На 7.10 во Полициската станица Карпош, жена од скопско пријавила дека во текот на 2020 година нивниот роднина Б.М.(24) полово ја вознемирувал нејзината малолетна ќерка, ја соблекувал и допирал по телото и се самозадоволувал пред неа.

Се преземаат мерки за расчистување на случајот, велат од МВР.

The post Роднина злоставувал малолетно девојче во Скопско appeared first on Република.

Мајка од Скопје вчера пријавила во полиција дека нејзиниот син бил сексуално вознемируван од негов соученик во основно училиште во главниот град.

„На 19.09.2024 во 13.15 часот во СВР Скопје, 36-годишна жена од Скопје пријавила дека на 17.09.2024 во основно училиште на подрачјето на Карпош во Скопје, нејзиниот малолетен син бил полово вознемируван од негов соученик“, информира МВР.

Од полицијата додаваат дека работат на расчистување на случајот.

The post Мајка пријавила дека нејзиниот малолетен син бил сексуално вознемируван од негов соученик appeared first on Република.

СВР Скопје поднесе кривична пријава против Д.Р.(32) од Скопје, поради постоење основи на сомнение за сторени кривични дела „разбојничка кражба“ и „полово вознемирување“.

На 19.07.2024 во продажен објект во Драчево во Скопје, пријавениот физички ја нападнал вработената и одзел производи, по што го напуштил местото.

Набргу се вратил без облека и ја повикал за да ги плати производите.

Веднаш по настанот тој бил фатен и лишен од слобода.

The post Скопјанец нападнал и ограбил продавачка, па се вратил гол да “плати“ appeared first on Република.

Полицијата во Франција го приведе познатиот актер Жерар Депардје на сослушување поради обвинение од две жени за сексуално вознемирување за време на снимање филм.

Глумецот, според тамошните медиуми, денеска бил повикан во полициска станица во врска со обвиненијата за сексуален напад поднесени од две жени кои го оптужуваат дека несоодветно ги допирал за време на снимање - едната во 2014., а другата во 2021 година. И десетици други жени го обвинија 75-годишниот Депардје за вознемирување, несоодветно допирање или сексуални навреди.

Депардје решително ги одрекуваше сите тие наводи. Во отворено писмо до јавноста минатиот октомври, тој рече дека „никогаш, никогаш не злоставувал жена“.

Жерар Депардје се смета за национална икона во Франција. Тој беше и глобален амбасадор на француската кинематографија, уживајќи меѓународна слава, меѓу другото, и поради неколкуте свои улоги во Холивуд. си/сд/

The post Жерар Депардје приведен за сексуално вознемирување appeared first on Република.

Драган Ковачки од ВМРО-ДПМНЕ реагира дека влегуваме во трета седмица од објавување на скандалот со изнуда на сексуални услуги и злоупотреба на службената позиција од страна на високи офицери во надлежност на председателот Стево Пендаровски.

Ковачки навдува дека освен тоа што од неговиот кабинет кажаа дека Врховниот командант не бил запознаен со овој скандал, досега нема никаква реакција од самиот Пендаровски.

Стево, Претседателе, Врховен команданте, бекни бе, тие злоупотребени девојки се нечии ќерки. Токму од родителите на тие девојки Вие земате плата.

 

Вие Пендаровски сте Врховен командант на сите, не само на мала група околу Вас.
Имате одговорност да преземете мерки.

 

Должност на секој лидер е да се грижи за подредените, а не да ги искористува или кога ќе бидат искористувани како во овој случај, да ја свртите главата на другата страна и да мислите дека со игнорирање од Ваша страна, проблемот ќе исчезне.

 

Јавноста има право да знае и мора да објасните зошто не преземате мерки?

 

Кој бараше од Вас да молчите?

 

Зарем не знаете дека со тоа што молчите и не преземате мерки во Ваша надлежност, дека директно поддржувате, одобрувате и стимулирате сексуално малтретирање во АРМ?

 

По кој НАТО стандард за ова се молчи и не се преземаат мерки, врховен команданте Стево?, се наведува во реакцијата на Ковачки до Пендаровски.

The post Ковачки до Пендаровски: Трета седмица молчите за скандалот со изнуда на сексуални услуги во армијата, со секое непреземање одобрувате и стимулирате сексуално малтретирање во АРМ appeared first on Република.

Ноќва во 02:35 часот во СВР Струмица, 19-годишна девојка од Струмица пријавила дека околу 01:45 часот во централното градско подрачје на Струмица едно лице ја допирало по телото.

