Центарот за култура „Трајко Прокопиев“ во Куманово од вечерва ќе биде домаќин на 27. издание на Меѓународниот театарски фестивал „Денови на комедија“, кој ќе трае до деветти октомври.

Фестивалот оваа година ќе се отвори со свеченото доделување на наградата „Васил Иљоски“ на актерот Сашко Коцев за неговиот особен придонес во комедијата. Истата вечер, Театар „Јордан Хаџи Константинов Џинот“ од Велес ќе ја изведе претставата „Вечера за глупаци“.

Во текот на фестивалот, публиката ќе има можност да ужива во 11 претстави, меѓу кои „Секс, лаги и љубомора“ на Народен театар Охрид, „Фустан за бегство“ на Драматичен куклен театар од Бугарија, „Пар распар“ на Театар Комедија од Скопје, и „Ноќ спроти Водици“ на Театар Куманово, која ќе биде премиерно изведена на 8 октомври.

Фестивалот ќе заврши на 9 октомври со доделување награди за најдобри актерски и технички остварувања.

The post Во Куманово вечерва почнува Меѓународниот фестивал „Денови на комедијата“ appeared first on Република.

Овогодишен лауреат на меѓународниот театарски фестивал „Денови на комедија“ Куманово е актерот Сашко Коцев, соопштија на денешната прес-конференција од Националната установа Центар за култура „Трајко Прокопиев“.

Годинава по 27-ми пат ќе се одржи традиционалниот меѓународен фестивал „Денови на комедија“ на кој ќе бидат изведени единаесет комедии од театри од државата и соседните Бугарија и Србија.

Фестивалот ќе почне на 24 септември со велешки театар, следуваат охридкиот, театарот од Враца, од Врање, ќе настапи театар комедија, тетовскиот, театар од Плевен, ќе игра и албанската драма од Куманово. Публиката ќе има можност да ги проследи и штипскиот театар, театарот од Ниш. Во вторник фестивалот го затвора кумановскиот театар со новата претстава која ја подготвуваме „Ноќ спроти Водици“ во режија на Срѓан Јанаќиевиќ, изјави директорот на НУЦК, Сашо Тодоровски.

Новина е што годинава се поканети и ќе настапат и студенти од факултетите. Билетите ќе се продаваат неколку дена пред отпочнување на фестивалот.

Лауреатот Коцев кажа дека е чест што ја добива наградата особено од фестивалот од градот од каде што потекнува. За него, лауреат звучи импозантно.

Јас сум раснел со овој фестивал кој е од 1997 година. Токму на овој фестивал беше претставата „Декамерон“ од битолски театар после која јас зацртав дека нема да бидам друго во живото освен она што сега го работам-актер. Не ја гледам работата низ награди. Изненаден бев. На свое тло, во своја средина е потешко да добиеш награда. Излезен сум од овој театар и публиката ми вели дека немам ништо одиграно и е во право. Дел бев од овој театар до 2006/7 ме врзуваат драги спомени, рече Коцев.

И тој очекува редици при влез на претставите како и секоја година. За него убавината на фестивалите е што публиката коментира по секоја претстава.

-Потешко е кога ќе добиеш награда, признание, публиката очекува натпросечни изведби, трката со себе е најтешка, вели Коцев.

Членовите на Советот на фестивалот одлучија наградата „Васил Иљоски“ која се доделува за особен придонес во театарската уметност да му припадне на актерот Сашко Коцев. Александра Михајловска, актерка кажа дека фестивалот е симбол на Куманово, а Коцев е симбол на Куманово насекаде го презентира градот.

Едногласно ја донесовме одлуката. Во однос на возраста, сакам да напомнам дека ова не е класична награда за животно дело, туку е награда за особен придонес во комедиографијата, за придонесот во фелата, театарската уметност. Кариерата на Коцев зборува за него, кажа Михајловска.

Изминативе шест години лауреати на Фестивалот беа Љубица Гојковиќ, Ѓорѓи Андов, Илија Струмениковски, Стојна Костовска, Благоја Чоревски и Коле Ангеловски. Оваа 2024 година Советот на Фестивалот одлучи наградата Васил Иљоски која се доделува за особен придонес во театарската уметност особено во делот на комедијата.

