Поранешната финска премиерка Сана Марин била платена за да им помогне на Украина и на Молдавија на нивниот пат кон членство во ЕУ, покажуваат документите до кои дојде платформата за истражувачко новинарство „Следете ги парите“ (Follow the Money – FtM).

Сана Марин, која стана една од најмладите премиерки во светот по изборите во 2019 година, сега работи во Институтот за глобални промени (IGC) на Тони Блер, а нејзината работа вклучува поддршка на Украина и Молдавија за пристапување во ЕУ.

Марин неодамна се приклучи на меѓународната работна група формирана од украинскиот претседател Володимир Зеленски за да „развие системска визија за понатамошната интеграција на Украина во евроатлантскиот безбедносен простор“, односно да помогне во истражувањето на патот на Украина кон пристапување во НАТО и ЕУ.

Во објавата за приклучување на Сана Марин во институтот Блер во септември не се прецизирало кој ќе биде нејзиниот фокус, туку само дека таа ќе биде стратешки советник во непрофитната консултантска куќа на поранешниот британски премиер.

Во Брисел, зад затворени врати, Марин ѝ кажа на Европската комисија дека „нејзината главна улога (во Институтот Тони Блер) ќе биде да ги поддржи кандидатурите на Украина и Молдавија за ЕУ“. Така, без многу јавна помпа, Марин всушност стана највлијателниот лобист за кандидатурата на две источноевропски земји за ЕУ.

Во декември, Европскиот совет официјално ги отвори преговорите за пристапување на Украина и Молдавија во ЕУ, бидејќи ставот на европските лидери кон проширувањето на исток драматично се промени по руската агресија врз Украина.

Разговорите се голем чекор кон членство за двете земји, но тие ќе мора да спроведат сеопфатни политички и економски реформи како услов за приклучување.

И тоа, како што наведува FtM, е местото каде што стапува во игра Институтот Тони Блер. Украинската министерка за економија и прв вицепремиер Јулија Свириденко за време на неодамнешната посета на Сана Марин на Украина рече дека Институтот треба да го советува Киев како да го зголеми извозот и да привлече странски капитал.

По таа посета, Марин разговараше за плановите на Украина во пристапниот процес во Брисел, вклучително и со комесарот за проширување Оливер Вархеи.

Марин, исто така, ја охрабрила европската комесарка за здравство Стела Киријакидес да ја посети Молдавија „пред претстојните претседателски избори наесен“, се вели во новата белешка од состанокот.

Патем, иако Институтот Блер е непрофитна организација, неговите совети не се бесплатни. „Ние не сме добротворна организација“, изјави Блер неодамна за „Фајненшл тајмс“.

Од Институтот не сакаа да кажат кој плаќа за нивната работа за Украина и Молдавија, ниту колку е платена Сана Марин.

Сепак, Институтот објави дека „не добива пари ниту од молдавската ниту од украинската влада“.

Институтот Блер имал промет од 121 милиони долари во 2022 година, според неговиот најнов објавен финансиски извештај. Нејзини поддржувачи се Фондацијата Бил и Мелинда Гејтс, британското Министерство за надворешни работи и семејната фондација на милијардерот со украинско потекло Лен Блаватник.

Сана Марин не одговори на барањето на FtM за коментар.

The post Експремиерката на Финска била платена за да ги „турка“ Украина и Молдавија кон ЕУ, преку Институтот „Тони Блер“ appeared first on Република.

Маркус Раиконен,партнерот на финската премиерка Сана Марин е фотографиран во ноќен клуб со непозната девојка.Во добро расположение тој ја фаќа девојката за задникот па така фотографиите дојдоа до медиумите и до невенчаната сопруга. Таа и онака планираше да го остави па ова само ја прели чашата.

Парот има ќерка а Маркус е поранешен фудбалер на клубот ВПС.

The post Партнерот на финската премиерка фаќа девојка за задник во ноќен клуб appeared first on Република.

