Поранешната директорка и актуелен член на Управниот одбор на Институтот за европска политика (ЕПИ), Малинка Ристевска-Јорданова, во реакција за гласањето на заклучоците за францускиот предлог, оценува дека денеска во Собранието биле надгласани пратениците етнички Македонци.

Според неа, доведени се во прашање и уставните темели на државата.

Мнозинството во македонскиот парламент ги надгласа пратениците етнички Македонци за францускиот предлог, кој ги наметнува идентитетските прашања што ги бара Бугарија. Опасен преседан, поддржан од Европската Унија, веќе ги доведува во прашање темелите на македонскиот уставен систем и поттикнува долгорочна криза, вели Ристевска-Јорданова во реакција објавена на Твитер.

The post Малинка Ристевска-Јордановa: Пратениците Македонци беа надгласани, доведени се во прашање уставните темели appeared first on Република.

Божидар Божиновски ги нарече пратениците кои гласаа за францускиот предлог одродена елита, на која треба од денес да ѝ биде страв да излезе од дома, бидејќи денеска му ја одзела слободата на народот.

Пригодна слика - одродена елита, сама, без поддршка од народот слави пораз како победа затоа што изгласаа лагите да се вистина, цензурата да е слобода. И изгласаа самите долги затворски казни.
Би ве колнел ама нема поголема клетва да живеете како вас, мизерно, подло, одвратно. А од денес ќе живеете и во страв. Ќе се тресете на секое излегување, на секој од по скалите, на секое излегување ќе немате мир затоа што само ќе гледате во страв околу себе.
Се обидовте да му ја одземете слободата на еден народ, а самите станавте вечни заробеници на своето предавство. Отпорот не заврши, сега почнува.
Смрт на фашизмот, слобода на народот ✊

The post Божиновски: Би ве колнел, ама нема поголема клетва да живеете како вас, мизерно, подло, одвратно и во страв appeared first on Република.

ВМРО-Народна партија ја поздравува денешната одлука на македонското Собрание и можеме слободно да кажеме дека сме на чекор од исполнување на вековниот сон, а тоа е целосна интеграција на Македонија во ЕУ.

Денешната одлука е параф на нашата заложба за европската иднина на Македонија која низ години, децении, векови мораше да минува низ трнлив пат во кој беше вложен огромен труд, дадена огромна жртва но со исполнувањето на нашите демократски вредности, реформите но и чувањето на цврстиот македонски идентитет денеска сигурно и достоинствено зачекоруваме кон интегративниот процес во Европското семејство – Европската унија.

The post ВМРО-Народна: Ставивме параф за европската иднина на Cеверна Македонија appeared first on Република.

Преговорите за членство на Албанија во Европската Унија немаат пречки! Парламентот на Македонија штотуку го вклучи зеленото светло на последниот француски предлог. Заврши апсурдното заложништво на Албанија, напиша албанскиот премиер Еди Рама на Фејсбук по завршувањето на гласањето во македонското собрание.

Беа потребни цели 3 напорни години од одлуката на Европскиот совет да го отвори патот за преговори за да може целосно да се срамни опсегот на вештачки пречки што беа поставени пред Албанија. Цели 3 години фудбал на полињата на внатрешната политика на земјите членки - не заборавајќи ги дедовците на татковината, жените и нежените, кои сите овие години не оставија два камена заедно, да ја блокираат Албанија за своја сметка бедна тереза на политиката на тие немаат религија, немаат татковина, немаат знаење и немаат вера. 3 години неразделни громови, од земјотрес до пандемија и сега среде последиците од војната во Украина за трошоците за живот овде и ширум светот. Овие извонредни предизвици ја тестираа не само владата, туку и нашиот карактер како земја, како заедница на луѓе и како владејачко мнозинство. Одиме повторно! Како што успеавме со земјотресот и пандемијата, кога речиси никој не веруваше дека ќе успееме, ќе се снајдеме и со новата криза што ја донесе војната, но и со преговорите што ќе ја направат Албанија членка на Европската унија, напиша албанскиот премиер.

Рама потсетува дека во овие три години Албанија не го намалила темпото на реформи, работа и промени и покрај неисполнетите ветувања на ЕУ.