Од полицијата велат дека се преземаат мерки за расчистување на случајот.

The post 19-годишна струмичанка сексуално вознемирувана appeared first on Република.

Пратеникот Драган Ковачки, дел од ИК на ВМРО-ДПМНЕ, со отворено писмо до претседателот Стево Пендаровски, по неговата изјава дека не знаел за скандалот со изнуда на сексуални услуги во АРМ и му дал совет да информациите ги пријави во надлежни институции:

https://republika.mk/vesti/makedonija/i-ova-se-zaboshotuva-petrovska-go-sokrila-seks-skandalot-vo-arm-od-vrhovniot-komandant-pendarovski/

Претседателе Пендаровски, зошто бегате од одговорност?

Барате од мене да доставам информации до надлежни институции, а Вие како Врховен командант на АРМ, СТЕ надлежна институција.

Според тоа, барате од мене да Ви доставам информации за изнудите на сексуални услуги.

Во ред, се согласувам, кажете кога имате термин, од овој момент па во следните денови, во било кое време на денот и ноќта, кога Вие ќе одлучите, јас Ви стојам на располагање да дојдам кај институцијата Претседател.

Но, сепак најпрвин би Ве упатил институционално, односно за истото да се информирате од Министерката за одбрана која од Собраниска говорница ПОТВРДИ дека знаела за изнудите на сексуални услуги од високите офицери, но дека не преземала ништо против нив со што јас ценам дека создала услови дејанијата да бидат повторувани во недоглед.

Не сте преземале ниту Вие, со што и Вие создавате услови овие дејанија да продолжат да се повторуваат.

Знаете дека офицерите во ранг генерал и полковник се во Ваша директна надлежност и за истото по службена должност требало да Ве информира Министерката за одбрана.

Не навлегувајќи во овој момент во други подробности, не сакам да се сомневам дека таква информација истата ја сокрила од Вас.

Лично сметам дека таа Ве информирала, но дека заеднички сте се договориле да го забошотите случајот и да не преземете најстроги дисциплински мерки.

Доколку пак министерката не Ве информирала, тогаш тоа е сигнал дека има нефункционалност на комуникацијата помеѓу Врховен командант и Министер за одбрана, а особено поврзана со случки кои може да влијаат и на борбената готовност на АРМ.

И во двата случаи - и да сте знаеле (а сметам дека сте знаеле) и да не сте знаеле (како што сакате да изгледа) е подеднакво поразително за Вас.

*Мора да се расчисти кој учествувал во забошотување на случајот и зошто?

Мора да има одговорност за сите инволвирани.

The post Ковачки до Пендаровски: Срамота е што не Ве информирале за секс скандалот во АРМ appeared first on Република.

Власта на ДУИ и СДСМ е одговорна за целокупниот распад на системот кој се случува во Македонија, дури и една институција како АРМ ја тресат сериозни скандали, велат од ВМРО-ДПМНЕ, потенцирајќи дека освен корупцијата во македонската армија постои секс скандал, односно злоупотреба на службената позиција и сексуално малтретирање на офицерки и воени лица од страна на високи офицери.

Кај едно од лицата во министерството за одбрана кои биле осомничени за корупција, во телефонот на уапсено лице се пронајдени докази односно постојат фото и фоно записи со кои се потврдува злоупотребата за службената позиција од страна на генерал и полковник. Но да биде уште пострашно овој скандал се криел, а искуството вели дека кога власта на ДУИ и СДС нешто крие, тогаш има намера и да го забошоти. Дека е тоа така говори и фактот што никој од АРМ и од Министерството за одбрана, вклучително и министерката Славјанка Петровска, не го известиле Стево Пендаровски, кој формално правно е врховен командант. Фатена во небрано Петровска призна дека постои скандалот и рече дека го пријавила некаде, но сепак според тврдењата на Пендаровски не го информирала врховниот командант, открива ВМРО-ДПМНЕ.

Од партијата потенцираат дека ова е сериозен удар за АРМ како институција, но и целокупниот систем на одбраната.

Овој скандал покажува дека освен што постојат злоупотреби, има и целосно отсуство на комуникација меѓу надлежните институции, што можеби е тенденциозно за да може некои работи да се сокриваат под тепих. И овој скандал, како и илјадниците други, доколку не се истражат и процесуираат сега, ќе бидат предмет на обработка после промената на власта. Секој што е вмешан и што учествувал во прикривање на вакви скандали на сексуална злоупотреба и корупција ќе одговара, велат од ВМРО-ДПМНЕ.

