Едвај ме извлекоа од колата. Бев под камионот повеќе од еден час. Камо среќа да не ме извлечеа.

Вака низ солзи зборува Мирјана Лазовиќ, сопругата на Данијел Лазовиќ, кој вчера со трите деца и сосетката загинаа во тешката сообраќајна несреќа кај Ушче, во Србија.

Бев совозач, сите се изненадени како останав жива. Ах мајко, има ли Господ?! Сигурно нема кога ги зема Данијел и децата. Каков ќе ми биде сега животот без нив, сега не ми треба ништо. О, Данијел, не се договоривме вака… се договоривме да се подготвиме за славата… Ах, што ќе ми биде сега животот без нив, заплакала мајката која за една секунда ги загуби трите деца и сопругот.

 

View this post on Instagram

 

A post shared by 192.RS (@192_rs)

Таа за српски „Информер“ раскажала како дошло до страшната трагедија.

Тој војник во возилото доаѓаше право кон нас, како да сакаше да не убие. Сопругот се обиде да го избегне, но не можеше. Се шеташе на сред улица. Не знам дали заспал или бил пијан, ми ги уби трите деца. Ми го уби целото семејство! Ако има правда, никогаш не треба да излезе од затвор, го проколнува Мирјана, возачот на военото оклопно возило.

Таа на своја одговорност денеска ја напуштила болницата, а вистинско чудо е како ја преживеала страшна несреќа кога оклопно возило на Армијата го престигнало конвојот и удрило во нивниот „форд“.

Страшна сообраќајна несреќа се случи кај Ушќе кога автомобил се судри со системот ПАСАРС на војската на Србија. Единствена преживеана од автомобилот е Мирјана Лазовиќ (32).

Загинаа другите членови од нејзиното семејство, нејзиниот сопруг Данијел и трите деца, како и нејзината сосетка Дијана К.(27).

Возачот на оклопното возило имал повеќе од 0,2 промили алкохол во крвта, што е спротивно на правилата на Вооружените сили на Србија, кои наложуваат нулта толеранција на алкохол за припадниците на војската.

Поради постоење основи на сомнение дека сторил тешко кривично дело против безбедноста на јавниот превоз, на М.В. му е одреден притвор.

The post „Возеше кон нас како да сакаше да нè убие“, вели Мирјана која во еден миг ги загуби трите деца и сопругот во страшната несреќа кај Ушче appeared first on Република.

Четиричлено семејство од Македонија е повредено во сообраќајна несреќа што рано утрово се случила на автопатот кон Солун при влез во Грција, откако, од засега непознати причини, автомобилот излетал од патот, а според локалните медиуми, сите патници биле пренесени во болница, јави дописничката на МИА од Атина.

Како што пишуваат медиумите од северна Грција, несреќата се случила околу 8,15 часот утрово, а во возилото се превезувал брачен пар на возраст од 48 и 50 години и нивните две малолетни деца на 11 и 15 години.

Автомобилот излетал од патот и се превртил, а во сообраќајката не учествувале други возила.

Од противпожарната служба на Грција соопштија дека десет пожарникари со шест возила интервенирале за мажот да биде извлечен од превртеното возило, по што со возило на брза помош бил пренесен во болница.

The post Четиричлено семејство од Македонија повредено во сообраќајна несреќа во Грција appeared first on Република.

The post Кога жена ќе те преболи преболено е: На овој Србин поранешната сопруга му стана кума appeared first on Република.

Честопати се вели дека децата се менуваат „преку ноќ“... Тоа некако, особено важи за второодделенците, кои одеднаш стануваат тврдоглави и нерасположени, а сè уште не се ни тинејџери. Зошто тоа се случува кај деца на околу осумгодишна возраст, објаснува училишниот советник Зек Казабо.

- Во средното до доцно второ одделение, повеќето деца ја доживуваат својата прва голема промена во развојот. Тие тогаш почнуваат повеќе да се грижат за мислењето на своите врсници отколку за мислењето на нивните родители и возрасните. Оваа развојна промена е сосем нормална и е во согласност со развојот на мозокот на детето. Оваа промена, иако е тешка за родителите, всушност е голем чекор кон тоа децата да стекнуваат независност, појасни просветниот работник.

Неговиот совет до родителите е да се обидат да го поттикнат детето со поинаков разговор. Наместо, на пр., да му кажете да престане да прави нешто, прашајте го зошто го прави тоа за да може заедно да донесете заклучок, пренесува „Индекс“.

