Попладнево заедно со директорот на ФЗО Сашо Клековски остваривме состанок со преставници на компанијата Рош. Рош фармација е една од најголемите фармацевтски куќи во светот и во иновативни лекови. Рош снадбува значаен од лековите од вкупниот условен буџет за онкологија, хематологија, педијатрија, неврологија и др., напиша премиерот Христијан Мицкоски во објава на „Фејсбук“.

Ги разгледуваме можностите за намалување на цените, за вклучување на повеќе пациенти, се бориме за подобро здравство, додаде Мицкоски.

The post Мицкоски и Клековски на средба со преставници на компанијата Рош appeared first on Република.

Фондот за здравствено осигурување (ФЗО) од 2014 година или е во „статус кво“ или е во уназадување во сите подрачја од сопствената работа, оцени денеска директорот на ФЗО Сашо Клековски.

Сите 740 вработени во ФЗО, како што кажа, работат на надминување на проблемите. Со ребалансот на Буџетот, додаде, ФЗО има сопствен буџет од околу 780 милиони евра од кои 87 отсто се за здравствени услуги, 11,5 отсто за надоместоци за боледување, а 1,5 отсто трошоци за функционирање на ФЗО.

Проблемите најлесно се гледаат низ долгот на јавно здравствените установи (ЈЗУ). На 30 јуни годинава 109 ЈЗУ имаа долг од пет милијарди денари и само во првото полугодие од годинава долгот беше зголемен за една милијарда денари. Во буџетот на ФЗО не биле планирани ниту усогласувањата на платата во здравството договорени во 2023 година. Тоа значи дека има зголемување на долговите, а не се покриени преземените обврски за плати во јавното здравство и за условите за работа во смисла на лекарства, рече Клековски на Платформата „100 проценти посветени на тебе на тема: Мерки и политики за унапредување на здравството, социјалната политика, демографијата и младите“ што денеска се одржа во Владата.

Токму затоа, како што кажа, една од првите активности на ФЗО во соработка со Проектот за добро владеење на УСАИД била да се направи функционална анализа и проценка на ризиците од корупција.

Во здравството нема да имаме подобрување доколку не ја сузбиеме корупцијата и криминалот. Сметаме дека тоа треба да води кон неопходни заштеди кои се потребни за подобрување на здравствената заштита и на условите за работа. Значаен поттик беше и ребалансот на буџетот со кој заедно со заштедите се овозможува да се намалат долговите на ЈЗУ за две милијарди денари, рече Клековски.

Со тоа, додаде, ќе се намалат судските трошоци и каматите во судските спорови заради не сервисирањето на долговите, износи кои се во милиони евра.

Се надеваме дека со подобра наша финансиска дисциплина ќе придонесеме во намалување на цените на лековите, бидејќи во нив сега е вкалкулирана и цената на неплаќањето, посочи Клековски.

Нагласи дека ФЗО веќе обезбеди финансирање секаде каде што требаше да се обезбеди континуитет на услугите, односно околу пет милиони евра за Клиниката за радиотерапија и онкологија, зголемен е фондот за генетските истражувања, обезбеден е дополнителен фонд за Детска кардиохирургија,...

Во моментов работиме на калкулации дел од лековите што се на позитивната листа за болниците заради полесна достапност на пациентите да бидат префрлени на позитивната листа на достапност во аптеките. Разговараме и со здруженијата на матичните доктори и очекуваме до крајот на годинава да постигнеме договор за повеќе мерки за подобрување на работата во примарната заштита, потенцира Клековски.

The post Клековски: ФЗО од 2014 година или е во „статус кво“ или е во уназадување во сите подрачја од сопствената работа appeared first on Република.

Промена на позитивната листа на лекови, корекција на скрининг програмата, нови протоколи на Клиниката за онкологија за да се подобрат условите за пациентите, но и да се олесни работата на докторите, бараат здруженијата на пациентките болни од рак на дојка. Октомври е месец за борба против рак на дојка и се одржуваат бројни активности се со цел подигнување на свеста кај жените, но и кај мажите за самопреглед и редовни контроли.

Катерина Цаневска Арсовска, новинарка и онколошки пациент вели дека државата треба поорганизирано да настапува кон онколошките пациенти, да има доволно лекари и друг медицински персонал и лекови.

– Да има доволно доктори, медицински сестри, кревети. Мора многу поорганизирано да се настапува како држава кон онколошките пациенти, кон исполнувањето на услови за нивно лекување. Кога ќе одат да примат терапија, да не се плашат дали терапијата ќе ја има или ќе ја нема. Тешко е да нема терапија за некој од Скопје, кој ќе отиде и ќе се врати, па ќе доаѓа пак, ама замислете тоа да му се случува некому што е со километри оддалечен од главниот град. Затоа треба да се обезбедат сите, најдобрите видови на терапија и да ја примаат сите пациенти, на кои тоа им е потребно. Тоа е она што неопходно треба државата да го направи како еден од првите потези, за онколошките пациенти кои се борат со најтешката болест, како и за нивните семејства, кои заедно со нив ја водат таа битка и треба да помогнат во излекувањето, ни одговори таа.

Нејзината битка, како што кажува, започнала пред една година и се уште трае.

– Мојата битка сѐ уште не е завршена. Започна точно пред една година. Не кажував никому дека се сомневам дека имам рак. Тоа траеше долго време, тоа е најголемата грешка што ја направив во животот. Мојот апел до сите жени е редовно да се прегледуваат и доколку забележат нешто сомнително, веднаш да отидат на доктор, затоа што многу полесно се лечи, отколку да го поминуваат овој пат, јас што го поминувам. До мај месец примав хемотерапија на Онколошката клиника, сподели таа со нас.

Цаневска Арсовска дознала дека има рак во периодот кога во земјата започна аферата со биолошката терапија на Клиниката за онкологија. Вели дека тоа многу влијаело на севкупната состојба и дека не знаела кому да верува.

– Тоа што можам да го кажам од моето искуство, мојата одисеја на борбата со ракот, започна токму во времето кога изби аферата за наводна онколошка злоупотреба. Надлежните органи сѐ уште немаат поведено постапка, мислам дека сѐ уште се собираат најверојатно докази во Обвинителството. Првите два дена не знаев за себе ништо кога почнав да ја примам хемотерапијата, вели таа.

