„Македоника литера“ деновиве ја објави мемоарската книга на холандско- британската новинарка и преживеана еврејка во холокаустот Селма ван де Пере со наслов „Се викам Селма“, во превод од англиски јазик на Елена Саздовска.

-Темата во книгата е животот на една Еврејка, жена борец на Отпорот во Холандија, која преживеала нацистички кампови и логори.Т оа што била Еврејка дотогаш не играло никаква улога во нејзиниот живот, но наеднаш станало прашање за живот и смрт. Во книгата се објаснува дека користела лажен идентитет и ги преживеала воените ужаси, како и мачеништвата во логорите.Во тоа време никој не знаел дека е Еврејк, ниту пак кое е нејзиното вистинско име. Дури по војната се осмелила повторно да каже: Се викам Селма,соопштија од издавачката куќа „Македоника литера“.

Од издавачката куќа наведуваат дека книгата покажува уште многу работи кои не биле кажани за холокаустот на Евреите.Токму поради тоа оваа трогателна и неверојатна животна приказна и автентично сведоштво за холокаустот на Евреите, привлече големо внимание по публикувањето.

До публикувањето на ова македонско издание, авторските права на книгата веќе беа продадени за превод на петнаесетина јазици.

The post Објавена мемоарската книга „Се викам Селма“ appeared first on Република.