The post На свое тло, во своја средина е потешко да добиеш награда, вели Сашко Коцев, овогодишен лауреат на 27. издание на МТФ „Денови на комедија“ appeared first on Република.

Бев во училницата на моето дете. Ми пријдоа да ме поздрават 19 снемогнати,препотени,дехидрирани,сварени дечиња...секако и учителката не беше во подобро расположение! Зошто 17.06? Зошто???????, пишува Сашко Коцев на својот фејсбук профил.

The post Сашко Коцев: Во училницата на моето дете ми пријдоа да ме поздрават 19 снемогнати, препотени, дехидрирани, сварени дечиња… appeared first on Република.

Актерот Сашко Коцев е годинешниот лауреат на Филмскиот фестивал „Денови на комедија Куманово 2024“, информираа од Центарот за култура во Куманово.

„Советот на Фестивалот Денови на комедија Куманово во состав на: Сашо Тодоровски, Александра Михајловска Величковски, Владанка Крстевски, Крсто Богојевски, Сефедин Шабани и Цоки Ристовски одлучија востановената награда „Васил Иљоски“ која се доделува за особен придонес во театарската уметност, посебно во делот на комедиографијата да му припадне на актерот Сашко Коцев“ , стои во соопштението.

Наградата свечено ќе биде доделена на отворањето на Фестивалот кон крајот на септември оваа година во Центар за култура „Трајко Прокопиев“ во  Куманово.

The post Сашко Коцев е годинешниот лауреат на Фестивалот МТФ Денови на комедија appeared first on Република.

„Хенгинг Араунд“ е новата претстава на Македонскиот народен театар (МНТ), која премиерно ќе се изведе на малата сцена вечерва, 19 април од 20 часот. Ова е праизведба на текстот на Љупчо Јованов, во режија на Бојан Трифуновски.

Во претставата играат Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софиа Насевска-Трифуновска и Нела Павловска.

Главните ликови во приказната – „0“ (Хенгинг) и „1“ (Араунд) – се изгубени во светот на бајките, не се знае како влегле во овој свет, но главна цел им е да се вратат во реалноста. Целото дејство се случува во светот на бајките, а местото и времето се ирелевантни.

[caption id="attachment_767932" align="alignnone" width="2048"] фото: МНТ[/caption]

Во 2015 година Министерството за култура го откупи текстот на Јованов и како што вели авторот, напишан е десетина години претходно и во меѓувреме биле направени неколку измени.

За еден текст е најбитно да биде изведен на сцена. Со Бојан Трифуновски работиме заедно долги години во различни театарски проекти. Од самиот почеток, во МНТ се навикнав како во природна, домашна атмосфера, вели Јованов, кој по професија е архитект и професор на „Американ колеџ“.

[caption id="attachment_766745" align="alignnone" width="1600"] Љупчо Јованов: За еден текст е најбитно да биде изведен на сцена /фото: Александар Ивановски[/caption]

Според него, бајките за деца се бајки за возрасни, но децата малку поинаку гледаат на сказните, за разлика од возрасните, коишто би требало на поинаков начин да ги преведат, односно прераскажат тие бајки.

Самата идеја на „Хенгинг Араунд“ е да се прикаже тој свет на бајки како нешто што и во тој свет тече и нешто се случува, бидејќи не е замрзнат и не е фиксиран онака како што сме навикнати да го гледаме. Но, како и реалниот живот и тој си има своја реалност и мора да се развива и надополнува и да се менува, вели Јованов, кој е и сценограф и костимограф на претставата.

Режисерот Трифуновски вели дека на театарските сцени фали постмодерна на македонски јазик.

Насоките на МНТ се да се популаризираат македонски автори, а јас често работам македонски автори. Уредувачките политики коишто најчесто се мотивирани од финансиски услови не дозволуваат младите автори често да добиваат шанса. Јованов не е млад, но ете се случува праизведба после 20 години. Отсекогаш сум го сакал текстот, бидејќи е сликовница. Јованов нуди многу интересен спектар на метафори коишто можат со било какво театарско средство да се изведат, да се родат на сцената и затоа што пред сè е пишувано за актери. Јованов е дете на театарот, професор е по сценографија, тој е сценограф и костимограф на претставата заедно со Александар Ношпал. Го разбира процесот, а јас сакам да работам актерски претстави, вели Трифуновски.