Слушала, читала, не можела да поверува што се случува, не знаела кому да верува. Тоа, според неа, била најстрашната работа. Бидејќи никој не кажувал што навистина се случувало. Многу прашања, околу тоа дали онколошките пациенти примале или не вистинска терапија. Одговор на тие прашања сѐ уште нема.

Цаневска Арсовска вели дека имаме добро обучени лекари и многу добри медицински сестри. Нејзината порака до сите пациенти кои се соочуваат со шокот дека заболеле од рак, е, да не се откажуваат во ниту еден момент.

– Треба да имаш само позитивна мисла, позитивна енергија, не треба нервози. Треба добра мисла и добра волја и решителност за справување со ракот. Редовни скринизни, редовна мамографија, редовни контроли кај доктор. Нема ништо пострашно од тоа, да се крие и да се бега од вистината, порача Цаневска.

Пациентките кои се борат со рак на дојка неретко својата мака ја споделуваат во групите на Фејсбук сакајќи на тој начин да алармираат дека нешто треба да се промени.

– Денес бев на Онкологија. Шест и пол часа за примање на редовна терапија од 40 минути. Гужва вообичаена. Место за седење нема. Докторите турбо, секој сака да заврши работа, а кога ќе влезе сака да му се посвети внимание, пишува на Фејсбук една пациентка. Наведува дека и во 14:30 часот кога завршила со терапијата во ходникот пред вратата за примање терапија се уште имало гужва.

Фондот за здравство најавува поголема достапност на лекови и проширување на Позитивната листа

Директорот на Фондот за здравствено осигурување Сашо Клековски во изјава за МИА вели дека пред некои лекови да бидат ставени на позитивната листа, треба прво да бидат регистрирани за употреба во државата. Трошокот за лекови во нашата држава, е некаде над 150 милиони евра годишно.

– Не можеме да ставиме на Позитивна листа, лек што не е донесен и регистриран во Македонија. Значи, некој треба да го донесе лекот во Македонија и да го регистрира, да биде во продажба и потоа на барање на производителот, увозникот, дистрибутерот, да ги разгледаме причините за ставање на позитивна листа, вели Клековски.

Од друга страна, додава тој, бидејќи јавните финансирања не ги покриваат сите лекови, прашање на јавна политика е, кои лекови треба да бидат финансирани.

– Моето разбирање е дека кај болестите каде има повисок морбидитет и морталитет, односно почесто луѓето се разболуваат и умираат од тие болести, тука треба да се трудиме да апдејтираме, посочува Клековски, додавајќи дека тоа треба да биде и финансиски возможно.

Еден од првите следни чекори, како што најавува директорот, ќе биде дел од лековите достапни во болничко лекување, да се направат достапни во аптека за да нема потреба пациентите да одат во болница да ја подигнат терапијата или да бараат рефундација потоа на шалтерите во Фондот. Целта е, како што додава, Клиниката за онкологија да се растерети од гужва.

Клековски вели дека планираат и дополнителни средства за 2025 година за проширување на Позитивната листа.

Извор: МИА

The post Лекови, нови протоколи на Онкологија и подостапни контроли, бараат пациентките со рак на дојка appeared first on Република.

Во сите болници и јавно-здравствени установи со поголеми буџети каде што испративме контроли има злоупотреби. Колку контроли ќе успееме да направиме, толку злоупотреби ќе има, изјави денеска на прес-конференција Сашо Клековски, директор на Фондот за здравствено осигурување (ФЗОМ), одговарајќи на новинарско прашање колку менаџери во здравството направиле злоупотреби.

Контролите се во тек. Дадовме приоритет на болниците и јавно - здравствените установи со поголеми буџети и поголеми долгови. За жал, мора да кажам дека во сите контроли што ги правиме, има злоупотреби. Не е само несовесното и недомаќинско, туку и незаконско работење во скоро сите контроли досега ги имаме направено. Како ќе завршуваат контролите, така ќе ги доставиме до МВР и до финансиска полиција за тие да ги разгледаат од кривично-правен аспект. Ние сме тука да ги обезбедиме сите потребни докази, изјави Клековски.

Денеска во ФЗОМ се одржа работна средба со претставниците на Владата на чело со премиерот Христијан Мицкоски. На средбата се презентираше работата на Фондот во првите 100 дена на Владата.

На прес-конференцијата Клековски ја презентираше мерка за справување со еден од најголемите проблеми во здравството, а тоа е растечкиот долг на 109-те јавни здравствени установи (ЈЗУ). Долгот само во првото полугодие од 2024 година е зголемен за 1 милијарда денари, односно, долгот е зголемен од 4 на 5 милијарди денари или околу 81 милион евра. Ваквото ниво на долг го загрозува работењето на повеќе ЈЗУ или може да доведе до нивно блокирање.

Планот на Фондот за долгот на ЈЗУ е обезбедување дополнителни средства, со истовремено идентификување на причините за долгот, кои ги има и на приходна и на расходна страна. Причините се движат од несоодветно планирање и финансирање до недомаќинско работење. За илустрација, на Клиниката за радиотерапија и онкологија и покрај јавно декларираните поддршки не се буџетирани потребните финансии, а примери за недомаќинско работење има повеќе.

Воедно, една од најбитните работи е сузбивање на корупцијата и криминалот, одговорност мора и ќе има, бидејќи без тоа нема да има напредок. Истовремено, Фондот со ребаланс на државниот буџет и со заштеди обезбеди средства за намалување на долгот за 2 милијарди денари, односно го намалува од 5 на 3 милијарди. Средствата се распоредени според големината на буџетот и долгот на ЈЗУ, во сите градови и сите подрачја. Околу една третина од ЈЗУ ќе бидат целосно раздолжени, главно здравствени домови, а кај повеќето ќе се избегнат блокадите. Ќе се деблокира и ЈУ заеднички служби, која во моментот е блокирана.

