Сандро Тонали зборуваше за лекувањето на зависноста од коцкање.

Според фудбалерот, дел од рехабилитацијата вклучува и средба со други луѓе кои страдаат од истиот проблем.

- Разговорот многу помага. Во првите три месеци запознав многу луѓе, особено во Њукасл, кои го имаа овој проблем, но никогаш досега не зборуваа за тоа. Тие решија да побараат помош и да престанат да чуваат сè за себе кога мојот проблем стана јавен. Ова ме направи многу среќен. Првиот чекор е способноста да зборувате за огромниот товар што го носите во себе и за кој никогаш не сте имале храброст да зборувате. Ја имате оваа огромна бариера. Разговорот е најголемиот чекор кон решавање на некој проблем
Возбуден сум затоа што се чувствувам како нов играч, нова аквизиција. Минатата сезона одиграв само осум натпревари и ми беше многу тешко. Мило ми е што сум овде во Њукасл, а не на друго место бидејќи имам врвен тим, врвни навивачи и едвај чекам да се вратам на терено. Не постои ниту еден човек кој не би ме поддржал - истото и со навивачите. Ми ја дадоа истата љубов што би ми ја дале да бев тука 10 години. Ме натера да сфатам кои се навивачите на Њукасл. Мислам дека ова не може да се најде во друг град. Многу сум размислувал за ова, изјави Тонали.

Тој се заблагодари на сите во Њукасл кои му даваа поддршка додека ја издржуваше суспензијата.

- Тренерот Еди Хау беше мојот прв пријател во Њукасл. Со него зборував секој ден 10 месеци. Исто така, на првиот натпревар во кој не можев да играм, против Вулверхемптон, отидов со тимот. Цела вечер пред натпреварот ми помогнаа Бруно (Гимараеш) и Џолинтон. Тие беа до мене. Тие се одлични луѓе. Сакам да му се заблагодарам на мојот тренер, тимот и навивачите, рече играчот од средниот ред на Њукасл.

Италијанецот денеска ќе игра во натпреварот од Лига купот против Нотингем Форест. Тонали ќе му се врати на фудбалот по 10-месечната забрана за обложување на натпреварите на Милан, за кого играше пред да се пресели во Њукасл минатото лето. Тој нема играно од октомври и има само 12 настапи за премиерлигашот.

The post Тонали проговори за зависноста од обложување: Разговорот е најголемиот чекор кон решавање на некој проблем appeared first on Република.

 - Њукасл има намера да го тужи Милан поради суспензијата која многу веројатно ќе ја добие Сандро Тонали поради обложување.

Фудбалерот од средниот ред на Њукасл најверојатно ќе добие 10 месеци суспензија од фудбалот. Тој ќе го пропушти остатокот од сезоната во Премиер лигата и нема да игра на Евро 2024 доколку Италија стигне таму.

Англискиот клуб се закани дека ќе поднесе тужба за неколку милиони евра кога ќе стапи на сила забраната за италијанскиот репрезентативец, пренесува „Football Italia“.

Во Њукасл се бесни што платија 64 милиони евра за Тонали во јули, а нема да можат да го користат до крајот на сезоната.

Премиерлигашот исто така нема да ја исплати платата на играчот за време на суспензијата. Тонали добива околу осум милиони евра нето по сезона

The post Тонали ќе оди на Клиника за одвикнување од обложување appeared first on Република.

Фудбалерот од средниот ред на Њукасл, Сандро Тонали, кој претходно настапуваше за Милан, призна дека се обложувал на фудбалски натпревари, пренесува „La Gazzetta dello Sport“.

Според зборовите на 23-годишниот Италијанец, тој ставал облози на натпреварите на Милан, но само на победата на неговиот тим во тие средби кога не бил на теренот.

Доколку се потврдат зборовите на Тонали, тој се соочува со едногодишна суспензија од Премиер лигата.

На 12 октомври се дозна дека Тонали и неговиот италијански репрезентативен партнер Николо Заниоло може да бидат обвинети за нелегално обложување на фудбалски натпревари. Италијанските медиуми објавија дека Тонали планира да се лекува од зависност од коцкање.

Италијанскиот репрезентативен играч за врска играше за Милан од 2020 до 2023 година. Во летниот преоден рок тој се пресели во Њукасл

The post Toнали се обложувал на мечеви на кои настапувал appeared first on Република.

Премиерлигашот Њукасл денес го промовира своето засилување, играчот од средниот ред на Милан, Сандро Тонали.

Договорот на 23-годишниот Италијанец со англискиот клуб е со важност до летото 2028 година.

Претходно беше објавено дека Милан ќе добие 70 милиони евра и бонуси од продажбата на Тонали.

Фудбалерот од средниот ред е во редовите на Росонерите од септември 2020 година. Во сезоната 2022/23 тој постигна два гола и 10 асистенции на 48 натпревари за тимот во сите натпреварувања

The post Њукасл го промовираше големото засилување Тонали appeared first on Република.

Фудбалскиот клуб Милан објави дека го продолжил договорот со играчот од средниот ред Сандро Тонали. Двете страни се обвразале на соработка до 2027 година.

Според новиот договор, платата на 22-годишниот Тонали ќе порасне од 1,2 милиони евра на три милиони евра по сезона.

Играчот од средниот ред одигра пет натпревари за Милан оваа сезона и има една асистенција.

Специјализираниот портал „Трансфермаркт“ ја проценува вредноста на фудбалерот на 50 милиони евра.

The post Милан го продолжи договорот со Тонали, кој добива повеќе од двојно поголема плата appeared first on Република.