Британскиот банкар Сер Евелин де Ротшилд, поранешен финансиски советник на покојната кралица Елизабета Втора, почина на 91-годишна возраст.

Де Ротшилд почина мирно вчера во својот дом во Лондон по кратко боледување, соопшти неговото семејство.

Тој беше бизнисмен кој посвети повеќе од четириесет години на семејната банка. Тој претседаваше со Rothschilds Continuation Holdings од 1982 до 2003 година, а во 1968 година беше назначен за директор на француската банка De Rothschild Frères, подоцна стана претседател и извршен директор на NM Rothschild, меѓународна инвестициска банка со седиште во Лондон.

Британската филијала на Rothschild & Co., за време на неговиот мандат, ја зголеми вкупната актива од 40 милиони фунти на 4,6 милијарди фунти, а бројот на канцеларии во светот се прошири од 15 на повеќе од 50, пишува Financial Times.

The post Почина поранешниот финансиски советник на кралицата Елизабета appeared first on Република.