Намалувањето на долгот на одржливо ниво е прв чекор кон целосно решение кое ќе се одвива во текот на 2025 година. Намалувањето на долгот ќе овозможи простор за нови мерки, а Фондот дефинираше неколку пакети мерки и тоа: за онкологија; за жени, мајки и БПО (инвитро); за деца; кардиоваскуларни болести; регионализација; офталмологија; радиологија и друго. Овие пакети ќе бидат објавувани во наредниот период, а ќе се реализираат во следните шест месеци, кажа Клековски.

Според него, најголем пакет ќе биде за онкологија и само за Клиниката за онкологија ќе бидат обезбедени 315 милиони денари или над 5 милиони евра. Овој пакет ќе има над десетина мерки и во дијагностика и во терапија.

Клековски на новинарско прашање околу иселувањето на жителите од Македонија и како тоа влијае на придонесите изјави:

Демографијата е важен фактор при стратешкото планирање на ФЗОМ. Ние, во нашите долгорочни проекции планираме дека ќе имаме помалку популација, со повозрасна популација и популација со повеќе хронични болести, а помал број осигуреници што ќе плаќаат осигурување. Значи од една страна зголемени расходи, а од друга ризик на намалени приходи. Во моментов, надвор од придонесите за здравствено осигурување, најавивме дека ќе воведме финансирање од непридонеси, на пример од акцизата на цигари и алкохол, бидејќи истовремено тоа се работи што го зголемуваат здравствениот ризик а со тоа и здравствениот трошок.

The post Клековски: Во сите болници и јавно-здравствени установи со поголеми буџети каде што испративме контроли има злоупотреби appeared first on Република.

Злоупотреби на плати и надоместоци во здравствените установи биле констатирани со години наназад, но никој не реагирал, и сега со вонредните контроли утврдивме такви состојби, рече вчера во Дневникот на ТВ Сител го изјави директорот на Фондот за здравствено осигурување, Сашо Клековски, зборувајќи дека првите месеци откако е на чело на оваа институција ги поминува во средби со раководствата на здравствените установи, но и на сите чинители во здравствениот сектор, како и дека е утврдена ситуација на големи долгови и злоупотреби.

Директор користел патни трошоци од речиси 500 илјади денари во 10 месеци за што нема никаков документ. Друг директор си ја зголемил платата за 400 илјади денари за една година, за што нема никаква законска основа. Во Центар за јавно здравје се исплаќале плати врз основа на колективен договор што не постои, значи се давале измислени плати, вели Клековски.

Според него, во моментот се фокусираат на проверка на јавните здравствени установи со најголеми долгови, со цел, како што вели, да ги утврдат причините како и зошто настанале тие долгови.

Тешко е да се утврди колкава е вкупната штета од овие злоупотреби, бидејќи правиме проценки во различни сегменти. Во болница надвор од Скопје, во првиот месец по промената на директорот, само по основ на прекувремена работа имаме скратени трошоци за 30 илјади евра за еден месец, рече тој.

Посочи дека долговите во клиниките на Клиничкиот центар во Скопје не се секаде настанати поради злоупотреби.

На пример, Онкологија нема планирано соодветна терапија, зашто со буџетот немало план за иновативни лекови и се задолжувале. На различни места има различни примери, вели директорот.

Во план е, како што рече, долгот од пет милијарди на јавните здравствени установи да се намали, за да можат следниот период да се фокусираат на подобрување на здравствените услуги.

На прашањето дали ќе има пари за онколошка терапија, Клековски е дециден и вели дека терапија мора да има за сите.

Целата програма на иновативни лекови на Онкологија мора да има и ќе ја има. Една од најкрупните интервенции ќе биде на Онкологија. И не само на Онкологија, рече тој.

За лекувањата во странство рече дека Фондот покрива околу 250 до 300 случаи годишно што се лекуваат во странство, вклучувајќи ги и приватните болници кај нас. Најчесто место каде што се упатуваат на лекување е Турција.

За тоа одвојуваме околу 5,5 милиони евра годишно. Обично граѓаните бараат да одат на лекување во странство бидејќи ја имаат изгубено довербата во нашиот здравствен систем. И таа доверба мора да се врати. Многу лесто се случува дел од тие лекувања да се без медицински докази. Најчесто, се работи за лекувања со матични клетки, за кои сѐ уште нема доволно научни докази дека помагаат, Конзилијарните комисии не можат да предложат лекување ако нема медицински докази дека таа терапија помага. Апелирам пациентите да се обратат во Фондот, да се обратат да помогнеме да ја поминат процедурата и доколку ги исполнуваат законските услови, да им се одобри лекувањето, вели Клековски.

The post Директор без документ си користел патни трошоци од 500.000 денари, друг си ја зголемил плата за 400.000 appeared first on Република.

„Решение за проблемите во здравството има и тоа ќе го објавиме наскоро. Првите два месеци ги поминавме во средби со раководствата на здравствените установи и сите чинители во здравствениот сектор и констатиравме ситуација на големи долгови и злоупотреби“, изјави директорот на Фондот за здравствено осигурување, Сашо Клековски во интервју за Сител ТВ.

Според него, има злоупотреби на плати и надоместоци и тоа било констатирано со години наназад но,никој не реагирал досега.

„Директор користел патни трошоци од речиси 500.000 денари без документ, некои си зголемиле плати за 400.000 денари без основа, имаше измислени плати во некои институции. Ова има крај. Како пример, само за еден месец директорување на една болница надвор од Скопје со контрола на исплатите преку прекувремена работа имаме скратено трошоци за 30 илјади евра. Зборуваме за болница со многу помал капацитет од Скопје. Долговите не се секаде поради злоупотреби. Онкологија на пример, нема планирано соодветна терапија бидејќи со буџетот немало план за иновативни лекови и се задолжувале“, објасни директорот.

Клековски е дециден- терапија мора да има за сите.

„Целата програма на иновативни лекови на онкологија мора да ја има и ќе ја има. Една од најкрупните инвестиции ќе биде и на онкологија. После 10 години првпат се прави обнова на позитивната листа на лекови. Го отвораме Фондот за соработка со фармацевтските куќи кои треба да видат интерес во нашата нова политика и да понудат подобри услови“, вели Клековски за Сител.

