На крајот на 10. месец од руската специјална воена операција во Украина, претседателот на Руската Федерација, Владимир Путин, вети дека ќе бидат задоволени сите потреби на руските вооружени сили.

Обраќајќи му се на руското воено раководство на продолжениот состанок на одборот на Министерството за одбрана во Москва, Путин порача дека нема финансиски ограничувања за снабдување со опрема и хардвер за руската војска.

Претседателот на Русија рече дека НАТО ги користи сите свои ресурси против Русија и ги охрабри собраните воени лидери да се потпрат на искуството што го стекнале во борбите во Сирија „и за време на специјалната воена операција во Украина“.

Поздравувајќи ги руските војници и командниот персонал како херои, Путин рече дека Русија треба да посвети посебно внимание на важноста на беспилотните летала во конфликтот.

Руската интерконтинентална балистичка ракета Сармат, способна да изврши нуклеарни напади против САД, ќе биде подготвена за распоредување во блиска иднина, рече Путин.

Рускиот лидер потврди дека фрегатата „Адмирал Горшков“, вооружена со хиперсонични ракети Циркон, ќе почне со борбени патроли на почетокот на јануари 2023 година.

The post Путин се закани: Руската интерконтинентална балистичка ракета Сармат e способна да изврши нуклеарни напади против САД appeared first on Република.

Во Русија почна сериското производство на најновата интерконтинентална балистичка ракета Сармат, изјави директорот наДржавниот ракетен центар Макеев, Владимир Дегтијар.

Ракетниот систем веќе е пуштен во сериско производство, обезбедени се потребните материјали и опремата за производство. Во следните 40 – 50 години Сармат ќе го зајакне борбениот потенцијал на руската армија и ќе ја осигура безбедноста на Русија. Во сегашните геополитички услови ова оружје ќе стане главен фактор за нуклеарно одвраќање и гаранција за зачувување на мирот, истакна Дегтијар.

Русија тврди дека новата ракета ќе може да нападне цели и преку Северен и Јужен Пол и на тој начин да ги порази противракетните одбранбени системи на непријателот.

Русија претходно објави дека првото лансирање на интерконтиненталната балистичка ракета Сармат било извршено на 20 април и дека било успешно. До крајот на есента тие планираа да изградат и распоредат околу 50 од овие интерконтинентални балистички ракети способни за нуклеарни напади.

Сармат има дострел од 18.000 километри и може да биде опремен со нуклеарни боеви глави. Рускиот претседател Владимир Путин во април го искористи лансирањето на ракетата за да му се закани на Западот во контекст на руската војна во Украина.

Ракетата може да ги надмине сите видови одбрана и да ги натера земјите да размислат пред да и се заканат на Русија, изјави тогаш Путин.

The post Русија почна да произведува интерконтинентални балистички ракети Сармат appeared first on Република.

До крајот на годината на руската армија ќе и биде достапна првата ракета „Сармат“, изјави претседателот Владимир Путин.

Извршено е успешно тестирање на тешката интерконтинентална балистичка ракета „Сармат“. Планирано е првиот комплекс да биде ставен во употреба во армијата до крајот на годината - рече Путин за време на говорот пред кадетите од воените средни училишта, што ги прими во Кремљ.

Според карактеристиките, дометот и брзината на летот, ракетата „Сармат“ нема пандан во светот. Може да напаѓа цели преку Северниот и Јужниот Пол, совладувајќи ги системите за ракетна одбрана, а исто така може да погоди цели насекаде во светот, тврдат руски експерти.

The post Ќе срамнат се пред себе: До крајот на годината руската армија ќе ги добие тешките балистички ракети „Сармат“ appeared first on Република.

Русија планира до крајот на есента да произведе и распореди околу 50 нови интерконтинентални балистички ракети „Сармат“, способни за нуклеарни напади, изјави Дмитриј Рогозин, генералниот директор на руската вселенска агенција „Роскосмос“.

Ракетите ќе бидат избработени во производствените капацитети во сибирскиот град Краснојарск, изјави тој синоќа за новинската агенција „Интерфакс“.

Русија во април го изведе првото пробно лансирање на ракета „Сармат“ од новата генерација. „Сармат“ има дострел од 18 илјади километри и може да биде опремена со нуклеарни боеви глави. Тоа ѝ овозможува на Русија да гаѓа цели низ целиот свет со лансирање ракети преку Северниот или Јужниот пол.

Првите системи „Сармат“ ќе бидат стационирани на Краснојарската област.

Претседателот Владимир Путин лансирањето на „Сармат“ ракетата во април го искористи за да му се закани на Западот, во контекст на војната во Украина.

Ракетата е оспособена да ги надмине сите видови одбрана и да ги натера државите „подобро да размислат“ пред да ѝ се заканат на Русија, рече тогаш Путин.

The post Рогозин: До есен Русија планира да произведе 50 нови интерконтинентални балистички ракети „Сармат“ appeared first on Република.