20 ФЕВРУАРИ (ВТОРНИК) 18:00ч

СЕНКАТА НА КАРАВАЏО
(L’Ombra di Caravaggio)
Игран филм, Италија, Франција
2022, 120 мин., колор, ДЦП
Режија: Микеле Пласидо (Michele Placido)
Сценарио: Сандро Петралја, Микеле Пласидо, Фидел Сињориле (Sandro Petraglia, Michele Placido, Fidel Signorile)
Улоги: Рикардо Скамарцио, Изабел Ипер, Луј Гарел, Микаела Рамацоти, Марио Молинари, Виникио Марчиони, Лолита Чама, Мони Овадиа (Riccardo Scamarcio, Isabelle Huppert, Louis Garrel, Micaela Ramazzotti, Mario Molinari, Vinicio Marchioni, Lolita Chammah, Moni Ovadia)

Италија во 1610 година. Караваџо е еден од најбрилијантните сликари на своето време, но и бунтовник против одлуките на црквата. Откако е информиран дека во своите дела Караваџо прикажува проститутки, крадци и скитници, папата Павле V ѝ наредува на тајната служба на Ватикан да го истражи уметникот. Папата треба одлучи дали да го помилува сликарот затоа што Караваџо го побарал тоа откако бил осуден на смрт за убиство на својот љубовен ривал. Истражувачот, познат како Сенка, започнува истрага што ќе го наведе да ги открие пороците и доблестите на уметникот чиј живот го држи во свои раце.

Возрасна категорија: 16 години
Влезница: 150 денари

20 ФЕВРУАРИ (ВТОРНИК) 20:00ч

ЖИВЕЕМЕ
(We the Living)
Игран филм, Италија
1942, 172 мин., колор, ДЦП
Режија: Гофредо Алесандрини (Goffredo Alessandrini)
Сценарио: Корадо Алваро, Орио Вергани, Антон Џулио Мајано, Гофредо Алесандрини, Оресте Бјанколи (Corrado Alvaro, Orio Vergani, Anton Giulio Majano, Goffredo Alessandrini, Oreste Biancoli)
Улоги: Алида Вали, Розано Брази, Фоско Џакети (Alida Valli, Rossano Brazzi, Fosco Giachetti)

Филмот „Живееме“ е заснован на истоимениот роман од 1936 година на познатaтa американскa филозофкa и писателкa со руско потекло, Ајн Ранд. Станува збор за романтична воена драма, сместена во болшевичка Русија, по Октомвриската револуција. Кира Аргунова, храбра млада девојка од богато семејство која сака да стане инженер, отворено ги искажува своите антикомунистички ставови и им пркоси на новите власти. Таа го запознава младиот бегалец Лео Коваленски, кој се крие од тајната полиција. Двајцата се вљубуваат и заедно тргнуваат во жестока борба да преживеат под бездушниот, угнетувачки систем. Кога еден агент на советската тајна полиција, исто така, се вљубува во Кира, животите на сите тројца се испреплетуваат и се движат кон катастрофа.
Романот на Ајн Ранд е базиран на нејзините лични искуства во турбулентните години по Руската револуција. Номинално антикомунистичкиот, но де факто антиавторитарен филм, ЖИВЕЕМЕ е снимен во Италија за време на Втората светска војна. Меѓутоа, филмот е забранет од фашистичката влада на Мусолини и повлечен од кино репертоарите. Филмот беше изгубен и заборавен со децении, а потоа пронајден и обновен со учество на Ранд.
Ова не е само приказна за политиката туку и приказ за тоа што диктатурата – од кој било вид – им прави на луѓето.

Возрасна категорија: 16 години
Влезница: 150 денари

The post „Сенката на Караваџо“ денеска во Кинотека appeared first on Република.

Бунтовен и немирен, побожен и скандалозен, независен и насилен, Караваџо, како што го опишува режисерот Микел Пласидо во филмот „Сенката на Караваџо“, е уметник со апсолутен талент во кој живеат генијалноста и непослушноста.

Од четврток, 18 јануари, во локалните кина ќе се прикажува филмот во режија на Микеле Пласидо „Сенката на Караваџо“, за комплицираниот и авантуристички живот на еден од најголемите визуелни уметници во историјата, Микеланџело Мериза, познат како Караваџо.

Италија, во 1610 година, Караваџо е еден од најбрилијантните сликари на своето време, но и бунтовник против одлуките на црквата. Информиран дека уметникот во своите дела прикажува проститутки, крадци и скитници, папата Павле V наредува ватиканската тајна служба да го истражи Караваџо, по што тој мора да одлучи дали ќе го помилува сликарот или не, бидејќи откако бил осуден на смрт поради убиството на љубовен ривал, Караваџо го бара тоа.

Истражувачот, познат како Сенка, започнува истрага што ќе го наведе да ги открие пороците и доблестите на уметникот чиј живот го држи во свои раце.

Според режисерот Пласидо, филмот опишува голем уметник како рок ѕвезда која живее во виорот на животот и која деновиве би живеела во Њујорк или Лондон. „Караваџо дојде во Рим, центарот на светот, универзум на имигранти, проституција, кардинали, принцови и насилници. Место на огромно богатство и огромна сиромаштија, каде парите течат во палатите и каде што бездомниците гладуваат на улиците.

Бунтовен и немирен, побожен и скандалозен, независен и насилен, Караваџо, како што режисерот го опишува во филмот „Сенката на Караваџо“, е уметник со апсолутен талент во кој живеат генијалноста и непослушноста.

Комерцијален текст

The post Остварувањата во животот на генијалниот Караваџо во кината од 18 јануари appeared first on Република.