Дванаесетгодишник е тешко повреден откако со санката излетал од патеката и се излизгал во грмушките, каде цврста гранка му го прободела стомакот. Несреќата се случила во петокот околу 17:15 часот во шумата во замокот Харденберг, Германија, пренесува германски „Билд“.

Според противпожарната служба, тој се здобил со „повреда поради набивање на гранка“ и бил пренесен во болница.

Во шумска површина над теренот за мини голф, 12-годишно момче излетало од патеката додека се санкало и завршило на косината меѓу грмушките. Се здобил со повреда од набивање на гранка со дебелина од приближно 8 см. Гранката очигледно пробила низ препоните и во стомакот на момчето, извести портпаролот на противпожарната служба.

На момчето му била укажана лекарска помош. Спасувачите го донеле момчето на паркингот на замокот, каде во меѓувреме слетал спасувачкиот хеликоптер.

Момчето во придружба на неговиот татко било пренесено во болница во Келн на понатамошно лекување.

The post 12-годишник прободен во стомакот, со санката се залетал во гранки appeared first on Република.