Обожавателите на серијата „Сексот и градот“ не можеа да прифатат дека актерката Ким Катрал повеќе не е дел од актерската екипа. Новата сезона на серијата „And Just Like That“, предизвика многу контроверзии токму поради тоа што многумина веруваат дека четворката е нецелосна без Саманта и дека поради тоа серијата повеќе не е автентична.

На изненадување на многумина, познатата актерка објави дека уште еднаш ќе ја игра улогата на славната Саманта Џонс, иако се шпекулираше дека била во кавга со Сара Џесика Паркер. Сепак, оваа вест разочара многумина, бидејќи нејзината улога ќе биде епизодна, а според странските медиуми таа имала два услова.

Катрал конечно проговори за својата одлука да се врати во култната серија или нејзиното продолжение. Таа раскажа како поминале преговорите и кажа што бара за да ја прифати улогата.

Многу е интересно кога ќе ви се јави шефот на ХБО и ќе ви каже: „Што да правиме?“, а јас реков: „Хммм, дозволете ми да бидам креативна“, тврди Ким Катрал дека така одел разговорот.

Нејзиното барање било:

А една од тие работи беше да ја вратам Патриша Филд и си помислив, ако сакам да се вратам, морам да се вратам со тој стил на Саманта, морам да го придвижам напред и го направивме тоа“, пренесе „Д вју тодеј“.

Катрал се враќа во сцена од новата сезона на „And Just Like That“ во која телефонски разговара со Сара Џесика Паркер, но таа сцена ја снимиле одделно. Актерката не била видена со ниту еден член од тимот, пишува „Дејли Мејл“.

https://www.youtube.com/watch?v=yDtzVO27DIE

The post Саманта проговори за враќањето во култната серија: Ова било нејзиното најважно барање appeared first on Република.

Враќањето на легендарната Саманта Џонс во спин-оф серијата „Сексот и градот“ ги воодушеви обожавателите кои нетрпеливо го чекаат почетокот на втората сезона.

Авторката на „Сексот и градот“ Кендис Бушнел откри нови детали за враќањето на Ким Катрал во списанието Variety, откако актерката во мај потврди дека ќе се врати како Саманта.

Да потсетиме, Катрал накратко ќе се појави само во една сцена во последната епизода од втората сезона, во која телефонира со Кери Бредшо (Сара Џесика Паркер).

Сцената во автомобилот
Авторката на серијата откри дека големиот момент на Саманта се случува за време на возење со автомобил.

„Нејзиниот лик претставуваше многу слобода за жените. И мислам дека обожавателите се навистина возбудени поради нејзиното враќање, дури и ако тоа е само една сцена во автомобилот“, рече таа.

Што друго треба да се знае за големото враќање на најконтроверзниот лик во серијата?

„Мислам дека ќе биде навистина добро, судејќи според клиповите што ги гледав. Возбуден сум“, додаде Бушнел.

Да потсетиме, ненадејното враќање на Саманта доаѓа откако актерката одби да глуми во спин-офот поради кавга со колегите.

"Не сакав да го компромитирам она што значеше серијата за мене. Патот напред изгледаше јасен", изјави таа за Variety минатата година.

[embed]https://www.youtube.com/watch?v=IuNk1U2UI64[/embed]

Два услови за враќање
Катрал, која глумеше во сите шест сезони на „Сексот и градот“ и неговите два спин-оф филмови, имаше два услови за нејзино враќање. Новата сцена ја снимила без никакви интеракции со нејзините поранешни колешки Сара Џесика Паркер, Кристин Дејвис и Синтија Никсон, со кои со години е во расправија.

Покрај тоа, таа побара при снимањето на таа сцена, режисерот Мајкл Патрик Кинг, кој инаку е многу близок со Сара Џесика Паркер, да не биде на сетот.

The post Нови детали за враќањето на Саманта во „Сексот и градот“: Актерката имала посебни услови appeared first on Република.

Сите љубители на легендарната серија „Сексот и градот“ едвај го дочекаа излегувањето на новото продолжение And Just Like That, речиси 25 години по снимањето на првата епизода.

