Две медицински сестри од Велика Британија се осудени за нелегално дрогирање пациенти.

Медицинската сестра Кетрин Хадсон (54) и нејзината колешка Шарлот Вилмот (48) се прогласени за виновни затоа што на пациентите им давале седативи без нивна согласност за да им се олесни работата.

Тие беа вработени во болницата „Блекпул Викторија“ помеѓу февруари 2017 и ноември 2018 година. Во тој период работеле во одделот за мозочен удар, пренесува „Мирор“.

Полицијата почна истрага кога студентка - медицинска сестра кажала дека видела како Хадсон му дава на пациент, апче за спиење, без рецепт.

„Зопиклон“ е апче за спиење што се дава во краткотрајна терапија за тешки форми на несоница и неговата употреба е забранета без лекарска наредба.

Полицајците ја пронашле и преписката што ја имале колешките, во која јасно стои дека си сугерирале да ги дрогираат пациентите и со која доза.

„Заспијте го вечерва“ и „Веќе размислувам да му дадам двојна доза“, се дел од пораките.

The post Медицински сестри ги дрогирале пациентите со седативи за да си ја олеснат работата appeared first on Република.

Јавниот интерес за политичарите мора да биде над се, како и зголемената потреба од отчетност и одговорност на избраните и именуваните функционери кои на располагање го имаат државниот имот и носат одлуки кои може да имаа трајни последици за сегашните и идните генерации, на јавноста и обелоденуваме дека во владата има министер кој не може да се носи со секојдневните обврски и согласно вешт наод и мислење од специјалист психијатар од 16.02.2023 година, подолг период е на седативи и има чувство на немоќ, изјави пратеникот од ВМРО-ДПМНЕ, Драган Ковачки на денешната собраниска седница за пратенички прашања.

Тој потенцира дека за да се биде министер или премиер на една држава треба да поседуваш одредени квалитети, но и да имаш соодветни реакции во дадени ситуации кои не секогаш ќе бидат пријатни.

Според стручни лица кои како пратеник ги консултирав неподготвеноста за соочување со вистината и стравот поради своите несоодветни постапки може да предизвика манифестации в однесувањето како резултат на психичката состојба. Конкретно на министерката за одбрана согласно извештајот од психијатарот, цитирам: и се тресат рацете, не може да задржи мисла, има намалено внимание и концентрација, проблеми во мислењето, збунета е и конфузна. Има намалена волја, непријатни мисли и мора да вложува дополнителни напори да ги извршува истите работи што претходно ги извршувала, изјави тој.

Ковачки потенцираше дека според извештајот  министерката чувствува бесцелност на нејзината активност и залагања и вели 3 месеци има повторувачки слики, опседната е, постојано е напната, често има немир, често има нарушен сон и инхибиција.

Според специјалистот-психијатар, во психичкиот статус на министерката која доброволно се јавила и доброволно ги вршела психијатриските прегледи се констатира дека има оптиварен мисловен процес. Покрај оваа состојба на намалени когнитивни функции, на министерката ѝ е препишана и седативна терапија, односно 3 месеци е под седативи, изјави Ковачки.

Тој истакна дека според Законот за класифицирани информации односно уредбата член 4 точка 13, не може да му се издаде безбедносен сертификат на лице кое страда од ментална или емоционална состојба која може да предизвика значителни недостатоци на неговото расудување или доверливост и може да го направи лицето дури и ненамерно потенцијален безбедносен ризик што се утврдува врз основа на медицинската документација.

Прашањето до премиерот дали мислите дека има потреба за итно разрешување на министерката за одбрана која е со наведените манифестации на психичката состојба за која има писмен документ од психијатар? Дали ќе ја разрешите, прашува Ковачки.

The post Во владата има министерка на седативи, се чувствува немоќно, опседната е, има непријатни мисли, а има и безбедносен сертификат appeared first on Република.