Ќе успееме со тоа што повеќе ќе го зголемиме темпото, ќе ја подобриме работата дополнително и ќе ја продлабочиме разликата уште повеќе. Преживеавме непоразени од разочарувања, ниту со не лесни повреди овие години. Ќе поминеме со тоа што ќе продолжиме да учиме лекции и без да се двоумиме да се поправиме.

Тој го пофали духот на албанскиот народ и рече дека овие три години не им ги наведнале главите и успеале да ја подигнат Албанија во очите на најголемите, каде што никогаш не била, ценета и почитувана како рамноправна во секој меѓународен однос.

Но, да не заборавиме, ова не е крајот на нашиот пат, туку само почеток на нов дел од патот до Албанија што ја сакаме.

Албанската делегација во понеделник ќе замине за Брисел за да ги започне преговорите за членство.

Ќе го надминеме и овој нов дел од напорите, поблиску поврзување со Албанците и таргетирање со нови сили врвот каде што ќе се искачиме Албанија. Ви благодарам на сите вас кои ме поддржувате и охрабрувате или малтретирате и ми го разубавувате животот со вашите коментари.
Благодарност до сите Албанци кои со својот глас ни ја доверија оваа историска мисија за Албанија и, исто така, им благодариме на оние кои со тоа што не ни го дадоа својот глас, не направија повеќе борци и тврдоглави за мисијата. на нашата заедничка татковина.
Им благодариме на пријателите на нашите партнери, кои сите, за поддршката, критиките, но и за одбивањата во изминатите години, кои нè хранеа со сила, го победија трпението и ја изострија мудроста.
Благодарам на крајот, но не за важноста, и на Линда од децата, кои на овој пат го носат товарот на безнапорната жртва, која само тие и никој друг не можат да ја разберат во што е маката, напиша Рама.

The post Еди Рама: Конечно! Заврши апсурдното заложништво на Албанија appeared first on Република.

„Македонскиот парламент го усвои францускиот предлог, се отвора патот кон ЕУ“, „Парламентот на Македонија го одобри францускиот предлог-68 пратеници гласаа ЗА“, се само дел од насловите на информациите кои ги пренесуваат албанските медиуми, кои во континунитет информираа околу расправата во македонскиот парламент во врска со францускиот предлог.

-Собранието на Македонија денеска го одобри францускиот предлог за решавање на спорот со Бугарија, што ќе го отвори патот за процесот на европска интеграција. Предлогот беше одобрен со 68 гласа „за“, ниту еден против и ниту еден воздржан. Пратениците од опозицијата не учествуваа во процесот на гласање, е дел од информациите кои ги пренесуваат медиумите.

Додаваат дека пратениците гласале за седум заклучоци поднесени од „пратеничката група на Социјалдемократскиот сојуз (СДСМ) кои се однесуваат на гаранциите за македонскиот јазик и идентитет“.

Со нив, се нагласува понатаму, Собранието ја обврзува Владата преку делегациите во разговорите да се придржува до дефиницијата за безусловно почитување на јазикот, идентитетот и културата на македонскиот народ, како елементи за кои не се преговара со ЕУ. Во рамките на разговорите, македонскиот јазик да биде без појаснувања, без дополнувања и без фусноти.

-На гласањето му претходеа три дена расправа во Собранието на Македонија, која беше проследена со приговори, па дури и обиди за физичка пресметка. Во текот на целата расправа пратениците од опозициската партија ВМРО-ДПМНЕ со свирење ги спречуваа пратениците од владејачките партии да одржат говор, наведува Топ чанел.

Според Ора њуз телевизија и денеска имаше повици за протести пред Собранието каде „граѓаните излегоа против бугаризацијата на Македонија и против употребата на фуснотата за македонскиот јазик како и против рецензија на учебниците“.

-Денешната одлука на парламентот се чини дека го отвора патот за пристапниот процес на Македонија, но и веќе на Албанија, бидејќи тие беа блокирани од бугарското вето, констатира телевизијата.

Под наслов „Македонскот парламент го прифати францускиот предлог со 68 гласови „за“- „ зелено светло“ на патот кон ЕУ“ агенцијата Балкан веб пренесува речиси идентична информација.

Оценува дека согласноста на влдата по заклучоците е само формалнот и оти тоа значи дека „првата меѓувладна конференција со Албанија и Северна Македонја веќе е реалност следната недела“.

