Просечна плата над 1.000 евра, минимална од 600 евра во новиот мандат на СДСМ, најави СДСМ. Велат во новиот мандат на СДСМ просечната плата ќе биде над 1.000 евра, додека пак минималната ќе биде 600 евра.

СДСМ ги остварува ветувањата на граѓаните, а така и го започна својот прв мандат, со ветување за зголемување на просечната плата од 500 евра, која достигна уште поголем износ од 650 евра. Тука не застануваме, затоа што платите на граѓаните ќе продолжат секојдневно да растат - коментираат од партијата

Европски стандард за сите, подобри услови за стопанството, раст на економијата, одговорност за менаџирање со буџетот, со што всушност се овозможува платите на граѓаните секојдневно да растат, е во фокусот на СДСМ и во новата програма.

The post СДСМ најави минимална плата од 36.000 денари и просечна од илјада евра во новиот мандат appeared first on Република.

Идејата на дел од партиите која овие денови се реактулизира Претседателот на државата да се избира во Собранието не е нова. Станува збор за реафирмирање на барањето на ДУИ од 2019 година коешто не беше прифатено од страна на СДСМ. Како и тогаш така и сега, ставот на Социјалдмократскиот сојуз на Македонија останува идентитечен: Моделот на избор на претседател на државата не треба да се менува. Не треба да се оди назад во демократските процеси, се вели во писмената рекација на партијата и се додава:

СДСМ останува на ставот дека Претседателот на државата треба да го бираат граѓаните на директни, непосредни избори како врвно демократско право на граѓаните. Претседателот на државата треба да биде претставник не само на мнозинската волја на граѓаните туку и на сите граѓани, без разлика на нивната политичка, етничка или друга припадност.

Претседателот на државата е човек кој е над партиските и над етничките определби, ги претставува сите граѓани, Македонци, Албанци, Турци, Срби, Роми, Бошњаци, Власи, сите.

Само Претседател избран директно од страна на граѓаните има толку широк потенцијал, да може да делува во обединување на општественото, на граѓаните, на партиите и да допринесе за остварување на врвните стратешки и национални цели“.

The post СДСМ: Претседателот на државата да се бира на непосредни избори appeared first on Република.

ДПМНЕ преку министерот во техничката Влада само ги компликува работите со личните документи и со погрешни одлуки и несоодветни чекори го заглавува издавањето пасоши.

Наместо да го зголеми капацитетот за сликање и вадење пасоши ДПМНЕ преку нивниот технчки министер го укина вадењето пасош без закажување, со што се пролонгира целиот процес со месеци-велат од владејачката партија.

The post Според СДСМ, ВМРО-ДПМНЕ е виновно за хаосот со пасошите appeared first on Република.

Со логото на СДСМ и со слоганот „Повеќе за сите“ утрово Скопјани ги дочекаа стотици билборди низ главниот град на Македонија.

Само со мала проверка, може да се заклучи дека традицијата на СДСМ за „позајмување“ на политички слогани од други партии и компании продолжува.

Слоганот „Повеќе за сите“ пред само неколку месеци го употребува во својата кампања синџирот на супер маркети од Холандија „Шпар“, додека, пак, пред 2 години овој слоган го употребил уште еден ланец на продавници „Лидл“.

Во 2008 година СДСМ на изборите искористи лого од фирма за банани, а оваа година од супер маркети. Останува непознато на што се должи фасцинацијата на оваа партија од фирми со ваков тип на стопанска дејност.

The post СДСМ ја почна предкампањата со украден слоган од холандски синџир на супер маркети appeared first on Република.

Претседателот на СДСМ, Димитар Ковачевски вечерва на отворање на промотивен штаб на партијата во Бутел посочил дека масовното присуство на членовите и симпатизерите на партијата покажува дека СДСМ е подготвен и оди на двојна победа и на претседателските и на парламентарните избори, затоа што има економски политички и државнички резултат зад себе.

Со СДСМ граѓаните имаат поголеми плати, пензии, имаат слободна и демократска држава, рамо до рамо со ЕУ и САД. И затоа што со опозицијата граѓаните знаат дека имаат помали плати, помали пензии, дека со нив парите неместо кај народот завршуваат во споменици и стиропор, нема демократија, а земјата ќе биде во изолација, рече Ковачевски.

Ако погледнеме прво за најважното, за економијата, за животниот стандрад на граѓаните, на работниците, професорите, наставниците, пензионерите, полицајците, војниците, ранливите, фактите потврдуваат, додаде тој, со СДСМ растат платите и секој добива повеќе.

