Според изјавите на комесарката за родова политика на Украина, Екатерина Левченко, во Украина мажите почесто се жртви на сексуално насилство отколку жените.

Според Левченко, 300 пријави се поднесени од мажи, а 224 од жени. Имало и девет пријави од девојчиња и две момчиња.

Најголем број барања пристигнале од регионите Херсон и Доњецк.

Од 308 одобрени барања, 48 се однесуваат на периодот пред војната, а 260 по почетокот на борбените дејствија.

The post Украинските мажи почесто се жртви на сексуално насилство отколку жените appeared first on Република.

Украинскиот јавен обвинител Андриј Костин го осуди „драстичното зголемување“ на сексуалното насилство извршено од руски војници како дел од тековната инвазија на Украина.

Сите полови и возрасни групи се погодени, изјави Костин за весниците на германската Funke Media Group и францускиот весник Ouest-France во забелешките во кои имаше увид ДПА пред денеска да бидат објавени.

Костин ги обвини руските војници дека намерно користеле сексуално насилство како воено оружје „за да ги понижат Украинците“.

Во многу случаи, луѓето се силувани, мачени и потоа убиени од руски војници. Често силувањето се случува пред очите на роднините и децата, рече Костин. Руските команданти често наредувале или барем поддржувале силување, тврди Костин. Неговите изјави не можат да бидат проверени од независен извор, забележува ДПА.

Венцел Михалски, директор на германскиот огранок на Хјуман рајтс воч, исто така гледа систематски пристап кон насилството кога станува збор за руската инвазија на Украина која започна на крајот на февруари.

Злосторствата врз цивилите се дел од воената тактика на руските војници во Украина“, изјави Михалски за весниците на Функе Медиа Груп.

– Насилните дела извршени од војниците, вклучително и силувањето, не се казнети од руските политички лидери и војската. Напротив, силите кои дејствуваат со особена бруталност сè уште се почитуваат, рече тој.

Според украинскиот јавен обвинител, речиси 8.500 цивили се убиени во Украина од почетокот на војната пред околу девет месеци, вклучувајќи 440 деца. Повеќе од 11.000 цивили се повредени.

The post Украина: Руските војници сè повеќе користат сексуално насилство како оружје appeared first on Република.

По спроведена истражна постапка, надлежен јавен обвинител од Основното јавно обвинителство за гонење на организиран криминал и корупција поднесе Обвинителен акт против едно лице кое според опишаните дејствија сторило кривично дело Трговија со луѓе, предвидено и казниво по член 418-а став 1 од Кривичниот законик.

Обвинетиот во период од месец јули до месец октомври минатата година во својот угостителски објект во гостиварско, употребувајќи сила и закана за употреба на сила и применувајќи психолошко насилство, сексуално и трудово експлоатирал Македонка и Русинка. Девојките работеле во угостителскиот објект, едната на шанк и како келнерка, додека другата како танчерка.

-Искористувајќи ја состојбата на ранливост на дваесет и двегодишната Македонка ѝпонудил заштита и времено засолнување од лице што наводно нудело пари за нејзино пронаоѓање, ја сместил во просториите на неговиот угостителски објект и ѝ понудил работа. По одредено време, обвинетиот побарал за неговата услуга за заштита, девојката да прави сѐ што ќе ѝ каже бидејќи сметал дека таа е „негова сопственост и со неа ќе прави што сака“. И покрај противењето на девојката, обвинетиот не само што лично сексуално ја злоупотребувал, туку ја присилувал и да дава сексуални услуги и на други лица од кои наплаќал од 50 – 100 евра. За да може подолго да работи, ја принудувал да користи кокаин. Девојката добивала по 1500 денари на две недели за извршувањето на работите во угостителскиот објект, кои обвинетиот веднаш ѝ ги земал. Воедно, тој насилно ѝ ја одзел и платежната картичка од која без нејзина согласност ја подигнал целата сума во износ од 18.000 евра, а исто така успеал противправно да ја пренесе сопственоста од ПМВ сопственост на девојката на неговиот син, кој по десетина дена истото го продал на трето лице, се вели во соопштението на Обвинителството.

Воедно, државјанката на Руската Федерација, по претходна комуникација со познанички, пристигнала во нашата земја кон крајот на август 2021 година.

-Иако според првичниот договор таа требала да биде танчарка, обвинетиот покрај танцувањето барал и дополнителни услуги од неа односно да дава сексуални услуги на обвинетиот, неговите пријатели и гости во објектот за што наплаќал од 3000 – 8000 денари, а девојката не добивала ништо за возврат. Неможејќи да го издржи физичкото, психолошкото и сексуалното малтретирање девојката искористила погоден момент и го напуштила угостителскиот објект. Предметниот обвинител ценејќи дека се уште постојат околностите врз основа на кои му беше определена и продолжувана мерката притвор, му предложи на судот да му ја продолжи веќе изречената мерка, се наведува во соопштението.

За кривичното дело што му се става на товар на обвинетиот, согласно Кривичниот законик запретена е казна затвор во траење од најмалку четири години.​

The post Газда на угостителски објект присилувал Македонка и Русинка на сексуални услуги, наплаќал и до 8.000 денари appeared first on Република.

Илјадници жени излегоа на протест во центарот на Монтевидео против сексуалното насилство. Тие ја осудија „културата на сексуално злоставување“ во Уругвај откако 30-годишна жена беше групно силувана.

Извикувајќи „Не, не“, „Ова не е презумција, ова е силување“ и „Нека гори“, учесничките во протестите организирани од феминистичките организации ширум земјата, почнаа голем марш во главниот град по неколку случаи на сексуално насилство извршени во изминатите денови.

Една жена пријавила дека била силувана од група мажи во стан во Монтевидео, каде претходно заминала со еден од нив по средба во ноќен клуб и со кого имала сексуален однос на заедничка согласност. Но, потоа уште најмалку три лица дошле во станот и ја силувале жената со соучесништво на мажот со кој првично заминала во станот.

Силувањето било потврдено при лекарски преглед. Наложени се ДНК анализи за да се потврди одговорноста на наводните напаѓачи, кои се повикани на суд.

Културата на силување е постојано да се вели дека мажите имаат „потреби“ или „сексуални нагони“ кои не можат да ги контролираат. Секојдневно се соочуваме со зборови кои нагласуваат страв, молчење и сомнеж - велат феминистичките организации во заедничкото соопштение, повикувајќи за подобро сексуално образование и преземање конкретни дејствија од страна на државата за заштита на жените.

The post Илјадници жени излегоа на протест против сексуалното насилство во Уругвај appeared first on Република.