По поделените мислења за првата сезона, моментално се снима втората, а и самата авторка на серијата (која главниот лик Кери Бредшо го базираше на себе) искрено кажа дека повеќе не може да се идентификува со неа.

Некои ја критикуваа полошата мода од очекуваното, други коментираа дека ликовите „станале поглупави“. Исто така, изгледот на главните актерки наиде на многу критики, но сосема неоправдани бидејќи – жените природно стареат. Но, посебен негативен третман доби Кристин Дејвис, која го толкува ликот на Шарлот Јорк, бидејќи била подложена на третмани и побарала помош од естетската хирургија.

“Шарлот има ново лице“, „Шарлот што му направи на лицето“, „Целосно го разбирам притисокот врз жените да изгледаат на одреден начин и веројатно и самата ќе направам пластична операција, но Кристин изгледа како Џокерот од Бетмен“, „Секогаш кога ќе го покажете лицето на Кристин Дејвис, се прашувам колку платила за таква ужасна пластична операција. Порано беше природна убавица“, се само дел од многуте коментари со кои Кристин мораше да се соочи.

Сега папараците повторно ја фотографираа на снимањето на новите епизоди од втората сезона на серијата, а коментарите и понатаму се исти.

Денес оваа 58-годишна актерка попушти под притисокот, иако неколку пати низ годините кажа дека не планира да оди под нож бидејќи се плаши од процедурата, но и од конечните резултати.

“Секој мисли дека може да коментира што сака и да пишува како им се допаѓа или не им се допаѓа нашата коса, нашите лица, што било… Стана толку интензивно што ме стаписа! Лута сум, а не сакам да бидам, па престанав да ги читам коментарите, изјави Кристин Дејвис за критиките кои ги добила по премиерата, додавајќи:

“Секоја недела пишуваа за моето тело во облик на круша, но тоа дефинитивно не беше комплимент. Проблемот со социјалните мрежи е што не знаете ништо за луѓето од другата страна. Тие се таму само за да фрлаат „бомби“ што ќе ве повредат. И тоа ме лути, искрена е актерката.

The post Шарлот претера со ботоксот appeared first on Република.

„И едноставно така“ (And Just Like That), новото поглавје на „Сексот и градот“, е подготвено за втора сезона, соопшти „ХБО макс“ во вторникот.

„Воодушевен сум што можам да раскажам повеќе приказни за овие ведри, храбри ликови – кои ги глумат неверојатни актерки. Факт е дека сите сме воодушевени“, изјави извршниот продуцент Мајкл Патрик Кинг.

Серијата, која заврши во февруари, донесе висока гледаност на „ХБО макс“, а фановите беа задоволни со рестартирањето на „Сексот и градот“. Сепак, критиките беа различни. Новото поглавје не им се допадна на повеќето професионални критичари, но и на некои фанови на оригиналот.

А во одбрана на новото поглавје, директорката на оригинални содржини на Ејч-би-о, Сара Обри, изјави:

Воодушевени сме од приказната генерирана од овие ликови и нивните стории, сместени во свет што веќе го знаеме и сакаме. Горди сме на работата што Мајкл Патрик Кинг и нашите одлични писатели, продуценти, актери и екипа ја направија за да ги донесат овие приказни на екранот. Едвај чекаме фановите да видат што се подготвува за втората сезонa.

https://youtu.be/y-aN7Sj2bkg

The post Новото поглавје на „Сексот и градот“ ќе има втора сезона appeared first on Република.

Актерот Крис Нот, познат како „Ѕверката“ од култната серија „Сексот и градот“, се огласи на Инстаграм два месеца по обвиненијата за сексуално злоставување.

Прво објавил фотографија од својот постар син додека игра кошарка, а во описот додал дека е возбуден додека гледа како расте неговата љубов кон овој спорт.

Потоа објавил уште една фотографија со која на помалиот син Китс му честита роденден.

Следбениците на актерот во коментари му порачаа дека се среќни што се вратил на социјалните мрежи и дека го поддржуваат.

 

View this post on Instagram

 

A post shared by Chris Noth (@chrisnothofficial)

The post Првпат по два месеца се огласи Ѕверката од „Сексот и градот“ appeared first on Република.