Финскиот претседател, Саули Нинистo, верува дека Финска и Шведска ќе бидат примени во НАТО во јули и порача дека сака САД да ја притиснат Турција да ги одобри барањата за членство што ги поднесоа двете држави.

Нинисте изјави дека доколку се пролонгира решавањето на проблемот, ќе се доведе во прашање целиот процес на приклучување кон воениот сојуз.

Ако прашањето не се реши со средбата во Вилнус, зошто би се случило потоа, изјави Нинистo.

Тој додаде дека некаков договор за време на билатералните преговори меѓу Турција и САД може да има влијание.

Литванија ќе биде домаќин на самитот на НАТО од 11 до 12 јули.

НАТО бара од сите земји-членки да одобрат пристапување на нови земји, а Турција и Унгарија се единствените држави од 30-члената воена алијанса кои формално не го поддржаа приемот на Шведска и Финска.

Официјална Анкара на неодредено време го одложи клучниот состанок во Брисел на кој ќе се разговара за влезот на двете нордиски земји во НАТО.

Нинисте изјави дека одложувањето не е главоболка само за земјите што сакаат да станат членки, туку и за земјите од НАТО.

The post Финскиот претседател бара САД да ја притиснат Турција за да дозволи влез на Шведска и Финска во НАТО appeared first on Република.

Финска нема да влезе во НАТО без Шведска, изјави финскиот претседател Саули Нинисто на заедничката прес-конференција со генералниот секретар на НАТО Јенс Столтенберг вчера во Хелсинки.

Велам дека случајот со Шведска е и наш. Тоа значи дека одиме рака под рака- истакна Нинисто.

Столтенберг рече дека НАТО нема рок до кој би требало да ги прифати нордиските земји во своето членство.

Шведска и Финска минатиот месец поднесоа барање за членство во НАТО како одговор на руската инвазија врз Украина но се соочија со противење од Турција, која ги обвини дека ги поддржуваат и засолнуваат курдските милитанти и другите групи кои Анкара ги смета за терористи.

Според Столтенберг, загриженоста за безбедноста што ја искажа Турција во нејзиното противење за барањата за членство на Финска и Шведска во НАТО е легитимна.

Тоа се легитимни грижи. Се работи за тероризам, се работи за извоз на оружје - рече Столтенберг на заедничката прес-конференција со Нинисто во неговата летна резиденција во Нантали.

Столтенберг рече дека Турција е клучен сојузник за Алијансата поради нејзината стратешка локација на Црното Море меѓу Европа и Блискиот Исток и ја наведе поддршката што и ја пружила на Украина откако Русија го нападна својот сосед на 24 февруари.

Според него, важно е да се забележи дека ниту еден друг сојузник на НАТО не претрпел повеќе терористички напади од Турција, и затоа нејзината загриженост мора да се сфати сериозно.

Столтенберг додаде дека самитот на Алијансата во Мадрид никогаш не бил краен рок за одобрување на кандидатурите на Шведска и Финска за влез во НАТО.

The post Нинисто: Финска нема да влезе во НАТО без Шведска appeared first on Република.

Финска и Шведска ќе можат да постигнат договор со Турција за приговорите на Анкара за приклучувањето на двете нордиски земји во НАТО, изјави денеска финскиот претседател Саули Нинисто.

Изјавите од Турција многу брзо се сменија и станаа посериозни изминатите денови. Но, сигурен сум дека со конструктивен дијалог ќе ја решиме ситуацијата - тврди Нинисто.

Турскиот претседател Реџеп Тајип Ердоган претходно најави дека делегациите на тие две земји наскоро ќе ја посетат Турција со цел да ја убедат Анкара да го одобри нивниот прием во НАТО.

The post Нинисто: Ќе се договориме со Турција за влезот на Финска во НАТО appeared first on Република.

Претседателот на Финска, Саули Нинисто телефонски разговараше со рускиот колега Владимир Путин за плановите на Хелсинки за членство во НАТО.

Разговорот беше директен и отворен и беше воден без отежнување. Избегнувањето на тензиите се оценуваше за важно - посочи Нинисто.

Тој во телефонскиот разговор со Путин истакна дека по руската инвазија драстично се променило безбедносното опкружување на Финска поради што земјата одлучила во следните денови да побара членство во Алијансата.

По најавата на Хелсинки дека планира да аплицира за членство во НАТО, Финска беше исклучена од руската електрична мрежа, а Русија спроведе воени вежби во Калининград, својата енклава на Балтичкото Море.

The post Дали ќе се смират тензиите: Путин телефонски разговорал со Нинисто appeared first on Република.