Сашко Коцев го игра ликот на Волкот и на Квазимодо.

[caption id="attachment_766738" align="alignnone" width="1600"] Сашко Коцев: Ова е доста интересна и чудна претстава во која што до резултатот беше многу тешко да се стигне /фото: Александар Ивановски[/caption]

Ние живееме една бајка, нашите животи се бајки коишто некогаш другите ни ги наметнуваат, ни даваат улоги, некогаш ние сами тоа си го правиме, си ја креираме таа бајка и потоа не може да излеземе од неа. Бајките се раскажани низ една друга призма на авторот, малку исчашено, извитоперено, тоа делува чудно, но ги препознаваме. Има еден волк од приказните кој цело време им кажува што да направат на 0 и на 1, но тие не можат да разберат, умираат, но никако да умрат, цело време се враќаат и на крајот почнуваат од почеток. Една човекова сизифовска работа. Една метафора за животот проткаена со многу симболи - театарски и драматуршки. Ликот на Квазимодо кратко се појавува, волкот е како еден наратор којшто го има низ претставата, нараторот, ги креира самите приказни во коишто ќе влезат 0 и 1, без разлика дали се тоа „Трите прасиња“, „Снежана и седумте џуџиња“, „Али Баба и 40 разбојници“ или „Убавицата и ѕверот“. Сите приказни кои ги знаеме и нам ни се раскажани така и ние ги живееме тие приказни. Авторот вика еве може и вака да биде. Во сите приказни главно се спроведува една декаденција на ликовите во приказните. Ова е доста интересна и чудна претстава во која што до резултатот беше многу тешко да се стигне. Друго е кога имаш драмски текст со јасни ликови и намери кој на кого му е што, а овде тоа го немаше, па беше еден експериментален процес. Режисерскиот израз на Трифуновски е таков, тој секогаш гледа да проткајува и доза на хумор за да биде тоа попитко, вели Коцев кому ова му трета претстава со Трифуновски, по „Аладин“ во МНТ и „Нешто пропуштаме“ во Театар Комедија.

За „Хенгин Араунд“ вели дека е поексперимантална претстава.

[caption id="attachment_766743" align="alignnone" width="1600"] Сашко Коцев /фото: Александар Ивановски[/caption]

Ни една претстава не е лесна, но овде се бориме со која е метафората, зошто е тоа така, што значи...Среќа, авторот беше со нас. На почетокот веднаш одгледавме неколку филма, неколку фрагменти како пример за тоа што би сакал авторот да постигне, но внатре во претставата нема да се препознаат, исфлитрирани се, додава Коцев.

Стефан Спасов го толкува ликот Хенгинг или 1.

[caption id="attachment_766734" align="alignnone" width="1600"] Стефан Спасов: Кога се читаат бајките како возрасен, тогаш може со ‘возрасниот мозок’ да подразмислиш и да ти биде поинтересно/фото: Александар Ивановски[/caption]

Мојот лик е еден, така да го наречам плачко, што пробува да излезе од бајките, но тоа тешко му оди. Не му работи мозокот, но се труди, го дава максимумот, но тоа е малку. За него, тоа што се случува е реалност. Но, таа реалност не му одговара, не може да се снајде, не може да прифати. Текстот на Јованов е многу пријатно напишан, јазикот кој е користен е близок до сите. Мене ми се допаѓа текстот бидејќи е од познати бајки, „Убавицата и ѕверот“, „Снежана и седумте џуџиња“, „Трите прасиња“. На сите ни се познати тие приказни и кога и да се читаат, секогаш човек може да се пронајде, да најде нешто ново. Кога се читаат бајките како возрасен, тогаш може со ‘возрасниот мозок’ да подразмислиш и да ти биде поинтересно, вели Спасов.

Гораст Цветковски толкува два лика - Али Баба и Ѕверот.

