Денеска околу 09:30 часот во пожар изгореа покрив и кат од семејна куќа на улицата „Спиро Захов“ во Струмица, соопштија од ТППЕ Струмица.

Пожарот го гаснеле три против пожарни возила и 10 пожарникари, кои успеале навреме да го локализираат и ликвидираат и спречиле да се прошири и да предизвика поголема штета.

Во пожарот нема повредени лица, а предизвикана е материјална штета.

Причините за пожарот дополнително ќе се испитуваат.

The post Изгореа покрив и кат од семејна куќа во Струмица appeared first on Република.

Полициски службеници од СВР Велес вчера го лишиле од слобода велешанецот А.А., на возраст од 31 година.

Како информираше портпаролот на СВР Велес, Ристе Самарџиев, приведениот по кратка расправија, прво со остар предмет упатил закани кон неговите родители, а потоа се заканил дека со бензин ќе ја запали семејната куќа.

Лицето било задржано во полициска станица и по целосно документирање на случајот, против него ќе биде поднесена соодветна пријава

The post Велешанец се закани дека ќе ја запали семејната куќа appeared first on Република.

Во селото Костурино, Струмишко, денеска, изгоре куќа во пожар што избувнал околу 11 часот.

Според информациите од ТППЕ Струмица, нема повредени, а пожарникарите кога пристигнале пожарот бил во разгорена фаза и веднаш било пристапено кон негово гаснење со што било спречено ширење кон околните објекти.

Огнот бил изгаснат по скоро два часа, а во гасењето учествувале девет пожарникари и три противпожарни возила.

Причините за избувнувањето на пожарот ќе се испитуваат.

The post Изгоре куќа во струмичко Костурино appeared first on Република.

Пожар зафатил семејна куќа во липковското село Отља, информираа денеска од Регионалниот центар за управување со кризи Куманово.

Пожарникарите од територијалната противпожарна единица го гаселе пожарот повеќе од еден час, кој избувнал во 14 часот вчера.

Опожарена била кровната конструкција на објектот и е направена поголема материјална штета. Причината за пожарот и висина на материјалната штета допрва ќе се утврдува, соопштува РЦУК Куманово во дневниот билтен.

The post Се запали семејна куќа во липковското село Отља appeared first on Република.