Претседателот на Партијата за целосна еманципација на Ромите (ПЦЕР) Самка Ибраимовски објави дека денеска во нивниот партиски клуб на ул „Иво Лола Рибар“ во Тетово била фрлена експлозивна направа, која предизвикала материјална штета. Засега нема информации за повредени луѓе.

На 21 октомври беше фрлена експлозивна направа во клубот на ПЦЕР. Искршени се сите прозори и е направена значителна штета. Најостро го осудуваме овој чин на нетолеранција и непочит кон нас и кон Ромите од овој град и од целата држава. Ги повикуваме надлежните институции да го истражат случајот и навремено да постапат, пишува Ибраимовски во соопштение до медиумите.

 

 

The post Бомба фрлена во штабот на Самка Ибраимовски appeared first on Република.

Самка Ибраимоски преку Фејсбук им се заканувал по животот на уставните судии откако дозволија извршителите да продолжат да наплаќаат долгови, објави Сител. Ибраимоски негира дека написите против судијката Ана Павловска Данева се закани по нејзиниот живот. Тој веќе добил повика да оди во полиција.

Ако сум спомнал некого, не сум спомнал со закана по живот, ако ги погодува моето пишување тоа е нивен проблем. Имам демократско право да пишувам како предлагач на законот, лидер сум на сиромашна партија која е заглавена со извршителите и бараме спас и начин како да се ослободат тие луѓе на кои 3 до 4 пати им ги наплатуват долговите – вели Ибраимоски за Сител.

Од Уставниот суд велат дека лично претседателот Дарко Костадиновски ги пријавил заканите, а како што информираат од прес службата, биле поврзани со конкретен предмет кој го работел Уставен. Павловска Данева вели дека нападите и заканите се притисок врз независноста и интегритетот на судот.

Поранешен пратеник и претседател на помала политичка партија, незадоволен од Одлука донесена од Уставниот суд, преку социјалните мрежи во континуитет објавува закани и навреди кон судиите, при што го има наведено моето име, најавувајќи убиство и слични противзаконите дејствија – изјави Павлоска Данева.

Во меѓувреме, Ибраимоски и денеска продолжи со критиките на Фејсбук против одлуката на Уставниот суд, а во неговите видеа и написи често го споменува името на Павлоска Данева.

Ибраимовски е лидер на Партијата за целосна еманципација на Ромите – ПЦЕР.

https://republika.mk/vesti/crna-hronika/mvr-otkri-koj-gi-isprakal-zakanite-do-ustavniot-sudija/

The post Самка Ибаимовски преку Фејсбук се заканувал на уставна судијка, вели дека имал демократско право да пишува appeared first on Република.

Ниту владиниот коалициски партнер ПЦЕР не е задоволен од пописот. Претседателот на ромската партија Самка Ибраимовски најави нов попис кој од куќа на куќа ке го спроведат Ромите во Македонија.

Овој попис е срамота и ние не го признаваме и тој што го спровел треба кривично да одговара. Ромите имаат најголем наталитет, а пописните бројки покажуваат дека во нашата држава само умирале, а не се раѓале. Ние ќе се жалиме до странските амбасади, до Брисел и Вашингтон, и наскоро ќе започнема операција во која ќе докажеме дека овој попис е фалисификуван и дека Ромите наместо реално да бидат над 7 проценти како трет по број етникум во државата, се катастрофално оштетени, вели Ибраимовски за Канал 77, за кого целиот попис бил направен со една цел како да се обезбедат и фризираат бројките и потребниот сооднос на застапеност на Албанците.

The post Ибраимовски: Ромите се многу оштетени, пописот е направен за да се обезбедат физирани бројки за Албанците appeared first on Република.

Самка Ибраимовски, претседател на политичклата партија ПЦЕР, поранешен министер без ресор во Владата на Зоран Заев, како и поранешен пратеник, е незадоволен од резултатите на пописот, за кој вчера беа објавени резултатите, потенцира дека ова што е се случува е срамота.

– Статистика дали сте нормални, по вас само умирале Роми, не се раѓале, брука невидена 30 отсто не се попишани. Директоре, тебе лично јас ти се јавував дека не биле попишувачи во многу градови, еве што се случи, Срамота – пишува Ибраимовски на својот фејсбук профил.

The post Самка Ибраимовски: Дали сте вие нормални! Излегува Ромите само умирале, а не се раѓале appeared first on Република.