The post И ова се забошотува? Петровска го сокрила секс-скандалот во АРМ од врховниот командант Пендаровски appeared first on Република.

Четириесет и тригодишен гостиварец вчера во СВР Тетово пријавил дека неговиот 47-годишен брат сексуално ја вознемирувал неговата малолетна ќерка, односно внука на пријавениот.

Кратко по пријавата пријавениот вечерта бил лишен од слобода и задржан во Полициската станица Гостивар за расчистување и документирање на случајот.

The post Стрико пријавен дека сексуално ја вознемирувал малолетната внука appeared first on Република.

УНИЦЕФ до дополнително известување го суспендираше ангажманот со уметникот Антоније Пушиќ, попознат како Рамбо Амадеус, откако Лејла Кашиќ, водителката и продуцентка на емисијата „Дневница“ што се емитува на црногорскиот Јавен сервис, го обвини за сексуално вознемирување.

УНИЦЕФ синоќа реагираше преку соопштение и информираше дека се запознаени со обвинувањата против Пушиќ, пренесува РТЦГ.

УНИЦЕФ има политика на нулта толеранција кон каква било форма на сексуално несоодветно однесување, бидејќи тоа е спротивно на основните вредности на УНИЦЕФ, се наведува во соопштението.

Пушиќ беше ангажиран како амбасадор на добра волја на УНИЦЕФ и учествуваше во кампањата за медиумска писменост во Црна Гора.

Кашиќ вчера, на социјалната мрежа Инстаграм јавно го обвини Пушиќ за сексуално вознемирување.

Вчера на снимањето на епизодата на „Дневница“ доживеав сексуално вознемирување од нашиот гостин, големата интелектуална, регионално призната и влијателна личност, амбасадорот на добра волја на УНИЦЕФ, Антоније Пушиќ, попознат под псевдонимот Рамбо Амадеус, напиша Кашиќ во својата објава.

Кашиќ наведе дека за целиот случај го известила УНИЦЕФ и дека „ќе бидат информирани и надлежните органи“.

Како што наведе Кашиќ на својот профил, непријатностите ги доживеала во Херцег Нови, каде екипата на РТЦГ снимала епизода од шоуто „Дневница“ со Рамбо Амадеус.

Кашиќ во својата објава на Инстаграм напиша и дека „страшно, опасно, проблематично е некој склон кон девијантно однесување преку вклучување во УНИЦЕФ да има пристап до најранливите категории на општеството“.

Тоа е неприфатливо. Секако дека ме нарекоа лудача и глупача. По вербалниот конфликт и крајот на се, добив порака која е само уште еден обид за манипулација, во која вели дека имам лош впечаток за него дека можеме да бидеме добри пријатели, напиша Кашиќ.

Таа апелираше до сите жени да не молчат за сексуалното вознемирување, како и да не се плашат од оние кои сакаат да ја искористат својата позиција на моќ.

Изминатата ноќ се чувствував збунето, немоќно и незаштитено. А потоа се претвори во гнев и бес. Конечно, одвратност и нервен слом. Што треба да се случи за да се чувствуваме безбедно додека ги извршуваме нашите секојдневни активности? Колку се потребни засрамени жртви за да ни биде јасно дека нема оправдување?До кога ќе слушаме што НИЕ требало да направиме?До кога мажите ќе мислат дека ги почитуваат жените, ако реагираат само на малтретирање и насилство врз нивните ќерки/сестри. Значи до кога, уште колку?, напиша Кашиќ.

 

View this post on Instagram

 

A post shared by Lejla Kašić (@lejlakasic)

Владан Оташевиќ, авторот и уредник на емисијата „Дневница“ за медиумите изјави дека е непријатно изненаден од однесувањето на Рамбо Амадеус и дека осудува секакви општествено девијантни однесувања, невоспитување и непочитување.

На крајот од снимањто сите од тимот дознаа што се случило. Непријатно сум изненаден од однесувањето на Рамбо. Ваквите постапки не доликуваат на личност на неговата возраст и углед. Ја разбирам колешката Лејла и многу ми е жал што и се случи ова. Ги осудувам сите видови на социјално девијантно однесување, невоспитување и непочитување. Особено кон жените. Секој треба да одговара за своите постапки, а јавните личности имаат посебна јавна одговорност, рече Оташевиќ.

Тој рече дека како уредник и автор на емисијата, која е препознаена како црногорски бренд од значење за јавното добро, има обврска јавно да каже дека го осудува тоа што се случи и смета дека на ниту една жена не треба да и се случи нешто слично.