Ветивме просчна плата од 500 евра до 2024 година, не само што го исполнивме тоа ветување, го надминавме. Денеска, благодарение на политиките на СДСМ просечната плата е 630 евра. Во време на ДПМНЕ изнесуваше само 360 евра. Со СДСМ, 270 евра повеќе! Платите ќе продолжат да растат со СДСМ и во новата програма ќе имаме нови мерки за поголеми плати. Минималната плата веќе од наредниот месец ќе биде над 22.500 денари. Во време на ДПМНЕ изнесуваше 8.000 денари. Со последното покачување минималната плата ќе ја зголемиме за 150% во споредба со ДПМНЕ. СДСМ е на страната на работниците, го вреднува нивниот труд и го почитува, рече Ковачевски.

Претседателот на СДСМ, како што се посочува во партиското соопштение, посочи на разликата во концепти со ВМРО-ДПМНЕ.

Прогресивниот, проевропскиот концепт предводен од СДСМ и деструктивниот, антиевропски концепт на ВМРО ДПМНЕ. Оваа разлика на концепти граѓаните го гледаат и фактите го потврдуваат, рекол Ковачевски.

The post Ковачевски: СДСМ оди на двојна победа на изборите appeared first on Република.

Кандидатот на ВМРО-ДПМНЕ, ќе освои најмногу гласови во првиот круг од претседателските избори што ќе се одржи на 24 април. Според резултатите од анкетата изработена од Институтот за Политички Истражувања од Скопје (ИПИС), презентирани во емисијата „Објектив“ на МРТ1, ќе има и втор круг (на 8 мај), а во него, покрај кандодатот на ВМРО-ДПМНЕ, ќе биде и тој на СДСМ.

Во бројки, резултатите од анкетата покажуваат дека за кандидатот на ВМРО-ДПМНЕ ќе гласаат 20,2% од гласачите, додека за СДСМ својот глас ќе го дадат 11,5%. На трето место ќе биде кандидатот на ДУИ (6,3%), по што следуваат Европскиот сојуз за промени (ЕСП) со 4,7%, Левица (3,3%), ЗНАМ (3%) и Алијанса за Албанците (2,2%)

Тоа што внесува неизвесност во трката за претсеател е големиот процент од граѓани коишто одговориле дека нема да гласаат за никого (15,7%). Не сакале да одговорат 11,5%, додека 11,2% не знаат или немаат одговор.

The post Анкета на ИПИС: ВМРО-ДПМНЕ води во претседателската трка со голема предност пред СДСМ appeared first on Република.

СДСМ својот претседателски кандидат ќе го има на крајот на овој или на почетокот на идниот месец и тој ќе биде подддржан од нашите коалициски партнери. Нашиот кандидат сега и во минатото, и нашите влади покажале дека со нас има европска Македонија, Македонија во полноправно членство во НАТО, со другите нема, изјави денеска во Скопје претседателот на СДСМ и поранешен премиер Димитар Ковачевски.

-СДСМ својот претседателски кандидат ќе го има на крајот на овој месец или на самиот почеток на идниот месец. Претседателскиот кандидат којшто ние ќе го предложиме ќе биде подддржан од нашите коалициони партнери. Колку претседателски кандидати ќе има во државата тоа зависи од политичките партии. Нема да се мешам во тоа дали некоја политичка партија ќе кандидира претедателски кандидат или нема да кандидира, дали некој поединец ќе се кандидра. Сепак ние сме демократско општество и секој кандидат, секоја политичка партија има право да кандидира за секоја функција. Она што знам е дека нашиот претседателски кандидат ќе биде поддржан од политички партии коишто биле со нас во коалиција, кои се со нас во коалиција и коишто ќе бидат на идните избори со нас во коалиција, со коишто веќе отпочнуваме разговори во однос на конкретното настапување на изборите, рече Ковачевски по учеството на панел дискусија со студенти на тема „На студентско столче: Перспективи за политики, напредок и промена“.

На новинарско прашање тој истакна дека ДУИ има опција или да го поддржи претседателскиот кандидат којшто СДСМ ќе го предложи или да кандидра свој претседател, и потенцира дека е тоа одлука која треба да ја донесе партијата на ДУИ.

СДСМ ќе има претседателски кандидат и ги повкуваме сиге прогресивни политички партии, поединци невладини органзиции, организации да го поддржат тој кандидат и да ни се приклучат во таа коалција. Оние партии поединци, организции коишто сакаат да се приклучат се разбира низ разговор, кон поддршка на еден таков кандиат, а нашиот кандидат и сега и во минатото, и нашите влади покажале дека со нас има европска Македонија, има Македонија во полноправно членство во НАТО. Со другите нема, бидејќи се покажало 11 години, и четири пред тоа, ниту има ЕУ, ниту има НАТО, Тие коишто сакаат ќе ни се приклучат, тие коишто сметаат дека треба да настапуват со свои кандидати, ние сме демократско општество и секој настапува со кандидати на начин на којшто смета дека треба да настапува. Така што никогаш не било ниту кажано, ниту пак разговарано дека нешто мора да се случи, наведува Ковачевски.

