Бојан Јовановски во подкастот кај Стефан Лазаров проговори и за т.н големи имиња новинарски кои беа дел од 1тв  за кои тој мислел дека знаат што е телевизија и кои земале  повеќе од 2000 евра плата.

https://republika.mk/vesti/makedonija/boki-13-filipche-kaj-mene-doma-pregovarashe-prodazhba-na-gob-8-septemvri-i-dogovarashe-protsent-za-nego-i-za-zaev/

Јовановски вели дека новинарските имиња кои требало да ѝ донесат интелектуална тежина на телевизијата, кои тој лично ги поканил да бидат дел од тимот на неговата телевизија, додека седеле со него на маса, зад грб му ковале заговор.

Имале нечесна намера, телевизијата ја гледале како бунар од кој треба да се напијат. Најразочаран сум од многу нив. Кога тргна да се вари целата чорба околу мене, сите од уреднициве знаеја дека мене нешто ми се спрема. Имавме колегиум. Сашо Ордановски е човек кој работел за некакви си служби кои пренесувале некакви информации од таа телевизија. За Борјан Јовановски и несакам да коментирам, тој беше апсолутно несериозен лик. Имавме фејсбук група во која бевме јас и уредниците Јовановски, Ордановски, Кочишки, Дувњак, Чомовски, Кабранов и Костова. Кога излегов од затвор и кога ја уклучив таа група, кога видов што се допишувале, зашто не знаеле дека треба да ги избришат пораките зашто некогаш ќе се вклучам на тој профил, додека седам јас во четири ѕида, ми стана одварно што ги познавам. Од оваа клапа ќе ги издвојам само Гордана Дувњак и Јадранка Костова, во позитивна смисла. Кон Кочишки немам зла крв, иако не е фер, вели Јовановски.

Во групата се договарале кога кафе да пијат, но и се шегувале на сметка на апсењето на Јовановски.

Сашо Ордановски го работеше Македонски инсајдер. Знаеше многу работи. Меѓу другото, Сашо Ордановски е човекот кој заедно со мене имаше тајни средби со Сашо Мијалков. На тие средби Ордановски беше со мене зашто преговараше за некако гостување на Мијалков. Потоа се среќаваа и сами. да не ги заборавиме контактите на Ордановски со разни позиционирани лица. Подоцна беше човек кој ги бранеше тезите на обвинителството на Русковска, вели Јовановски.

The post Боки за уредниците од 1ТВ: Сашо Ордановски работи за служби, Борјан Јовановски е несериозен лик, ме оговараа во Фејсбук група appeared first on Република.

Новинарот Сашо Орданоски смета дека македонската влада не треба да излегува со став околу францускиот предлог за решавање на спорот со Софија и за почнување на преговорите на земјава со ЕУ, додека тоа не го направи бугарската влада.

Со оглед на хаосот во Софија, не знаеме што ќе биде судбината на предлогот во самата Софија и потоа што статус ќе има. Тоа е процедура што ја тераат во ЕУ и таа мора да заврши некакви фази. Ќе видиме што ќе биде денеска-утре, вели Орданоски.

Според него, жестоки се поделбите во Софија.

Тој предлог може и да не помине во бугарскиот парламент. Моето чувство е дека овој предлог доаѓа како резултат на лошите политики на ЕУ, тоа не е ништо ново. Тука сме во фото-финиш со други земји кои бараат влез во Унијата. Таа е компликувано животно. Овој предлог, како што е даден, може да се случи да е најдобриот што ќе го добиеме. Треба да видиме што ќе бидат забелешките на владата. И да го усвои бугарскиот парламент, како ќе помине во самата ЕУ. Таму седат земји-членки кои во принцип не се согласуваат со бугарската позиција, речиси сите. Треба да бидеме свесни што потоа, рече Орданоски во емисијата „Само вистина“ на Канал 5.

Тој смета дека самиот предлог е понеприфатлив за Софија, отколку за нас.

Тоа се такви предлози, кога и двете страни не треба да бидат незадоволни. Се расчистува македонскиот јазик со Бугарите. Ќе биде признаен во една европска рамка, вели Орданоски.

The post Орданоски: Францускиот предлог може да биде најдобриот што ќе го добиеме appeared first on Република.

Интернетот е чудо и памти буквално сè. Доволно е само да го внесете бараниот поим или име и ќе ви излезе се што говорел или правел. Па така , кога ќе напишете Сашо Орданоски најчестите зборови до неговото име се ЕУ и промена на името.

Еден од првите владини пера беше главен заговорник Македонија да си го промени името бидејќи така ќе ги решиме проблемите со соседите , и најважното, ќе почне преговори со ЕУ.

Четири години подоцна каде е Македонија.

Спорот за името ни донесе уште поголеми проблеми со друг сосед, овој пат со Бугарија а од ЕУ сме подалеку од времето кога неговата омилена партија и политичар дојдоа, пардон ги донесоа на власт.

Не само што нема да почнеме преговори, а тоа јасно ни го предочија главните играчи Франција и Германија туку и ќе не стават во втора лига на ЕУ или „ЕУ за сиромашни“ како и да се вика тоа друштво.

А таму има навистина „респектабилни“ земји како Косово кое е измеѓу држава и територија,  Босна која и самата не знае што е, Албанија која веднаш го прифати новото друштво, потоа Украина која е во војна, и нам „блиските“ Грузија и Молдавија.

Што би рекле Србите „мало друштво али одабрано“.

„Да бидеме реални, невозможното нема да се случи“ вели Ордановски во својата колумна.

Владин гласнику, македонските граѓани добро знаат дека чуда во политиката не се случуваат и оти промената на името не е доволна оти ЕУ едноставно не сака земја каде што Заев и неговото друштво сади марихуана, каде кабелот е крив за тоа што луѓе живи изгореа во болници, каде корупцијата е нормална и се подразбира.

Народот е освестен и отрезенет господине Ордановски, а ќе се свестите и вие. Метлата веќе почна да игра, а до кој двор ќе замете ќе видиме многу скоро.

The post Орданоски го изгаси светлото во европскиот авион на Заев appeared first on Република.