Викендов се случија три важни избори во Европа и во Соседството. Најголемо внимание предизвикаа претседателските избори во Црна Гора каде по повеќе од три децении падна Мило Ѓукановиќ.Тој беше последниот транзициски политичар осомничен за шверц на цигри и еден од најбогатите политичари.

Како таков нормално беше поддржан од премиерот на „Северна“ Димитар Ковачевски.

Премиерот дури и сними и водео порака за поддршка на Ѓукановиќ која веднаш по поразот ја избриша.

Пораз, додуша тесен дожива и Кирил Петков во Бугарија но тој има реална можност да формира коалициска влада.

Петков беше првиот државник со кој се сретна Ковачевски по доаѓањето на премиерската позиција на која го наследи Заев. Тогаш беа промовирани новите односи меѓу двете земји кои резултираа со ново бугарско вето.

И за крај загуби и досегашната финска премиерка Сана Марин. Таа беше во Скопје пред неколку месеци  и Ковачевски и даде поддршка за изборите и за членство во НАТО.

The post Мило, Петков, Сана: Сите што ги поддржа Ковачевски загубија на изборите appeared first on Република.

Финската социјалдемократска премиерка Сана Марин го призна поразот на парламентарните избори вчера, откако нејзината партија заврши на третото место зад централно-десничарските и крајнодесничарските партии, кои постигнаа рекордни резултати, пренесе АФП.

Му честитам на победникот на изборите, ѝ честитам на (конзервативната) Национална коалициска партија, ѝ честитам на (екстремно десничарската) Партија на Финците. Демократијата проговори, им рече Марин на своите поддржувачи.

Лидерот на финската централно-десничарска партија Петри Орпо победи на парламентарните избори, со второ место на крајнодесничарската партија Вистински Финци, пред социјалдемократите на премиерката Сана Марин, кои беа на третото место.

Со преброени 96 отсто од гласовите, партијата на десниот центар доби 48 од 200 места во парламентот, екстремната десница – 46, а социјалдемократите – 43.

The post Досегашната премиерка Сана Марин изгуби на парламентарните избори во Финска appeared first on Република.

Финската премиерка, Сана Марин, денеска во Сиднеј изјави дека Европа „не е доволно силна“ сама да и се спротивстави на Москва.

Премиерката на Финска, земја-кандидат за членство во НАТО, при посетата на Австралија истакна дека руската инвазија на Украина ги открила слабостите и стратешките грешки на Европа во однос на Москва.

„Морам да бидам многу искрена со вас, Европа не е доволно силна во моментов, ќе бевме во неволја без САД“, рече Марин која додаде дека на Украина мора да и се помогне „со сите средства“.

Марин посочи дека САД одиграле централна улога во снабдувањето на Киев со оружје, финансиски ресурси и хуманитарна помош неопходни за да се запре напредувањето на Русија.

„Европа веќе долго време гради стратегија кон Русија за да ги зајакне економските врски, со купување енергија од Русија…мислевме дека тоа ќе ја спречи војната“, но се покажа дека таквиот пристап е „целосно погрешен“, рече премиерката на Финска.

The post Марин: Војната во Украина покажа дека Европа не е доволно силна за сама да и се спротистави на Русија appeared first on Република.

Американската политичарка Хилари Клинтон јавно ѝ изрази поддршка на финската премиерка Сана Марин, која беше снимена како танцува и рапува на забава.

Во својата Твитер-објава, до фотографијата од себе, Клинтон се осврна на славната глумица Џинџер Роџерс и цитат на Ен Ричардс, гувернерка на американската сојузна држава Тексас од 1991 до 1995 година. Ричардс беше првата жена на таа позиција.

Така, Хилари им се придружи на бројните жени од Финска, но и од цел свет, кои на интернет-просторот споделуваа свои видеоснимки и слики како се забавуваат, во знак на поддршка.

„Како што рече Ен Ричардс, ‘Џинџер Роџерс направи сè што правеше и Фред Астер. Само таа го правеше тоа наназад и на потпетици’. Ова сум јас во Картагена, каде што дојдов на средба како државна секретарка на САД. Продолжете да танцувате, @МаринСана!“, напиша Клинтон.

