Италијанскиот фудбалски прволигаш Сампдорија го назначи официјално поранешниот играч на Интер и Лацио, Дејан Станковиќ, за нов тренер. Србинот потпиша договор до јуни 2023 година, со опција за продолжување на соработката за уште 12 месеци.

Станковиќ (44) до неодамна беше на тренерското место на Црвена звезда, од каде замина во август по неуспехот да му обезбеди место во белградскиот клуб во Лигата на шампионите.

Станковиќ имаше забележителна играчка кариера во Серија А, освојувајќи шест шампионски титули со Интер, како и трофејот во Лигата на шампионите во 2010 година.

Сампдорија во неделата му врачи отказ на Марко Џампаоло по поразот од Монца со 0-3, што го остави клубот од Џенова на последното место на табелата со само два бодови од осум натпревари.

Станковиќ ќе дебитира на клупската на Сампдорија в сабота на гостински терен против Болоња.

The post Дејан Станковиќ е нов тренер на Сампдорија appeared first on Република.