Се надевам дека и Рамбо се покаја за своите постапки и искрено и се извини на Лејла. А за она што следува понатаму, постојат институции и судот на јавноста, заклучи Оташевиќ.

The post По обвинувања за сексуално вознемирување, УНИЦЕФ го прекина ангажманот со Рамбо Амадеус appeared first on Република.

Праксата и на другите држави покажува дека сексуалното вознемирување е потребно да се инкриминира. Моментално, сексуалното вознемирување воопшто не е инкриминирано и не може да се обезбеди сеопфатна заштита на жртвите на сексуално вознемирување, истакна Тона Карева, истражувач од Хелсиншки комитет за човекови права и Мрежа за заштита од дискирминација на денешната промоција на Документот за јавни политики со фокус на силување и сексуално вознемирување.

Документот е подготвен во рамки на проектот „Мрежа за заштита од дискриминација: Унапредување на политиките и практиките за заштита од дискриминација и промоција на еднаквост“ поддржан од Фондација Отворено општество – Македонија и се организира во рамки на обележување на меѓународната кампања 16 дена активизам против родово засновано насилство, што има за цел, како што велат организаторите, да го сврти фокусот на јавноста и институциите кон потребата за итно преземање одлучни чекори за превенција и заштита од родово засновано насилство.

Карева посочи дека случајот „Јавна соба“ е експлицитен пример со којшто може да се тврди дека токму
отсуството на хармонизирана законска рамка придонесува кон неказнување на сторителите на ваков вид насилство, особено доколку жртвите се полнолетни жени. Според Карева, потребни се и дополнителни обуки за јакнење на капацитетите на институциите, промоција и зајакнување на жртвите.

– Предлог-измените на Кривичниот законик предвидуваат внесување на ново кривично дело, „полово вознемирување“, што, всушност, претставува сексуално вознемирување. Термините полово вознемирување и полова страст треба да се заменат со сексуално вознемирување и сексуална страст, со цел усогласување на Кривичниот законик со Законот за спречување и заштита од дискриминација и
Законот за спречување и заштита од насилство врз жени и семејното насилство, како и со Истанбулската конвенција, рече таа.

Според Документот за јавни политики, дополнително, потребно е да се додаде и „невербално дејствие“, со цел да се опфатат сите начини на сексуално вознемирување.

– Предлог-одредбата ограничува во однос на опсегот на лица кои може да вршат или да трпат сексуално
вознемирување, па потребно е изменување и во оваа насока. Сексуалното вознемирување не претставува искажување на сексуалните желби на мажите, туку средство за држење под контрола
на жените со употреба на закани и насилство, односно контрола на економскиот статус на жените. Покрај ова, сексуалното вознемирување придонесува и за опстојување и засилување на родовите стереотипи за
положбата и статусот на жените во општеството, стои во Документот.

Во Документот, како што посочи Карева, се анализирани кривичните закони на Хрватска, Шведска и Германија во делот на сексуалното насилство, односно силувањето и сексуалното вознемирување, како
држави со добри пракси.

Како што се наведува во Документот, во хрватскиот Кривичен законик инкриминирано е и „сексуално вознемирување“ и предвидена е казна затвор до две години. Дефиницијата за сексуално вознемирување во Кривичниот законик е во согласност со Истанбулската конвенција, односно сексуално вознемирување е секое вербално, невербално или физичко несакано однесување од сексуална природа што е насочено или, всушност, претставува повреда на личното достоинство, што предизвикува страв, непријателска, понижувачка или навредлива средина.

Во Шведска како кривични дела се предвидени и „сексуална злоупотреба“ и „несовесна сексуална злоупотреба“, во кои недостигот на согласност е клучен елемент. Не постои конкретно кривично дело кое се однесува на сексуалното вознемирување во Шведска. Меѓутоа, постојат неколку кривични одредби кои се однесуваат на интимните вознемирувања.

Додека, пак, материјалното право во Германија било изменето со цел имплементирање на Истанбулската конвенција со донесување реформа на кривичното право поврзано со сексуалното насилство во 2016 година. Со овие измени, како што се посочува во Документот,  Германија за првпат го криминализира
сексуалното насилство при што како клучна е предвидена волјата на лицето да се вклучи во сексуални дејствија без потреба од дополнителни предуслови, како што се постоење на физички отпор, насилство или закани за животот. Реформата е позната како „не значи не“ и предвидува дека и физичките и вербалните одговори од жртвата би можеле да доведат до докажување на недостиг на согласност.

