Министерот за внатрешни работи, Панче Тошковски покажа дека единствено важно му е владеење на правото и ја информираше јавноста дека престануваат да важат патните исправи и возачките дозволи. Јас се сомневам дека СДСМ ќе предложеше измени на законот ако тоа не го стореше ВМРО-ДПМНЕ, рече Сашо Клековски, член на Извршниот комитет на ВМРО-ДПМНЕ на гостување во емисијата Само вистина што се емитува на телевизија Канал 5 укажувајќи дека министерот Тошковски за еден ден го реши проблемот со возачките дозволи.

„Законите кои се однесуваат на документите на граѓаните се донесени 2021 година, Преспанскиот договор е многу пред тоа, дополнително во меѓувреме се издаваа документи со Република Македонија, а кој требаше да предложи и да ги смени законите, многу е јасно“, изјави Клековски.
Клековски потсети на изјави на тогашниот владин портпарол кои се однесуваат на промена на личните документи на граѓаните.

„Миле Бошњаковски рече дека документите ќе се издаваат, односно заменуваат со истек на нивниот рок рече тогашниот портпарол на Владата, Миле Бошњаковски и одеднаш им рекоа на граѓаните е сега мора да ги менувате документи“, посочи Клековски.
Според Клековски за целата ситуација, поточно хаосот со издавање на личните документи многу е јасно кој е виновен.
„Виновен е тогашниот министерот за внатрешни работи затоа што навреме не ги почна процесите за набавка на обрасци, документи. Да почнеше се навреме немаше да дојде до оваа ситуација, до хаос и дополнителни трошоци за граѓаните, да даваат пари за важечки документи“, кажа Клековски.

The post Kлековски: Миле Бошњаковски рече дека документите ќе се заменуваат со истек на нивниот рок appeared first on Република.

Власта се обидува да создаде перцепција дека ВМРО-ДПМНЕ е антизападна и антиЕУ затоа што не се согласува со францускиот предлог и уставните измени како што се предложени. Но, јас сакам да кажам дека ВМРО-ДПМНЕ нема никаква друга стратешка ориентација освен Запад и ЕУ, вели Сашо Клековски, член на ИК на ВМРО-ДПМНЕ во вечерашното гостување Тема на денот во централниот дневник на ТВ Сител.

Клековски истакна дека односите меѓу Република Македонија и Бугарија се на најниско ниво и не смета дека со внесување на Бугарите во Уставот ќе се решат проблемите меѓу двете држави, бидејќи како што рече не гледа добра волја од бугарска страна.

Разликата во ставовите е тоа што ние не сметаме дека ова е техничко прашање како што сака власта да го претстави,. Јас сметам дека никој во Македонија нема против Хрватите да бидат внесен во уставната преамбула. А зошто немаме ништо против Хрватите, а имаме против Бугарите. Разликата е во добрата волја. Сите се радуваме на внесувањето на Хрватите во Уставот бидејќи е базирано на добра волја и реципроцитет. Додека внесувањето на Бугарите во Уставот не е базирано на добра волја. Односите меѓу двете држави е на најниско можно ниво после потпишувањето на договорот добрососедство и не сме сигурни дали таа отстапка ќе води кон решавање на проблемите, бидејќи не ја гледаме добрата волја од другата страна, смета тој.

Според Клековски, разликата помеѓу ВМРО-ДПМНЕ и владата на СДСМ, е во тоа што ВМРО-ДПМНЕ смета дека за внесување на Бугарите во Уставот треба да се прашаат граѓаните кој е нивниот став по однос на ова прашање.

Следното прашање за кое што има разлика е дека ние сметаме дека за ова прашање треба да бидат прашани граѓаните, додаде тој.

The post Клековски смета дека и граѓаните треба да бидат прашани дали Бугарите треба да влезат во Уставот appeared first on Република.

Најавената активна блокада од страна на ВМРО-ДПМНЕ не е бојкот. А, СДСМ моментално бојкотира, ВМРО-ДПМНЕ само блокира и има разлика во тоа. Пратениците на ВМРО-ДПМНЕ одат на работа и работат многу повеќе од пратениците на власта. Премиерот Ковачевски вика ќе најдеме начин како Собранието да работи. Јас знам како ќе се најдат начини и на кои начини тој мисли, тоа е да се заобиколува Собранието, кое и вака веќе е маргализирано уште повеќе ќе се маргализира. Ќе се ставаат европски знаменца кај се стигне, ќе се закажуваат седници во 23 часот, ќе се закажуваат 100 комисии истовремено, да пратениците на опозицијата не можат да стигнат. Веќе тоа е видено од страна на СДСМ“, истакна Сашо Клековски, член на ИК на ВМРО-ДПМНЕ во утринска емисија на Телма телевизија.

Клековски посочи дека самиот предлог на Мицкоски за лидерска средба со Ковачевски покрај разговорот за предвремени избори се понуди и соработка во подрачјата на економија, енергетика, здравство, и уште едно две подрачја.

Ескалацијата во Собранието беше неопходна и првата жртва на ескалацијата во Собранието е автентичното толкување на законот за игри на среќа. Во тој закон ДУИ инсистира да помине автентично толкување кое ќе овозможи формирање на втора лотарија. Така да СДСМ кога ќе говори што се блокира, нека не кажува лаги, нека ја каже вистината, појасни Клековски.

Клековски додаде дека е доста загрижен што власта не е отворена за дијалог со опозицијата. Тој дури укажа дека потребна е рамка за редовна комуникација помеѓу власта и опозицијата.

За енергетската криза кога ВМРО-ДПМНЕ даваше решенија веднаш се одбија од страна на власта. Во 11 часот ВМРО-ДПМНЕ преку прес конференција предложи решенија за пребродување на енергетската криза, а за еден час подоцна излегува портпаролот на СДСМ и веднаш ги одбива решенијата и ги фрла во ѓубре и започнува со клевети. Еве со такво однесување и водење на државата од страна на власта стигнавме до тука каде што сме денес, појасни Клековски.

Клековски во текот на гостување во емисијата посочи и пример со предлогот за изградба на клиничкиот центар. Тој рече дека ВМРО-ДПМНЕ нема да дозволи државата да се задолжува 500 милиони евра за изградба на клинички центар, кога во Белград и Ниш се изградија два клинички центра з а250 милиони евра.

Предлогот за нов клинички центар на ВМРО-ДПМНЕ беше 80 милиони евра, а предлогот на СДСМ чини 500 милиони евра. А, во Белград и во Ниш се направија клинички центри за 250 милиони евра. Нормално дека ВМРО-ДПМНЕ ќе го блокира предлогот на СДСМ, не е проблем локацијата, проблем поголем е сумата на пари. Проблемот е што поради СДСМ државата требаше да се задолжи за 500 милиони евра, а во момент кога има поефикасни и поевтини решенија, потсети Клековски.

Клековски во текот на гостувањето се осврна и на внатрешните разговори во партијата и дијалогот како се одвива.

Внатре во партијата имаме доста разнолични дискусии. Имаме и прилично различни ставови за многу работи и нема готови решенија кои доаѓаат и се соопштуваат“, појасни Клековски.

Клековски дури посочи дека дијалогот во партијата е на доста високо ниво.

The post Клековски: СДСМ моментално бојкотира, ВМРО-ДПМНЕ само блокира и има разлика во тоа appeared first on Република.