Тој кажа дека со Али Ахмети во последните денови се немале видено, но најави дека тие двајцата ќе одржат средба во блиска иднина.

Ние имавме состаноци во нашата партија со Извршниот штаб, со комисиите, итн, бидејќи работиме на финализирање на Програмата за изборите, и на дефинирање на деталите во однос на изборниот настап, како во партијата, така и со коалиционите партнереи. Сигурно дека ќе се сретнеме во блиска иднина. Меѓутоа, сепак партиите се тие коишто одлучуваат, исто како што СДСМ одлучува, сите други партии исто така одлучуват, рече Ковачевски.

За можна кандидатура на Ахмети за претседателски кандидат, претседсателот на СДСМ упати одговор да побараат во ДУИ.

Ние ќе имаме наш претседателски кандидат, а дали ќе се кандидра и кој ќе биде кандидат на ДУИ, тоа ќе мора нив да ги прашате, јас не можам да ви одговорам, ниту пак имам информација, вели претседателот на СДСМ Ковачевски.

The post Ковачевски: СДСМ ќе има претседателски кандидат, одлуката е на ДУИ дали ќе го поддржи или ќе одат со свој appeared first on Република.

Успешните енергетски политики на СДСМ даваат резултати.Во изминатите две години имаме најголемо инвестирање и најмногу обновливи извори на енергија кои што произведуваат електрична енергија.До 2016 година во време на владата на ДПМНЕ имало само 16 мегавати инсталирани обновливи извори на енергија, велат од СДСМ.

Само во изминатите две години во мандатот на СДСМ се исталирани 600 мегавати обновливи извори на енергија, кои може да снабдуваат околу 170 илјади домаќинства со струја.Одговорните енергетски политики на СДСМ, спроведувањето на енергетската транзиција доведоа до стабилност на цената на електричната енергија и враќање на евтината дневна тарифа на струјата за граѓаните.

СДСМ продолжува со спроведување на енергетската транзиција и инвестиции во енергетиката, за ефикасен и одржлив енергетски сектор

The post СДСМ се пофали: Инсталирани 600 мегавати од обновливи извори appeared first on Република.

32 години на историјата на Република Македонија и Република Cеверна Македонија, потврдуваат едно – дека без СДСМ не постои Европска Макеоднија. Вие погледнете ги сите одлуки кои се носени во овие изминати 32 години, од обезбедувањето на независноста кое го предводеше претседателот на државата Киро Глигоров, кој има 001 членска книшка од СДСМ. Договорот за асоцијација и стабилизација, утврдувањето на кандидатскиот статус, потоа зачленувањето во НАТО, отпочнувањето на преговорите со ЕУ, се е тоа резултат на работа на СДСМ.

Ова во интервју за МИА го вели претседателот на СДСМ, Димитар Ковачевски.

Тој додаде дека на парламентарните избори СДСМ ќе има заеднички листи со коалиционите партнери со кои се блиски и според вредности и според политички програми – ЛДП, ДОМ, Партијата на пензионерите и сите кои се центар или лево политички ориентирани партии со јасна визија за државата во делот на економскиот развој, во делот на социјалата, грижата на младите и интеграцијата во ЕУ.

Дали ќе се приклучат на тие листи и други политички партии се однесува исто како и за претседателот на државата, доколку оценат дека ги делат тие вредности тогаш сигурно ќе се приклучат. Доколку оценат дека треба да настапат на изборите сами, тогаш тоа ќе биде нивна одлука, рече Ковачевски.

Претседателот на СДСМ додаде дека вратите на Европскиот фронт се отворени за сите партии, невладини организации, институции и поединци кои ги делат вредностите за зачленување на Македонија во ЕУ, за исполнување на обврските како членка на НАТО, за градење на добрососедски односи и општество во кое секој поединец ќе може да го изрази својот поединечен став или мислење без разлика на неговата припадност.

The post Ковачевски: Историјата покажува дека без СДСМ не постои Европска Македонија appeared first on Република.

Партиите полека почнаа да ги објавуваат кандидатите за претседател на Македонија. Прво беше објавена кандидатурата на Билјана Ванковска. Потоа албанската опозиција која објави дека тоа ќе биде Арбен Таравари. Уплашени од поддршка кај Албанците кои го има Европскиот сојуз за промени, и ДУИ најавува „тешкаш“ за кандидат.

Според најавите од партијата, тоа ќе биде или лидерот Али Амхети или министерот за надворешни работи Бујар Османи. Анкетите покажуваат дека ќе се води изедначена трка во првиот круг меѓу кандидатот од Албанците во власта и опозицијата.