The post Албанските медиуми пишуваат за гласањето во Собранието: Се отвора патот кон ЕУ appeared first on Република.

Демократската унија за интеграција ја поздравува историската одлука за прифаќање на францускиот предлог донесена од страна на Собранието на Република Македонија со кој се запечати идеолошката ориентација на земјата без друга алтернатива, онаа за интеграција во Европската унија.

Денес, триумфираше рационалноста, се зачуваа европските корени на земјата и беа поразени деструктивните обиди на регресивните проруски сили.

Граѓаните на оваа држава не подпадна на измамите, провокациите, конфузијата и не ги поддржаа протестите кои имаа за цел да ја вратат  државата наназад, по сите заеднички достигнувања.

Нашето патување кон Европа ќе го направиме заедно, со достоинство и целосен демократски капацитет. Ја имаме поддршката на сите земји од Европа и на Соединетите Американски Држави, со кои успешно ги поминавме сите предизвици за демократизација на земјата.

Демократската унија за интеграција остана силно ангажирана во реализацијата на оваа цел за одблокирање на евроинтегративниот пат заедно со коалициските партнери и ќе продолжи да биде дел во прогресивниот табор во секој неопходен процес до целосното остварување на сонот за интеграција на земјата во Европската Унија.

The post ДУИ ја поздравува одлуката на Собранието “ЗА” европска Македонија appeared first on Република.

Документот што ВМРО-ДПМНЕ деновиве го кине јасно наведува дека пратениците се обврзуваат и ја обврзуваат Владата за достојно да ја почитуваат определбата за безусловно почитување на јазичните, идентитетските, историските и културните особености на македонскиот јазик, е тоа ВМРО-ДПМНЕ го искинаа, истакна координаторот на пратеничката група на СДСМ Јован Митрески.

-Македонската иднина е европска, со македонски јазик, култура, идентитет и историска посебност. Доста беа делби и поделби, доста беа делби и подбели на македонскиот јазик. Ние Македонците заедно со нашите сограѓани и Албанци и Турци и Роми и Власи и Срби и сите останати ќе продолжиме да се движиме напред кон европската иднина – рече Митрески.

Тој посочи дека не е првпат пратениците од ВМРО-ДПМНЕ да ја напуштаат салата на Собранието кога се носат важни одлуки.

-Не е првпат пратениците од ВМРО-ДПМНЕ да бегаат од салата. Зборуваа против Договорот за добрососедство и избегаа, зборуваа против Преспанскиот договор и избегаа, зборува против промена на Уставот и избегаа. И денеска и овие два дена не зборуваат туку свират затоа што сите нивни лаги се потопени, затоа што немаат поддршка од граѓаните кои грубо ги излажаа – истакна Митрески.

Но, без разлика на се, додаде тој, ги повикувам нека преспијат, нека си ги анализираат своите грешки и нека се променат.

The post Митрески до пратениците на ВМРО-ДПМНЕ: Нека преспијат и нека се променат appeared first on Република.

Министерот за надворешни работи Бујар Османи го поздрави изгласувањето на францускиот предлог. За Османи ова е знак дека граѓаните ја споделуваат истата визија со него и СДСМ, но и дека Македонија ќе стане пристојно место за работа и живот.

👉 Ги поздравувам денешните заклучоци на Собранието, кое по тридневна широка дебата, предложи Владата да ја усвои Предлог-преговарачката рамка со цел отпочнување на пристапните преговори на Македонија со ЕУ.
👉 Нашата држава ќе продолжи на патот на европската интеграција со визија да биде земја на вистински европски реформи и пристојно место за живот и работа.​
👉 Граѓаните ја споделуваат оваа визија и сакаат да станат дел од европското семејство и да придонесат во втемелувањето на европски принципи, демократија, владеење на правото и економски просперитет, напиша Османи на Фејсбук.

The post Османи го поздрави изгласувањето на францускиот предлог appeared first on Република.