- На осум, девет години, децата ќе почнат да бараат поголема приватност и нема да споделуваат сè со Вас како порано. Одлична стратегија е да се биде индиректен. Ако ги прашате, на пр., за другарчињата, всушност, може да научите многу и за себе, истакна Касабо.

The post Додека се свестиме децата пораснале и се смениле appeared first on Република.

Повредената жена од сообраќајната несреќа што се случи денеска во 16:00 часот на крстосницата кај Башино Село близу Велес на автопатот Скопје-Гевгелија е препратена на Скопските клиники, а нејзиниот сопруг е задржан во велешката Општа болница.

-Повредената 73-годишна жена М.И. од Гевгелија од сообраќајката кај Башино Село кај Велес попладнево по приемот во велешката Општа болница и направени снимања поради сериозноста на повредите – скршеници на натколеница вечерва со возило на Итна помош е препратена на понатамошно лекување во Скопските клиники. Таа е вон животна опасност, информира за МИА Марина Андова портпарол на ЈЗУ Општа болница Велес.

Нејзиниот сопруг 79 годишниот Д.И., додаде, е задржан на лекување во Хируршкото одделение на велешката Општа болница. Него му биле направени рентген и томографски снимања. Нивната ќерка 43-годишната Л.К. која го управувала возилото поминала со гребнатини, а по неопходните рентген испитувања и укажаната лекарска помош била препратена на домашно лекување.

Сообраќајката се случи денеска попладне околу 16 часот на крстосницата кај Башино Село на автопатот Велес-Гевгелија кога возилото управувано од 43-годишната Л.К. само ја предизвикало сообраќајната несреќа, а увид направила екипа на СВР Велес.

-Денеска во 16:00 часот во СВР Велес било пријавено дека на автопатот Скопје-Неготино во атар на село Башино Село, велешко, патничко возило со национални регистарски ознаки на Република Грција, управувано од Л.К. 43-годишна од Гевгелија, излетало од коловозот. Во несреќата со тешки телесни повреди се здобила М.И.(73) од Гевгелија сопатничка во возилото, а со телесни повреди се здобиле возачот и сопатникот Д.И.(79) од Гевгелија, констатирани во болницата во Велес. По овластување на јавен обвинител увид на местото извршила увидна екипа од СВР Велес, информира за МИА портпаролот Билјана Ѓаковска.

The post Позната е здравствената состојба на семејството повредено во сообраќајна несреќа: Жена пренесена на клиника поради сериозни повреди appeared first on Република.

Пејачот Даниел Кајмакоски, кој веќе неколку години живее во Белград, објави празнични семејни фотки со сопругата Марина и синот Стефан, а тука е и нивното милениче.

Ова е нивна прва Нова година како семејство, откако Даниел и Марина се венчаа во 2023 година, а потоа станаа и родители.

Насмеани, покрај новогодишната елка, со слична празнична облека, целото семејство ужива во претпразничната атмосфера.

Се надевам дека уживавте во последните денови од оваа година до максимум. 
Оваа година нека заврши тивко, па со гласен тресок, а сите ваши проблеми нека исчезнат во воздух за Новата година да ја дочекате во љубов и хармонија“, порача Кајмакоски покрај фотографиите што ги објави на Инстаграм.

 

View this post on Instagram

 

A post shared by Daniel Kajmakoski (@daniel_kajmakoski)

The post Даниел Кајмакоски во новогодишно расположение крај сопругата и синот испрати порака за Нова година appeared first on Република.

Семејството на актерот Метју Пери, кој вчера почина во својот дом во Лос Анџелес, со официјална изјава за „Пипл“ се обрати до јавноста.

Срцето ни е скршено од трагичната загуба на нашиот сакан син и брат. Метју донесе толку многу радост во светот, и како актер и како пријател. Сите вие му значевте толку многу и ние го цениме огромниот излив на љубов, се вели во соопштението.

The post Семејството на Метју Пери до јавнсота: Му значевте многу, ви благодариме на љубовта appeared first on Република.

На 17.10.2023 во 12:00 часот во Полициската станица Кисела Вода, од Клиниката за токсикологија при Комплексот клиники „Мајка Тереза“ било пријавено дека на 15.10.2023 кај нив за укажување лекарска помош биле донесени Ц.С.(79), Ѓ.С.(55) и Д.Ќ.(47), сите од Скопје, затруени од домашна храна која била направена во нивниот семеен дом во Скопје.