[caption id="attachment_766752" align="alignnone" width="1600"] Гораст Цветковски: Работевме со метафизика, темата е таква. Многу ни е забавно, многу се смееме, се надевам тоа ќе биде пренесено на публиката/ фото: Александар Ивановски[/caption]

Ова е бајка само за возрасни. Ова е претстава за возрасни кои 'имаат желудник'. Моите ликови, Али Баба и Ѕверот од „Убавицата и ѕверот“ сите ги знаеме од цртаните филмови, приказните, книгите, но тоа се комплетно различни, превртени верзии во однос на што би се случувало од страната на ликовите. Значи што им се случувало на Али баба и разбојниците коишто биле затворени во таа пештера со години, а сите мислеле дека внатре има злато и скапоцености, кој е нивниот проблем. Убавицата и ѕверот се двојка која има сериозен, реален проблем во врската. Работевме со метафизика, темата е таква. Многу ни е забавно, многу се смееме, се надевам тоа ќе биде пренесено на публиката, па и за нив ќе биде возбудливо, вели Цветковски.

По вечерашната премиера, следната изведба на „Хенгин Араунд“ е в сабота, на 20 април и потоа на 7 мај.

https://republika.mk/vesti/kultura/bajkite-shto-ni-gi-prodavaat-vo-makedonija-navidum-polni-so-magija-se-polni-so-perverzija-i-nepochituvane/

The post Праизведба на „Хенгинг Араунд“ во МНТ, претстава за изгубени ликови во светот на бајките appeared first on Република.

Македонскиот народен театар (МНТ) и актерот Сашко Коцев кој требаше да има стендап во Струмица ги откажаа претставите поради сочувство кон семејствата на починататта 14-годишна Вања Ѓорчевска и 74-годишниот Панче Жежовски.

Поради настанот коj длабоко ја потресе целата јавност, МНТ сочувствува со семејствата на починатите и ги откажува изведбите на претставата ,,Кец на десетка“ закажана за в понеделник, на 4 декември и претставата ,,Животот е прекрасен“ која требаше да биде изведена во вторник, на 5 декември, соопштија од Националниот театар.

Оттаму додаваат дека дополнително ќе информираат за новиот термин на одржување на претставите.

Стендапот на Коцев беше закажан на шестти декември, во среда во Струмица и како што соопштува Коцев е одложен, а за новиот датум гледачите ќе бидат известени преку Eventum и неговиот профил на Фејсбук.

Синоќа првпат во кариерата, Нокаут прекина концерт.

После веста за Вања и Панче, никому не му беше до песна. Само молк, тага, гнев и неверување. Ви благодариме на сите што дојдовте вчера. Ниту еден музичар не би посакал концертот наместо со аплауз да му заврши со едноминутно молчење. Искрено сочувство до семејствата на починатите. Сите тагуваме со нив, објави „Нокаут“.

Вања беше пријавена за исчезната на 27 ноември. Министерот за внатрешни работи Оливер Спасовски денеска кажа дека Вања била киднапирана со цел да се изнудат пари од нејзината мајка, а набрзо потоа во паника била убиена со пиштол.

74-годишниот велешанец Панче Жежовски беше убиен во близина на Велес.

Љупчо Палевски Палчо е организатор и извршител на двете убиства, на 14-годишната Вања од Скопје и на 74-годишниот Жежовски од Велес, соопштија денеска на прес конференција Спасовски и јавниот обвинител Гаврило Бубевски.

The post МНТ и Сашко Коцев ги откажаа претставите, „Нокаут“ го прекина концертот appeared first on Република.

Првата еротска сцена македонскиот актер Сашко Коцев ја снимил во Чешка, а за сите непријатности кои следат со снимање на ваквиот тип на сцени зборува во новата „Еден на Еден“ епизода која ќе се емитува во недела од 18.30 на „Канал 5“.

Еден филм снимав одамна во Чешка, се викаше „Жените на мојот маж“. Јас никого не познавам, ме земаат 12 навечер на аеродром, преспивам колку што можам, и на сет ме носат во 5.30-6 наутро. Во 7 наутро, првата сцена е љубовна. Доаѓам јас, лежи гола колешка, се соблекувам, легнувам тука, акција. И потоа велат: „Стоп, менуваме светло“, раскажа Сашко.