Во Документот се препорачува измена на предлог-измените на Кривичниот законик во врска со предвиденото кривично дело „полово вознемирување“ во насока на замена на термините „полово вознемирување“ и „полова страст“ со „сексуално вознемирување“ и „сексуална страст“, со цел усогласување на Кривичниот законик со Законот за спречување и заштита од дискриминација и Законот за спречување и заштита од насилство врз жени и семејното насилство, како и со Истанбулската конвенција; додавање на „невербално дејствие“ со цел да се опфатат сите начини на сексуално вознемирување; искоренување на ограничувањето во однос на опсегот на лица кои може да вршат или да трпат сексуално вознемирување;

– Инкриминирање на сексуалното вознемирување во согласност со Конвенцијата за превенција и борба против насилството врз жената и семејното насилство. Усогласување на правната рамка на Македонија со Конвенцијата за превенција и борба против насилството врз жената и семејното насилство и Конвенцијата за елиминација на сите форми на дискриминација врз жените. Промена на кривичното дело силување во согласност со Конвенцијата за превенција и борба против насилството врз жената и семејното насилство и Конвенцијата за елиминација на сите форми на дискриминација врз жените, се дел од од препораките произлезени од Документот за јавни политики со фокус на силување и сексуално вознемирување.

The post Сексуалното вознемирување треба да се инкриминира, не може да се обезбеди сеопфатна заштита на жртвите appeared first on Република.

Еден од пет студенти или 21,3 отсто биле во ситуација професор/ка да им се обрати со прекар како „девојче“, „злато“, „кукле“, „маче“. Еден од четири студенти или 26,2 отсто, пак, биле сведоци на споделување сексуални шеги или шеги што се темелат врз родови стереотипи од страна на професор/ка, а на 15,6 проценти од студентите им било даден коментар за нивниот физички изглед, по што се чувствувале непријатно и сексуализирано. Дури 88,5 проценти од студентите не знаат каде можат да пријават сексуално вознемирување што се случило на УКИМ.

Ова го покажува истражувањето „Перцепцијата и искуството на студент(к)ите при УКИМ со сексуално вознемирување“, спроведено од студентите на Меѓународните интеркултурни студии во соработка со здружението Младински мировен хаб и Фондацијата „Фридрих Еберт“ – Скопје.

Теодора Милеска, дипломирана студентка на Меѓународните интеркултурни студии при Филозофски факултет, која била дел од истражувачкиот тим, на денешната презентација на истражувањето истакна дека идејата потекнала од студентите на Студиите.

Зошто токму сексуално вознемирување на УКИМ? Ова е тема која претходно никогаш не е покриена од страна на истражувачите кај нас, а свесни сме дека е и тоа како раширена и распространета низ нашиот Универзитет и Факултет, затоа што имавме и неколку судски одлуки каде што беа најдени наоди за тоа дека одредени професори користеле форми на сексуално вознемирување како уцена на студентките, па затоа, ова истражување имаше за цел да ја пробие таа стигма и сексуалното вознемирување да го направи помалку табу тема со тоа што, нели, ќе имаме конечни наоди и резултати кои укажуваат која е реалната состојба кај нас, рече таа.

Истражувањето покажува дека дури 47,8 отсто од студентите одговориле дека биле во ситуација во која биле кажувани сексуални шеги или шеги што се темелат врз родови стереотипи од страна на колега или колешка.

Само 4,6 отсто од студентите одговориле дека пријавиле или знаат некој кој пријавил сексуално вознемирување, а приближно секој петти студент (18,4 отсто) не пријавил сексуално вознемирување, бидејќи не знаел каде може да пријави.

Во однос на постапувањето од страна на институцијата во случајот на сексуално вознемирување, само во еден случај испитаникот искажал позитивна разврска на суд.

Повеќе од половина или 51,8 отсто од студентите одговориле дека УКИМ „не ги штити“ и „воопшто не ги штити“ студентите од сексуално вознемирување.

Дури 56,78 проценти од студентките сметаат дека УКИМ воопшто не нуди заштита од сексуално вознемирување, наспроти 33,33 отсто од машките студенти.

Една петтина од студентите (21,9 проценти) одговориле дека се потребни санкции за вршителите на сексуалното вознемирување.

Горан Лефков, студент на четврта година на Меѓународните културни студии и дел од истражувачкиот тим вели дека според добиените податоци, студентките се во поголем број жртви на сексуално вознемирување.

