Претседателот на Cеверна Кореја, Ким Џонг-ун, на средба со рускиот министер за одбрана Андреј Белоусов во Пјонгјанг, истакна дека Русија има право на самоодбрана.

Според Ким, Украина поради САД и западните земји ја нападна руската територија со нивно оружје со долг дострел па затоа Русија мора нешто да преземе за непријателските сили да ја платат цената.

Лидерот на Cеверна Кореја најави продлабочување на соработката со Русија во сите сфери, вклучително и воената, во согласност со Договорот за стратешко партнерство.

The post Ким: Русија има право на самоодбрана по нападите со западно оружје appeared first on Република.

Од идната сабота, 3 февруари) во спортската сала на основното училиште „Јан Амос Коменски“, полицискиот боречки клуб „Безбедност“ започнува со бесплатна обука за самоодбрана и фитнес, наменета за девојки и жени кои живеат на територијата на Карпош. Оваа иницијатива ја подржаа советниците од Општина Карпош како дел од проектот „Фитнес и самоодбрана за девојки и жени“ во рамки на Програмата за еднакви можности меѓу мажите и жените. Како што соопштуваат оттаму, за реализација на овој проект, локалната самоуправа од својот буџет обезбеди финансиски средства во висина од 100.000 денари.

Станува збор за десетмесечна обука која ќе трае до 30 ноември, а истата ќе се одржува двапати во неделата, односно во понеделник од 21:00 до 22:00 часот и во сабота од 12:00 до 13:00 часот.

Преку обуката, учесничките ќе се стекнат со техники за самоодбрана од напад на вооружен и невооружен напаѓач, за задржување на контролата, како и техники за реагирање во различни ситуации. Овој проект има за цел да ја промовира родовата еднаквост и да го поттикне развојот на едукативни информации кои се поврзани со здравјето, виталноста и физичката култура кај жените и девојките.

Лице за контакт - 078/486 - 934

The post Бесплатни часови по фитнес и самоодбрана за скопјанки appeared first on Република.