Потоа додаде дека во моментот на кусата пауза, тој допрва се запознавал со колешката.

Здраво, јас сум Сашко. Не се ни знаеме со колешка од Унгарија. „Акција!“, раскажа Сашко за снимањето кое продолжило веднаш по нивното кусо запознавање.

https://youtu.be/X3dFII81g7U?si=kd-Q4twXbXZG0eyI

The post Сашко Коцев: Првата еротска сцена ја снимав во седум наутро, со колешка што првпат ја видов тогаш appeared first on Република.

Приказната за осамено момче од шумата, кое наидува на низа предизвици и авантури, барајќи ја својата самовила, имаше премиерно киноприкажување на 5 октомври во Синеплекс, а по премиерната проекција на филмот „М“ на Вардан Тозија публиката ќе може да го погледне во кино „Милениум“ како и во кино салите во Битола, Охрид, Велес, Штип, Струмица...

Актерот Сашко Коцев толкува една од главните улоги во филмот и со него разговаравме за соработката со Тозија, како се подготвувале сцените во кои се снима со децата, пораката што ја носи филмот...

Во пресрет на кинопремиерата на филмот „М“ на режисерот Вардан Тозија кажете ни што Ви остави најголем впечаток кога за прв пат го видовте сценариото?

Секако тоа е самата идеја за сценариото и контекстот во кој се ставени сите метафори за денешното живеење. А потоа и ликот кој ми беше понуден.

Kако го градевте ликот? Што беше тоа што ве инспирираше?

Па мојот пристап кон сите ликови е ист, а тоа е моето лично животно искуство, но ставено во даденото сценарио. Но, овде само може да признаам дека најмногу до сега сум се потпрел на режисерот и неговото видување, зашто сепак ова не е приказна или ситуација од вистинскиот живот.

Станува збор за дистописка приказна... Како ја доживеавте Вие?

Воопшто не ја доживеав како дистопија, или некаков хорор или останатите жанрови во кои го сместуваат филмот. Јас го доживеа како метафора за вистинско отсликување на денешницата, изгубена човечност и љубов, изгубена искреност, како секој кој не сака да се приклучи на мнозинството станува отфрлен, за лажните водачи и за последната човекова надеж, или прашањето дали воопшто има надеж.

Филмот е сниман пред четири години... Кога ќе се навратите од оваа перспектива по што ќе го паметите ова снимање? Вашата улога е татко на Марко. Како течеше снимањето со децата? Имавте ли потешкотии? Какви се искуствата?

Снимањето со деца носи потешкотии во смисла дека тоа не се возрасни луѓе,туку мали чисти души кои различно реагираат на нашите веќе воспоставени односи, однесувања, реакции и методи на работа. Мораш ти да имаш разбирање за нив, затоа што тие никако не би можеле да имаат за нас. Тоа значи да се навратиш на своето детство , да се присетиш што би можело да те навреди, повреди или исплаши. Но, секако од друга страна беше и забавно и креативно исполнето.

Надежта го одржа човештвото, но нè одведе предалеку. Ја уништивме планетата. Па се навртевме едни против други. Вистинското прашање е, кој го носи вирусот?

И јас често си го поставуввам прашањето. Мислам злото во човекот кое секогаш негде тлее сокриено, во секого, но ја чека човековата слабост, плодна почва кај него за да излезе и го обземе целосно. Има само еден лик во филмот за кого се кажува дека тој ``вирус`` не може да го зарази затоа што таквиот лик не знае за никакво зло воопшто, не носи во себе такво нешто.

Филмот носи бројни пораки. Ќе извлечеме ли некакви поуки како понатаму?

Секако дека уметноста треба да не замисли, да постави прашања, да не поучи, или да пробуди нешто ново. Ова секако е филм кој ќе не замисли, неговата идеја е на многу нивоа и сценариото ќе отвори многу прашања. Сега останува на публиката и на нас, колку од тие прашања ќе можеме да си ги одговориме и дали воопшто ќе сакаме да се запрашаме.