Еве трет ден дебата за можеби една од најбитните и најсуштински работи за која што македонското Собрание дискутирало во оваа сала од прогласувањето на независност до денес. Можеби како никогаш претходно разговараме за суштински работи околу иднината на Македонија. Знаете политиката е стара колку и цивилизацијата, кога луѓето почнуваат организирано да живеат почнуваат и да политички се организираат и да бираат претставници кои што ќе го уредуваат нивниот живот. Во Македонија ние сме тие 120. Во политиката исто така е познато од античко време до денес дека многумина влегуваат од користољубие, од среброљубие и од славољубие, малкумина влегуваат затоа што сакаат чесно да се посветат на оние кои што ги бираат. И затоа низ историјата и денес постојат многу политичари кои што народот ги заборавил, на кои што паднала пепелта и маглата и отишле вечно во заборавот и само малкумина кои народот и историјата ги памети и ги цени. Кога ќе се запрашате зошто, одговорот е оваа седница деновиве. Затоа што на едната страна се луѓе кои што за ден повеќе привилегии за службено возило денес, или на времето за некои други привилегии на пример да имаат земја околу себе која што ќе им ја обработуваат робови или за подобра плата или за некоја друга привилегија се спремни да направат се. И од другата страна се такви што се спротивставуваат и не се согласуваат на ова, истакна Александар Николоски, пратеник од редовите на ВМРО-ДПМНЕ на денешната собраниска седница.

Николоски додаде дека за овие три дена разликата е јасна, се гледа многу прецизно и многу јасно кој каде е, односно кој е предавникот, а кој ги брани интересите на Македонија.

Не го потценувајте народот, многу е попаметен и до што мислите и од што ќе ви каже, и од што чувствувате. И кога ќе се видите на улица ви се насмее, во суштина во себе го има гневот и ве пцуе длабоко во себе, затоа што знае што правите. Народот знае каде ја водите работата. Да бидете свесни за таа работа, им порача Николоски на пратениците од СДСМ.

Тој посочи дека тој не е од вчера во Собранието.

Јас не сум од вчера во Собранието, сум видел и власт и опозиција. Но, верувајте вакво понижување не сум видел, ниту сум верувал дека ќе видам било кога. Кога почнав како средношколец да се занимавам со јавна работа, а од мојата 20-та година со политика, ни на крај памет не ми беше дека во македонското Собрание владејачката структура и владејачката коалиција, значи доминантна структура ќе зборува за тоа дека треба да ја ретушираме историјата, дека треба да ги згазиме гробовите на предците, дека треба да им поплукаме на сета жртва и на сите маки кои што ги виделе, нагласи пратеникот.

Николоски запраша зошто ова го направи власта на македонскиот народ.

Зар ова го направивте за уште еден ден власт, за уште пет тендери во РЕК Битола, за уште десет местенки на едно или друго место, за 100-тина вработувања кои што ќе се поделат на една или на друга позиција, за фин одмор кој што веројатно ќе одите во текот на месец август, и каде што кога ќе седите на плажа ќе си велите добро направивме, а длабоко во себе мислам дека и вие знаете што правите, рече Николоски.

Ова што се случува денес е злосторство на цел еден народ. Ова што се случува денес е триумф на 150-годишна империјалистичка бугарска политика. Прочитајте малку во историјата, од основањето на бугарската држава во 1878 година на која ѝ претходи основањето на бугарската егзархија во 1871, стратегијата и позициите се исти, непроменета без разлика дали е Бугарија била кнежество, царство, била во комунизам, или денес демократска република, стратегијата е непроменета. А, таа е дека помеѓу Македонија и Бугарија постои вештачка граница која што треба да се урне затоа што во Македонија живее доминантно бугарско население кое што говори на бугарски дијалект. Тоа е тоа што го имате во предлогот кој што не сакаа ниту да го поделат од Влада, истакна Николоски.

Тој додаде дека прифаќањето на бугарските барања е најголемо предавство во независна Македонија, но многу брзо ќе дојде генерација која што предавството ќе го избрише.

The post Николоски: Прифаќањето на бугарските барања е најголемо предавство во независна Македонија appeared first on Република.

Лидерот на Демократски сојуз, воедно и пратеник во македонското Собрание Павле Трајанов, ги повтори неговите нацрт-предлози за т.н. француски предлог, на денешанта 81 собраниска седница на Парламентот.

Трајанов истакна дека нацрт-предлозите се компромис на тоа што го предлага СДСМ и на тоа што го предлага ВМРО-ДПМНЕ и дека е основа за постигнување на барем минимален консензус за интегрален текст на Собранието во одлуката за предлогот.