ВМРО-ДПМНЕ својот кандидат за претседател ќе го избере на втори март и во најтесната група се неколку кандидати. Но, приказна за себе е помалиот коалициски партнер во власта СДСМ. На популарната „Бихаќка“ владее вистинска паника откако ДУИ најави дека ќе излезе со свој кандидат па сега социјалдемократите се на вистина мака да излезат и тие со свој кандидат. Првичната желба беше да се „шлепаат“ на ДУИ знаејќи дека рејтингот постојано им оди надолу.

СДСМ веќе подолго време прави внатрешни мерења и анкети кои покажуваат дека највисок рејтинг има актуелниот претседател Стево Пендаровски. Иронијата да биде поголема, рејтингот на Пендаровски меѓу народот е катасторфален па и оттаму името кое му го дадоа „Стево 0,2 посто“.

Партиските анкети уште покажале дека вториот кандидат има двојно понизок рејтинг од Пендаровски. Верувале или не. Засега е нејасно кој е тој вториот, иако во игра се споменуваат Радмила Шекеринска, Оливер Спасовски, па дури и Венко Филипче.

Професорот Ненад Марковиќ е на сличен став дека СДСМ во моментов нема подобра опција за претседател од Пендаровски.

СДСМ нема подобар кандидат од Пендаровски.Ниту еден од кандидатите кои СДСМ ги мери нема повисок рејтинг од него.Вториот кандидат има половина од рејтингот кој го ужива Пендаровски кај гласачите.Самииот Пендаровски ќе одлучи дали има некакви шанси и дали сака да оди, гледајќи ги резултатите во вториот круг што би можело да се случи-изјави Марковиќ за „ВинВин“ на Телма.

The post Ќе најде ли СДСМ кандидат за претседател? Какви ли се другите кога Пендаровски наречен „0,2 посто“ има највисок рејтинг кај членството appeared first on Република.

СДСМ како носител на извршната власт има во интерес изборниот процес да понмине во крајно демократски амбиент и демократски услови, зашто не сакаме да се фрли дамка на изборниот циклус на редовните парламентарни избори и претседателските избори, кои се одржуваат по 5 години, истакна координаторот на пратеничката група на СДСМ Мартин Костовски, за „24 Анализа“ на телевизија 24.

Костовски додаде дека увертира е со формирањето на техничката влада, во комисијата за избори и именувања се откочи процесот за избор на новиот член на ДИК, кој на следната пленарна седница треба да биде избран со 2/3 мнозинство.

Во интерес е на државата како членка на НАТО алијансата, како држава која преферира да започне преговори ден поскоро и во сите нас кои сме демократи по убедување, борци за една поинаква Македонија, сакаме да нема ниту една дамка на изборите, рече Костовски.

Костовски истакна дека СДСМ е во постапка на именување кандидат за претседателските избори.

Имаме голем кадровски потенцијал, што е наша среќа и наше богатство Предложени се голем дел имиња, од поранешни претседатели на партии, поранешни претседатели на државата, поранешни генерални секретари, истакнати современици во општеството. Јас едно можам да кажам сигурен сум дека кандидатот на СДСМ ќе биде личност, којашто ќе биде идниот претседател на државата, порача координаторот на пратеничката група на СДСМ Мартин Костовски, за „24 Анализа“ на телевизија 24.

The post Костовски: Кандидатот на СДСМ ќе биде идниот претседател на државата appeared first on Република.

Претседателот на СДСМ Димитар Ковачевски во интервју за МИА, прашан кога ќе биде познат претседателскиот кандидат на партијата, вели дека нивниот кандидат ќе дели европски вредности и нема да ги дели граѓаните на ниту по еден основ, додавајќи дека актуелниот претседател Стево Пендаровски во изминатите пет години одлично ја извршувал функцијата.

Не би сакал во моментов да истакнувам ниту еден кандидат со оглед на тоа дека тоа е не ниту статутарно, не е ниту етички од моја страна. Меѓутоа, само ќе истакнам дека бидејќи најмногу прашања се вртат околу тоа дали претседателот Пендаровски ќе оди за втор мандат јас сметам дека тој одлично ја обавуваше својата функција во текот на изминатите пет години, токму ги застапуваше вредностите коишто јас сега ги кажав, меѓутоа и коишто ги споделува нашата партија, вредностите коишто ги споделува и нашата коалиција, односно коалиционите партнери на Социјалдемократскиот сојуз на Македонија, изјави Ковачевски за МИА, во одговор на прашањето колку кандидати се влезени во потесниот круг и кога ќе биде објавено неговото име.

