Повеќе италијански, како и англиски медиуми, објавуваат дека е постигнат договор за соработка меѓу Сампдорија и Андреа Пирло.

Според истите извори, поранешниот италијански репрезентативец и ѕвезда на Интер, Јувентус и Милан, со клубот од Џенова ќе потпише договор на две години.

Пирло во текот на оваа недела треба официјално да биде промовиран во нов тренер на Сампдорија која по долги години прв пат го загуби прволигашкиот статус и од следната сезона ќе игра во Серија Б.

Пирло на клупата на Сампдорија ќе седне на местото на српскиот стратег, Дејан Станковиќ, кој во октомври лани беше назначен за тренер, но не успеа да обедзбеди останок и под негово водство клубот од Џенова заврши на последното место во Серија А.

The post Пирло нов тренер на Сампдорија appeared first on Република.

Раководството на италијанскиот фудбалски прволигаш Сампдорија доби застрашувачко предупредување од непознати луѓе во саботата кога отсечена свинска глава беше испратена во седиштето на клубот, кој сезонава се бори за опстанок во Серија А.

Пратката во стилот на култниот филм „Кум“ е доставена во картонска кутија заедно со порака упатена до поранешниот претседател на клубот Масимо Фереро и актуелниот потпретседател Антонио Ромеи во која пишува „следните глави ќе бидат вашите“, изјави портпаролот на клубот од Џенова.

Сампдорија преку соопштение изрази „голема огорченост и гнев пред уште еден сериозен чин на застрашување“.

Минатиот месец во канцелариите на Сампдорија беше испратен празен куршум, проследен со закани кон Фереро и Едоардо Гаронеа, поранешниот сопственик на клубот.

Фереро (71), кој сè уште ја има контролата врз Сампдорија преку семеен холдинг, поднесе оставка, откако беше уапсен во 2021 година под финансиски обвиненија кои не се поврзани со фудбалот.

Сампдорија се наоѓа на претпоследното место на табелата во Серија А со 11 бодови од 23 натпревари во време кога на клубот очајно му се потребни финансии.

The post Свинска глава како предупредување за раководството на Сампдорија appeared first on Република.