Симон Трпчевски одржа концерт во струмичкото село Секирник во општина Босилово. После големите светски сцени тој го претстави проектот Македонисимо и пред публиката во родното место на неговата мајка. За него ова било најсоодветен начин за потсетување на големото музичко богатство на Македонија, но и на нашите корени.

Концертот се одржа на отворено, а во маестралните изведби на маестро Трпчевски и неговите пријатели имаа можност да уживаат неколку илјади посетители од целиот регион. За градоначалникот на Босилово ова е историски настан, но и пример кој треба да го следат сите големи уметници.

Со концертот во селото Секирник Симон Трпчевски и официјално ја стартува балканската турнеја на Македонисимо што ќе трае до октомври, а ќе ги вклучи настапите во Хрватска, Србија, Словенија, Црна Гора и Романија. Минатата година овој музички проект маестро Трпчевски го претстави и во струшкото село Збажди родното место на неговиот татко.

The post Спектакуларен концерт на Симон Трпчевски во родното место на неговата мајка appeared first on Република.

Пијанистот со светски глас Симон Трпчески и „Македонисимо“ утревечер (сабота, 26 август) пристигнуваат во Секирник, Општина Босилово, Струмица, во подножјето на планината Беласица, родното место на мајката на Трпчески.

Концертот закажан за 20 часот во дворот на училиштето „Св. Кирил и Методиј“ во Секирник е со слободен влез за сите заинтересирани. Така беше и со претходните изведби на „Македонисимо“ во Македонија во струшкото село Збажди, Скопје, Штип, Битола и Дојран.

Специјален гостин на концертот ќе биде нашиот мајстор на кавалот, Сашо Митев, најавија од  здружението „КултурОп“.

Со овој концерт стартува Балканската турнеја на „Македонисимо“, што ќе трае до октомври и ќе ги вклучи настапите во Хрватска, Србија, Словенија, Црна Гора, Романија.

The post Симон Трпчески и „Македонисимо“ утре ќе одржат концерт во Секирник, родното место на мајката му, специјален гостин е мајсторот на кавал, Сашо Митев appeared first on Република.