Ковачевски додаде дека јасно е каков ќе биде профилот на претседателот што ќе го предложат, односно, ќе дели европски вредности, ќе се залага за заокружување на процесот на европски интеграции на државата до 2030 година којшто нема да ги дели граѓаните по ниту еден основ не само етнички, туку и по која било припадност на кој било граѓанин во нашата држава

Сметам дека Социјалдемократскиот сојуз на Македонија е единствена партија која што може да даде таков кандидат и се потврдило во минатото дека кандидатите коишто биле предложени од СДСМ, а коишто станале претседатели на државата застапувале токму такви вредности. Ние сме коалиција која што има најголем број на политички партии во неа и сметам дека исто така дека на тој начин ќе биде продолжена и политиката на добрососедски односи, политика на одлични меѓуетнички односи во државата и секако политиката на одлични односи со стратешките партнери со САД, Велика Британија и Европската Унија, додаде Ковачевски.

Вели дека меѓу кандидатите се и бивши претседатели на партијата, бивши претседатели на државата, бивши секретари на партијата и видни истакнати членови на заедницата, како на пример поранешни истакнати судии...

Ковачевски нагласи дека ќе одат со свој кандидат за претседател, којшто, како што рече, ќе биде поддржан од голем број нивни коалициски партнери.

Интервјуто во целост, заедно со видео материјалот ќе биде објавено в сабота.

The post Ковачевски: СДСМ ќе оди со свој кандидат на претседателските избори appeared first on Република.

Се спрема епски криминал на бегање, повеќе од 140 милиони евра тендери се подготвуваат во РЕК Битола, околу 6 милијарди денари за увоз на јаглен и околу 3 милијарди денари со вклучен ДДВ за ископ на јаглен и јаловина во РЕК Битола. Однапред ќе ви кажам дека тие две јавни набавки ќе ги добијат фирми кои ги знаете и кои се омилени фирми на неколкумина од власта, предводени од ДУИ и СДС, изјави претседателот на ВМРО-ДПМНЕ, Христијан Мицкоски денеска од Кавадарци одговарајќи на новинарско прашање.

Мицкоски појасни дека власта на бегање ќе распише тендер за набавка и увоз на јаглен од 6 милијарди денари што еднакво на 100 милиони евра и ќе доделат тендер за ископ на јаглен и јаловина на омилената фирма на еден конзул на една источна земја.

Бидејќи се европски фронт ама не им смета да доделуваат вакви јавни набавки на конзули на источни земји кои имаат санкции од ЕУ во вредност од 40 милиони евра или со се ДДВ близу 50 милиони евра. Апелирам луѓето кои се во ЕЛЕМ, генералниот директор и вработените и во рудникот и во термоелектраната, лично за неколку месеци од денеска ќе се занимавам со овие две јавни набавки и јас им ветувам дека секој кој ќе стави потпис на оваа јавна набавка ќе биде изведен пред лицето на правдата и ќе одговара за тоа што го пљачка народот за да ги полни џебовите на малкумина кои се спремаат да бегаат после 8 мај, рече Мицкоки.

Мицкоски потенцира дека има големо искуство и знаење во делот на енергетиката и точно знае што прават од власта и што подготвуваат да направат, како и тоа дека нема да им дозволи овој сиромашен народ дополнително да биде пљачкан од овие политички криминалци кои се во заминување.

Апелирам и ги предупредувам раководните лица на АД ЕСМ, поранешно ЕЛЕМ и раководните лица на РЕК и сите оние кои ќе стават потпис на овие јавни набавки дека ќе одговараат за соучество. Да не дозволите малкумина кои ги полнат торбите со милиони народни пари и се подготвуваат за бегање после 8 мај, да ве стават вас и вашите семејства во проблем. Ова не е закана, ова е предупредување и ако се случи лично ќе се занимавам, изјави Мицкоски.

The post Мицкоски: СДС и ДУИ на бегање подготвуваат епски криминал од 140 милиони евра во РЕК Битола, после избори лично ќе се занимавам со ова appeared first on Република.

Прифатена е иницијативата на министрите од СДСМ за бесплатна замена на возачките и сообраќајните дозволи. Владата донесе одлука со која се овозможува бесплатна замена на важечките возачки и сообраќајните дозволи за граѓаните на Република Cеверна Македонија - се пофали владејачката партија.

Иако со месеци трае голготата на граѓаните, тие денеска се удираат во гради дека бесплатни патни листови ќе добијат сите граѓани кои живеат надвор од нашата земја, а кои имаат потреба да се вратат за да извадат патни исправи.

Издавањето патните листови каде што нашата држава нема дипломатско конзуларно претставништо ќе биде направено онлајн, а тие ќе бидат испратени по пошта до граѓаните. Со измени на законите граѓаните и понатаму да може да ги користат на територијата на државата, а ДПМНЕ не смее да ги казнува граѓаните - велат од СДСМ.

The post СДСМ се фали: Прифатена иницијативата на СДСМ, бесплатна е замената на возачките и сообраќајните appeared first on Република.

СДС и ДУИ ќе не носеа во Европа, а сега без пасоши ниту од нивната „Северна“ не може да се излезе.

