Заврши 73. издание на фестивалот на забавна музика Сан Ремо. Победник оваа година е Марко Менгони со неговата прекрасната композиција „Два животи“.

https://www.youtube.com/watch?v=k0PcqFXrKmE

The post Композицијата „Два животи“ во изведба на Марко Менгони победник на Сан Ремо appeared first on Република.

Сенка на познатиот фестивал „Санремо“, кој воедно го избира и официјалниот претставник на Италија на Евровизија, фрли познатиот италијански пејач Рикардо Фабричони, познат како Бланко, кој бил испратен од бината со гласни свирежи…

Во текот на својот настап италијанскиот пејач имал технички проблеми, па во еден момент започнал да ја уништува сценографијата на сцената. Тој ги шутирал цвеќињата, ги фрлал плочите на кои биле наредени рози и се однесувал непристојно со музичарите кои настапувале со него.

Дивеењето не прекинало до самиот крај на песната, а кога завршила, публиката гласно го исвиркала.

„Убавата работа во музиката е што не морате секогаш да го следите шаблонот. За жал, не се слушав во слушалките, не можев да си го слушнам гласот, но сепак се забавував“, рекол пејачот пред публиката и водителот кој со страв му пришол.

Италијанските медиуми го окарактеризираа неговиот настап како еден од најлошите во историјата на фестивалот.

По 19-годишниот Бланко, на сцената излегол легендарниот музичар Џиани Моранди со метла во раката, кој се обидел да го исчисти цвеќето кое било расфрлано по сцената.

https://www.youtube.com/watch?v=-ARTM-Aq2YI&t=4s

The post Скандал на Сан Ремо: Бланко ја уништи сценографијата поради технички проблеми appeared first on Република.

Годинашново 73. издание на фестивалот ќе се одржи од 7 до 11 февруари во театарот „Аристон“ во Сан Ремо. Ќе има четири, додека големото финале ќе се емитува во сабота . Водителот на вечерта, како во претходните години ќе биде популарниот италијански водител Амедео Умберто Рита Себастиани, попознат како Амадеус, кому на сцената ќе му помага познатиот пејач и актер Џани Моранди.

Меѓу 28-те натпреварувачи се најдоа Ана Окса со песната „Sali (Canto dell’anima)“, Марко Менџони со песната „Due vite“ и уметникот Madame, кој ќе ја изведе песната „Il bene nel male“. Во првите две полуфинални вечери ќе настапат по 14 артисти, а во третата ќе настапат сите 28, каде повторно ќе ги изведат песните. Ќе настапат и во текот на четвртата, ревијална вечер, но со обработки на познати песни по желба. Во финалето повторно ќе ги слушнеме сите 28 авторски песни, а само пет ќе влезат во суперфиналето со гласање на публиката. До крајот на финалната вечер публиката повторно ќе гласа и ќе го одреди победникот.

Фестивалот „Сан Ремо“ послужи како инспирација за создавање на популарниот музички натпревар „Евровизија“. Така годинешниот победник ќе има можност да замине во Ливерпул, каде ќе одржи натпревар за најдобра песна на Европа.

Групата „Манескин“, која победи на фестивалот „Сан Ремо“ во 2021 година со песната „Zitti e buoni“, беше и претставник на Италија на Евровизија и и донесе победа на својата земја. Годинава „Манескин“ ќе гостува и ќе претстави дел од песните од новиот албум.

За време на преносот на последната вечер на на познатиот италијански фестивал на поп-песни во Сан Ремо, кој директно се прикажува на Италијанската државна телевизија, но и во други земји, како што беше претходно договорено, Володимир Зеленски ќе им се обрати на гледачите преку видео врска. Според соопштението, Зеленски изразил желба да пренесе порака за мир.

Одлуката на организаторите на фестивалот предизвика критики, особено кај италијанските интелектуалци дипломати, новинари и уметници. Тие се против планираното учество на украинскиот претседател на овој настан.

The post На Сан Ремо 2023 ќе гостува „Манескин“, ќе се обрати и Зеленски: Италијанските интелектуалци, дипломати, новинари и уметници со критики до организаторот appeared first on Република.

Победниците на италијанскиот фестивал „Санремо“ за избор за песна што ќе ја претставува Италија на овогодинешната Евровизија се моќното дуо Махмуд и Бланко со песната „Brividi“.

Песната „Brividi“ веднаш стана фаворит на обложувалниците, па многумина на социјалните мрежи веднаш почнаа со претпоставки дека Италија и оваа година ќе победи на Евровизија.

Сепак, треба да се напомене дека досега се познати само девет песни кои ќе ги слушнеме на овогодинешниот натпревар.

Махмуд ја претставуваше Италија на Евровизија во 2019 година со песната „Soldi“, и го освои второто место, а песната стана хит.

The post Од Санремо на Евровизија: Махмуд и Бланко ги освоија симпатиите на Италијанците appeared first on Република.