Лицата биле задржани за понатамошно лекување. Се преземаат мерки за расчистување на случајот.

The post Тричлено семејство од Кисела Вода заврши на Клиниката за токсикологија appeared first on Република.

Татко, мајка и две деца се пронајдени со смртоносни рани од огнено оружје неделата навечер во нивниот дом во Ромеовил, кај Чикаго, Илиноис.

Полицијата ги отркила телата откако член на семејството побарал „проверка на благосостојбата“ на семејството, бидејќи една од жртвите не се појавила на работа тој ден и не одговарала на повиците цел ден, рече заменик-началникот на полицискиот оддел во Ромеовил, Крис Бурн.

Не веруваме дека сторителот е меѓу жртвите во моментов, рече тој за време на прес-конференцијата во понеделникот, потенцирајќи дека не станува збор за убиство-самоубиство.

Во домот се пронајдени и три кучиња, исто така смртно застрелани.

Родителите се идентификувани како Алберто Ролон и Зоралда Бартоломеи, а Бурн одби да ги објави возраста и полот на двете деца-жртви, наведувајќи дека истрагата, која е во тек, е со „чувствителна“ природа.

The post Татко, мајка, две деца и три кучиња смртно застрелани во Чикаго, не е случај на убиство и самоубиство appeared first on Република.

Во интервју за Би-би-си, првата дама на Украина, Олена Зеленска, опиша како војната влијаела на нејзиниот семеен живот.

Ова можеби звучи себично, но ми треба сопруг покрај мене, а не историска личност“, рече таа додавајќи дека семејството не поминува многу време заедно.

„Но, ние се држиме, имаме сила и емотивно и физички. Сигурна сум дека ќе се справиме со тоа“, додаде таа. Кога Русија ја нападна Украина во февруари 2022 година, Олена Зеленска со месеци се криеше на тајни локации со своите деца“, пренесува медиумот.

Вели дека на почетокот на инвазијата имала постојано чувство на наплив на адреналин, но дека со текот на времето сфатила оти мора да се смири и да почне да живее во согласност со постојните услови.

Јас и мојот сопруг не живееме заедно, семејството е разделено. Се гледаме, но не толку често колку што би сакале. На син ми му недостига татко му. Ме боли кога ќе видам дека моите деца не планираат ништо. Нашата ќерка има 19 години. Други деца на нејзината возраст сонуваат за патувања, за нови искуства, емоции. Таа нема таква можност, рече таа.

Зеленска вели дека не сонувала оти сопругот ќе ѝ стане историска личност и дека ѝ недостига времето поминато заедно.

Верувам во него. И го поддржувам. Знам дека има доволно сила. Оваа ситуација би била многу потешка за која било друга личност што ја познавам. Тој е навистина многу силен и издржлив. На сите ни треба таа негова сила во моментот“, вели Зеленска.

Никој не може да знае што го чека. На крајот на краиштата, никој не можеше да замисли дека во 21 век ваква војна ќе се води среде Европа. Сурова, крвава војна. Украинците веруваат во победа, ние веруваме во победата. Не знам кога ќе дојде. Ова долго чекање и постојан стрес си го земаат својот данок“, изјави Олена Зеленска во интервјуто.

The post Зеленска: Јас и мојот сопруг не живееме заедно, семејството е разделено appeared first on Република.

Родителите Фарман и Лејла Шервани и нивните две деца, синовите Матин (2) и Шахин (12), беа пронајдени мртви во понеделникот во градот Ален во американската сојузна држава Тексас. Според првите полициски извештаи, трагедијата укажува на убиство и самоубиство, а страшното злосторство се случило неколку недели откако се удавила девојче од истото семејство.

Полицијата соопшти дека четири мртви тела биле пронајдени во домот откако полициски службеници одговориле на повикот од социјалните служби.

Припадници од локалната исламска заедница ги идентификувале четворицата членови на семејството Шервани и со полицијата споделиле дека четиригодишно девојче од истото семејство се удавило во базенот пред три недели.

Полицискиот наредник Џонатан Менес изјавил дека детективите веруваат дека споменатото давење „било изговор за злосторството“, пренесува „Ен-Би-Си“.

The post Цело семејство пронајдено мртво неколку недели откако се удавила 4-годишната ќерка appeared first on Република.