Сана Марин претходно се најде во скандал поради снимка од нејзина приватна забава во друштво, каде што се гледаат и чаши алкохол…

Финската опозиција побара од неа да направи и тест за дрога, што таа и го направи, а истиот беше негативен. Скандалот продолжи кога се појави ново видео на кое Сана танцува со пејачот Олави Усивирта…

И додека едни се воодушевени од однесувањето на премиерката и го сметаат за вистинско освежување, други сметаат дека нејзиното однесување било „несоодветно“ за политичарка.

The post Хилари Клинтон објави фотографија на која танцува и ја поддржа финската премиерка appeared first on Република.

Основачот на фестивалите „Си Денс“ (Sea Dance) во Будва и на „Егзит“ во Нови Сад, Душан Ковачевиќ, преку својот Инстаграм профил ја покани премиерката на Финска, Сана Марин, да дојде на овогодинешното издание на фестивалот.

Во својата покана до финската премиерка, Ковачевиќ изјави дека би сакал таа да го посети не само „Си Денс“, туку и фестивалот „Егзит“ следниот јули, нагласувајќи дека нејзината енергија и позитивен став се добредојдени на сите фестивали на „Егзит“.

Ковачевиќ порача дека, секако, викендот на „Си Денс“ е дефинитивно потопол од викенд во Хелсинки.

Во последните денови финската јавност беше поделена во одобрувањето и осудата на објавените видеа на кои се гледа како финската премиерка се забавува и танцува со група пријатели и познати личности.

The post Сана дојди да се журкаме: Основачот на „Егзит“ ја покани финската премиерка на фестивал во Будва appeared first on Република.

Основачот на фестивалот Sea Dance, Душан Ковачевиќ, преку својот Инстаграм профил ја покани премиерката на Финска, Сана Марин, да дојде на овогодинешното издание на фестивалот.

Во својата покана до финската премиерка, Ковачевиќ изјави дека би сакал таа да го посети не само Sea Dance, туку и фестивалот EXIT следниот јули, нагласувајќи дека нејзината енергија и позитивен став се добредојдени на сите фестивали EXIT.

И секако, викендот на Sea Dance е дефинитивно потопол од викендот во Хелсинки.
Во последните денови јавноста беше поделена во одобрувањето и осудата на објавените видеа на кои се гледа како финската премиерка се забавува и танцува со група пријатели и познати личности.

The post Основачот на Егзит ја покани финската премиерка на фестивалот Sea Dance: Сана, дојди да се журкаме appeared first on Република.

Финската премиерка, Сана Марин, јавно се извини за објавените фотографии од приватна забава што ја организирала во нејзината официјална резиденција во јули, што предизвика јавна дебата.

Во понеделникот, Владата информираше дека Марин, една од најмладите лидери во светот, е негативна на тестот за дрога.

Триесет и шестгодишната Марин во петокот се согласи да направи тест по реакциите околу нејзиното однесување.

Таа порача дека никогаш не зела дрога и негира дека правела нешто нелегално на забавата. Марин кажа дека пиела алкохол.

На интернет се појави видео како таа се забавува со пријатели, вклучувајќи и финска поп ѕвезда, па доби критики од политичари, како и барање да направи тест за дрога.

Оваа недела, пак, на социјалните мрежи почна да се споделува уште една фотографија на која се прикажани две познати инфлуенсерки како се бакнуваат, покривајќи ги голите гради со натписот „Финска“ од официјалната резиденција на премиерката во Хелсинки.

Според мене, фотографијата не е примерна. Се извинувам за тоа. Не требаше да дојде до таква фотографија, но инаку ништо несекојдневно не се случило на забавата - изјави Марин потврдувајќи дека фотографијата е од нејзината резиденција.

Марин изјави дека фотографијата е направена на приватна забава со нејзините пријатели по музички фестивал во јули.

Финците се поделени околу однесувањето на премиерката.

The post Нова полемична фотографија на финската премиерка: Имало лезбејски бакнежи во официјалната резиденција appeared first on Република.