На народот му натурија решенија кои го однесоа во ќорсокак. Спасовски и Ковачевски, свесно го ставија народот во трошок, даваа лажни изјави, дека ќе важат личните карти и возачките дозволи, иако знаеа дека според договорот, кој го потпишаа, истите ќе важат само до февруари 2024-та година.До пред еден месец лажеа дека граѓаните нема да плаќаат казни, доколку имаат возачки дозволи со Република Македонија, за завчера да мора на итна седница, во Собранието да се донесат законски измени поднесени од Министерот за внатрешни работи, за да се заштитат граѓаните - стои во соопштението испратено од Центарот за комуникации на ВМРО-ДПМНЕ.

Оттаму велат дека ЈО и Народниот правобранител, треба веднаш да поведат постапка против Спасовски и Ковачевски и владата во целост, која го довела целиот народ во заблуда и материјално го оштетиле.

Основните човекови права се загрозени и само заради власта во заминување на СДС и ДУИ, голем број на граѓани не можат слободно да се движат надвор од Република Македонија, а да не беа законските измени на предлог на ВМРО-ДПМНЕ во целост ќе беше блокиран и внатрешниот сообраќај во државата.

На овие неодговорни кон својот народ и криминални политичари, мора да им се стави крајот, а тоа ги чека на 8 мај, тежок пораз од страна на граѓаните, а потоа следува одговорноста, која нема да изостане.Затоа народот вели дека државата е одземена. Никогаш не се живеело полошо - велат од опозицијата.

The post СДС и ДУИ ќе не носеа во Европа, а сега без пасоши ниту од нивната „Северна“ не може да се излезе appeared first on Република.

Откако направија хаос во државата со новите патни документи кои треба да го содржат името Cеверна Македонија, СДСМ, веднаш по изјавата на новиот министер за внатрешни работи, Панче Тошковски, за законски измени за решение на проблемот, најави дека ќе предложат и тие законски измени. Додека граѓаните се туркаа, се тепаа и буквално кршеа врати за да влезат да подигнат документи, откако многумина останаа без важеќки документи, поради лошата организираност на МВР, по промената на нивниот министер се сетија како да го решат проблемот.

Пратеничката група на СДСМ ќе поднесе предлог за законски измени со кои возачките дозволи, сообраќајните дозволи, осигурителните полиси и сообраќајните книшки ќе им биде продолжена важноста, изјави на денешната прес-конференција Дарко Каевски, портпарол и пратеник на СДСМ.

Тој додава:

-Со измени на законите граѓаните и понатаму да може да ги користат на територијата на државата. Во меѓувреме граѓаните не смее да се казнуваат, никој не смее да биде казнет за учество во сообраќајот. Ова е соодветно решение, возачките се за домашна употреба и мора да важат и понатаму. За овие законски решенија очекуваме поддршка од сите пратенички групи во македонското Собрание.

Портпаролот на партијата која го создаде хаосо вели наместо да се шири паника меѓу граѓаните и со неодговно однесување на министрите на ДПМНЕ во техничката Влада да се создава дополнителен хаос, сите политички партии да го поддржат овој предлог.

новиот министер за внатрешни работи, Панче Тошковски, вели дека ако има политичка волја решение за хаосот со документите  – има. Сè што треба да се направи се измени во Законот за патни исправи и во Законот за безбедност во сообраќајот.

Измените ги подготвив. Тука се. Готови се. Кога пред моите колеги ги предложив овие измени, бев опструиран, министрите ми велеа дека ќе сме прекршеле меѓународен договор. Ова што го предлагам е согласно сите меѓународни акти кои ги гарантираат основните човекови прави. Вака го кршиме основното човеково право на движење, оневозможуваме излез од државата со валидна патна исправа. Нема кршење на меѓународни договори ако се усогласат техничките рокови од Преспанскиот договор врз основа на објективните човекови и технички капацитети на Македонија. Може да се бараат нови рокови. Со меѓународен билатерален договор не смее да се кршат човекови права. Ова е резултат на незнаење и неодговорност на властите. Ова што се случува е флагрантно кршење на човековите права. Ова е страшно. Не можам дури ни да поверувам. Грција нема право да го поништи пасошот. Обрасци немаме. Состојбата е алармантна, вели Тошковски.

https://republika.mk/vesti/makedonija/inaet-na-smetka-na-graganite-spasovski-koj-go-ostavi-mvr-bez-obrastsi-smiruvashe-deka-kazni-nema-da-ima-sega-go-ignoriraat-toshkovski-za-zakonskite-izmeni/

The post Виновни за хаосот со документите биле техничките министри од ВМРО-ДПМНЕ, СДСМ со законски измени ќе го решавале проблемот appeared first on Република.