Вие сте актер со големо искуство. Сте снимале со повеќе режисери, но токму за снимањето на овој филм на прес-конференцијата рековте дека сте биле среќни за улогата поради здравата режисерска рака и дека сметате оти овој филм ќе го крене нивото во македонската кинематографија. Што е според Вас најважно во односот режисер-актер?

Најважна е довербата. Она што јас ќе сакам да го одиграм со свое видување, режисерот да не го плаши дека е погрешно, а исто така онаму кај што те носи режисерот со своите индикации, да не те плаши да отидеш како актер, да видиш нешто ново во ликот и да извадиш нешто ново од себе.

Сметате ли дека филмот како медиум, со своите пораки може да донесе промени во општеството?

Уметноста, а во овој случај филмот, поставува прашања, ама не и решенија.Така да ние сме тие кои треба да донесеме решенија за поубав живот. Филмот само на тоа може да укаже како некој кој го гледа сето ова од страна со своите интелегентни ставови.

The post Уметноста, а во овој случај филмот, поставува прашања, а ние треба да донесеме решенија за поубав живот appeared first on Република.

„Нешто слатко“ - романтичната и питката комедија со актерските ѕвезди: Сашко Коцев како Аце Мајсторовски и Јелена Јованова-Периќ во ликот на Каја, од премиерната проекција во мај 2023 година до сега, во кино салите и на отворено (летни кина), ширум нашата земја се прикажа пред повеќе од 7.000 задоволни гледачи.

Главниот дистрибутер во РСМ, ПРОЦЕС К ПРОДУКЦИЈА, им овозможува на гледачите проекцијата на филмот да ја гледаат во следните градови и термини: Пробиштип – Дом на култура „Злетовски Рудар“ – 22.9, Демир Хисар – Дом на култура „Илинден“ – 22.9, Прилеп – Дом на култура „Марко Цепенков“ – 25 и 26.9, Св. Николе – Дом на култура „Крсте Мисирков“ – 28.9, Кичево – Дом на култура „Кочо рацин“ – 28.9, Кратово – Дом на култура „Лазар Софијанов“ – 30.9, Куманово – септември (датумот ќе биде дополнително објавен), Охрид – Центар за култура „Григор Прличев“ – 4 и 5.10, Кавадарци – Дом на култура „Иван Мазов“ – во првата половина на октомври, Богданци – Дом на култура „Бранд Петрушев“ – во првата половина на октомври, Валандово – Дом на култура „25-ти Мај“ – исто така кон првата половина на октомври и во Крива Паланка – Центар за култура - по 10 октомври, а наскоро и во КИНО МИЛЕНИУМ, Скопје – кон крајот на септември и октомври.

Меѓу останатото филмот е прикажан во Cineplexx MK, Кино 3D Битола, Дом на млади Штип и Паркинг кино - Битола, како и на неколку фестивали.

The post Филмот „Нешто слатко“ во повеќе градови низ републиката appeared first on Република.

Македонските актери Сашко Коцев и Јелена Јованова ги играат главни улоги во словенечката романтична комедија „Нешто слатко“ (Nekaj Sladkega) во режија на ТВ-ѕвездата и стендап-актерот, Словенецот Тин Водопивец чија македонска премиера е закажана за утре, 6 мај, во 20 часот во скопското кино „Синаплекс“.

Коцев е и копродуцент на филмот, а заедно со сценаристката Уршка Мајдич се потпиша и на сценариото на комедијата. Јованова е копродуцент од Хрватска. Македонски партнер е „Процес К продукција“. Премиерата во Љубљана беше во февруари и оттогаш го виделе 10.000 луѓе.

[caption id="attachment_637203" align="alignnone" width="505"] Сакавме филмот да изгледа модерно, топло, камерата да е добра, да не се гледа дека е нискобуџетен, вели Видопивец[/caption]

Сакавме да направиме филм за првата и последната шанса во животот на човекот, за лажно и погрешно или какво било идеалаизирање и идеологизирање на луѓето, на некои одредени личности и за она што во светот прави и војни, а се вика пиар. Пиарот е нашето секојдневие, може да те направи и бог и просјак. Сите тие големи работи сакавме да ги ставиме во еден филм, но да го направиме тоа на еден питок начин, да го сместивме во жанрот ром-ком, романтична комедија, рече Коцев на вчерашната проекција за новинари.