Семејство од соседна Србија кое тргнало на одмор во Грција со автомобил се соочило се непријатно изненадување на границата со Македонија во Прешево, од каде биле приморани да се вратат бидејќи имале неплатена казна во еден од 44-те судови за прекршоци во Србија, пишува српски „Блиц“.

Според весникот, поради канза од општинската полиција, сообраќајната полиција и „Паркинг службата“ кои не оставаат казни за непрописно паркирање на автомобилите, голем дел од граѓаните дури на граница дознаваат дека имаат неплатен прекршочен налог, односно неплатена казна.  Поради ваквата состојба, има повеќе примери на граѓани кои се вратени од граничната полиција, а имало ситуации кога патници биле „отстранети“ од лет поради неплатена казна.

Се случи целото семејство да замине со автомобил на одмор во Грција и да биде запрено во Прешево и вратено назад поради неплатена казна во еден од 44-те судови за прекршоци во Србија. Тоа семејство потоа мораше прво да најде суд каде има казна, па дури потоа да ја плати казната, за врз основа на доказот за плаќање на казната, наредбата да биде укината, раскажа претседателката на Прекршочниот суд, Оливера Ристановиќ.

The post Семејство вратено од границата со Македонија поради неплатени сметки appeared first on Република.

Пронајдено е семејството од Србија по кое од вчера се трагаше по веста дека исчезнале. Тие се живи и здрави, објавено е на Фејсбук групата „Грчка Инфо“.

Се јавија. Фала богу што се здрави и живи и уживаат во одморот, потврдил за српските медиуми маж кој од почетокот бил инволвиран во овој случај и вчера бил вклучен во потрагата по семејството.

И во Фејсбук групата „Грчка инфо“, која вчера ја објавила веста за исчезнувањето, било потврдено дека семејството е безбедно.

Девојчето се јави дека се е во ред и дека немаат интернет. Пријавено е и во полиција овде во Грција. Кога ќе се слушнеме со родителите на девојчето, ќе објавиме нови информации, се наведува во групата.

Како што е објавено, семејството се наоѓа во Лименарија, на грчкиот остров Тасос. Им се скршил екранот на телефонот на кој користат Вибер, па затоа не биле во можност да се јават.

Александар Јоксимовиќ и Снежана Стаменковиќ од Јагодина, кои исчезнаа во Грција со своите две мали деца, тргнале кон морето решени да најдат сместување кога ќе пристигнат, според информациите кои се наоѓаа на социјалните мрежи.

Грчката граница, преку Македонија, според објавата, ја поминале на седми август, во 00:30 часот по полноќ.

The post Крај на паниката: Пронајдено е српското семејство по кое се трагаше откако ја напуштија Македонија – еве што им се случило appeared first on Република.

По спроведена истражна постапка, јавен обвинител од Основното јавно обвинителство Скопје поднесе обвинение против четири лица за кривично дело „неовластено производство и пуштање во промет наркотични дроги, психотропни супстанции и прекурсори“. Еден од обвинетите се гони и за кривично дело „неовластено изработување, држење посредување и тргување со оружје или распрскувачки материи“.

Како што соопшти Јавното обвинителство, четворицата обвинети, тројца мажи и една жена, роднински поврзани, во авто-сервис во Ѓорче Петров, неовластено заради продажба држеле 133,72 килограми наркотична дрога – марихуана. Од нив, на 2 мај спакувале 99,6 килограми и ги подготвиле за неовластена продажба. Дрогата во кеси и картонски кутии ја ставиле во автомобил, а остатокот го оставиле во авто сервисот.

Истиот ден заеднички организирале пренос на марихуаната, движејќи се со три автомобили еден зад друг – прво возило со цел да известува за полициски службеници и патроли, второ возило во кое била дрогата и трет автомобил за заштита. На издадена полициска наредба да запрат на улицата „Скупи“, првиот автомобил воопшто не застанал и обвинетиот се дал во бегство. Другите две возила биле веднаш сопрени и при извршен преглед биле пронајдени картонските кутии со дрогата. По извршен претрес во авто сервисот била пронајдена и останатата марихуана, но исто така биле пронајдени и четири куршуми муниција кои еден од обвинетите ги држел без дозвола, се наведува во соопштението од ЈО.

По лишување од слобода на сите четворица обвинети, по предлог на јавниот обвинител им беше определена мерка притвор. Со поднесувањето на обвинителниот акт, јавниот обвинител до Основниот кривичен суд Скопје достави и предлог за продолжување на притворските мерки, бидејќи се уште постојат законските основи – опасност од бегство и можност да го повторат делото.

