на прљашањето дали зад терористичкиот напад стои Украина или џихадистичката група Исламска држава, секретарот на рускиот Совет за безбедност, Николај Патрушев, истакна: „Нормално, Украина“.

За потсетување, шефот на Истражниот комитет на Русија, Александар Бастрикин, објави дека според последните информации, бројот на загинатите во терористичкиот напад се искачи на 139.

Четворицата терористи, кои крвавиот напад го извршија за само 18 минути, биле пресретнати во областа Брјанск, на помалку од 100 км од руско-украинската граница, додека со бело „рено“ се обидувале да побегнат во Украина.

The post Лавров: Не ни треба помош од Западот, сами ќе го решиме случајот со терористичкиот напад appeared first on Република.

„Како што одминува времето сè повеќе сме убедени дека слоганот на ДУИ `Да за Европа – не за Русија` во себе крие страв од срамот на откривање на вистинските руски врски на Демократската унија за интеграција. Сакајќи да се преправаат дека се што е можно позападни и проамериканци, се чини дека нивната потсвест ги изневерила, така што во слоганот на кампањата ја проектирале реалноста на она што се крие под името ДУИ“ соопштуваат од опозициската албанска коалиција ВРЕДИ.

https://republika.mk/vesti/makedonija/lavrov-vo-ohrid-se-chuvstvuvam-poblisku-do-boga/

Оттаму порачуваат „јавноста многу добро знае, но само ги потсетуваме дека токму високи експоненти на оваа партија се луѓе за кои постои сомневање дека имаат врски со антиамериканските кругови и за тоа има опипливи факти. Токму градоначалникот на Струга, кадар на ДУИ, Рамиз Мерко е ставен на американската црна листа поради корупција и злоупотреба на правдата. Но, тој не е единствениот. Поранешната градоначалничка на Општина Тетово и до вчера потпретседател на ДУИ, Теута Арифи, и понатаму останува запаметена како соработничка на бизнисменот со руски врски, Дака Давидовиќ, кој исто така е на американската црна листа. Дури, според нашите информации, Теута Арифи е одбиена за амбасадор во САД и во Брисел токму поради овие пропусти. Мендух Тачи, блискиот соработник на Али Ахмети и понатаму е на американската црна листа“.

https://republika.mk/vesti/makedonija/lavrov-go-ukrade-shouto-na-obse-samitot/

„Како да не е доволно, токму кандидатот за претседател на ДУИ, министерот за надворешни работи Бујар Османи, како претставник на Али Ахмети беше човекот кој во Будимпешта преговараше со Никола Груевски за негово враќање, а тој самиот стана и домаќин на министерот за надворешни работи на Русија, Сергеј Лавров, така што стана првиот и единствениот кој ги отвори вратите на Русија да дефилира во Европа по нејзината агресија во Украина. Лажната проамериканизација на ДУИ се вика `Сергеј Лавров гостин на Бујар Османи`“ – велат од ВРЕДИ..

The post „Вреди“ обвинува: Лажната американизација на ДУИ се вика Сергеј Лавров appeared first on Република.

Рускиот министер за надворешни работи Сергеј Лавров доживеа невиден скандал за време на неговата турнеја во Латинска Америка!

По посетата на Куба и Венецуела, Лавров дојде на министерскиот состанок на Г20 во Бразил, но имаше многу непријатности.

Порталот AeroTelegraph наведува дека операторот на аеродромски услуги во Рио де Жанеиро одбил да го наполни горивото на рускиот Il-96 со керозин. Компанијата „Вибра Енергија“ наведува дека ваквата одлука е донесена поради американските санкции кои забрануваат услуги на руски владини авиони.

Лавров, кој сакаше да отпатува во Бразилија на средба со претседателот на земјата Луис Инасио да Силва, потоа сакаше да се врати во Москва, а се разгледуваше и можноста авионот да се наполни со керозин од бразилските воздухопловни сили. Меѓутоа, тој план пропаднал, пишува АероТелеграф, а според официјалната верзија армијата немала доволно гориво.