Во однос на лекувањата во странство, тој потенцираше дека има околу 300 случаи годишно за лекување во странство, вклучувајќи ги приватните болници кај нас, а најчесто дестинацијата за лекување е Турција.

„За ова се одвојуваме околу 5.5 милини евра годишно. Обично граѓаните бараат да одат во странство бидејќи кај нас ја имаат загубено довербата во нашиот здравствен систем. Таа доверба мора да се врати. Многу често дел од тие лекувања се без медицински докази. Најчесто, станува збор за лекувања со матични клетки. Ние не можеме да предложиме лекување ако нема медицински докази дека терапијата помага. Упатувам апел секој да се обрати во Фондот за здравство, да помогнеме да ја добијат процедурата. Во Фондот сите што исполнуваат услови се спроведуваат“, додаде Клековски.

The post Клековски: Лекови мора да има и ќе има за сите– имаме решение за проблемите во здравството appeared first on Република.

Како да се забрза процесот на дигитализација на здравствениот систем во државата? Што е потребно, како да се зголемат и подобрат дигиталните услуги и како да се изврши вмрежување на сите податоци на едно место за пациентите. Ова беа дел од темите за кои денеска разговараа Стефан Андоновски, министерот за дигитализација и Сашо Клековски и Бранко Аџигогов, директори на Фондот за здравствено осигурување.

Потребата од целосна дигитализација во овој сегмент е неопходна затоа што ќе се зголеми ефикасноста и ефективноста на здравствените услуги, ќе се намали административната работа на здравствените работници и секое медицинско лице ќе ги има сите потребни податоци за еден пациент. Системот може да биде надграден, ќе се нудат повеќе услуги и на тој начин ќе се забрза користењето на здравствените услуги и ќе се намали драстично можноста за корупција.

Приоритет е дигитализацијата, бидејќи само со дигитализација се зголемува транспарентноста и подобрува контролата во сите подрачја, од рецепти до лекување во странство. Отпорот што се јавувал кон дигитализацијата во сегментот во здравство е поради намалувањето на можноста за злоупотреби. Но сега има политичка волја тоа да се надмини“, објасни на состанокот Клековски.

За министерот Андоновски, овој принцип на работа со внесување на елементи на дигитализацијата е начин да се избегнат понатамошни злоупотреби, пациентите да ги добијат посакуваните услуги побрзо и подобро. Министерот Андоновски ја истакна и важноста за поврзување со Услуги.гов.мк.

Веќе се прави анализа на сите потребни надградби на системот и во следниот период ќе се започне со имплементација.

The post Директорите не ФЗОМ и министерот за дигитализација Стефан Андоновски разговараа за вмрежување на сите податоци на едно место за пациентите appeared first on Република.

Денеска се изврши примопредавање на должноста директор на Фондот за здравство, информираат оттаму. Досегашните директори м-р. Магдалена Филиповска Грашкоска и д-р. Асаф Абдурамани како в.д директор ја предадоа должноста на новите в.д директори Сашо Клековски и Бранко Аџигогов, назначени од Владата.

Клековски завршил Медицински факултет на Универзитетот “ Св.Кирил и Методиј“ во Скопје и е со 30 годишно искуство како менаџер, аналитичар, консултант во граѓанскиот, јавниот и приватниот сектор.

Аџигогов доаѓа од редот на вработените и има повеќегодишно искуство во делот на менаџментот на Фондот.

Новите директори функцијата ја преземаат од денеска.

The post Сашо Клековски и Бранко Аџигогов ги презедоа в.д. директорките функции во Фондот за здравство appeared first on Република.

Членот на ИК на ВМРО-ДПМНЕ, Сашо Клековски, во емисијата Само Вистина на Канал 5 ТВ, изјави дека разликата меѓу влада на СДСМ и влада на ВМРО-ДПМНЕ е токму способноста и неспособноста на СДСМ да се спроведат декларираните цели, без разлика дали тоа му се допаѓа на некој или не. Клековски истакна дека ВМРО-ДПМНЕ има демонстрирано оти може да ги достигне целите што ги има зацртано.

Тој додаде дека енергетиката е една од важните прашања во фокусот на ВМРО-ДПМНЕ, делумно и заради енергетската ситуација во Европа, како и дека времето на евтин гас е завршено поради што е неопходно барањето на нови извори на енергија вклучувајќи ја и зелената транзиција.

Во нашата енергетска програма РЕК Битола е уште столб во наредниот период меѓутоа тоа е за да добиеме време да ја направиме другата транзиција вклучувајќи ги и ветерните паркови. Овој ветерен парк е еден од трите ветерни паркови кои се наведени во програмата на ВМРО-ДПМНЕ а има и приватни иницијативи за ветерни паркови“, нагласи Клоковски.

Тој нагласи и дека инвестицијата во ветерниот парк е стабилен извор на енергија и долгорочен проект кој дава енергетска независност и поевтина енергија.

Ова за Македонија значи стабилен пристап до енергија, второ би значело поевтин извор на енергија во моментот што е битен за економијата, но мораме да работиме на нови проекти за енергетска независност и поевтинување на енергијата заради општата конкурентност и ова се долгорочни проекти. Ова важен дел од сувереноста за наредниот период“, истакна Клековски.

Тој исто така кажа и дека со ова ниво на корупција нема ниту ЕУ ниту европски развој и затоа неопходна е борбата со корупцијата и справување со криминалот.

Мораме да работиме на искоренување на криминалот и корупцијата ВМРО-ДПМНЕ уште со техничката влада покажа дека има волја и капацитет да се справува со тоа“, кажа Клековски.

The post Клековски: Инвестицијата во ветерниот парк е една од трите ветени во програмата на ВМРО-ДПМНЕ appeared first on Република.

Во емисијата „Заспиј ако можеш“ на Алфа ТВ гостуваше членот на ИК на ВМРО-ДПМНЕ, Сашо Клековски кој што го осуди отсуството на поранешниот претседател Стево Пендаровски на инаугурацијата на Гордана Силјановска Давкова.