На Трајанов му реплицираше пратеникот на ВМРО-ДПМНЕ, Антонио Милошоски, кој го потсети дека согласно предлогот, Македонија со прифаќањето на предлогот нема да ги започне преговорите со ЕУ, туку ќе го започне процесот на менувањето на Уставот, а за тоа ќе биде потребен и неговиот глас. Милошоски кажа и дека предлогот треба да го прифати Владата и дека не му е место во Собранието. А ако веќе се бара мислење од пратениците, тогаш тие треба да го одбијат или да го прифатат, без притоа да даваат контра предлози.

– Доколку предлогот беше добар, тогаш немавме да имаме собраниска расправа. Што се однесува до промената на Уставот, само доколку се обезбеди реципроцитет, значи доколку Бугарија го признае македонското малцинство ако не поинаку туку по основ на пресудите од Судот во Стразбур, тогаш и Бугарите ќе влезат во нашиот Устав. Во спротивно јас нема да гласам за тоа – одговори Трајанов.

The post Трајанов нема да гласа за отворање на Уставот appeared first on Република.

Ви простив што гласавте за симнување на мојот имунитет, ме притворивте пред деца и прерано ми пресудивте. Но, никогаш нема да ви простам ова што го правите на Република Македонија, им порача пратеничката на ВМРО-ДПМНЕ Жаклина Пешевска на парламентарното мнозинство на денешната седница на која се дискутира за францускиот предлог.

Пешевска рече дека францускиот предлог кој што се обидува да го протне владата на СДСМ и Димитар Ковачевски ја запечатува судбината на македонскиот народ, укажувајќи дека тоа што истиот се дискутира во собрание е всушност поделба на одговорноста која што власта не сака да ја преземе.

Со овој предлог ја запечативте судбината на македонскиот народ за многу години во иднина. Инаку, самото вмешување на собранието е само по себе преседан бидејќи се работи за меѓувладина седница, а не собраниска. Па оттука собранието е само параван на оваа влада и купување на време за да ја подели одговорноста со нас пратениците за документи за кои ниту сме консултирани, прашани, туку брутално заобиколени и маргинализирани, изјави таа.

За овој предлог сега во Македонија има револуција, сите експерти, историчари се против предлогот. Ако според изјавите на Османи истите се во заблуда и неинформирани како што рече самиот тој, тогаш реките од народ се доказ кој што ви се случуваат секојдневно изминатите денови, истакна Пешевска.

Според Пешевска овој предлог значи погреб за Македонија, и ги повика пратениците од пратеничкото мнозинство да се свестат што прават и да соберат храброст да излезат да им кажат на граѓаните што сакаат да постигнат со прифаќањето на францускиот предлог.

Со овој лист хартија вие ќе ја погребите Македонија и затоа тој не треба да постои, а вие излезете со граѓаните надвор и кажете им што точно планирате со Македонија. Освестете се, им порача Пешевска на пратениците од СДСМ.

The post Пешевска до пратениците на СДСМ: Освестете се, францускиот предлог значи погребување на Македонија appeared first on Република.

Независната пратеничка во македонското Собрание Санела Шкријељ ги повика пратениците да го прифатат францускиот предлог, бидејќи, како што самата таа рече, биле разобличени во лагите.

Претседателката на Европската комисија Урсула фон дер Лајен вчера од оваа позиција ги разобличи вашите лаги. Јас сум Бошњачка, но за мајчин јазик го сметам и македонскиот – истакна пратеничката, чие излагање беше проследено со звукот на вувузелите, сирените и негодувањата на опозициските пратеници.

За реплика на нејзиното излагање се јави пратеникот на ВМРО-ДПМНЕ, Здравко Трајанов, кој ја праша Шкирјељ како би се чувствувала доколку некој ѝ го оспорува мајчиниот јазик.

Дали ти Санела би прифатила бошњачкиот јазик да е дијалект на српскиот? Сакате да изгласате предлог со кој Македонија ќе добие трајна блокада на европскиот пат. ВМРО-ДПМНЕ нема да ви ја дозволи промената на Уставот – истакна Трајанов.