Дури во одговорите кога ги добиваме за перцепција што претставува сексуално вознемирување, поголемиот број од машките студенти имаат помала свесност и имаат помала изложеност на сексуално вознемирување во глобала. Во одговорите за чувство на безбедност на факултетот, оние одговори што ги добивме, дека воопшто не се чувствуваат сигурно се одговори од студентките, вели Лефков.

Лефков дополнува дека кога студентите зборувале за искуството со професори, тоа најчесто било дека тие имале страв да немаат некаков проблем понатаму со професорите, а во врска со нивното понатамошно студирање.

Како што информира тој, УКИМ има свои механизми за пријавување на сексуално вознемирување, но вели дека „тие се на некој начин мртви, не се промовираат и никој не знае за тоа“, дополнувајќи дека можат да пријават во МВР, Деканатот или Студентскиот правобранител.

Препораките од истражувањето се да се креира и усвои јасно дефиниран самостоен документ за политика на нулта толеранција на сексуално вознемирување и насилство на УКИМ, креирање на функционално и транспарентно тело како механизам за пријавување на сексуално вознемирување и заштита на жртвите од сексуално вознемирување и креирање на добро воспоставени програми за обука на вработените и студентите на УКИМ.

The post Со „злато“, „кукле“, „маче“ им се обраќаат професорите од УКИМ на студентките, а тие не знаат каде да пријават appeared first on Република.

Вчеравечер во 19.40 часот во Полициската станица Радовиш бил лишен од слобода Е.У.(33) од Радовиш, постапувајќи по пријава според која околу 18.45 часот во Радовиш, тој во нејзиниот дом допирал по телото 56-годишна радовишанка со здравствени проблеми.

По целосното расчистување на случајот ќе следи соодветен поднесок, велат од МВР.

The post Уапсен 33-годишен перверзник од Радовиш appeared first on Република.

Околу 17 отсто од студентите во Србија биле изложени на некаков облик на сексуално насилство на универзитетот на којшто студирале. Од нив, околу 90 отсто се студентки, а околу 10 отсто се студенти, соопшти Виктимолошкото друштво на Србија.

Според истражувањето спроведено од страна на Друштвото по повод Европскиот ден на жртвите (22 февруари), повеќе од една четвртина од испитаниците познаваат студент кој бил изложен на некој облик на сексуално насилство на факултет, а најчестиот облик е вербално сексуално вознемирување.

Ова е проследено со невербално сексуално вознемирување, физичко вознемирување и сексуално вознемирување со користење современи технологии, додека сексуалната уцена, силувањето и обидот за силување се најретките форми на сексуално насилство на факултетите - се вели во соопштението на здружението.

Истражувањето покажало дека најголемиот број студенти повеќепати биле жртви на сексуално насилство, кое е најизразено кај вербалното вознемирување од сексуална природа, односно во повеќе од 78 проценти од случаите.

Повторената виктимизација е висока и кај невербалното сексуално вознемирување (63,9 проценти) и физичкото сексуално вознемирување (55,4 проценти) - се вели во истражувањето.

The post Секој шести студент во Србија бил изложен на сексуално насилство на факултет appeared first on Република.

Вработените во државните служби во Мексико отсега ќе мора да избегнуваат бакнување, гушкање и комплименти за физичкиот изглед како дел од новиот етички кодекс насочен кон борба против сексуалното вознемирување.

Новите прописи, објавени и во Службениот весник, ги повикува државните службеници да „избегнуваат однесување со физички контакт, сугестивна или сексуална по природа, како што се допирање, гушкање и бакнување“. Текстот, кој веќе стапи на сила, исто така повикува и да се избегнуваат „коментари, задевања, комплименти или шеги со сексуална конотација кон друга личност кога станува збор за нивниот физички изглед“.

Речиси една недела пред Денот на вљубените, од службениците се бара на друго лице да не даваат „подароци кои укажуваат на сексуален интерес“.

Прекршителите на новиот етички кодекс ќе бидат казнети во согласност со мексиканските закони за одговорност во јавните служби.

Новите прописи доаѓаат во време кога феминистичките движења ширум Латинска Америка се мобилизираат против сексуалното вознемирување и насилството врз жените.

https://republika.mk/vesti/svet/iljadnici-zeni-izlegoa-na-protest-protiv-seksualnoto-nasilstvo-vo-urugvaj/

The post Мексико им забрани на државните службеници да се гушкаат, бакнуваат и да си даваат комплименти appeared first on Република.