„Една битна разлика во нашето општество и нашата држава, кога губиме го губиме спортскиот дух и не можеме да прифатиме пораз а не прифаќањето на пораз понатаму води до непромислени потези. Отсуството на поранешниот претседател Стево Пендаровски е за секоја критика, негова и наша одлика е да го почитуваме чинот на избор и институцијата претседател на Републиката“ кажа Клековски.

Клековски во однос на состојбата во СДСМ по поразот истакна дека очекува Димитар Ковачевски да се повлече.

„Не би сакал да коментирам развој во СДСМ во овој момент меѓутоа од мое лично искуство претседатели на партија однадвор тешко се вкоренуваат. Генерално еден од проблемите на Димитар Ковачевски е што неговиот стаж во самата партија со тоа неговиот социјален капитал во самата партија беше тенок. Бидејќи тој беше експресно промовиран во новата функција. Претседател на партија е некој што треба да има одредено партиско искуство, да е присутен во партијата, да учествува во работата на различни партиски тела, така да моето очекување е дека ќе се повлече“ истакна Клековски.

Во однос на говорот при инаугурацијата на Силјановска, Клековски истакна дека имала одличен говор во секој поглед и сите теми кои се суштествено важни за Македонија.

„Гордана Силјановска Давкова имаше еден нов невообичаен пристап во обраќањето во Собранието, за мене беше тој свеж, поинаков, беше многу добар, одличен пристап од сите можни елементи кои заслужуваат целосна поддршка, како претседателка на сите, и на лево и на десно,  како поддршка на систем на заслуги, мерит систем, владеење на правото, како родова еднаквост, или жени на врвни позиции во политиката ниту еден од овие делови не наиде на коментар а сите се суштествено важни за Македонија“ нагласи Клековски.

The post Клековски: Силјановска имаше говор за сите суштествено важни теми за Македонија appeared first on Република.

„Претседателски амбиции отсекогаш имало многу само прашање е кој ќе успее да ја добие поддршката од граѓаните или 10 илјади потписи или потребниот број пратеници. Така што мислам дека сите политички партии ќе се обидат да демонстрираат колкава е нивната моќ. Не верувам дека тоа ќе биде проблем за одреден број од кандидатите. Од моето искуство на собирање потписи тоа не е толку едноставна задача бидејќи потписите се собираат на овластени места во подрачните единици, и граѓаните мора лично да се појават.Сметам дека ќе има 5-6 кандидати кои ќе ги потребниот број на потписи. За ВМРО-ДПМНЕ овој број на кандидати е поволен пред се затоа што пропадна долго најавуваната европска коалиција за европска Македонија каде што очекувањата беа дека позади еден кандидат ќе застанат две три или четири партии и во основа сите тие што треба во првиот круг да поддржат кандидатот на власта се одлучија за самостоен настап. Идејата да се направи еден фронт против кандидатот на ВМРО-ДПМНЕ мислам дека во оваа фаза не функционира и тоа е важно за нас. Веќе кога сите поставуваат услови да спомнам дека тоа да ДУИ има претседателски кандидат беше еден од условите да после изборите можеби ВМРО-ДПМНЕ воопшто разговара со ДУИ за некоја коалиција, кога веќе сите поставуваат услови и јас да споменам еден“, кажа Сашо Клековски член на ИК на ВМРО-ДПМНЕ во гостување на 24 Анализа на ТВ 24.

Клековски посочи дека ВМРО-ДПМНЕ направи добар избор и го има најдоброто решение во моментот за кандидат за претседател и даде поддршка за Гордана Силјановска Давкова.

„Јас не знам ниту еден кандидат на ВМРО-ДПМНЕ кој нема блиски ставови со партијата на ВМРО-ДПМНЕ, калкулирањето дека во ВМРО-ДПМНЕ има проевропски и неевропски сили мислам дека е маркетинг манипулација на власта.Во ВМРО-ДПМНЕ нема разлики кога станува збор за прашањето на пример за уставните измени.Во однос на тоа прашање нема разлики. Го ценам политичкото искуство на Гордана Силјановска Давкова како најпотребно во моментот и дополнително има една смиреност што можеби е потребно во овој момент на политички страсти и по тие две карактеристики би ја одвоил од другите.Го поддржувам изборот и сметам дека стигнавме до најдоброто можно решение за кандидат за претседател“, истакна Клековски.

Клековски издвои уште една карактеристика за кандидатот на ВМРО-ДПМНЕ во однос на СДС и истакна дека се прави исчекор и модернизација на политиката.

„Во однос на Стево, Гордана жена е,во смисол на една модернизација на политиката сметам дека треба да направиме уште еден исчекор“, кажа Клековски.

The post Клековски: Пропадна најавуваната коалиција на европскиот фронт за заеднички кандидат на СДС и ДУИ, Силјановска е најдоброто решение appeared first on Република.

Ние нема да ги поддржиме устваните измени. Дали ќе се прави филибастеринг, дали ќе се прави бојкот, тотално е небитно, бидејќи клучната работа е дека нема да поддржиме уставни измени и тој став е консектвентен подолго време, вели Сашо Клековски, член на ИК на ВМРО-ДПМНЕ во вечерашното гостување во емисијата Само интервју на Канал 5 телевизија.

Клековски истакна дека ВМРО-ДПМНЕ понудила три предлози за државата да излезе од ќорсокак, но СДС ништо не прифатиле.

ВМРО-ДПМНЕ до сега поднесе три предлози како да излеземе од ќорсокакот во кој сме, а во кој не донесе владата на СДС, рече Клековски.

Клековски посочи дека сите 44 пратеници на ВМРО-ДПМНЕ се европски ориентирани, но нема да ги поддржат уставните измени.

Не мора да бара Бујар Османи европски ориентирани пратеници во ВМРО-ДПМНЕ бидејќи сите пратеници на ВМРО-ДПМНЕ се европски ориентирани. Значи ние припаѓаме во НАТО, ние припаѓаме во ЕУ и можат да се обратат на сите 44 пратеници и тоа е ставот. Ние сме европски ориентирани и сме за ЕУ, но нема да поддржиме уставните измени и за тоа има редица причини кои што цела една година ги кажуваме, изјави Клековски.

