Чеческиот лидер Рамзан Кадиров денеска на својот канал на Телеграм напиша „Лисичанск е наш“, со што навести дека и последниот град во регионот на Луганск што беше под контрола на украинските сили падна во рацете на прорусите сепаратисти.

Тој информираше дека единиците под команда на помошник шефот на Чеченската Република, Апта Алаудинов, и вториот корпус на Народната милиција на ЛНР минале низ целиот град и стигнале до самиот центар на Лисичанск. Други дивизии на сојузничките трупи, исто така, успешно влегле во градот од страна, ослободувајќи населба по населба и уништувајќи ги припадниците на украинските сили. Цивилите, наведе Кадиров, останаа во градот бидејќи „украинските војници не им дадоа шанса да го напуштат градот“. Про
Проруските сепаратисти претходно денеска потврдија дека целосно го опколиле клучниот град Лисичанск, во источниот регион Луганск. -Денеска народната полиција на Луганск и руските сили ги окупираа последните стратешки височини, што ни овозможува да потврдиме дека Лисичанск е целосно опколен, изјави портпаролот на сепаратистичките сили Андреј Марочко за Тасс. Заземањето на градот ќе им овозможи на Русите подлабоко да навлезат во поширокиот источен регион Донбас, што стана фокус на нивната офанзива откако не успеаја да го освојат Киев. Русија пред неколку дена ја окупираше рафинеријата во Лисичанск. Рафинеријата се наоѓа на нешто повеќе од 15 километри од самиот град.

The post Проруските сепаратисти целосно го опколиле Лисичанск – Кадиров: Лисичанск е наш appeared first on Република.

Сепаратистичките лидери во источниот украински регион Доњецк соопштија дека ја откажале својата воена мобилизација, пренесе ДПА.

Потребниот број области се окупирани, изјави денеска на руската државна телевизија лидерот на самопрогласената народна република Денис Пушилин.

Тоа беше целта на повикот за борба. Со поддршка на руските сили, бунтовниците во Доњецк и Луганск ја зазедоа територијата контролирана од украинските сили во последните денови, рече тој и додаде дека сега е време да се фокусираат на „хуманитарната компонента“.

Рускиот претседател Владимир Путин минатата недела ги призна двата отцепени региони на источна Украина како независни пред да започне целосна инвазија на земјата.

The post Сепаратистите од источна Украина ја прекинаа воената мобилизација, ќе се фокусираат на „хуманитарната компонента“ appeared first on Република.