The post Во нивниот автосервис во Ѓорче скопска фамилија дилала и марихуана appeared first on Република.

Семејството на Коста К.(13), кој на 3 мај уби осум деца и училишен чувар во ОУ „Владислав Рибникар“ Белград, најверојатно од безбедносни причини ќе се пресели во странство. Мајката на Коста и неговата десетгодишна сестра би можеле први да ја напуштат Србија, а да им се придружи и таткото на момчето-убиец, откако тој ќе излезе од затвор, пишува Република.рс.

Психолозите и криминолозите сметаат дека ова е најдоброто решение за ова семејство, особено за сестрата на Коста.

Родителите на Коста имаат добино стотици закани преку Интернет по невиденото злосторство што го изврши нивниот син. Таткото Владимир, моментално е зад решетки, а мајката, земала неплатен одмор од Биолошкиот факултет каде работи и е со ќерката во непознато место во Србија. Во тоа училиште сигурно нема да се врати помалата сестра на Коста, која исто како него учеше во основното училиште „Владимир Рибникар“ и моментално е четврто одделение.

Милан Костиќ, психолог и судски вештак, смета дека и помалата сестра на Коста е жртва на нејзиниот брат, бидејќи таа ќе ги сноси последиците од неговото дело до крајот на животот.

Таа девојка не направи ништо, а цел живот ќе биде обележана и жигосана. Тоа ќе го прави околината и мислам дека треба да се заштити што е можно повеќе. Ваквата ситуација кај нас не е вообичаена, но важно е да и се објасни на мајката колку е сложена ситуацијата за нив и дека можеби најдоброто решение е да ја напуштат државата. Мислам дека разделбата од Коста е неопходна во овој случај. Мајката треба да разбере дека покрај синот има и ќерка и дека мора да направи нешто за да ја заштити – вели Костиќ и додава: Уништено е се, вклучително и неговиот живот и животите на сите семејства кои ги огорчи со својот чин. Ги уништи и животите на својата мајка, татко и сестра. Неговото семејство многу години ќе трпи страшни последици бидејќи вакво нешто тешко се заборава – изјави Радовановиќ.

Тој забележува дека мајката и таткото ќе ги чувствуваат последиците до крајот на животот, но дека сестрата, можеби поради младоста, нема.

Кога ќе порасне, можеби во одреден момент сестрата ќе се дистанцира од тоа злосторство, но… Сега единствено решение е промена на средината. Најкорисно е да се смени презимето, но не сум запознаен со процедурата. Секако, мајката и сестрата на Коста имаат опција да не сменат ништо, но потоа ќе ги сносат последиците. Доколку одлучат да ја напуштат државата, веројатно ќе бидат под постојан надзор на безбедносните служби на земјата во која се преселуваат – истакнува Радовановиќ.

The post Семејството на детето убиец заминува од Србија: Коста останува сам во психијатриската клиника appeared first on Република.

Утре, на 25 март, во 20 часот на сцената на Драмски театар Скопје ќе се изведе претставата „Семејство“ на авторот Роналд Харвуд. „Семејство“ е дипломска претстава на студентите на ФДУ во класа на проф. Зоја Бузалковска и доц. Александар Степанулески.

Со ова, театарот ја продолжува традицијата за поддршка и промовирање на помладите колеги студенти и дипломци на Факултерот за драмски уметности.

Претставата со мотото „Семејствата се добри затвори“ на интересен начин ни ги пренесува семејните релации. Освен на академската сцена на ФДУ, со оваа претстава младите актери гостуваа на МТФ „Војдан Чернодрински“, а во најава се и неколку нови гостувања на сцените на македонските театри.

Играат: Мартин Ѓоргоски, Сара Спиркоска, Лазар Христов, Ања Митиќ, Леонардо Лазов, Анастасија Величковиќ, Стефан Николовски, Нела Павловска и Јана Вељановска.

The post Дипломската претстава „Семејство“ на студентите на ФДУ во Драмски театар appeared first on Република.

Семејството на бебето од Куманово кое почина од туберколоза не живее во лоши услови. Тоа го утврдивме со посета на стручниот тим од Центарот за социјални работи од Куманово, каде што се виде дека семејството има и хигенски услови и е материјално обезбедено. Во моментов народниот правобранител и здравствениот сектор работат на овој случај, изјави министерката за труд и социјална политика Јованка Тренчевска.