Според Клековски владата на СДС и ДУИ е очајна и освен промена на уставните измени, нема што друго да понуди, бидејќи како што рече на сите останати полиња се распаѓа.

Оваа власт е очајна. Оваа власт во моментот зависи само од една работа и тоа се уставните измени. Значи она нема што друго да понуди на сите полиња се распаѓа. Единствено што може да вети е започнување на преговорите со ЕУ и уставни измени. И тоа тоа се држат до крај, смета Клековски.

The post Клековски: Владата на СДСМ и ДУИ е очајна, се распаѓа на секое поле appeared first on Република.

Пораката е наменета пред се кон општата меѓународна заедница дека во моментов поголем проблем за Македонија е криминалот и корупцијата, а не уставните измени и тоа не е нешто што ВМРО-ДПМНЕ го откри и промовира тоа го кажува холандскиот амбасадор, европскиот амбасадор итн. Како со пријателски земји секако ги повториме нашите позиции дека опозицијата ВМРО-ДПМНЕ направи максимум што може да направи во една година каде даде три предлози а власта е таа која покажа никаква конструктивност и отстапка од своите почетни позиции, а ВМРО-ДПМНЕ ниту било консултирано ниту би се согласила со тие работи“, истакна членот на ИК на ВМРО-ДПМНЕ Сашо Клековски во вечерашното гостување во Централниот Дневник на Телевизија Сител во „Тема на денот“.

Тој додаде дека проблемите се што кога еднашка ќе почне да се попушта и да се покажува дека сте послабата страна тогаш секогаш решенијата ќе биде на ваш грб и на ваша штета

„Бараме мала промена во реториката што ја имаат нивните политичари и бараме да здруженијата на Македонците во Бугарија бидат слободно регистрирани. Ние не бараме да отстапи Бугарија од тој услов, туку бараме Бугарија да покаже дека таа промена ќе биде во атмосфера на една добра волја а не диктат“, кажа Клековски.

Тој истакна дека ВМРО-ДПМНЕ не е против Бугари во Уставот како што не е против Хрвати во Уставот, туку прашањето е дека ова барање е под уцени и диктат.

„Во ВМРО-ДПМНЕ во моментов се разговара само за избори. Ние бевме максимално конструктивни кон власта и неколку пати излеговме со конкретни предлози кои нудеа можност за разрешница за уставните измени. Очигледно дека власта не е цел да ги донесе уставните измени, таа ги користи уставните измени за уште еден ден повеќе да остане на власт“, потенцираше Клековски.

Тој заклучи дека единствената логика на СДСМ и ДУИ посебно ДУИ е тоа што се надева дека ВМРО-ДПМНЕ на било кој начин да глас за уставни измени иако тоа нема да се случи и на тој начин дека ќе му падне рејтингот.

The post Клековски: Во моментов поголем проблем за Македонија се криминалот и корупцијата, а не уставните измени appeared first on Република.

„Ново насилно менување на Уставот ќе остави трајни последици, таков еден чекор ќе биде уште по катастрофален. Ние сме отворени за постизборна соработка на поширока основа од она што е коалицијата на ВМРО-ДПМНЕ за да се обидеме сите сили да ги впрегнеме во враќање во правилна насока бидејќи ова не иде во добра насока“, истакна членот на ИК на ВМРО-ДПМНЕ Сашо Клековски во вечерашното гостување во емисијата „Заспиј ако можеш“ на Телевизија Алфа.

Тој продолжи и додаде дека најголемото дело против ЕУ интеграциите е корупцијата.

„Се редат скандали ден за ден и не може јавноста да запамети колку скандали веќе има. Овие што сега се продаваат за европејци пред 20 години што правеа во Македонија? Луѓето треба да разберат и да се определат која опција ја сакаат за Македонија. ВМРО-ДПМНЕ е далеку подобра опција за Македонија и дека ќе ја врати Македонија во правилна насока на движење“, кажа Клековски.

Тој истакна дека ако има корупција каде што ВМРО-ДПМНЕ е власт а тоа се општините тогаш нека појде Јавниот обвинител, нека потегнат кривични пријави бидејќи кај нив се алатките.

„Ако сакаме да се смени ова што не ни се допаѓа, тогаш ние мора да расчистиме со клиентелистичка држава и партиите кои се додворуваат на потенцијални групи и поединци кои се додворуваат за да останат на власт. Една од битните прашања што ВМРО-ДПМНЕ го истакнува е да следната влада биде без ДУИ бидејќи ДУИ се највеќе на политичка сцена“, потенцираше Клековски.

The post Kлековски: Ново насилно менување на Уставот ќе остави трајни последици appeared first on Република.

Во емисијата „За или Против“ на Алфа ТВ гостуваше аналитичарот Сашо Клековски и член на ИК на ВМРО-ДПМНЕ кој што истакна дека власта нема вредносен компас , ги прекршува законите и го злоупотребува европското знаменце поради својата неспособност.

Владата на ДУИ и СДСМ прават се што е спротивно на нивните декларирани политики и на критиките спрема ВМРО-ДПМНЕ кога ВМРО-ДПМНЕ беше на власт пред неколку години. Да почнеме од темата за европското знаменце, сега сме сведоци каде што заменикот премиер кој е одговорен за европските интеграции да каже дека главната цел на употребата на европското знаменце е да се замолчи опозицијата. Страшно е кога имате заменик премиер кој доаѓа од граѓанското општество сега да вели дека единствена цел е да се спречи опозицијата да го каже тоа што го мисли за овие закони“ нагласи Клековски.

Клековски додаде и дека гласачите на власта треба сами да увидат што СДСМ ветуваше а што прави и како се грижи за работничката класа.

Гласачите на СДСМ треба да видат што СДСМ ветуваше и што СДСМ прави и во однос на прашањето со европското знаменце. Следно е и со поддржувањето на работната недела и часовите. Ова е влада со најизгубен компас што сме ја имале во историјата. Бидејќи не може минатата година да тврдите дека работничките права ви се најважни а оваа година да газите по нив, и истовремено домашните субјекти ригорозно да ги казнувате. Да не зборувам дека уставниот суд се има произнесено за овие работи. Гледате дека има комлетно изгубен вредносен компас.Еден од проблемите на оваа влада покрај тоа штро нема никаков вредносен столб е неспособноста. Сето ова се случува заради нивната неспособност, истакна Клековски.