Режисерот Водопивец, кој се појавува во филмот, вели дека идејата им била да направат филм за луѓето, кои кога ќе го гледаат, ќе заборават на сè.

Сакавме филмот да изгледа модерно, топло, камерата да е добра, да не се гледа дека е нискобуџетен, вели Видопивец, кој додава дека фимот немал да постои ако не бил Коцев, бидејќи филмот е пишуван за него.

Коцев и Водопивец се познаваат одамана, преку нивните стенд-ап настапи по фестивали во Словенија, Србија, Македонија и, како што вели Коцев, отсекогаш имале чувство дека имаат ист вкус за работите. Дури и исти филмови разменувале.

Отсекогаш беше идејата Коцев да биде главниот лик, не знам кој би можел да одглуми паралелно две улоги, тоа за него беше целосна шизофренија. Кога го гледам филмот, забележувам мини грешки, бидејќи имавме микро-буџет, Американците би кажале без буџет, вели Водопивец, кој раскажа дека за време на снимањето кога и да сакале нешто да заштедат во и така малиот буџет, им се случувале пехови кои подоцна ги чинеле повеќе пари отколку што било планирано.

Коцев кажа дека продукциски морале да прават многу компромиси и поради ковид-пандемијата и протоколите, но и поради неочекуваните откажување на спонзорите.

Сите ќе кажат ова е комерцијален филм, така? Јас велам: Што значи комерцијален филм? Низ годините комерцијален станал термин кој звучи потценувачки. Секој филм треба да биде комерцијален. Публиката ќе дојде и ќе ужива во филмот и после ќе оди на пијачка. Најтешко во филмот, додека работевме ми беше кога преку ден имав сцени и од едниот и од другиот лик. Се работеше со многу млада екипа на којашто и значеше да биде дел од еден игран филм, но мислам дека сите ги оправдаа очекувањата. Според мене, најјаката алка беше директорот на фотографија, којшто е професор по камера и фотографија на факултетот за драмски уметности во Љубљана. Кога снимаш филм со мал буџет, целата своја имагинација, својата креативност ти е на максимум. Кога си лежерен, со голем буџет, тоа може да биде и малку погубно за уметникот, вели Коцев.

Како што беше кажано вчера, по премиерата во Скопје, се планира филмот да игра и во Битола, Кочани, Велес и во Свети Николе.

The post Сакавме да направиме филм за првата и последната шанса во животот на човекот, вели Сашко Коцев пред премиерата на словенечкиот филм „Нешто слатко“ appeared first on Република.

Во Љубљана се одржа премиерата на словенечката романтична комедија „Nekaj sladkega“ (Нешто слатко), а главните улоги ги играат Јелена Јованова-Периќ и Сашко Коцев во режија на стенд ап-комичарот Тин Водопивец.

https://www.youtube.com/watch?v=cBhp2SgIRK0&t=7s

„Нешто слатко“ е романтична комедија. Тоа е филм полн со пресврти и забавни заплети. Кариерата на организаторката на маркетинг конференција виси на конец кога нејзиниот главен адут, маркетинг гуру од Македонија, го пропушта својот лет. За да избегне катастрофа, таа го заменува со локален слаткар кој изгледа исто како него – се вели во најавата на филмот.

Јелена ја игра главната женска улога Каја, додека Сашко Коцев го игра главниот машки лик – Аце кој е маркетер од Македонија. Коцев е сопродуцент на филмот, а заедно со сценаристката Уршка Мајдич работеше и на сценариото. Јованова е сопродуцент од Хрватска.

Во „Нешто слатко“ зборувам хрватски и малку словенечки јазик. Се одлучивме за таа варијанта од едноставна причина што многу Хрвати работат во Словенија, па присуството на хрватскиот во секојдневниот живот овде не е воопшто нов и чуден – вели Јованова.

The post Јелена Јованова и Сашко Коцев на црвен килим во Љубљана: Премиера на филмот „Нешто слатко“ appeared first on Република.