Таа напомена дека случајот се следи и во моментов се работи со семејството за да можат децата повторно да се вратат на училиште, а таткото на работа. Како што рече министерката, нивните три деца се деца кои имаат родителска грижа.

Членовите на семејството не се корисници на ниедно право, освен правото на надоместок за трето дете. Народниот правобранител работи на случајот, сите наоди и мислења кои се добиени на терен од Центарот за социјални работи ќе му бидат достапни на народниот правоибранител, за да може да утврди дали има некаков проблем, а секако тука е и здравствениот сектор, кој треба да утврди дали на детето му била понудена соодветна здравствена грижа, рече денеска Тренчевска во одговор на новинарско прашање пред почетокот на панел дискусија „Жени кои спасуваат животи, а немаат лек за дискриминацијата - жени во белиот мантил“.

Таа информираше дека континуирано работат и со децата на улица и со нивните родители, за да разберат колку е важно децата да ги тргнат од улицата и да ги вклучат во процесот на образованието.

На родителите и на децата им се достапни и сите права од социјална правна заштита за да се поттикнат да се создадат подобри хигиенски услови и подобра егзистенција, додаде Тренчевска.

The post Тренчевска: Семејството на бебето кое почина од туберколоза не живее во лоши услови appeared first on Република.

Турчин кој живее во Единбург изгубил 120 блиски во земјотресот кој ги погоди Турција и Сирија.

Сахин Фират е претседател на Турско-шкотската стопанска комора и во главниот град на Шкотска ги координира донациите за погодените подрачја.

Изгубив повеќе од 120 луѓе само од моето семејство - моите братучеди, тетки, чичковци, внуци... како и други од моето село, соседи, изјави тој за програмата Добро утро во Шкотска на радио Би-Би-Си.

Објаснува дека на луѓето во неговата родна земја сега им е многу тешко.

Беа во Адијаман, во центарот на градот. Сите остануваат во автомобили или на улица. Кога ќе најдат бензин, остануваат во автомобилот за да се загреат. Ако не врне, се обидуваат да најдат дрва или хартија за палење оган. Секој ден станува се полошо и полошо. Вонредна состојба е, како војна. До сега собиравме облека, храна, средства за чистење. Но, сега им требаат пари за да се издржуваат бидејќи повеќе немаат куќа“, изјави тој за Би-Би-Си.

Бројките на загинати растат. Медиумите јавуваат за 22.000 загинати во двете држави.

The post Турчин кој живее во Единбург изгубил 120 роднини во земјотресот во Турција и Сирија appeared first on Република.

Спасувачите успеале да извлечат мајка и три деца кои биле затрупани под урнатините во градот Идлиб во Сирија. Нивното спасување е одбележано со силни радосни извици од бројните спасувачи.

Во Салкин, недалеку од Идлиб, извлечено е живо девојче кое било затрупано повеќе од 40 часа.

На социјалните мрежи се појави снимка од момче од Сирија кое се снимило под урнатините чекајќи помош, но не се знае дали е спасено.

Го снимам ова видео, не знам дали ќе преживеам или ќе умрам. Ако ова видео се сподели, значи дека преживеав. Не можете да го знаете ова чувство ако не сте го доживеале ова. Само оние кои биле под урнатините можат да го разберат ова – вели момчето.

(VIDEO) Members of White Helmets civil defense agency rescued a mother and three children from collapsed building in earthquake-hit Idlib city of Syria https://t.co/lowN6tT7TX pic.twitter.com/HDBS9kkU05

— ANADOLU AGENCY (@anadoluagency) February 8, 2023

The post Спасени мајка и 4 деца по 40 часа под урнатините во Сирија, извлекувањето било проследено со аплауз и огромна радост appeared first on Република.

Пет лица се пронајдени мртви во дом во Северна Каролина, соопшти полицијата.

Се претпоставува дека една од жртвите убила четворица, а потоа се самоубила.

Полицијата во Хај Поинт потврди дека во куќата се пронајдени тела на двајца возрасни и три малолетни лица и дека сите се прогласени за мртви на местото на настанот, пренесе АП.

Властите не ја соопштија точната причина за смртта, но потврдија во соопштението дека злосторството се истражува како „убиство-самоубиство“ и дека нема постојана закана за заедницата.

The post Петчлено семејство пронајдено мртво во Северна Каролина appeared first on Република.