The post Дали ти, Санела, би прифатила бошњачкиот да е дијалект на српскиот јазик? appeared first on Република.

Европа ве чека. Чекајќи и надевајќи се дека ќе направите уште ден чекор кон нашата Унија. Денеска сум овде, затоа што верувам дека ова е моментот да продолжите напред кон нашата заедничка иднина во ЕУ со  Македонија како полноправна членка, изјави претседателката на Европската комисија, Урсула фон дер Лајен, во своето обраќање денеска пред пратениците во Собранието, во рамки на 80-тата пленарна седница.

Вашата држава, посочи Фон дер Лајен, е кандидат да стане земја членка на ЕУ од 2005 година, а многумина од вас овде и многу други кои се отсутни, работевте напорно да станете членка на ЕУ, но сега сите, како што рече, мора да го свртиме погледот напред и мора да ја искористиме можноста пред нас да ги започнеме пристапните преговори и да работиме заедно на патот што ве води кон ЕУ.

Во 2009 година ЕК препорача да ги отвориме пристапните преговори со Вас. Оттогаш постојано сме покрај Вас и сега конечно би можеле да бидеме на прагот на еден одлучувачки чекор напред- изјави Фон дер Лајен.

Повторно, посочи таа, покажавте смелост и решителност, а Договорот од Преспа беше пример за храброст и го отвори патот за членство во НАТО.

Почитувани пратеници многумина од вас ќе бидат фрустрирани што вашата држава се уште не ги започнала пристапните преговори. И јас сум исто така. ЕК препорачува отворање на преговорите во последните 13 години и се разбира дека ќе бидете фрустрирани што отворањето на преговорите со ЕУ не се случи веднаш по Договорот од Преспа. Ова беше горчливо, но никогаш не се откажавте и ние сите заедно никогаш не се откажавме. Заедно го следевме нашиот сон за една Европска Унија и заедно ќе го претвориме овој сон во реалност- порача Фон дер Лајен.

Почетокот на пристапните преговори, посочи Фон дер Лајен, може да го направиме веќе следната недела, со преземање на првиот чекор од ревидираниот француски предлог.

Сите сте свесни и запознаени со овој ревидиран предлог. Ги штити вашите интереси и ги зема предвид грижите на сите страни. Бидете уверени дека ЕК секогаш била покрај оваа држава, на ваша страна и продолжува да стои на ваша страна- порача Фон дер Лајен.

За време на обраќањето на Фон дер Лајен пратениците од опозицијата извадија транспаренти „предавници на народот“, „јазикот и идентитетот“, „народот вели не, свестете се“ и други.

На седницата присуствуваа Претседателот Стево Пендаровски, премиерот Димитар Ковачевски, како и високи претставници од земјава и странство.

По завршување на седницата, Собранието ќе ја одржи и 81-та пленарна седница, на која пратениците ќе расправаат за Информација за содржината на Предлог преговарачката рамка за пристапните преговори на Република  Македонија со Европската Унија, предложена од страна на Претседателството на Франција со Советот на Европската Унија на 30 јуни 2022 година, по што ќе треба и да бидат усвоени заклучоци, односно насоките што ќе и бидат испорачани на Владата.

The post Фон дер Лајен: Европа ве чека, верувам дека ова е моментот да продолжите напред кон нашата заедничка иднина appeared first on Република.

Пратениците на ВМРО-ДПМНЕ за време на говорот во Собранието на Република Македонија на претседателката на европската комисија Урсала фор дер Лајен подигнаа табли со пораки испишани на англиски јазик каде стои:

- Ултиматум не благодарам

- Да за ЕУ, не за асимилација

- Чеда на Заевизмот, го враќате фашизмот

- Се бориме за нашите правдини, стои во нашата химна

- Ние сме Македонци не бугари

- Бугарија, засрами се

- Нема иднина без историја

- Македонија не е на продажба

- СДСМ предавници на народот

Пратениците на ВМРО-ДПМНЕ денеска во Собранието на Република Македонија ги пренесоа пораките на народот со кого заедно протестираа масовно изминативе 10 дена, низ улиците на главниот град.

The post Да за ЕУ, не за асимилација – ѝ порачаа пратениците од ВМРО-ДПМНЕ на Урсала фор дер Лајен appeared first on Република.