Лавров потоа мораше да лета до главниот град на Бразил како патник во авионот на министерот за надворешни работи Мауро Виеира.

The post Лавров го оставиле без керозин во Бразил appeared first on Република.

Шефот на руската дипломатија при официјалната посета на Куба се сретна со претседателот на земјата Мануел Дијаз-Канел Бермудез, а официјални разговори имал и со министерот за надворешни работи на Куба Бруно Родригез.

На средбите, одржани во традиционално пријателска, конструктивна атмосфера, била остварена значајна размена на мислења на теми од политичка, трговска, економска, културна и хуманитарна соработка.

Забележани се клучните достигнувања на двете земји во изминатата година во материјалната сфера, кои ќе придонесат за поактивно учество на руските стопански субјекти во спроведувањето на обемните планови за социо-економскиот развој на Куба за периодот до 2030 година.

Детално се разговарало за параметрите за зајакнување на блиската координација на двете земји на светската сцена и на регионалните платформи. Потврдена е взаемната посветеност на сеопфатното зајакнување на руско-кубанското стратешко партнерство.

Постојаниот став на Русија и Куба во однос на категоричната недозволивост на употреба на еднострани нелегитимни ограничувања, желбата заеднички да напредуваат во изградбата на мултиполарен свет заснован на вистинската еднаквост на државите, почитувањето на заедничките интереси, основните принципи и норми на евидентирано е меѓународното право, се вели во заедничко соопштение.

Руската страна ја потврдила својата континуирана поддршка на Хавана во нејзиното праведно барање за целосно и итно укинување на американското ембарго и отстранување на Куба од списокот на американскиот Стејт департмент на држави спонзори на тероризмот.

По посета на Хавана, Лавров ја продолжи својата дипломатска мисија со патување во Венецуела.

The post Сергеј Лавров во Куба, прва станица од турнејата по Средна и Јужна Америка appeared first on Република.

Шефот на руската дипломатија Сергеј Лавров ги обвини САД, Јужна Кореја и Јапонија дека се подготвуваат за војна со Северна Кореја.

Лавров на синоќешната прес-конференција во ОН истакна дека новиот воен блок околу САД ги зголемува своите активности.

Одеднаш, јужнокорејската реторика стана уште понепријателска кон Пјонгјанг, наведе Лавров, додавајќи дека „агресивна реторика“ се слуша и од Јапонија и дека Токио сериозно зборува за поставување инфраструктура на НАТО со американска помош.

Според Лавров, целта на тој воен блок е јасно изразена, тие „се подготвуваат за војна со Демократска Народна Република Кореја.

Лавров тврди дека САД и азиските сојузници исто така разговараат за развој на соработката поврзана со нуклеарни прашања.

САД, Јужна Кореја и Јапонија минатата година спроведоа заеднички поморски вежби во кои учествуваше американски носач на авиони.

The post Лавров ги обвини САД, Јужна Кореја и Јапонија дека се подготвуваат за војна со Северна Кореја appeared first on Република.

Рускиот министер за надворешни работи Сергеј Лавров денеска изјави дека Русија побарала итен состанок на Советот за безбедност на Обединетите нации поради соборувањето на авионот во регионот на Белгород.

Побаравме итен состанок на Советот за безбедност во 15:00 часот по њујоршко време и се надеваме дека француското претседателство совесно ќе ги исполни своите обврски и ќе го закаже што е можно поскоро“, рече Лавров на прес-конференција во седиштето на ОН во Њујорк, пренесува РИА Новости.

Лавров изјави дека во соборениот авион имало украински воени заробеници кои биле префрлени во регионот на Белгород, каде што денеска требало да се изврши размената на заробените војници, за која претходно се договориле Москва и Киев.

Наместо размена, украинската армија го нападна авионот со противвоздушни ракети од областа Харков и имаше фатален исход, рече Лавров.

Украинската воена разузнавачка служба претходно денеска соопшти дека немаат веродостојни и сеопфатни информации за тоа кој точно се наоѓал во авионот и колку патници имало и дека руската страна морала да ја гарантира безбедноста на украинските војници.