Малце накај преку к*р!, коментира актерот Сашко Коцев за сообраќајниот хаос во кој се наоѓа Скопје, а и сè останато што ни се случува.

Добро видовме дека можете, сега тргнете ги автобусите!, порача тој.

The post Сашко Коцев: Малце накај преку к*р! appeared first on Република.

Да одиграме пријателска со Јапанциве, да помогнат со ѓубрево колку-толку, пишува актерот Сашко Коцев, по веста дека навивачите на азиската земја после секој наптревар во Катар го собираат ѓубрето од стадионот.

https://republika.mk/sport/fudbal/po-chistenjeto-na-stadionite-svetot-pak-im-se-chudi-na-japoncite-ovojpat-za-slavenjeto/

The post Сашко Коцев: Да одиграме пријателска со Јапанциве, да помогнат со ѓубрево колку-толку appeared first on Република.

Само во Македонија пат од неколку километри се прави цели три години. Вакви се реакциите на граѓаните на социјалните мрежи на автопатот кај Катланово кој се реконстурира веќе неколку години.

Средствата за овој автопат се обезбедени од Европската банка за обнова и развој, а директорот на ЈП за Државни патишта, Ејуп Рустеми неодамна потврди договорот со компанијата „Бетон“ е раскинат.

На оваа тема, вчера во негов стил, на социјалните мрежи пишуваше и актерот Сашко Коцев.

Да се збереме утре да ги направиме овие 2 км автопат Петровец-Катланово? (4 години минаха), напиша тој на фејсбук.

The post Сашко Коцев: Да се збереме утре да ги направиме овие 2 км автопат Петровец-Катланово? appeared first on Република.

Да беше аквадуктот во некоја друга држава ќе имаше врвулица од туристи покрај него, гордо ќе ги носевме сите гости да го посетат, ќе беше конзервиран и обезбеден под најстроги мерки, реагира актерот Сашко Коцев.

За жал кај нас е третиран само како градежна руина од некое си старо време, а за полуписмените - ...тоа бе брат такво за вода, мислам од турско време дека е, пишува Коцев.

Вчера, пак, од О2 Иницијати алармираа дека покрај овој споменик прогласен за културно наследство од особено значење, поткатегорија исклучително значење, се прави крос патека за мотори.

https://republika.mk/vesti/skopje/o2-inicijativa-alarmira-se-pravi-kros-pateka-za-motori-kaj-akvaduktot/?fbclid=IwAR3ZRfMhM1RJEcy0UHy_EogTZH2GoLOvX_CZBdUrEQy8hxkRx1TjIfnNfeI

The post Коцев: Да беше аквадуктот во некоја друга држава… appeared first on Република.

Актерот Сашко Коцев, попладнево објави фејсбук статусот во кој се пошегува на сметка на владата.

- Среќа ја тргнаа оградана пред влада па ни тргна, иначе уште ќе тапкавме у место, напиша Коцев на својот фејсбук профил.

Кованата железна ограда беше отстранета од пред зградата на Владата на пред повеќе од три години. За оградата која три години стоеше пред Владата, одлуката за отстранување беше донесе на седница на Владата, а со цел на граѓаните да им биде комплетно достапен јавниот простор околу објектот.

https://republika.mk/vesti/makedonija/otstranetata-ograda-ne-generirala-novi-troshoci-se-chuvala-vo-drzaven-magacin/

The post Коцев: Среќа ја тргнаа оградана пред влада па ни тргна appeared first on Република.

„Волкот ја изел бабата, ама не џвака мамето!“. Вака Сашко Коцев ѝ ја раскажува „Црвенкапа“ на ќерката Јоана, зошто вели од една страна јас ја учам да џвака, а од друга во приказната волкот ја лапа цел.

Актерот во новата епизода на „Еден на Еден“, која што ќе се емитува во недела, му дава совети на Жаре за тоа како треба да ги модификува познатите детски приказни, кога еден ден и самиот ќе треба да ги кажува:

The post „Волкот ја изел бабата, ама не џвака мамето!“ – како Сашко Коцев ѝ раскажува приказни на ќеркичката Јоана appeared first on Република.