The post Клековски: Власта го злоупотребува европското знаменце, ги прекршува законите и нема вредносен компас appeared first on Република.

Не гледам дека нешто ќе се смени со ова реконструкција, ова пред се е маневар за спасување на владата, смета Сашо Клековски, член на ИК на ВМРО-ДПМНЕ во вечерашното гостување во емисијата Топ тема на Ваша страна на телевизија Телма.

Клековски истакна дека владата на СДСМ и ДУИ го злоупотребуваат терминот за европска Македонија, се со цел да си ја сокријат и неспособноста и корупцијата, укажувајќи дека според анкетата на Евротинки за прв пат во историјата на Македонија, поддршката од граѓаните за Европската унија паднала под 50 проценти. Обидите на власта да го прикажат ВМРО-ДПМНЕ, според Клековски, веќе стануваат излиени и досадни фрази.

Не познавам луѓе на анкети кои што би одговориле дека не се за Европа или се за некаква поинаква Македонија. и во основа СДСМ и ДУИ манипулирајќи го терминот ЗА Европа, ЗА Европска Македонија, а позади тоа сокривајќи ја својата неспособност и корупција до придонесоа за прв пат во историјата на Македонија, поддршката за ЕУ, иако прашањето на Евротинк беше поинаку формирано, е под 50 проценти, рече тој.

The post Клековски: Реконструкцијата е само обид за спас на владата на СДСМ и ДУИ appeared first on Република.

ВМРО-ДПМНЕ бара предвремени избори бидејќи има национален интерес, а тоа е дека 80 проценти од граѓаните мислат дека Македонија оди во погрешна насока и во таква ситуација треба да се види каде одат партиите, да се види какви се стратегиите на партиите, рече Сашо Клековски, член на Извршниот комитет на ВМРО-ДПМНЕ на вечерашното гостување во централниот Дневник на телевизија Сител. Тој укажа дека има консензус за ЕУ, но треба да се види внатре каде оди Македонија.

Коментирајќи ги информациите за проширување на Владата, Клековски вели дека со тргување може да се опстане на краток рок и оти тоа за него е губење време.

Според него Македонија е шампион во малцински права, нема подобра правна рамка која ги штити малцинските права, дури и оние кои не се во Уставот.

Бугарите имаат шанса да ги бараат правата, ама нив не ги интересираат правата. Ние сме во голема заблуда ако мислиме дека ќе заврши тука со ставање на Бугарите во Уставот, кажа Клековски.

Клековски се осврна и на иницијативата која денес ја поднесе пратеничката група на ВМРО-ДПМНЕ или предлог закон за амнестија на 27 април посочувајќи дека причината е што случајот е политички и затоа потребна е ревизија и оти Врховниот суд не постапува па со ова да забрза дискусијата.

The post Бугарите не ги интересираат правата, во голема заблуда сме ако мислиме дека ќе заврши со тоа, вели Клековски appeared first on Република.

Учтиво, културно, достоинствено. Вака ВМРО-ДПМНЕ ќе го чествува денот на раѓањето на Гоце Делчев, рече Сашо Клековски, член на Извршниот комитет на ВМРО-ДПМНЕ на вечерашното гостување во централниот Дневник на телевизија Сител. Тој посочи дека инцидент оди во прилог само на Бугарија.

Од друга страна е МВР кое треба да се погрижи за било каква провокација, инцидент или треба да обезбеди минимизирање на било какви провокации, рече Клековски.

Според него целата атмосфера дојде до тука бидејќи државата претходни ништо не спречуваше или на претходните инциденти имаше слаби реакции.

Ние сме на најниска точка во односите со Бугарија, од потпишување на Договор стигнавме до тука. Ескалацијата почна од отворање на клубовите, чествувањето на Мара Бунева и слично. Случајот во Охрид гледаме до каде стигна. Случајот е последица на неспособноста на надлежните, кога не може нешто да среди говори за хибридна војна, ако имаат такви информации тогаш нека ги средуваат работите, а не да зборуваат по медиуми, рече Клековски.

Клековски констатира дека обидот на министерот за внатрешни работи, Оливер Спасовски да ги изедначи двете страни е погрешен. Тој илустрираше со ситуацијата кога лидерот на ВМРО-ДПМНЕ беше во Благоевград и оти тој не говореше дека Бугарите се Македонци, а Бугарите тоа го прават тоа кај нас.

И по вакви случувања следи Декларација во бугарското Собрание кое ги поддржува овие и слични нивните тези, посочи Клековски.

The post Клековски: Државата не ги спречуваше претходните инциденти, затоа целата атмосфера стигна до тука appeared first on Република.

Во десетгодишното пишување за „Нова Македонија“, сум пишувал слободно, без ограничувања за сите теми. Самопоставени ограничувања за коментирање, од повеќе причини, сум имал и имам само за судски одлуки. Во десет години, сум коментирал институции од правосудството, избор и личности, не сум отстапил од ограничувања за коментирање на пример за ниту еден случај поврзан со „бомбите“ или „27 април“ и насилниот упад во Собранието. Единствената отстапка ја направив во 2013 година, во „Судови на кои им треба едукација“, а реобјавено како „Слобода за Кежо“ во 2015 година, поврзано со случајот „Кежаровски“. Тоа го направив бидејќи сметав дека е клучен случај за борба против партизацијата на правосудството. Сега, со повикот „Слобода за Гордана“, сметам дека е клучен момент за спротивставување на целосното заробување на правосудството. Како слобода за Гордана Јанкуловска е поврзано со заробувањето на правосудството? - пишува Сашо Клековски во својата најнова колумна.

Понатаму стои:

Пред само две недели во „Параспур правосудство“ пишував за аферите „Правосуден без диплома“, за изборите во Јавното обвинителство (ЈОРМ), за оставката на претседателката на Судскиот совет. Овие афери, кои укажуваат на влијание на избор на идни судии и обвинители, како и скандалозниот избор за Уставниот суд, укажуваат на жестока борба за политичко влијание, на кратки, но и долги патеки врз правосудството на Македонија. Со изборот на Весна Дамева, поранешна членка на правна комисија на СДСМ, само се потврдува тезата. Фактот дека за претседател на Судскиот совет, органот што ги оценува судиите, се избира лице што не е судија, туку стручен соработник во суд, треба да ги отстрани сите дилеми за партиските влијанија.