Во исто време, украинската страна не беше информирана за потребата од обезбедување на воздушниот простор во областа на градот Белгород во одреден временски период, како што тоа беше направено неколку пати во минатото. Украина не беше информирана за бројот на возила, маршрутите и начините на испорака на затворениците. Познато е дека затворениците се носат со воздушен, железнички и патен транспорт. Ова може да укаже на намерни дејствија на Русија насочени кон создавање закана за животот и безбедноста на затворениците“, велат тие.

Слетувањето транспортен авион во воена зона долга 30 километри не може да биде безбедно и во секој случај, двете страни мора да разговараат за тоа, бидејќи во спротивно тоа го става на ризик целиот процес на размена, велат тие.

Министерството за одбрана на Русија претходно денеска соопшти дека во воено-транспортниот авион „Иљушин 76“ што беше соборен во Белгородската област превезувале 65 украински војници кои се превезувале на размена, шест членови на екипажот и три лица кои го придружувале.

Авионот летал од аеродромот Чкаловски во близина на Москва кон Белгород, а пред падот, радарската служба на руските воздушни сили снимила лансирање на две украински противвоздушни ракети од областа на селото Липци во областа Харков.

The post Русија побара итен состанок на Советот за безбедност на ОН поради соборувањето на авионот со украински заробеници appeared first on Република.

Рускиот министер за надворешни работи Сергеј Лавров пристигна во Њујорк каде ќе учествува на состаноците на Советот за безбедност на ОН за Блискиот Исток и Украина.

Како што јави дописникот на ТАСС, авионот на министерот полета од Москва до САД преку северната рута, заобиколувајќи ги „непријателските земји“, за 12 часа и 45 минути.

Руските новинари кои го придружуваа Лавров на патувањето добија американски визи без ограничување на патувањето од 25 милји, како што беше случајот во септември за време на сесијата на Генералното собрание на ОН.

Како што јави дописникот на ТАСС, на сите претставници на руските медиуми пред нивното заминување им била издадена еднократна новинарска виза од типот I, која е со важност до април.

Претходно официјалната претставничка на руското МНР Марија Захарова изјави дека Лавров од 22 до 24 јануари ќе го посети Њујорк за лично да учествува на дискусиите на Советот за безбедност на ОН за Блискиот Исток и на состанокот за Украина. Се очекуваат и бројни билатерални средби.

The post Авионот ги заобиколи „непријателските земји“: Лавров патуваше до Њујорк 13 часа appeared first on Република.

Колку ново оружје и да набави Украина, сето тоа ќе биде уништено од руската армија, изјави првиот заменик на рускиот амбасадор во Обединетите нации, Дмитриј Полјански.

Новото оружје на Украина на никаков начин нема да влијае на исполнувањето на целите на Русија во специјалната воена операција. Сакам да ги советувам сите западни земји што поскоро да се запрашаат до каде ќе и помогнат на Украина, ако има се помалку Украинци кои веруваат во украинскиот режим, рече Пољански.

Рускиот министер за надворешни работи Сергеј Лавров уште еднаш посочи дека Соединетите Американски Држави и НАТО се директно вклучени во конфликтот, не само со испраќање оружје, туку и со обука на нивниот персонал во Велика Британија, Германија, Италија и други земји.

Американскиот Конгрес одобри повеќе од 110 милијарди долари за Украина од руската инвазија која започна во февруари 2022 година, но не одобри никакви средства откако републиканците го презедоа Претставничкиот дом од демократите во јануари.

До средината на ноември, американското Министерство за одбрана искористи 97 отсто од 62,3 милијарди долари дополнително финансирање за Украина, а Стејт департментот ги искористи сите 4,7 милијарди долари воена помош за Украина што беа доделени, изјави директорот на Канцеларијата за управување и буџет на Белата куќа, Шаланда Јанг.

The post Лавров: НАТО и САД се директно вклучени во војната со Украина appeared first on Република.