Премиерката на Финска, Сана Марин е негативна на тестот за дрога, информираше Владата, откако таа беше видена како танцува, пее и пие на забава.

Триесет и шестгодишната Марин во петокот се согласи да направи тест по реакциите околу нејзиното однесување.

Таа рече дека никогаш не зела дрога и негира дека правела нешто нелегално на забавата. Марин кажа дека пиела алкохол.

На интернет се појави видео како таа се забавува со пријатели, вклучувајќи и финска поп ѕвезда, па доби критики од политичари, како и барање да направи тест за дрога.

Премиерката самата си ги платила трошоците за тестот.

Претходно месецов, Марин беше прогласена за „најкул премиер во светот“ од страна на германскиот весник Билд.

The post Сана Марин негативна на тестот за дрога по видеото на кое се забавува appeared first on Република.

Не стивнува полемиката околу финската премиерка Сана Марин, откако на социјалните мрежи се прошири видео на кое таа танцува и се забавува за време на приватна забава.

Сепак, покрај критиките, се побројни се и зборовите и гестовите за поддршка и одбрана на финската премиерка.

Девојки и жени од Финска и од Данска на своите социјални профили објавуваат видеа од танцување и забава, исто како премиерката Марин.

А финската премиерка е означена во различните објави придружени со натпис: „Солидарност со Сана".

Ваквата ицијатива на жените од Финска доаѓа по вербалните напади во јавноста врз Марин по објавувањето на видеа снимени за време на приватна забава.

The post Нов тренд во Европа: Жени танцуваат во знак на солидарност со финската премиерка appeared first on Република.

Видеа објавени на социјалните мрежи, ја прикажуваат финската премиерка Сана Марин како се забавува со неколку познати фински личности, меѓу кои и пратеникот Илмари Нурминен и ТВ водителката Тини Викстром.

На видеото Марин танцува во занес со неколку пријатели, а во позадина се слуша како луѓето викаат за кокаин, пренесуваат финските медиуми.

Финскиот пратеник Мико Керна, коалициски партнер на партијата на Сан Марин, ја повика премиерката да направи тест за дрога и да ги објави резултатите јавно.

Народот може да го очекува ова од својот премиер, напиша тој на Твитер.

На прес-конференција во четвртокот наутро, Марин негираше дека користела дрога и рече дека нема што да крие, објави Политико.

Танцував, пеев, славев, правев легални работи, рече премиерката и додаде дека не пиела многу.

Таа ја коментираше и објавената снимка.

Верував дека бидејќи видеата се приватни нема да бидат објавени. Лошо е што беа објавени, изјави Марин.

The post Премиерката на Финска снимена како се забавува, опозицијата побара да направи тест за дрога appeared first on Република.

Финската премиерка Сана Марин е во официјална посета на Хрватска во рамки на турнејата низ Западен Балкан. Веројатно имало пропуст во протоколот, така што премиерката била оставена сама.

На твитер е објавено видео на кое се гледа како таа го чека хрватскиот претседател Зоран Милановиќ неколку минути да се појави во неговиот кабинет.

На видеото се гледа како таа прво стои сама, а потоа шета низ приемната сала гледајќи ги уметничките дела во просторијата,почека неколку моменти, а потоа пристигна Милановиќ, подавајќи и ја раката, пренесоа хрватските медиуми.

На средбата што се одржа во кабинетот на претседателот на Хрватска, станало збор за односите меѓу двете земји кои ги поврзува членството во Европската унија, самитот на нато што следната недела ќе се одржи во Мадрид, како и за безбедносната и политичката состојба во југоисточна Европа.

So.. yep ... the Prime Minister of Finland is visiting Croatia today and the President of Croatia had her wait for him almost two minutes in his office. Power play or protocol?

This is a video of @MarinSanna just walking around, looking at pictures @Ured_PRH

🎥@RTLtelevizija pic.twitter.com/aGVGCw1Ztt

— Ivan Skorin (@IvanSkorin) June 21, 2022

The post Хрватскиот претседател Милановиќ ја стави на чекање финската премиерка Сана Марин appeared first on Република.