Борбата за контрола во правосудството се засилува понатаму со одлуката на Апелацискиот суд Скопје да ја укине 12-годишната затворска казна за масовното незаконско прислушување за Сашо Мијалков, осуден како поранешен директор на УБК во предметот „Тврдина-таргет“.

Тоа се потврдува со тоа што одлуката ја коментираа и сегашни и бивши политичари, од Зоран Заев, поранешен премиер, до Стево Пендаровски, претседател на државата. Тоа што политичари се одлучија да ја прегазат пресумцијата на невиност и во јавноста поттикнуваат атмосфера на линч говори за партиски влијанија. Или судот одлучувал независно и реагираат дека работата избегала од партиска контрола и тоа ги вознемирува. Или судот одлучувал под партиско влијание, како дел од „пактот за неказнивост“, и јавните реакции се „перење“ од сопствената одговорност.

Неблагодарни, а и неаргументирани, ќе бидат понатамошни анализи, бидејќи самото решение на Апелацискиот суд не е објавено. Има само медиумска информација дека пресудата е укината бидејќи не е опишана улогата на секој обвинет во кривичното дело, за ценење на пресудата за секого од нив. Но без објава, ни тоа не може да се цени. Оттука, може само да се оценуваат политичките реакции на пресудата, а не самата пресуда.

Непочитувањето на пресумцијата на невиноста не е новина. Како барањата за „правда“ да се барања за одмазда и единствено прифатлива одлука е осуда. Тоа не е новина, но напади на партиски ботови, врз тие што ја бранат пресумцијата на невиност, како проф. Гордан Калајџиев, се нова ескалација. Во неможност да се негира правото на пресумција на невиност се атакува на личностите што го бранат тоа право. Нападите од партиски ботови, кои бараа правда. Тука индикативно е дека целиот гнев е насочен кон Апелацискиот суд. Нема прашања за Основниот суд, кој ја донел пресудата што е укината, нема прашања ниту за јавните обвинители што ја воделе постапката. Или овие не се за критика, бидејќи нивните одлуки биле во согласност со атмосферата на линч, без разлика што можеби не се во согласност со закон? Клучен аргумент за критика на Апелацискиот суд е неговата неажурност. Но дали е таа посебна за овој случај или општа болка на судовите, особено во Скопје? И дали е селективна неажурност? А каква е ажурноста на Врховниот суд во одлуката по претставката на осудените за „27 април“?

На крајот се сведува дека немаме општ консензус за институциите и за правилата, туку страдаме од „не го признавам овој суд, го признавам само судот на мојата партија“. Или ги признавам судските одлуки додека се исти со партискиот став. Повикот за слобода на Гордана е повик за надминување на партиските пресуди. Случајот „Тенк“ не може да биде ништо друго освен партиски одлука и одмазда. Можеби Јанкуловска има вина за други работи, но за овој случај не. Доколку се исцрпени правните можности, ред е Стево Пендаровски да ја земе предвид за помилување.

The post Слобода за Гордана! appeared first on Република.

Ние сме тука кај што сме затоа што никој не чувствува одговорност.  Македонија е земја на неказнивост, земја во која никој за ништо не е одговара. Издавањето на пасош на странски државјанин лице кое е на црна листа на земја наш сојузник е во делокруг на одговорност на тој директор и тој директор треба да понесе одговорност без разлика чија е грешката. На крај грешката е на главниот, а главен е директорот во институцијата, рече Сашо Клековски, член на ИК на ВМРО-ДПМНЕ на гостувањето во Тема на денот што се емитува во централниот Дневник на телевизија Сител коментирајќи го случајот со директорот на Агенцијата за национална безбедност, Виктор Димовски кој кажа дека не чувствува одговорност за издавање на пасошот на лице кое е на црна листа.

Ова не е прва грешка. Ние имавме и издавање на пасоши на стотина криминалци и се заврши со одговорност на службеници. Никој не може да дава пасош на милијардери. Не може да го направи тоа некоја од службите, а да нема дозвола од повисоките раководни позиции, посочи Клековски.

Тој укажа дека вакви ќе бидат состојбите се додека Македонија е земја на неодговорност.

„Факт е дека они не се спремни да понесат одговорност, за мене скандалозно е и едното и другото. Протекување на снимки кои се тајна е скандал сам по себе. Но, ако видите на вестите денеска имаше само вести за скандал до скандал, им се закануваат на медицински лица, нема права на студентите, се планира затворање на ТЕЦ Неготино и РЕК Осломеј и слично. Оваа Влада гради систем за разградување, нема ни една добра вест“, заклучи Клековски.

Во тек на гостувањето тој се осврна и на аферата „Паразити“ и нагласи дека власта вработува свои партиски војници на сметка на граѓаните и ги наградува со енормни плати.

„Мора да има разумно трошење во државата не на штета на квалитетот, меѓутоа отстранување на се ова што е закачено како паразит на јавната администрација и на државата генерално. А, такви примери за жал има безброј. Слушаме дека треба 24.000 евра месечно за подобар студентски стандард, а има советници за кои не знаеме какви примања имаат“, истакна Клековски.

Клековски додаде дека во ситуација на рекорден буџет, на 5.4 милијарди евра не може да се крати од студентите.

„Јавна тајна е дека на државна служба имаме закачено бројни партиски службеници, не е само прашањето на високите плати во М-НАВ. Се сеќавате на вработените во Mинистерството за политички систем, кои не одат на работа? Тие се се уште 1.400 на број и се уште не одат на работа. Зградата на министерството нема толку работни места. Значи зборуваме за нагрбување на државата со еден куп луѓе што не се неопходни“, појасни тој.

The post Клековски: Не се само М-НАВ, се сеќавате на 1400 вработени кај Груби кои се уште не одат на работа? appeared first on Република.