Во интервју за „Слободен печат“, претседателот на СДСМ, Димитар Ковачевски кажа дека постапката за избор на претседателски кандидат на СДСМ се одвива на едно исклучително високо демократско ниво, и дека кон крајот на месецот ќе се знае точно име со кое партијата ќе настапи на претседателските избори.

Како државотворна партија, СДСМ со изборот на кандидатот за претседател на државата ќе одговори на потребите на граѓаните и на татковината. Чесен, широко прифатен од граѓаните, близок со народот, кој ги споделува прогресивните вредности на демократското општество, со визија за европска иднина. Човек кој ќе биде претставник на сите наши граѓани без разлика на етничка, политичка, верска или каква било припадност. Тоа е профилот на кандидатот на СДСМ и тоа е профилот на победничкиот кандидат на идниот претседател на државата. Постапката за утврдување кандидат досега се одвива во рамки на партијата на едно исклучително високо демократско ниво. Задоволен сум од тоа што освен степенот на демократија во рамки на процедура имаме повеќе предлози, одговорни личности, со кредибилитет, со високи морални норми. Очекувам на крајот на овој месец да финишира оваа постапка, а потоа и да го објавиме пред граѓаните и да ја побараме нивната поддршка. Две работи се сигурни. Кандидатот ќе ја има најшироката поддршка од политичките партии и граѓанските организации, поединци и секако од граѓаните. Тоа ќе биде идниот претседател на државата кој во следниот мандат заедно со проевропските сили, со проевропската влада, со мене како иден премиер ќе работи на полноправно членство во ЕУ“ посочи Ковачевски.

Запрашан за тоа дали Стево Пендаровски повторно би бил кандидат на СДСМ за претседател на државата, Ковачевски упати пофални зборови за сегашниот претседател, но додаде дека конечната одлука ќе биде донесена наскоро.

Во неколку наврати имам споменато дека претседателот Стево Пендаровски успешно го извршуваше својот мандат во изминатите 5 години. Тој беше поддржан од повеќе партии, ги обединуваше сите етнички заедници и демократски принципи и затоа беше натпартиски, консензуален кандидат. Пендаровски е европски политичар, поддржувач на евроинтеграциите на Северена Македонија, на членството во НАТО. Имајќи го ова превид, секако дека се вклопува во профилот за којшто говориме. Сепак, кој ќе биде кандидат на СДСМ за претседателските избори ќе објавиме наскоро по завршување на целата постапка“ порача тој.

The post Ковачевски: До крајот на месецот ќе се знае претседателскиот кандидат на СДСМ appeared first on Република.

Претседателот на СДСМ, Димитар Ковачевски, коментирајќи ја изјавата на вицепремиерот Фатмир Битиќи дека би прифатил да биде заеднички кандидат за претседател на државата, потенцираше оти истата покажува дека СДСМ е на исклучително демократско ниво и секој кој ги исполнува критериумите согласно правилникот, може да биде предложен.

Тоа што го кажува потпретседателот на партијата Битиќи, апсолутно е во корелација со тоа што го кажувам, а тоа е дека оваа постапка во нашата партија е на исклучително високо демократско ниво. Секој може да биде предложен, кој што ги исполнува критериумите согласно правилникот и сечија кандидатура и амбиција, сечиј капацитет и потенцијал нормално дека од Извршниот и од Централниот одбор на партијата ќе бидат земени во предвид, изјави Ковачевски.

Тој додаде дека ќе биде номиниран претседателски кандидат којшто ќе го продолжи она што Владата го прави, а тоа е да ја продолжи европската интеграција на државата.

https://republika.mk/vesti/makedonija/pendarovski-ofitsijalno-predlozhen-za-kandidat-na-sdsm-za-pretsedatel-rivali-ke-mu-bidat-poraneshni-pretsedateli-na-drzhavata-i-partijata-kako-i-vrvni-sudii/

Вчера вицепремиерот Фатмир Битиќи во интервју за телевизија Алсат, како одговор на новинарско прашање дали би прифатил да биде претседателски кандидат, рече дека би прифатил таква понуда, ако се бара консензуален кандидат.

Во однос на информациите дека Бујар Османи наводно ќе биде кандидат на ДУИ за претседател, Ковачевски рече дека секоја политичка партија има легитимно право да кандидира кандидат за претседател.

Секоја политичка партија има свое легитимно право да кандидира кандидати за претседатели. Секоја политичка коалиција има легитимно право да кандидира и секој поединец има легитимно право да се кандидира за претседател за која било друга функција, рече Ковачевски.

The post Ковачевски за Битиќи: Секој кој ги исполнува критериумите може да биде кандидат за претседател appeared first on Република.