Претседателот Стево Пендаровски денеска ја прими претседателката на Владата на Република Финска, Сана Марин.

Во фокусот на разговорите, како што соопшти Кабинетот на претседателот, беа билатералните односи и соработката меѓу двете земји, перспективите на Македонија за почеток на преговори за членство во ЕУ, новонастанатите политички и економски текови во Европа, како и апликацијата на Финска за членство во НАТО.

На средбата Пендаровски ја поздравил тенденцијата за унапредување на политичките односи со Финска и се заблагодарил за нивната доследна и постојана поддршка на европските интеграции на Македонија и политиката на проширување на ЕУ, како процес од стратешко значење за регионот.

Во таа насока биле разменети мислења околу претстојниот Совет на ЕУ и блокадата од Бугарија, при што претседателот посочил дека процесот на проширување не треба да биде заложник на внатрешно-политичките ситуации на земјите-членки на Унијата.

Во насока на стабилноста и безбедноста на европскиот континент, претседателот Пендаровски ја поздрави апликацијата на Финска за влез во НАТО. Тој посочи дека сме силен поборник на политиката на отворени врати на НАТО и безусловно го поддржуваме членството на Финска во Алијансата, што ќе ја зајакне безбедноста не само во Северна Европа, туку и на НАТО во целина, се вели во соопштението.

На средбата се разговарало и за начините за проширување на билатералната соработка со Финска и справување со геополитичките предизвици наметнати од кризата во Украина.

The post Пендаровски-Марин: Македонија е силен поборник на политиката на отворени врати на НАТО appeared first on Република.

Денеска во посета на Македонија е Сана Марин, премиерка на Финска.Таа дојде кај нас да бара поддршка за членство на нејзината земја во НАТО. Сана има интересна биографија.

Пораснала со две мајки. Татко и бил алкохоличар кој се разделил со едната од мајките.

Има 36 години, член е на Социјлдемократската партија на Финска.Прво вработување и било во фурна а продавала и весници.

Марин е мажена со Маркус Реиконен поранешен фудбалер а сега успешен   претприемач и иноватор. Имаат  ќерка и важат за пристојно и скромно семејство.

The post Која е финската премиерка која ни дојде на гости: Социјалдемократка, има две мајки appeared first on Република.

Финската позиција е многу јасна, ние сме во полза на проширувањето и нашата позиција во врска со Македонија и Албанија е многу јасна – сакаме да се случува напредок, сакаме да ги видиме двете земји како стануваат земји членки на ЕУ во иднина и треба на напредуваме на тоа прашање, рече финската премиерка Сана Марин на денешната заедничка прес-конференција со премиерот Димитар Ковачевски.

Одговорност на ЕУ, според финската премиерка, е да се осигура дека ситуацијата нема да остане замрзната.

– Треба заедно да дискутираме за прашањето со Бугарија и да се осигураме дека ќе ги имаме насоките од сега па натаму по кој пат треба да се движат. Неделава ќе имаме состанок каде ќе дискутираме за статусот на Украина и Молдавија, мислам е важно да се дискутира за сиутацијата со Западен Балкан и да се осигураме дека сите прашања ќе бидат решени. Наша одговорност е да се осигураме дека веќе нема да има проблеми, рече Марин.

Позицијата на Финска, повтори таа, е многу јасна. Финска, нагласи, е меѓу најголемите поддржувачи на проширувањето во ЕУ.

– Сакаме да ве видиме како дел од ЕУ и сакаме сите да се движиме напред, рече Марин.

Таа истакна дека и Финска и Шведска ќе ја засилат НАТО Алијансата и ќе ја направат побезбедна.

– Сакам да им оддам почит на нашите односи, особено зашто треба да бидеме сојузници во НАТО. Ова ќе биде важен чекор за сите нас и за билатералните односи меѓу двете земји. Македонија е цврст поддржувач на политиката на отворени врати на НАТО, рече Марин нагласувајќи дека во Финска и Шведска ја ценат вредноста на сојузништвото.

