Ден на „станушина“ е манифестацијата што ќе се реализира во Кавадарци на 11 мај, во организација на Здружението „Македонски семејни винарии“.

Од Здружението соопштија дека станува збор за единствената автохтона македонска сорта на грозје.

Нашето македонско девојче, како што сите ние го нарекуваме, сакаме да го издигнеме на едно повисоко и достоинствено ниво“, нагласуваат од „Македонски семејни винарии“.

Оттаму се децидни дека иако оваа сорта на грозје е малку застапена, со децении назад, од неа се прави квалитетно вино.

Во рамките на здружението, има семејни винарии што ја негуваат оваа сорта. Од страна на семејните винарии, виното од автохтоната сорта се продава под различни имиња“, информираат од Здружението.

The post „Ден на станушина“ на 11 мај во Кавадарци appeared first on Република.

Министерот за земјоделство, Љупчо Николовски, на манифестацијата „Ден на станушината“ во Кавадарци изјави дека шеесет и една семејна винарија ќе добијат грантови од по до 10 илјади евра.

Николовски информираше дека сигнале 63 апликации, а комисијата оценила дека 61 апликација се соодветни и комплетни.

Иако на почетокот на годината имавме само пет милиони денари на оваа ставка или пет милиони денари како дел од оваа програма, кога го видовме интересот, ние бевме должни да обезбедиме дополнителни средства за да го завршиме успешно овој прв проект на поддршка на малите винарии. Затоа како Министерството, со поддршка на МФ, направивме пренамена и обезбедивме дополнителни 30 милиони денари. Министерството во следните 14 дена ќе склучи договор и во следните 14 дена стопосто овие средства ќе бидат исплатени - изјави Николовски.

Тој појасни дека вкупно 34 милиони и 500 илјади денари ќе бидат исплатени во следните две недели.

Верувам тоа ќе го зголеми капацитетот, тоа ќе донесе нова опрема, нови инвестиции, нови можности за овие винарии да бидат одличен пример за новите програми кои веќе со ребалансот на буџет ги добиваме. Тоа ќе биде продолжеток на оваа успешна приказна и на оваа успешна политика - изјави Николовски, осврнувајќи се и на програмите и законските измени кои биле направени со цел олеснувања во овој сектор.

Честитајќи го денешниот ден на автохтоната македонска сорта на грозје, станушината, Николовски изјави дека малите семејни винарии во иднина ќе бидат поддржани преку Програмата за рурален развој на Министерството.

Тој информираше дека завршува постапката пред Комисијата во Министерството, којашто ги оценува сите апликации пристигнати на повикот којшто бил распишан за поддршка на мали семејни винарии со грантови до 10 илјади евра, за опрема, за зголемување на производствените капацитети, за инвестиции. Тоа се средства коишто ќе ги добијат стопроцентно авансно.

Николовски рече дека во Здружението „Тиквешки семејни винарии“ членуваат мали винарници од целата држава и додаде дека е ова успешна приказна.

Со упорност и со поддршка на пратениците ги поминавме измените на Законот за вино, за да денеска имаме близу 100 барања од регистрирани капацитети коишто откупуваат, коишто прават, произведуваат од македонското грозје, убаво наше вино. Јас очекувам дека оваа година малите семејни винарии ќе откупат значителен дел на македонското грозје и нашата поддршка секако дека ќе продолжи. Не само измените во Законот за виното, се донесоа правилници за флексибилност, се иницираше преку пратениците и нови програми, како овие винарии да бидат поддржани на почетокот како старт ап - истакна Николовски.

Манифестацијата „Ден на станушината“, автохтона македонска сорта на грозје ја организираат „Тиквешки семејни винарии“ со поддршка на кавадаречката локална самоуправа.

Во рамки на посетата на Кавадарци, министерот ја посети и најстарата урбана винова лоза во државата, стара 120 години. За лозата, лозарството и винарството кои отсекогаш се негувале на овие простори, говореше историчарот Петре Камчевски.

The post Шеесет и една семејна винарија ќе добијат грантови од по 10 илјади евра appeared first on Република.