Претседателот на СДСМ, Димитар Ковачевски, одговорајќи на новинарско прашање околу кандидатите за претседател на државата, посочи дека има повеќе еминентни можни кандидати кои се предложени. Ковачевски напомена дека и актуелниот претседател Стево Пендаровски е предложен од општинските организации, а предложени се и други поранешни претседатели на државата, поранешни претседатели на СДСМ, поранешни секретари на СДСМ, врвни поранешни судии.

Ковачевски на заедничката прес-конференција со претседателот на Социјалдемократската партија на Германија, Ларс Клингбеил, прашан колку вкупно номинации има за кандидат за претседател, одговори дека не може да каже точна бројка, но се работи за повеќе еминентни можни кандидати.

Не можам да ви кажам точно колку можни кандидати се предложени затоа што ги немам бројките пред мене. Тие се собираат во секторот на организацискиот секретар. Се работи за повеќе еминентни можни кандидати, вклучително и претседателот Пендаровски, кој што е предложен од општинските организации. Тоа што можев да го видам од она што го имаме добиено на располагање од општинските организации, само потврдува дека СДСМ е голема партија, партија која располага со врвен кадровски птоенцијал и која секогаш ги има најдобрите кандидати за сите позиции, изјави Ковачевски.

The post Пендаровски официјално предложен за кандидат на СДСМ за претседател, ривали ќе му бидат поранешни претседатели на државата и партијата, како и врвни судии appeared first on Република.

Поминаа 1 месеци како сум министер во кои покажав како треба да се работи. Покажав како треба да се бори еден министер за она што во верува и сака да го спроведе во интерес на пациентите и граѓаните. Не бегав од проблемите, туку влегував во оган за да ги решавам оние прашања за кои сите пред мене бегале и ги ставале под тепих, рече вчера на собраниската седница сега веќе разрешениот министер за здравство Фатмир Меџити. Меџити го обвини ДУИ дека неговото разрешување е политички, се со цел да се попречува и блокира работата, односно како што рече жали што не сите во владата имаат иста цел, додека тој го гледа интересот на пациентите, ДУИ го гледа и штити својот личен партиски интерес. Жалам што се покажа дека не сите имаат иста цел како мене во оваа влада. Се покажа дека ДУИ преку нивните министри од кои зависат многу работи и решенија до крај реши да политизира, да попречува и да блокира. Реши до крај да оди против интересот на граѓаните, пациентите и здравствените работници, за да го штити својот личен партиски интерес, порача Меџити. Меџити им порача на ДУИ дека за неколку месеци граѓаните ќе ги казнат за ова деструктивно однесување. Граѓаните се тие кои за неколку месеци на избори ова деструктивно однесување ќе го казнат. Јас сметам дека политиката е средство за помош на граѓаните и подобрување на состојбите. Но, тие сметаат дека политиката е средство за реализација на личните интереси. Ние, кога е во прашање разбирање на јавните функции колеги од ДУИ сме од различни планети, смета тој. Меџити им се обрати и на пратениците и функционерите од СДСМ, порачувајќи им дека е многу понижувачки да бидат неми набљудувачи на сето она кое што го прави нивниот коалициски партнер ДУИ. Сакам да им се обратам и на сите функционери од СДСМ во оваа влада, размислите само колку е понижувачки за вас и вашите поддржувачи да бидете неми набљудувачи на ова што ДУИ го прави против интересите на граѓаните и пациентите. Немото соучество е најлошата форма на поддршка за ваквите постапки, им се обрати Меџити на пратениците од СДСМ. Мојата чест е чиста, јас знам за што се залагам и за што се борам, рече Меџити и додаде дека во последните 2 дена добил 100тици пораки за поддршка. Меџити нагласи дека од денеска веќе за сите катастрофални политики се одговорни СДСМ и ДУИ, напоменувајќи дека тој се изборил за вработување на 1117 вработувања кои што всушност ДУИ сака да ги користи како партиски војници, како и дека Артан Груби кој како што рече многу сакал да е прв, ја кочел изградбата на катната гаража во Клинички центар. Од утре натаму вие одговорете им зошто не се реализираат 1117 вработувања во Министерството за финансии. Ние тоа го завршивме експресно. Сите граѓани се свесни како се борев за овие вработувања, која оваа влада седум години значи со договор на дело не ги вработува, и знаете ли зошто, затоа што треба утре да ги користат како партиски војници. Вие одговорете им зошто се кочат катните гаражи за да го средиме хаосот на Клинички центар, јас најдов решение, добив мислење од министерството за економија и финансии и два месеци од сегашниот вицепремиер, а тогашен прв зошто многу сака да биде прв не беа потпишани и пренесени до ресорното министерство за здравство.

The post Меџити до СДСМ: Вие сте неми набљудувачи на сите катастрофални политики на ДУИ, нели ви е срам и понижувачки пред вашите поддржувачи, Груби да ве управува како сака? appeared first on Република.