Според финската премиерка важно е во оваа ситуација НАТО да биде обединето околу поддршката за нивното членство.

– Русија ја промени безбедносната средина на Европа и мора на нашите граѓани да им покажеме колку е важно да сме обединети, цврсти и одлучни. Тешката ситуација со Русија потенцираше дека тесните национални интереси мора да бидат тргнати настрана за доброто на целата Европа. Важно е преговорите да почнат сега. За нас Македонија е позитивен пример за активен и конструктивен член на меѓународниот поредок, рече Марин.

Ковачевски од своја страна истакна дека членството на Финска во НАТО значително ќе ја зголеми безбедноста во евро-атлантскиот регион, особено регионот на високиот Север и Балтикот.

– Уверен сум дека оваа посета е првата од многубројните. Македонија ја поддржува политиката на отворени врати на НАТО, отворено ја поддржавме иницијативата на Шведска и Финска да станат членки на НАТО, се надевам на што поскоро членство и на двете земји. Нашата Влада уште во мај даде согласност за прием на Шведска и Финска во НАТО, рече Ковачевски. 

Ковачевски посочи дека Финска е широк поддржувач на зачленување во ЕУ на земјите од Западен Балкан и оти блокадата со која се среќаваме ние, одекнува негативно во регионот

The post Финската премиерка: Треба заедно да дискутираме за прашањето со Бугарија appeared first on Република.

Претседателката на Владата на Република Финска, Сана Марин ќе пристигне денеска во еднодневна посета на нашата земја.

Премиерката Марин и делегацијата на финската влада на платото пред Владата на Република Македонија ќе ги пречека премиерот Димитар Ковачевски.

Според агендата, после пречекот, премиерот Ковачевски и премиерката Марин ќе имаат тет-а-тет средба, по што ќе следува билатералната средба на членовите на двете делегации.

Посетата на премиерката Марин ќе заврши со заедничка прес-конференција со претседателот на Владата на Македонија, Димитар Ковачевски, се вели во најавата на Владата за средбата.

The post Финската премиерка Сана Марин во посета на Македонија appeared first on Република.

Поради официјална посета на премиерката на Република Финска, Сана Марин утре и задутре во Скопје ќе биде воведен посебен режим на сообраќај, информира Министерството за внатрешни работи.

Од тие причини Одделението за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на Скопје, соопшти  МВР и апелира до сите граѓани учесници во сообраќајот да ги почитуваат наредбите кои ќе ги издаваат полициски службеници

The post Поради посетата на финската премиерка Марин утре и задутре посебен режим на сообраќај во Скопје appeared first on Република.

Доколку стане членка на НАТО, Финска не сака да распореди нуклеарно оружје или да постави воени бази на својата територија, изјави финската премиерка Сана Марин за денешното издание на Кориере дела сера.

Финска и Шведска побараа и официјално членство во НАТО, појаснувајќи дека за одлуката е заслужен нападот на Русија врз Украина. Но, земјите се соочуваат со потенцијално вето за прием, од страна на Турција.

Сметам дека сега е важно да се биде смирен. Важно е да имаме дискусии со Турција и останатите членки, да одговориме на прашања, што може да произлезат и да го поправиме секое несогласување- додаде Марин.

Премиерката на Шведска, Магдалена Андерсон, исто така истакна дека нејзината земја не сака трајни НАТО бази или нуклеарно оружје, на своја територија.

The post Марин: Финска не сака нуклеарно оружје или НАТО бази на своја територија appeared first on Република.

Премиерката на Финска, Сана Марин, соопшти дека земјата во следните неколку недели ќе одлучи дали ќе поднесе барање за влез во НАТО.

Мораме многу внимателно да ги анализираме сите аргументи за и против аплицирањето за членство. Но, мислам дека ќе одлучиме за тоа многу наскоро, за неколку недели - изјави Марин, говорејќи на заедничката прес-конференција со нејзиниот шведски колега.

The post Финска во наредните недели ќе одлучи дали сака членство во НАТО appeared first on Република.